(زلزال) يضرب (مصر) بقوة 6.8 ريختر

[ألب أرسلان]

أحس به الناس بعد الفجر

كان مركزه جزيرة (رودس) و أعلنت عنه قناة العربية .

حد حسّ بيه ؟

[ألب أرسلان]

وكالة انباء: زلزال قوته 6.3 درجة يهز مصر 7/15/2008 8:09:08 AM

القاهرة (رويترز) - قالت وكالة انباء الشرق الاوسط المصرية ان زلزالا شدته 6.3 درجة بمقياس ريختر وقع صباح يوم الثلاثاء وأحس به سكان القاهرة وبعض المحافظات.

ونقلت الوكالة عن صلاح محمد محمود رئيس المعهد القومى للبحوث الفلكية والجيوفيزيقية قوله ان الزلزال وقع الساعة 6.26 صباحا بالتوقيت المحلي وكان مركزه جزيرة رودس فى بحر ايجا بين تركيا واليونان.

[فراق84]

الله يحمي الجميع!!!
الله يستر!!

[abc]

آه صحيح ...

أنا كنت لسه داخل أنام ..

و حسيت بيه .. بس قلت أنا أكيد بيتهيأ لي ..

و قعدت أبص على المروحة إذا كانت بتتهز و لا لأ .. ما لقيتهاش بتتهز ... قلت يبقى حلم مش علم !!!

و أتاريه علم مش حلم

ألف شكرا على الخبر اللي ..... هزّني

[طارق الالفى]

لاانا ماحستش بيه وده اثبت لى حاجة انى عمر ماهصحى حتى لو الدنيا اتهزت اصل انا كنت نايم.

[ألب أرسلان]

الإخوة : فراق 84 ، abc ، طارق الألفي ؛ شرفني مروركم و دُمتم بخيرٍ و عافية .

و نسأل الله ألا يؤاخذنا بذنوبنا و لا بإفسادنا في الأرض .

و أنا أتضامن مع طارق في إني كنت نايم ساعت الزلزال .

[امل حياتى]

انا كنت صاحيه بس كنت مشغوله بالنتيجه
ماركزتش فى زلازل
بس انا اصلا كنت برتعش من غير زلزال
الحمد لله على كل شىء

انا ماحستش بحاجه

[love_baby]

لا انا ما حاستش باى حاجه الحمد لله
ربنا يحفظ الجميع
ان شاء الله خير
ربنا يستر

تحيااااااتى...
خديجة...

[**ريفيرا**]

انا بردوا محستش بحاجة
لاني اصلا مش ف مصر هههههههه
عملتي ايه يا امل حياتي ف النتيجة
ربنا يعينكم يا رب

[سالمين]

سلامةمصرواهل مصروانشأالله مايشوفون اي مكروه

[حبيبة تايجر]

الله يحمى الجميع

[midomod]

انا كنت صاحى وكنت بعمل شاتنج مع ناس ومحش مننا حس بحاجة خالص

ما هو لاما الزلزال كان شارب كوكو الضعيف وكان زلزال بناتى شوية لا ما احنا اللى كنا ضاربين حاجة

شكرا ع الموضوع ...........تحياتى

[bo7or]

لا عاااااااااااااااااااااادى جدااااااااااا
كنت صاحية ومفنجلة كدا وولا حسيت بأى حاجه
وكنا قاعدين نرغى وولا كأن اى حاجه حصلت

[mostafa10]

ربنا يستر
انا محستش بحاجة بس اتقالي بس

يارب سلم