مين احسن .. البشر و لا الحمير ؟؟ !!

[abc]

قد يكون موضوعي غريبا من الوهلة الأولى -حلوة الوهلة دي - فأي عاقل .. يتباهى بعقله سيبادر و يقول ..

و أي وجه للمقارنة يا هذا !!! -أنا "هذا" ده - ,
بل نحن بني البشر أفضل بالطبع ..

لقد ميزنا الله بالعقل .. و عمارة الارض , و سخر لنا الحيوانات لخدمتنا و .... و تلك القائمة الطويلة من الحجج التي لا خلاف عليها بين العقلاء -اللي أنا ساعات بحس إني مش منهم - , لكن إن تحريت الحقيقة -لو ما بتعرفش تتحرى , قول لي و أديلك نمرة المفتش كونن - ستجد الواقع خلاف ذلك ...

أذكر أنني مرة سمعت الشيخ الشعراوي رحمه الله يتكلم فقال : "عمرك شفت حمار خبط في حمار ؟ ما تلاقيش , لكن تلاقي البني آدمين بيخبطوا في بعض و هم ماشيين ....." -ده مش كلامه نصا .. لكن ما أذكره من المعنى-

فلما فكرت -و شغلت الفهامة - وجدت حقيقة أن الحمير أفضل من "بعض" البشر ,

و أظن أن الأمر ليس غريبا و لا يجب أن يكون كذلك .. ففي التنزيل قوله تعالى : (إن هم إلا كالأنعام بل هم أضل) ...
فأثبت عز و جل أن هناك من البشر من هو كالأنعام .. بل حتى من أضل من الأنعام , و لا يخفى أنهم هم الكافرون المكذبون ..

ففي البشر أصناف أضل من الأنعام ..

و لعل مثال الحمار يوضح مقالتي ..

و قبل أن أكمل .. أدعوك لمشاهدة ذلك الوجه الناطق بالطيبة ..



عمرك شفت حد من البشر بالطيبة و الانكسار ده ؟؟

طيب عمرك شفت حد من البشر مطيع زي الحمير ؟ ؟

طيب عمرك شفت حد من البشر بيشتغل الشغل ده كله من غير تعب و لا ملل و لا أجر إلا شوية البرسيم .. و ساعات ما بيلاقيهمش كمان ؟؟

طيب عمرك شفت حد من البشر بيفهم بسرعة و بيعرف الطريق من البيت للغيط -الحقل- و من الغيط للبيت ؟؟؟

طيب عمرك شفت حد من البشر ...... زي الحمير ؟؟

لا طبعا ...

و في الأخر يقولوا إن الحمار غبي !!

طيب أنا عاوز رأيكم ...

بيتحبوا الحمير و لا لأ ؟؟

و بتحسوا إن الحمار طيب بجد و لا لأ ؟؟

و شايفين إنه غبي بجد و لا دي تهمة ألصقناها به ؟



عاوز أعرف رأيكم ...





و قبل الختام .. أهدي قصيدتي التالية لـ.... لبني البشر


أحب الحمير و أخلاقها *** أحب التفانيَ دون العمل

تراها تئن صباحاً مساءْ *** و لكن تُتَاِبع , إذْ لا كلل

و يُثقل ذاك الفتى ظهرها *** بشتى حمولٍ تهد الجبل

و لكن تطيع بلا رِيبةٍ *** تؤدي مهمتها , لا ملل

أراها نوابغَ تدري الطريق *** من الحقل للبيت , حبلٌ يصل

و ينعتها آدميٌ بسوء *** فتصبر , إذ عقلها قد كَمُل
-و سعت قوي دي مني -

و تدري بجهل الغبي الحقير *** و تدري بما فيه من ذا الخَبل

أرى طيبةً في وجوه الحمير *** و عقلا رزيناً و صبرا حَصَل

سأحيا حياتي أحب الحمير *** و أبكي على حالنا و الطلل

سأحيا أدافع عن عقلها *** و أفني حياتي لهذا الأ مل ...
-برضه دي وسعت شوية -

[bo7or]

جميل انى اول حد يرد
مبدئيا سعيدة بموضوعاتك وأسلوبك
وكلام فى سرك ""الحمد لله الحمد لله انه مش طويل ""


ومن هذاااا المنطلق
انا بقف معاك مع الحمار
فعلا والله بحس انه مظلوم
ليه دايما بنوصف بيه حد غبى او او او
عملنا ايه الراجل
ومتحمل كتيـــــــــر فى بلدنا ..

بس مش لدرجة الشعر يعنى
مهو متنكرش ان صوته وحش اوى

انا بقول ايه
ما علينا يعنى
كل الستات بتطبخ بالنخلتين

[فارس اصيل]

المشاركة الأصلية بواسطة bo7or

جميل انى اول حد يرد

مبدئيا سعيدة بموضوعاتك وأسلوبك
وكلام فى سرك ""الحمد لله الحمد لله انه مش طويل ""

ومن هذاااا المنطلق
انا بقف معاك مع الحمار
فعلا والله بحس انه مظلوم
ليه دايما بنوصف بيه حد غبى او او او
عملنا ايه الراجل
ومتحمل كتيـــــــــر فى بلدنا ..

بس مش لدرجة الشعر يعنى
مهو متنكرش ان صوته وحش اوى

انا بقول ايه
ما علينا يعنى

كل الستات بتطبخ بالنخلتين

حاييجى يوم وتتمنى الناس ان تكون حميرا او ما شابه ذلك

[omarr]

Abc

انا الحمار ...

فكما يطلق على الجمل انه " سفينه الصحراء " .. اعتقد ان الحمار هو "توك توك الغيطان " ...

الحمار حيوان وديع , يتمتع بصفه جميله , الا وهى صفه " الصبر " التى لا ينافسه

عليها احد سوى " الشعب المصرى فى صبره على حاكميه " ..

الحمار , ابو ضحكه جنان , حيوان سكر ..


الف الف شكر على الموضوع الحلو ده ..

تحياتى ..

وتقبل منى كامل احترامى لك و لقلمك ..

[محمد كمال على]

المشاركة الأصلية بواسطة abc

بدايه كلامك متشابه الى حد بعيد بكلام عضو سابق اسمه ترو فيس
كان يحترم الحمار
ويجعله مثلا أعلى؟

لقد ميزنا الله بالعقل .. و عمارة الارض , و سخر لنا الحيوانات لخدمتنا و .... و تلك القائمة الطويلة من الحجج التي لا خلاف عليها بين العقلاء -اللي أنا ساعات بحس إني مش منهم - , لكن إن تحريت الحقيقة -لو ما بتعرفش تتحرى , قول لي و أديلك نمرة المفتش كونن - ستجد الواقع خلاف ذلك ...

أذكر أنني مرة سمعت الشيخ الشعراوي رحمه الله يتكلم فقال : "عمرك شفت حمار خبط في حمار ؟ ما تلاقيش , لكن تلاقي البني آدمين بيخبطوا في بعض و هم ماشيين ....." -ده مش كلامه نصا .. لكن ما أذكره من المعنى-

كلام منطقى

فلما فكرت -و شغلت الفهامة - وجدت حقيقة أن الحمير أفضل من "بعض" البشر ,

و أظن أن الأمر ليس غريبا و لا يجب أن يكون كذلك .. ففي التنزيل قوله تعالى : (إن هم إلا كالأنعام بل هم أضل) ...
فأثبت عز و جل أن هناك من البشر من هو كالأنعام .. بل حتى من أضل من الأنعام , و لا يخفى أنهم هم الكافرون المكذبون ..

ففي البشر أصناف أضل من الأنعام ..

و لعل مثال الحمار يوضح مقالتي ..

عمرك شفت حد من البشر بالطيبة و الانكسار ده ؟؟

طيب عمرك شفت حد من البشر مطيع زي الحمير ؟ ؟

طيب عمرك شفت حد من البشر بيشتغل الشغل ده كله من غير تعب و لا ملل و لا أجر إلا شوية البرسيم .. و ساعات ما بيلاقيهمش كمان ؟؟

طيب عمرك شفت حد من البشر بيفهم بسرعة و بيعرف الطريق من البيت للغيط -الحقل- و من الغيط للبيت ؟؟؟

طيب عمرك شفت حد من البشر ...... زي الحمير ؟؟

لا طبعا ...

و في الأخر يقولوا إن الحمار غبي !!

طيب أنا عاوز رأيكم ...

بيتحبوا الحمير و لا لأ ؟؟

و بتحسوا إن الحمار طيب بجد و لا لأ ؟؟

و شايفين إنه غبي بجد و لا دي تهمة ألصقناها به ؟

نفس الأفكار
؟؟؟؟؟؟؟؟؟
لا أقصد أن أنال من عزيمتك ولا أفكارك
أنا كنت أحترم ترو أحتراما كبيرا
وأحترمك نفس الأحترام
تقبل مرورى

[Dr.Hammood]

هييييييييه

يعيش الحمار يعيش

انت كدا في ملعبي

احب اضيفلك حاجه كمان - ما اضيفش ليه دا شغلي

الحمار مش بيتغير

عمر الزمان ما غيره

صفاته هي هي

شكله في حته واي مكان واي زمان

وااااااااحد

مش بيتغير ولا يتلون هما اللونين ابيض ورصاصي

مفيش اسود ولا اخضر ولا احمر هو هو

هو نفس الحب واكتر هو هو

تحيه للحمير

واصلا مش فاهم ايه الشتيمه لما تنعت ثدّي - من الثديات يعني - اقصد الانسان

ب انه ثدي تاني - الحمار او الكلب يعني

وبعدين الحيوانات مش اغبيا

في نظرية بتقول لما تيجي تفهم حد وما يفهمش

يبقى العيب منك انك ما فهمتوش كويس ايه المقصود

وعموما انا بستريح مع الحيوانات عن البشر

ويجعله تامر

[Dr.Hammood]

المشاركة الأصلية بواسطة omarr

انا الحمار ...

الحمار هو "توك توك الغيطان " ...

فكرتني انا احب الحمار بماكدونالدز

بس حلوه توك توك الغيطان دي اوي اوي اوي

تعبير جديد

تحياتي

[abc]

المشاركة الأصلية بواسطة bo7or

جميل انى اول حد يرد
مبدئيا سعيدة بموضوعاتك وأسلوبك
وكلام فى سرك ""الحمد لله الحمد لله انه مش طويل ""

أهلا بكِ بحور ..
و أنا سعيد جدا بردك ...

و كلام في سرك برضه .. موضوع التطويل ده ناس كتير قوي قالوا لي عليه ..
بس أنا بحاول ... بس ساعات ما بعرفش أمسك نفسي

ومن هذاااا المنطلق
انا بقف معاك مع الحمار
فعلا والله بحس انه مظلوم
ليه دايما بنوصف بيه حد غبى او او او
عملنا ايه الراجل
ومتحمل كتيـــــــــر فى بلدنا ..

الحمد أن لي مؤيدين

و إن أحساسي بطيبة الحمار اللي بجد بتبقى في وشه حاجة الناس كلها حاساها

بس مش لدرجة الشعر يعنى
مهو متنكرش ان صوته وحش اوى

معلش .. أصلي مشاعري جاشت تجاه الحمار .. حتى وصلت لحد الشعر ..

انا بقول ايه
ما علينا يعنى
كل الستات بتطبخ بالنخلتين

ايه ده ؟؟ كلهم ؟؟
أمال مين اللي بيطبخ بسمنة جنة ؟؟

[abc]

المشاركة الأصلية بواسطة omarr

Abc

انا الحمار ...

me too

فكما يطلق على الجمل انه " سفينه الصحراء " .. اعتقد ان الحمار هو "توك توك الغيطان " ...

هههههههههههه
بجد تعبير حلو جدا يا أستاذ عمر ..
هنكتبه باسمك

الحمار حيوان وديع , يتمتع بصفه جميله , الا وهى صفه " الصبر " التى لا ينافسه

عليها احد سوى " الشعب المصرى فى صبره على حاكميه " ..

الحمار , ابو ضحكه جنان , حيوان سكر ..

طيب كل العوامل المشتركة دي .. و مش عاوزيننا نحبه ؟؟

الف الف شكر على الموضوع الحلو ده ..

تحياتى ..

وتقبل منى كامل احترامى لك و لقلمك ..

ألف ألف شكرا ليك انت على مرورك الجميل ..

و تعليقك الأجمل .

[abc]

المشاركة الأصلية بواسطة فارس اصيل

حاييجى يوم وتتمنى الناس ان تكون حميرا او ما شابه ذلك

هو لسه هاييجي ؟؟

جه خلاص

[abc]

المشاركة الأصلية بواسطة محمد كمال على

نفس الأفكار
؟؟؟؟؟؟؟؟؟
لا أقصد أن أنال من عزيمتك ولا أفكارك
أنا كنت أحترم ترو أحتراما كبيرا
وأحترمك نفس الأحترام
تقبل مرورى

يا هلا و سهلا أستاذنا محمد ..

أنا حضرت آخر أيام العضو الأستاذ تور فيس ..
لكن للأسف كانت بدايتي مع بداية الامتحانات .. فحضرت له كام موضوع عن التنمية البشرية و علم النفس .. و بعد كده لقيته كتب موضوع إنه هيسيب المنتدى !!

عموما قد تكون هناك أوجه للتشابه بيننا ..
فهو يعيش في ألمانيا .. و أنا أحب اللغة الألمانية ,
و هو على ما أظن من أرباب البالطو الأبيض ... و أنا من أرباب البالطو الأزرق -العفريتة-

و هو بيحب الحمير ... و أنا كمان بحبها ..

لكن هو اسمه تروفيس .. و أنا اسمي .... abc و بعرف أكتب شعر و هو لأ

تحيتي لك أستاذ محمد ..

و الاحترام متبادل بيننا طبعا ..

سعدت بمرورك أخي الكريم .. أيوووووووه يا جدعان

[زهره مصر]

abc
انا كمان بحب الحمار
فعلا شكله ونظرة عينه فيها برائه وحزر رهيب
بحسه شايل هموم الدنيه كلها
وفي نفس الوقت صابر وبيادي عمله
فعلا الحمار اكيد حيوان زكي يمكن ازكي من البني ادمين

[محمد كمال على]

المشاركة الأصلية بواسطة abc

أنا حضرت آخر أيام العضو الأستاذ تور فيس ..
لكن للأسف كانت بدايتي مع بداية الامتحانات .. فحضرت له كام موضوع عن التنمية البشرية و علم النفس .. و بعد كده لقيته كتب موضوع إنه هيسيب المنتدى !!

عموما قد تكون هناك أوجه للتشابه بيننا ..
فهو يعيش في ألمانيا .. و أنا أحب اللغة الألمانية ,
و هو على ما أظن من أرباب البالطو الأبيض ... و أنا من أرباب البالطو الأزرق -العفريتة-

و هو بيحب الحمير ... و أنا كمان بحبها ..

لكن هو اسمه تروفيس .. و أنا اسمي .... abc و بعرف أكتب شعر و هو لأ

أهلا abc
ترو فيس
كان أستاذ فى علم المسرح
أو بالأخص الحبكه الدراميه فى المسرح
هذا للعلم
وشكرا لردك الجميل