ها طفولتك اخبارها اية متشردة ولا هادية ولا اية بالظبط ادخل قولنا

[Dream Girl]

لا سلام ولا كلام الموضوع ببساطة ان كل واحد هيدخل يقولنا طفولتو كانت اية اخبارها

و انا هبتدى

انتو طبعا فاكرين ان دريم دى هادية و رقيقة و بتاع

لا انا كنت شقية و متشردة 100%


و هحكيلكو كام موقف كدة عملتهم و انا صغيرة عشان تشوفو قمة الشقاوة و التشرد الى كنت فيها

اول حاجة هبتدى لما كنت فى المدرسة و انا صغيرة لما كنت فى 2 ابدائى كنت عاملة عصابة

كنت مسمياها عصابة ((التشرد الابدى ))انا و اصحابى كنا 3 بنات و 3 ولاد اطفال بقى نقول اية و كنت انا زعيمة العصابة دى و الاحلى بقى من كدة انى كنت بخليهم يعملة بلاوى و انا كنت بطلع منها زى الشعرة من العجين


يعنى مثلا كانت لعبتنا المفضلة هى ان كل واحد يجيب معاة ازازة و يملاها مية و لما تيجى الفسة كنا طلع انا و العصابة بتعتى بقى و كنا نقف فى مكان مستخبى كدة عشان الدادات بتاعت الدور ماتشوفناش و كنا نرش على خلق الله الى فى الحوش مية يالهوى بنكون فى قمة الساعدة و فطسانين على نفسنا من الضحك على العيل الى غرقناة دة الموضوع دة حصل مرة و اتنين و تلاتة و من حظنا المنيل بنيلة مرة لاقينا المديرة فى وشنا
بس الحمد لله ربنا ستر معايا كان فى ساعيتها الازازة بتعتى خلصت و اصحابى هما الى كانو بيرشو و المديرة قفشتهم هما بقى فا هى اصلا كانت عرفانى و كانت تعرفنى و تعرف اهلى يعنى و كانت عارفة عنى انى هادية و مؤدبة و مش بعمل شقاوة فا المهم قالتلى كدة بردو يا يارا الى انتو بتعملوة دة

قولتلها بكل براءة اطفال صدقينى يا ميس مانا دول هما الى بيرشو المية و انا كنت بتفرج بس فا لقيت اصحابى كدة بيبصولى و يقولو للمديرة لا والله دى كانت بترش معانا و المديرة تقلهم لا يارا مؤدبة و مش بتعمل الى انتو بتعملوة دة وانا بنى و بينكو خلاص كنت هموت على نفسى من الضحك بس حاولت اكتم ضحكتى لاقيت المديرة بتقولى ادخلى انتى فصلك فى اليوم دة اصحابى اخدو حتتة علقة انما اية محترمة يعنى مأخدهاش حرامى جزم يوم جمعة

بس بعدها قعدنا نضحك على العلقة الى هما خادوها و انا خرجت منها و ولا كأن اى حاجة حصلت بس من ساعتيها مبقيناش نلعب اللعبة دى تانى


و الا قبل كدة لما كنت فى 2 ابتدائى بردو كان فية واحد مضايقنى انا و اصحابى (العصابة بتعتى يعنى) و كان كل ما يشوفنا يرخم عليا فا قمنا انا و اصحابى عملنا علية تحريات و شغل اكشن بقى و عشنا فى دور جيمس بوند فعرفنا بقى انو كان بيجى فى الطابور بدرى و علمنا شكل الشنطة بتاعتو و اتفقنا اننا نيجى كلنا بدرى عشان ننتقم بقى فا استنينا كدة لحد ما المدرسة ابتدت تملى روحت مسكت شنتطة و بأجدعها حدفة على حمام السباحة على طول و الواد ياعينى بعدها داخ على الشنطة و احنا كنا فطسانين على نفسنا من الضحك

و ال بقى استنينا المدرسة تملى لية عشان محدش يشك فينا لو حدفنا الشنطة انما لو ناس كتير موجودين فى المدرسة مش هيكون معروف مين الى عمل العملة السودة دى

شايفين النباهة

بس الحمد لله انا هديت على كبر

انا مستنية بقى مواقف طوفولتكم كانت عاملة ازاى يلا قولولنا بقى الفضايح

و اوعدكم لو افتكرت اى حاجة من عملياتى الاجرامية دى تانى هقولكو

[مستر كاراتيه]

ههههههههههههههههه

انتى ايه كل ده .. طلعتى مشكله

انا يا ستى كانت طفولتى متفهميش مالها ...

كنت شقى جدا .. بالغم انى كنت دايما الاول ع المدرسه ... منساش انى كنت داخل مستمع واول يوم ليا فى المدرسه سقفولى علشان كتبت اسم كله بالكامل وبسم الله الرحمن الرحيم .. وانا عندى 5 سنين

بس مش كنت بلعب فى الشارع علشان التراب .. كنت عيل نضيف ..

بس كانت بنات المدرسه كلها اصحابى مش عارف ليه هههههههههه

كمان انا فى رابعه وخامسهابتدائى كان ليا 2 اصحابى .. شله كده مش بنفارق بعض
دى اول سنه ليا فى التشرد .. كنا نجمع عيال المدرسه ونروح نسطو على المدارس اللى جنبنا
وكنا نترزع علق يالهوى ههههههههههههه ... بس كنا ساعات بنضربهم يعنى

وكان فى واد تخييييييييييييييييييييييييين اوى اوى اوى بيستنانى فى الشارع علشان يفطسنى كنت بجرى منه ...

وفى خمسه إبتدائى .. مفيش حد من ولاد الجيران الا ولما يكون فى تعوريه فى راسه منى .. بالطوب وحدف يا ريس ههههههههههه

بس ولا فاكر اى حاجه تانيه بقى .. غير انى مبقتش العب فى الشارع تانى ..رجعت للنضافه
وكانت العابى مقتصره على الرسم والمكعبات والعزف على البيانو والعود.. عيل موهوب

بس يا ستى

...

وبجد موضوع تحفه

[فراق84]

انا طفولتي بكل بساطة
كانت طفولة شقية جدا
وعنيدة جدا
ونكدية جدا
كنت ادحك على العيال اللي اصغر مني
باي حاجة
باي معلومة غلط
بس اعمل نفسي شاطرة واعرف اكتر منهم
كنت اتمسك برايي حتى لو غلط
واي حاجة كانت تزعلني
حد لو قال هس ..اعيط على طول

كنت احب اصاحب بنت وحدة بس
ما كنتش احب الشلل
وكنت اطلع الازاعة المدرسة
واتكلم فيها

اما التلفزيون كنت احب الرسوم المتحركة كلها
احب التلفزيون اوي
احب عدنان ولينا
وتوم اند جيري


كنت العب كل حاجة
شاباطيط
وحجلة
وكرة قدم كمان
حتى العرايس..كان عندي عدد هائل منها
والعب بيها مع خواتي

كنت اجري بالحارة لوحدي ولبعيد وارجع تاني البيت بدون ماحد يعرف
لانو لو ماما عرفت
تموتني
وكنت اتشعلق على الحيطة
واطلع السطوح
واربي دجاج وحمام وارانب
وكان لي ارنوب صغير
جميل اوي



نفسي ارجع طفلة...

[crazygirl]

تسمعي عن التشرد الاطفالي

اهو انا كنت كدا

كان ليا اصحاب كتير في ابتدائي

مكناش بنبطل مقالب في الفصل وبره الفصل

اوقات برفام غبي ريحتو بتتحول بعد شوية لريحة معفنة

واوقات تانية بودرة العفريت نحطها ع الكراسي والعيال لما يقعدو وهاتك يا هرش

مرة ابلة العلةم قفشتنا

طبعا المحاضرات العلمية عن خطورة بودرة العفريت

((وممكن حد يطلع عندو حساسية منها ويحصلو مضاعفات وانتو تروحو فيها))

دا كلامها طبعا

دا كلو كان ايام ماكنت في مصر

بس لما سافرت

كاني بقيت في جوانتانامو

الدنيا اتغيرت وافتقدت اصحابي

والى الان نفسي ارجع مصر عشان اشوفهم

انا دلوقتي ف3ثانوي ومبحبش حاجة اكتر من الهزار والتريقة ع الابلوات بتاعتي

ربنا يسامحني بقى

M.m.m

[abc]

ياه ده ايه ده ؟؟

هي الناس كلها كانوا أشقياء في الطفولة كده ليه ؟؟

العبد لله كان عامل زي "البرطه"

لا كنت بتكلم و لا كنت شقي و لا ..... من الآخر .. .كنت عيل رخم كده ..

مكان ما يحطوني أفضل قاعد ..

و اللي زاد الطين بله .. إني لحد قبل ما أدخل المدرية كنت "ملظلظ" من الخدين
فكنت ببقى "مكلضم" على طول ... و الكلضمة باينة ..

ده غير إني كنت "بدمعة" :( و بعيط بسرعة قوي ..

كنت رخم بكل ما تحمله الكلمة من معانٍ رخمة ..

متهيأ لي ما كانش حد بيطيقني غير الست الوالدة و العائلة الكريمة .. القرد في عين أمه غزال

و تمر السنين و الأيام لحد 3 إعدادي لما "اتنحررت" شوية , و بدأ يبقى لي أصحاب ... أو بمعنى أصح .. زملاء !!!

من الآخر .. أنا لو كنت أبويا كنت زماني رميتني في الشارع لأني كنت حتة عيل "لطخ" جامدة قوي الكلمة الأخيرة دي .. معلش يا أنا



شكرا على المواضيع "اللي تفضح" دي يا دريم جيرل ..

[Dr.Hammood]

المشاركة الأصلية بواسطة فراق84

انا طفولتي بكل بساطة

كانت طفولة شقية جدا
وعنيدة جدا
ونكدية جدا
كنت ادحك على العيال اللي اصغر مني
باي حاجة
باي معلومة غلط
بس اعمل نفسي شاطرة واعرف اكتر منهم
كنت اتمسك برايي حتى لو غلط
واي حاجة كانت تزعلني
حد لو قال هس ..اعيط على طول

كنت احب اصاحب بنت وحدة بس
ما كنتش احب الشلل
وكنت اطلع الازاعة المدرسة
واتكلم فيها

اما التلفزيون كنت احب الرسوم المتحركة كلها
احب التلفزيون اوي
احب عدنان ولينا
وتوم اند جيري

كنت العب كل حاجة
شاباطيط
وحجلة
وكرة قدم كمان
حتى العرايس..كان عندي عدد هائل منها
والعب بيها مع خواتي

كنت اجري بالحارة لوحدي ولبعيد وارجع تاني البيت بدون ماحد يعرف
لانو لو ماما عرفت
تموتني
وكنت اتشعلق على الحيطة
واطلع السطوح
واربي دجاج وحمام وارانب
وكان لي ارنوب صغير
جميل اوي

نفسي ارجع طفلة...

يا نهار اخضر

لا يارب ما ترجعي تاني للطفوله

كل ده وعاوزه ترجعي


موتي يا فراق

[Dr.Hammood]

المشاركة الأصلية بواسطة abc

ياه ده ايه ده ؟؟

هي الناس كلها كانوا أشقياء في الطفولة كده ليه ؟؟

العبد لله كان عامل زي "البرطه"

لا كنت بتكلم و لا كنت شقي و لا ..... من الآخر .. .كنت عيل رخم كده ..

مكان ما يحطوني أفضل قاعد ..

و اللي زاد الطين بله .. إني لحد قبل ما أدخل المدرية كنت "ملظلظ" من الخدين
فكنت ببقى "مكلضم" على طول ... و الكلضمة باينة ..

ده غير إني كنت "بدمعة" :( و بعيط بسرعة قوي ..

كنت رخم بكل ما تحمله الكلمة من معانٍ رخمة ..

متهيأ لي ما كانش حد بيطيقني غير الست الوالدة و العائلة الكريمة .. القرد في عين أمه غزال

و تمر السنين و الأيام لحد 3 إعدادي لما "اتنحررت" شوية , و بدأ يبقى لي أصحاب ... أو بمعنى أصح .. زملاء !!!

من الآخر .. أنا لو كنت أبويا كنت زماني رميتني في الشارع لأني كنت حتة عيل "لطخ" جامدة قوي الكلمة الأخيرة دي .. معلش يا أنا



شكرا على المواضيع "اللي تفضح" دي يا دريم جيرل ..

يا حلاوه عليك

المهم انك دلوقتي مش رخم خالص ابدا اطلاقا بتاتا

على فكره

انا طفولتي كانت تقريبا كدا برضو

ونفس الرخامه حاليا

[Dr.Hammood]

انا يا ستي

كنت عبده المكتوم

مفيش ري اكشنات

وعيوط برضو - حلوه عيوط دي

وساااااااااااكتتتتتتتتتتتتتتتتت

مع ان لي اخت توأم

بس ما كانتش كدا خالص

انا حتى لما اشوف صوري وانا تفل

بقرف

ايه العيل الغتيت ده

وماليش دعوه بحد

لحد ما كبرت شويه

عملت حزب انا واختي ضد اخويا اللي اصغر مننا بسنه ونص

كنت بهدله

والكلب المطيع لاختي

لحد اما كبرت شويه وطلع لي دماغ في دماغي

بس كنت متفوق بغباء في المدرسه

عارفه العيال الرخمه اللي مش بتغيب ولا يوم

وعلى طول اول كرسي

ولو مش من الاوائل يجيلي حسره في بطني

يااااااااااه

الله لا يعودها ايام

طفولة زباله زباله


الحمد لله دلوقتي بقيت برضو هادي ورخم بطرافه

وزي ما انتي شايفه

يلا بقى عشان ريق صوابعي نشف من الكتابه

سلاموز باللبن

[abc]

المشاركة الأصلية بواسطة Dr.Hammood

يا حلاوه عليك

المهم انك دلوقتي مش رخم خالص ابدا اطلاقا بتاتا

لا الحمد لله ..
بقيت "حبوب" زي ما انت شايف ..
و كل الناس بتحب طعمي و ريحتي و بيشربوني و هم مبسوطين .. زي حليب إنجوي بالضبط

اسكت ... ده أنا اتصدمت يوم المشروع لما لقيت ناس بتقولي إنها بتحبني .. رجالة طبعا .. أكتر من واحد بيقول لي إنه بيحبني في الله ..
و أحضان بقى و حاجات آخر حلاوة ..

أنا بفكر أرشح نفسي في الانتخابات يا عم .. ده أنا بقى لي شعبية
أول مرة أعرف إني مش رخم بجد

شكلي الحمد لله خلصت الرخامة اللي عندي و أنا صغير

على فكره

انا طفولتي كانت تقريبا كدا برضو

ونفس الرخامه حاليا

علشان كده احنا طالعين لبعض

كا تيجي نعمل حزب و نسميه "رخامة-ex" نضم في عضويته الرخمة القدامى الذين تحولوا

و نبقى .. المتحولون

[(Hadeer)]

ايه ده مفيش حد وسط خالص كلكم يااما اشقيه يا امه ساهتانين حلوه ساهتنين دي

انا كنت مع المدرسين مطيعه و مؤدبه جدا مكنتش بكلم حد منهم في حاجه اما

بقى مع اصحابي مقالب و بلاوي اعمل فيهم المقلب و اعد اتحك عليه

شكرا على الموضوع الجميل ده احلى حاجه الطفوله الشقيه بحبه موت

[نور السماء]

ميرسى يادريم على الموضوع الجامد ده


بس حرام الفضايح دى


ده ربنا ستار


أنا بقى كنت نص نص مش شقية اوى و مش هادية أوى بس أنا مكنتش اعيط نهائى كنت باخدحقى على طول(كنت مفترية بقى )وكان الى يقولى كلمةارد عليه بعشرة .
بس ده كان زمان طبعا هههههههه

كفاية بقى فضايح لحد كده أحسن لو زودت عن كده هتبقى مشكلة

[The Myth]

تحفة يا دريم
قريت حبة مواقف و هاجي اكمل الباقي

تم التثبيت

[marwa87]

جميل اوى
انا طول عمرى هاديه
بس اللى فكراه وانا صغيره كنت اعمل عرض ازياء فى الشارع مع قرايبى ههههههههه وكان فى مكان ازاز زى بترينه نفضل واقفين فيه طول اليوم زى المانيكان هههههههههههههههه
لكن غير كده كنت هاديه لحد اولى ثانوى قررت اغير حياتى
كنت بعد مانشرب الكانز اسيب حبه صغننين واكملهم ميه واعزم على صحابى بقى بلاش اقول على اللى بيحصل بعدها هههههههه
وكنت اتفق انا وصاحبتى هى تقف فى اول الحوش وانا بعيد عنها شويه بحيث نختار وحده صاحبتنا فى النص
واعمل ان اللى فى النص رايحه احضنها واسلم عليها وعينى فى عينها فهى تيجى عليا عشان تسلم عليا وكده اسيبها واسلم على التانيه اللى اول الحوش هههههههههههه حد فهم حاجه

[The Myth]

ههههههههههههههههههه
ايون يا توتي انا فهمت عشان كنت بعمل نفس الحركة مع اصحابي

[rosi_smile]

موضوع تحفه يا دريم بجد


انا بأه طفولتي ربنا مايوعد بيها حد ابدا ههههههههه
ميوعدش ام بيها يعني
انا كنت شقيه بطريقه ومازلت علي فكره بس وانا صغيره بأه كنت تقريبا كده عامله فيها سوبر مان
كان العيال في المدرسه بيخافو مني وبيعملولي الف حساب
كنا عاملين شله كده انا وصحبتي الانتيم كنا الرياس بتوعها كانت اسمها شلة (ورك النمله)
بس والله والله كنا بنعمل عمايل يالهوي
المدرس اللي ميعجبناش او اللي من اخر يخش يزعأ ويلطش ويصدعنا علي طول والله ميكمل معانا حصتين تلاته ده لو طول يعني اوي
في مره كان عندنا ابلة انجلش كنا بنكرها بنكرها بنكرها مكنتش تخشلنا حصه الا وتعمللاي واحده في الفصل انظار
لحد ما الدور جه عليا انا
ليه بأه
كان في واحده صحبتي معاها بيرقم من اللي رحته وحشه اوي اوي اوي ده
وهي كانت بتلبس علي طول جونتي كده وعامله فيها ناديه لطفي
واما تيجي تشرح او تمسك الطباشير تقلع الجونتي انا اخدت الجونتي تحت الدكه باه وفضيت ازازة البيرفم دي عليه وحطيته مكانه
يالهووووووووووووووي الابله جابت اللي في بطنها
وقامت بصالنا كده من الفصل كلو الحمد لله مخترتش الا انا وصحبتي الانتيم دي يعني عرفت ان محدش يقدر يعملها غيرنا
وظبططنا بالازازه وخرجتني لوكيلة الدور
ابل ما الوكيلا تيجي كانت الازازه مرميه من شباك الدور
وانا بأه عملت فيها عبده العبيط
والله ما دخلتلنا تاني


كان عندنا استاز عربي ديما يخش الفصل ويمسك المفاتيح طول ماهو واقف يخبط المفاتيح في بعضها لما كن يجيبلينا صداع واحنا اعدين
في مره انا اتخنقت بأه
قومت مسكت المفاتيح خبيتها
بس حظي الاسود انه شافني وانا بخبيها
قالي طلعي المفاتيح يا مي طلعتها برده اعد يخبط بيها

وكنا ننزل بأه تحت الفسحه نمسك العيال بتوع الحضانه الصغنينين
نقولها انتي اسمك ايه يا حلوه تقول مثلا مثلا مروه محمد احمد
اقولها ايه ده انا عرفاكي وعارفه بابا
تقول طيب لو جدعه تقولي بابا اسمه ايه اقولها بابا اسمه محمد احمد
تقولي ايه ده صح
قولتلها اقولك اماره كمان قالتلي قولي قولتلها عندكو تلاجه وبتوجاز في البيت
واعد اوقع بينها وبين باباها ومامتها ههههههههههه