نكت مصريه

[أهلاوي]

مرة واحد ماشى مع خطيبته وآخر انسجام فقالها "عارفة ايه هو الحب وايه الجواز؟" قالته "لا"
قالها: "الحب زى النجوم الجميلة اللى فى السماء .
قالتله"طب والجواز؟"
قالها:"دى البلاعة اللى واحنا بنبص على النجوم بنقع فيها.."
***
واحد متجوز وقاعد في البيت وبيبص كتير في عقد الزواج،
مراته قالت له: "بتبص في عقد الزواج ليه يا حبيبي؟"
قالها: بدور على تاريخ إنتهاء العقد.
***
واحد قاعد في أمان الله بيقرا الجرنان، وفجأة جت مراته وضربته بغطا القدر فوق دماغه .. طررررراخ!!!
الزوج: "فيه ايه يا بنت الحلال؟ ليه كدا ؟؟؟"
الزوجة : "ايه الورقه اللي في جيب بدلتك ومكتوب عليها "سوسو"؟؟"
الزوج: "يا بنت الحلال، ده اسم الحصان اللى بنشجعه في السباق!"
الزوجه صدقته وراحت لحالها... بعد اسبوع، الزوج قاعد في أمان الله يقرا الجرنان،
وفجأة جت مراته وضربته بغطا القدر على راسه !!
الزوج: "خير يابنت الحلال في ايه تاني؟؟"
الزوجه:"حصانك على التليفون
***

نساء العالم اتحدن وقررن أن لا يقومو بأى أعمال في المنزل وبعد أسبوع تجمعوا ليعرفوا نتائج إلاضراب ..
فقالت الزوجة الفرنسية "أنا قلت لجوزى ميشيل أنا مش هعمل حاجة فى البيت الاسبوع دة كلة" وقالت "أول يوم
ماشوفتش حاجة تانى يوم ماشوفتش حاجة تالت يوم بدا يغسل ويمسح" وقالى "انتى بتتعبى اوى ياحبيبتى".
وقالت الزوجة الانجليزية "أنا قلت لجوزى أنا مش هعمل حاجة خالص فى البيت الاسبوع ده .. أول يوم مشوفتش
حاجة تانى يوم بدا يعمل الاكل تالت يوم عشانى وغدانى برة."
جت المصرية وقالت "أنا قلت لأبو العيال أنا مش هعمل حاجة فى البيت الأسبوع دة" وقالت "أول يوم ماشوفتش
حاجة تانى يوم ماشوفتش حاجة تالت يوم بدات أشوف شوية بعينى الشمال."
***
مرة واحدة قالت لجوزها "إهدى حبيبى كده وارجع زى زمان"، الراجل طلقها و رجع لأيام العزوبية
***
مدرس رياضيات اتجوز مدرسة رياضيات خلفوا ولد بيشبه المنحرف وبنت دايره على حل شعرها
***
واحد بيقول لمراته ... أنا النهاردة عايز رومانسية فى البيت ... راحت الزوجة سألت أمها : يعنى إيه رومانسية ؟؟
الأم : مش عارفة بس احتياطى إنقعى الرز

[نواسي]

هههههههههههههههههههههههههههه
جميلة اوي النكت دي تسلم اناملك
بانتظار المزيد
تحياتي

[MoOoOoNoS]

هههههههههههههههههههههه
لا كووول قوي بجد ...ثانكس

[أهلاوي]

شكرا نواسي و moooonos علي المرور

[أهلاوية ومصرية]

انا والله يااهلاوي
بحب ارد على مواضيعك
ننتظر لك المزيد اهلاوي

[نسيم الورد]

هههههههههههههههههههههه

مرسى يا أهلاوى اوى اوى

بجد تحفة زيك ياعسل

مرسى

انتظر جديدك

[mkyalex]

ههههههههههه
نكت حلوة

[lolo star]

حلوة اوى يا اهلاوى

زى العثل والله تسلم ايدككككككككككككك

بقالك كتير مش بتنزل مواضيع

كانت واحشانا مواضيعك والله

ننتظر المزيد