مين ممكن يساعدني

[سلافه]

انا اتزوجت شخص عرفي وحملت منه اهلي عارفين بالموضوع بسبب الظروف الي في البلاد اضطرينا نتزوج بدي الطريقه بس انا حامل الان وكل ماروح مستشفى بتردني يبغو عقد زواج ومحد راضي بدا الحمل لاني مريضه ويمكن اموت احس اني مخنوقه ومحد حاسس بيا اليوم حاسيت اني انسانه تافهه لانه المستشفى الي راجعت فيها اهنتني وفضحوني قدام الناس حسيت اني بنشل من القهر وقاعده ابكي من ساعه ماطلعت انا في الشهر التالت وماني عارفه اروح لمين وزوجي ماعنده ايه مبالاه حتى المستشفى مو راضي يوديني احس اني بدديت اكرهه

[سلافه]

مين يقدر يساعدني

[اي حد]

بيتهيقلي انك غلطتي غلطة كبيرة اوي لان مش معنى ان الظروف وحشة اني الجا للغلط واقول ان اهلي عارفين اعتقد انك كده رخصتي نفسك قوي بس ده مش وقت لوم عموما اللي حصل حصل ونصيحتي ليكي دلوقي انك تلجاي لربنا وتتطلبي منه الخلاص وهو الوحيد اللي هيقدر يساعدك والحي عليه في الدعاء وتاكدي انه هيساعدك فاذا ضاقت بك الدنيا فلا تقل يارب عندي هم كبير ولكن قل يا هم عندي رب كبير اتمنى لك التوفيق ويا ريت تطمنينا عليكي على طول وتقوليلنا على التطورات

[سارقة القلوب]

وبعدين دة اصلا مش اب المفرووووووووض انة يجي معااااكي المستشفى ومفيش ظرووووووووف بتعمل كدة

[اي حد]

ممكن تطمنينا على الاخبار انا بجد قلقانة عليكي جدا

[dodo3]

لية عرفي مادام اهلك عارفين وكان ممكن اي حد يشهد امام الماذون لية وضعتي نفسك في الموقف دة حرام عليكي هذا ليس زواج حاولي تتزوجي شرعي هي دي الطريقة الوحيدة وبعدين لازم المستشفي تعمل كدة هو كدة دة الصح والا لو معملوش كدة كلة بقي يتجوز عرفي ويعيش عادي لا الله لا يرضي بذلك حاولي تقفي وقفة مع نفسك وترجعي نفسك وتصلحي الموضوع بسرعة

[R=K]

كيف حالتك خطرة وكيف اهلك عارفين ومابيساعدوك اذا هو مافيه خير

[abnmoussa]

الأخت سلافه..بعد ماغرقتى نفسك وبهدلتى نفسك واهلك جية الآن تقولى اعمل إيه..يعنى كل المسلسلات والأفلام اللى ليل نهار بتناقش هذا الموضوع السخيف ومافيش فايده..الموضوع كله نتيجة استهتارك بنفسك وبإهلك وبعدين جيه عايزه حل والحقونى!!!!!!!!!!!!..وبعدين حل إيه اللى انتى عايزاه ..طالما اهلك عارفين وفيه ورقة الزواج معك يعنى العملية فيها بعض الجوانب الأخلاقية وليس زنا والعياذ بالله فالزواج العرفى زواج شرعى اذا توفرت له جوانب الزواج المدنى من مسكن ومهر واشهار ولكنه ليس معترف به مدنيا فلذا لم تقبلك اى مستشفى وطالما ان كل حاجة فى حياتك سرية ومتلخبطة فأذا كان هناك فعلا خطرا على حياتك كما تقولين وكان من الممكن عمل إجهاض بسبب ظروفك الصحية فأمامك حلين وبسرعة:
اولهما: ان اهلك يخطفوا هذا الكلب الجبان ويجبروه على الزواج المدنى وبعدين تروحى اى مستشفى وتشوفى حالك وظروف صحتك وافضل ان تحتفظى بهذا الطفل اذا اظهرت التحاليل والكشف استقرار صحتك.
ثانيهما :اذا لم تتمكنى من اولا وكان فعلا الحمل خطر عليكى فممكن تروحى لبعض الأطباء الخصوصيين لتلك الحالات مع اهلك وسيقومون بالإجهاض بعد اتعاب كبيرة.
هذا رأيى الشخصى وعليكى التحرك بسرعة فالأيام ليست فى صالحك واعلمى ان آجالنا مكتوبة بقدر الله ولن يموت انسان دون ان يستوفى اجله فلاداعى للخوف وانتبهى جيدا لما فى بطنك فليس ذنبه انه سيلد لأم طائشة مستهترة واب كلب جبان لم يراعى حق الله.

[نور1900]

سلام عليكم
انا عارفه انك لو رجع بيكي الزمن مكنش حصل كل ده وكنت موقعتيش في الغلط ده
ده نتيجه نقص خبره في الحياه وبرده مش ده الوقت الي ندور فيه علي السبب
المهم دلوقتي انك تستغفري ربنا وتوبي علي كل ذنوبك وتدعي ربنا اوي ينجيك ويصلحلك حالك هوا ادري بيك لو راضي عنك هيكون معاك ان شاء الله وهوا ارحم الراحمين ومجرد معبده بيرجعله بيستقبله بحب ورحمه متخفيش هوا ان شاء الله معاك بس خليك قويه عشان تعدي الزمه ديه واخر مره بقلهالك خليك عارفه ان ربنا معاك توبي وهوا هيعينك هوا واحده حاسس بيك
احنا كلنا معاك ارجوكي طمنينا عليكي

[abnmoussa]

المشاركة الأصلية بواسطة نور1900

سلام عليكم..انا عارفه انك لو رجع بيكي الزمن مكنش حصل كل ده وكنت موقعتيش في الغلط ده ده نتيجه نقص خبره في الحياه وبرده مش ده الوقت الي ندور فيه علي السبب المهم دلوقتي انك تستغفري ربنا وتوبي علي كل ذنوبك وتدعي ربنا اوي ينجيك ويصلحلك حالك هوا ادري بيك لو راضي عنك هيكون معاك ان شاء الله وهوا ارحم الراحمين ومجرد ما عبده بيرجعله بيستقبله بحب ورحمه متخفيش هوا ان شاء الله معاك بس خليك قويه عشان تعدي الازمه ديه واخر مره بقلهالك خليك عارفه ان ربنا معاك توبي وهو هيعينك هو واحده حاسس بيكى..احنا كلنا معاك ارجوكي طمنينا عليكي

ابنتى العزيزة نور واضح انك تقية نقية طيبة القلب وقد اسعدتنى رسالتك الخاصة لى اليوم بسبب ردى على الموضوع عالية واننى بلا قلب او لااعرف الرحمة وقد رددت عليكى ردا مطولا ارجو ان تسمحى لى ان انشره فيما بعد..وليعلم الجميع ان فى تلك المسائل لايجدى التباكى وتطييب الخاطر فكل يوم يزيد المشكلة تعقيدا وكما قلت وارجو ان تكون تلك الفتاة تقرأ ماأقوله ان الوقت فى غير صالحها وحالتها النفسية تؤثر على الطفل المسكين الذى تحمله ويمكن ان لاقدر الله يحدث له مكروه بيدها ويموت ببطنها وهى لاتدرى فيتسبب فى موتها ايضا..عليها التحرك بسرعة بأى طريقة ولتلجأ الى الله فى محنتها فهو وحده القادر ان يخرجها من كل ذلك ولعل تلك المشكلة تكون عبرة لكل الفتيات حتى لايقعن فى هذا المستنقع العفن وقد يخرجن منه وقد لايخرجن.

[منى زكريا]

انا طبعا مش هقللك انك غلطتى غلطه كبيرة لانك اكيد عارفه الكلام دة المهم دلوقتى ان اول حاجه 1_تستغفرى ربنا وتقربى منك اكتر وتدعيله يخرجك من المشكله دى وربنا قريب مجيب وسميع للدعاء مهما كانت غلطتك كبيرة
2_تانى حاجه لازم تواجهي جوزك دة وتفهميه انه لازم يتحمل المسئوليه شويه ولو ما اقتنعش يبقى تقول لاهله اكيد مش هيرضيهم اللى ابنهم بيعمله
3- لو منفعش الكلام دة يبقى عليك والتهديد عرفيه انك ممكن توصلى الموضوع للمحاكم واكيد ساعات هيخاف هوة واهله وساعات هيجوزك شررررررررر رررر عى غصب عنه
4- بعد ما باذن تخلفى تشوفى لو ربنا هداة وكمل كملى معاة وسامحيه اما لو فضل كدة يبقى تسيبى وتربى انتى ابنك وربنا ان شاء الله يعوضك
بصى انا عارفه ان الموضوع مش سهل خلاص وان الكلام مفيش اسهل منه بس والله حاولى تقربى من ربنا وتدعيه هتلاقى كل الابواب المقفله اتفتحتللك

[Bakey]

والله ياسلافه صعباانه عليا اوي

بس مدام اهلك عرفو المفروض يقفو معاكي

وفوق دا كله استغفري ربنا وادعي وهو الوحيد

اللي حاسس بينا

طمنينا عليكي ياسلافه

[abnmoussa]

المشاركة الأصلية بواسطة منى زكريا

انا طبعا مش هقللك انك غلطتى غلطه كبيرة لانك اكيد عارفه الكلام دة ..المهم دلوقتى ان اول حاجه:
1_تستغفرى ربنا وتقربى منه اكتر وتدعيه يخرجك من المشكله دى وربنا قريب مجيب وسميع للدعاء مهما كانت غلطتك كبيرة.
2_تانى حاجه لازم تواجهي جوزك دة وتفهميه انه لازم يتحمل المسئوليه شويه ولو ما اقتنعش يبقى تقول لاهله اكيد مش هيرضيهم اللى ابنهم بيعمله .
3- لو منفعش الكلام دة يبقى عليكى والتهديد ..عرفيه انك ممكن توصلى الموضوع للمحاكم واكيد ساعاتها هيخاف هو واهله وساعاتها هيجوزك شرعى غصب عنه.
4- بعد ما باذن تخلفى تشوفى لو ربنا هداة وكمل كملى معاه وسامحيه اما لو فضل كدة يبقى تسيبه وتربى انتى ابنك وربنا ان شاء الله يعوضك..بصى انا عارفه ان الموضوع مش سهل خلاص وان الكلام مفيش اسهل منه بس والله حاولى تقربى من ربنا وتدعيه هتلاقى كل الابواب المقفله اتفتحت لك.

احيكى يامنى على ردك وطرحك لبعض الحلول ..بصراحة انا لم ارضى انا اطرح الحل الثالث حتى ارى مشاركة سلافه على مانشر من قبل وهل هى تستاهل وجع قلبنا عليها ولا لأ وفى الأغلب هى لن ترد مثل الأخت التى نشرت موضوع للفرقعه وهو طلب لكلب آخر منها ان تريه جسدها او بعضا منه ليشبع رغبته الجنسية بدعوى الحب وتبارى الجميع فى النصح لها ساعات بكلام مفيد وساعات اكتر بكلام خايب تافه والمهم ان إدارة القسم ثبتت هذا الموضوع ولم تنتبه ان الأخت صاحبة الموضوع اختفت ولم ترد ولم تشارك دليلا على انها فرقعة اعلامية بموضوع مثير وخلاص ..نرجع تانى لموضوعنا وقد طرحت انا عليها حلين ارجو ان ترجعى لهما فى ردى السابق..
الحل الثالث هو انها اذا اراد الله لهذا المولود ان يولد فبورقة العرفى التى لديها واشك انها موجودة او انها مكتملة الجانب الشرعي بوجود شاهدين عدل..اذا كان لديها تلك الورقة فالقضاء سيثبت نسب الطفل ولكن لن يقر الزواج وهو مايسمى بالزواج الفاسد ..ونسب الطفل الآن سهل بعد ان اقرت المحكمة الأرتكان لتحليل Dna المعترف به عالميا والذى يعد قرينه اساسية لاتحتمل الخطأ فى اثبات الجرائم التى تؤدى الى الإعدام..طبعا بما اننا فى مصر وفى قمة التخلف فى كل شئ ..لذا فقد ناضلت هند الحناوى مع الكلب احمد الفيشاوى فى ذلك حتى انصفتها المحكمة واقرت نسب البنت المسكينة بما يعد قرينة يمكن الرجوع اليها فى قضية سلافه اذا كانت مصرية واعتقد انها مش مصرية من لهجتها.
اما اذا كانت المسألة التقاء جنسى عابر تحت وطأة الشهوة وكلام الحب المعسول بتاع أفلام اليومين دول والتفاهة فى الفكر والأستهتار بالأهل وعواقب الأمور ثم إتقاء للفضيحة فى الأقسام للشاب بكتابته ورقة يوهمها انها عقد عرفى بدون شهود بدعوى ان الله مطلع على القلوب والكلام الفارغ ده ثم قبولها ذلك تحت ضغط الذل والم الحسرة التى تجيئ دائما بعد السكره..هنا يكون الموقف ازداد تعقيدا وعليها رفع قضية نسب الطفل ولكنها ستقع تحت ضغط وطأة الأتهام بالزنا..الموضوع صعب جدا ومؤلم ولذا بطلوا الكلام المعسول اللى لايودى ولايجيب وفكروا معى فى حلول اخرى ان وجدت..المهم ان تتشارك سلافه معنا بشجاعة هند الحناوى من اجل طفلها اولا ثم من اجل اهلها وسمعتهم ثم من اجل نفسها وكرامتها.. وهل تعتقدى يامنى ان فيه واحد حيرضى يتجوزها بعد ذلك وعلى ايدها طفل غير شرعى مالم تدافع عن نفسها وتبرئ ساحتها وساحة هذا الطفل المسكين الذى سيشكى ابوه وامه لله وهو فى رحمها على مايفعلوه به قبل ان يولد والظلم الرهيب والعار والكره الكبير الذى ينتظره بعد ان يولد..انتظر ردك.

[mano_subzero]

قليا عبادىالذين أسرفوا على أنفسهم لا تقنطوا من رحمه الله

لا يوجد إلا الرجوع إلى الله عز وجل حلا
و أرجو أن تتذكروا معتقداتنا الشرقيه

و عليه أن يوثق عقد قراّن بك حتى يكون المولود ذو قيد



i hope i can help you
sub zero

[الدكتوره هديل]

بصراحه كل الاعضاء اللى قبلى الله يبارك لهم نصحوكى خير النصائح وانا اضم صوتى لصوتهم وخلى الرجاله اللى فى عيلتك يتحركوا ويجروه ويكتب عليكى رسمى ولو ما رضيش ارفعى قضيه فورا بالورقه اللى معاكى ولو الحمل خطر على صحتك يبقى الاجهاض انسب ل وخصوصا انك فى الشهر التالت وكده مرحله الخطر ابتدت لان الاجهاض بعد كده وحش اوى عليكى وعلى صحتك لو حبيبتى تحملى بعد كجه الله يتوب عليكى ويستر على كل البنات


حبيبتى خدى بالك من نفسك


فى امان الله