ذكرى .. و .. حلم

[مستر كاراتيه]

حبيبتى ..

ازيك .. أخبارك .. يارب تكونى بخير .. مرتاحه فى بعدى ..؟ مش مهم انا .. صدقينى المهم راحتك انتى بس

كل حاجه بتمناها انى بس أطمن عليكى ..

عارفه .. كل يوم بكون قدام شباكك .. بس لما بشوف النور بحس انى كده إطمنت عليكى ..
زى مانا بقف بالساعات مستنيكى تطلعى ..بس للأسف .. مش بشوفك

حبيبتى ..مش زعلان منك انك سيبتينى .. زعلان من نفسى انى سبتك تسيبينى ..

حبيبتى .. عارفه .. لسه فى ميعادنا والله العظيم بكلمك كل يوم .. بالضبط الساعه 1 بالليل .. حتى لو فى ايدى شغل مهم بسيب كل حاجه بس بكلمك .. ماهو ده وقتك انتى بس.. لا ده كل الوقت وقتك انتى ..

عارفه بقالى كام يوم مش شوفتك 351 يوم و 4 ساعات و 35 دقيقه بالضبط .. نفسى اشوفك مره تانيه .. حتى لو من بعيد .. نفسى بس اسمع صوتك ..

حبيبتى عارفه النهارده ايه .. النهارده 12/7

مش فاكره النهارده كان ايه .. كان أول يوم نتكلم من 5 سنين .. فاكره لما انا كنت فى المستشفى ولما سمعت صوتك خفيت ..

حبيبتى النهارده عيد حبنا .. إوعى تكونى نسيتى .. مش معقول ..

بس انتى قولتيلى هاتبقى تطمنى عليا ..ليه مش بتعملى كده ..؟؟ معلش أكيد وراكى ظروف .. أكيد مش عارفه ..مش زعلان والله منك ..
بس عارفه انا زعلان بقى بجد علشان شباكك كان مفتوح والبيت الى قدامك فى شباب .. مش تخلى بالك من نفسك شويه.. طيب خلاص خلاص مش هازعق تانى ..

حبيبتى .. سلميلى على فارس وهمس وليل .. ولادنا .. هما عايشين معايا ومعاكى فى قلوبنا صح ..انا مش ناسى متخافيش ..

لسه جوايا كلام كتير اوى حيبتى نفسى أقوله اكتر من بحبك مليون مره لا اكتر كمان ..

بس انتى عارفانى كلامى فى عنيا ..فى لمسه إيديا ..

حبيبتى خلى بالك من نفسك .. انا لسه هنا جنبك بحميكى وبصونك وبآخد بالى منك

انا جبتلك هديه عيد حبنا .. خليها مفاجأه لما أشوفك .. لا مش هاقولك عليها بجد خليها مفاجأه ..

يالا حبيبتى سلام .. لا اله الا الله .. هاتوحشينى وانتى اصلا معايا ع طول .. بحبك

...

[امل حياتى]

مستر كاراتيه
انا بجد دمعت وانا بقرا الفضفضه بتاعتك
مش عارفه اقولك ايه بصراحه...
بس ربنا يجمعكم تانى

تحياتى ليك ولقلمك

[فراق84]

كم ألمتني هذه الرسالة!!!!
فهل تصل اليها فعلا!!!
اختك فراق

[مستر كاراتيه]

المشاركة الأصلية بواسطة امل حياتى

مستر كاراتيه
انا بجد دمعت وانا بقرا الفضفضه بتاعتك
مش عارفه اقولك ايه بصراحه...
بس ربنا يجمعكم تانى

تحياتى ليك ولقلمك

أمل ... لسه عندى أمل

..

[مستر كاراتيه]

المشاركة الأصلية بواسطة فراق84

كم ألمتني هذه الرسالة!!!!
فهل تصل اليها فعلا!!!
اختك فراق

هل تصل اليها فعلا ..؟؟

لا يا فراق لن تصل ..

[الحياه صعبه]

ياااااه بجد ابكتني يامستر
والله اني لما اقرا فضفضتك احس كاني انا اللي بتكلم
انطبقت حالتك مع حالتي
بس يااااارب ويارب يجمعكم تاني ....

اختك سراب

[zainab r]

بجد كلام كله مشاعر واحاسيس من اجمل ماتكون كلام فيه امل وحزن انا بجد اتأثرت بكلامك ويارب تتجمعوا سوا من تاني ولاتفقد الامل يا مستر كاراتيه انشالله سوف تتقابلون من تاني وتكملوا حياتكم سوا قول يارب الله كريم

[مستر كاراتيه]

المشاركة الأصلية بواسطة الحياه صعبه

ياااااه بجد ابكتني يامستر
والله اني لما اقرا فضفضتك احس كاني انا اللي بتكلم
انطبقت حالتك مع حالتي
بس يااااارب ويارب يجمعكم تاني ....

اختك سراب

سراب .. كيفك يارب تكونى بخير

يارب يجمعكم تانى يا سراب ربنا على خير .... ومتفقديش الامل

سلميلى على فاطمه

..

[مستر كاراتيه]

المشاركة الأصلية بواسطة zainab r

بجد كلام كله مشاعر واحاسيس من اجمل ماتكون كلام فيه امل وحزن انا بجد اتأثرت بكلامك ويارب تتجمعوا سوا من تاني ولاتفقد الامل يا مستر كاراتيه انشالله سوف تتقابلون من تاني وتكملوا حياتكم سوا قول يارب الله كريم

اهلا بيكى زينب ... منوره حضرتك المنتدى
شكرا لمجامله حضرتك يا فندم .. وشكرا ليكى على دعوتك الصافيه
ويارب تبقى حياتك كلها فرح وبدون فراق


...

[بقايا انسانة]

نو كومينت:
بس ربنا معاك و يحميك

[نور1900]

سلام عليكم
ليه كده بس
ده كلام صعب اوي
بس يتري هيا حالها ايه دلوقتي
تفتكر حاسه بيك
لو بتحبك ربع منت بتحبها كده اعمل كل الي تقدر عليه عشان متضعش منك
حاول تكون اقوي من الظروف
الحب الحقيقي بقي نادر اوي في الزمن ده

[نرجسية]

ده كلام طالع من القلب يا مستر كاراتيه !!

ياريتها كانت تعرف كان يمكن الميا رجعت لمجاريها

بس أقول لك على حاجة
فيه ناس كتير كانوا زيك كدة
و كانوا فاكرين أن سعادتهم مع البنت دى

لكن الظروف لم تسمح لهم بالزواج منها و تزوجوا من بنت تانية
و بيعيشوا سعداء و بيحبوا زوجاتهم حب حقيقى و بيبنوا أسرة

و بيقولوا أن ده أفضلهم
و يصبح الحب الأول مجرد ذكرى و مضت

أخى الحياة لا تنتهى عند شخص

و كله بيعدّى

اللى من نصيبك راح يصيبك

[مستر كاراتيه]

المشاركة الأصلية بواسطة بقايا انسانة

نو كومينت:
بس ربنا معاك و يحميكك

تسلميلى على الدعوه الجميله دى .. يارب انا وانتى وكل الناس

[مستر كاراتيه]

المشاركة الأصلية بواسطة نور1900

سلام عليكم
ليه كده بس
ده كلام صعب اوي
بس ياتري هيا حالها ايه دلوقتي
تفتكر حاسه بيك
لو بتحبك ربع مانت بتحبها كده اعمل كل الي تقدر عليه عشان متضعش منك
حاول تكون اقوي من الظروف
الحب الحقيقي بقي نادر اوي في الزمن ده

انا مش عارف صدقينى انا مش عارف والله ..

[sleeping angel]

احلى حاجه بتعجبني في مواضيعك انها طالعه من جواك فبيوصلنا شعورك ربنا يجمعكم تاني ان شاء الله ترجعوا لبعض تحياتي لك .