انا بقى طفولتي كانت حاجة كده متعرفش ايه هي
حبة من دا على حبة من دا
نجيب من الاول بقى
قبل المدرسة كنت عندي قوي وكنت لازم انفذ اللي في دماغي
طبعا مكنتش بنزل الشارع اصلا غير مع العيلة وشوية ونرجع هوا زي ما يكون الشارع بياكل العيال الصغيرين
اصلي كنت مولود برة مصر ,,, وكانوا أهلي بيخافوا عليا العب في الشارع
يلا بقى هيروحوا من ربنا فين
المهم كان كل لعبي في البيت حتى العجلة كنت الف بيها جوة الشقة
منا اصلي جايلي عجلة في السبوع
- سواق من يومي
اختي بقى اصغر مني بسنتين
بعد 3 ايام من ولادتها والوالدة راجعة من المستشفى راسى والف جزمة ان امي تنزل المخلوق العجيب دا من على حجرها - وطبعا طلعت انا مكانها عشان نكمل نشوفية الدماغ
وكنت اعمل اني بهزر معاها والعب مع اختي الصغيورة - وأول ما يبصوا الناحية التانية هاتك ياضرب
مكنش ليا اصحاب اصلا فكانت اختي دي هي اللعبة بتاعتي
طبعا هي اول ما وقفت على رجليها طلعت كله عليا
- بالمناسبة لغاية النهاردة
نيجي بقى للمرحلة الانتقالية اللي هيا المدرسة
انقلبت بقى لطفل هادي بقى وشطور الاول علطول وبسمع الكلام وكانوا المدرسين يحبوني أوي عشان انا علطول الطالب المثالي - انما الوحشين اللي حوليا دول شياطين
كله ولا اول يوم في المدرسة
كنت مفكر المدرسة هي الباص - انا مالي منا بشوف العيال يركبوه الصبح ويرجعوا الضهر فيه برضو
انما الموضوع طلع كبير وفيه قعده وشنط بقى
بمناسبة الشنطة - روحت اول يوم من غيرها
الشنطة فين ياواد - معرفش
طبعا المرحلة دي الاسواء على الاطلاق
قمة الرخامة والرتابة اللي في الدنيا من ابتدائي لاعدادي
فضلت الشطور دا لغاية ما نزلت مصر بقى وانا في ثانوية عامة
طبعا بقى كنت انا السليوة بتاعت المدرسة كلها - شفت الواد اللي جاي من برة دا
بيقولو شاطر ياخويا
وهاتك ياقر بقى
بس كويس انهم قرو عليا - الواحد لو كان فضل شاطر كده كان زمانه نيلة
انا اتعلمت في الثانوي دا اللي متعلمتوش في المدارس في 9 سنين مش عارف عدوا ازاي اصلا
ودي بقى كانت بداية الانحراف
اتلميت على شلة ربنا ما يوريكم
العيال كانو مستغلين اني شكلي بقى الواد الشطور اياه
ابو نضارة
والمدرسين مفكرين اني مؤدب يا حبة عيني
وانا مية من تحت تبن
وطبعا المقالب كلها في المدرسين كنت انا ليا دور محوري فيها - منا بعيد عن الشبهات وزي ما تقولو كده مسنود في المدرسة
واللي له قرايب في المدرسة ميضربش بالخرزانة على رجله وهو ماشي
كان الفضل بتاعنا المدرشين بيخافوا يدخلوه مع انه كان علمي
بس كانو بيصنفونا أدبي
العيال دول على صياعتهم بس كانوا رجالة والله
يااااااه فين ايام الثانوي
ليت الثانوي يعود يوما
يلا بقى هي دي الطفولة اللي مش عارف اقول عنها ايه
حبة فوق وحبة تحت
بس عموما مش عايز شاوفها تاني
خليها ذكريات احسن
بلاش قرف
شكرا يا دريم جيرل على المواضيع النار دي
فكرتينا بالذي مضى
سلام
مواضيع مشابهة 
.. رجالة طبعا 
.. أكتر من واحد بيقول لي إنه بيحبني في الله .. 
على طول ... و الكلضمة باينة .. 
النمط الخطي
