وصية أم لابنها فى عصرنا المبارك

[hassan omran]

وصية أم لابنها فى عصرنا المبارك

أولا نشاهد وصية
الخنساء ـ رضي الله عنها ـ تُحرض أبناءها الأربعة على خوض القتال في حرب القادسية: "أي بَنِيَّ! إنكم أسلمتم طائعين، وهاجرتم مختارين، والله الذي لا إله إلا هو إنكم لبنو رجل واحد، كما أنكم بنو امرأة واحدة، ما هجَّنتُ حسبكم، ولا غيَّرتُ نسبكم، واعلموا أن الدار الآخرة خير من الفانية، فاصبروا وصابروا، واتقوا الله لعلكم تُفلحون، فإذا رأيتم الحرب قد شمّرت عن ساقها وحمى وطيسها جالدوا رئيسها عند احتدام خميسها تظفروا بالغنم والكرامة في دار الخلود والمقامة".

فى عصرنا الميارك
شوف يا أبنى أدلوق البنت وأوعى تندلق عليها , وما تشربش أكتر من أزازتين بيرة ومز بترمس مر علشان
راسك ما تلفش , وما دخنش أكتر من سيجرتين بانجوا فى اليوم أو حجرين معسل مغمسيين فى القاعده , وسيبك من الشهامه والجدعنه ما بيأكلوش عيش , اللى يسرق يسرق واللى يرتشى يرتشى واللى يحب موزه يحب واللى
ياكل ياكل ولو شفت عسكرى روح الطرف التانى م الشارع وأول ما تدخل على لجنه أيدك على جيبك حته ب 100 جنيه طبقها كويس وأوعى تمشى مع البت سياسه ولا تأفش فيها ولا تلمسها نصيحتى دى جربانه وبتعدى
وأوعى ما تختش دروس خصوصية عند أستاذك وسيبك من فكرة الجواز مشيها عرفى وإياك تروح الجامع بعدين يفكروك أرهابى وخد بالك م نفسك وأشكر فى الريس وأبنه وأهتف مع المهتفتية وأرفع صورته وبلغ عن
اللى بيكرهوه ولابسهم قضية
وأوعى تخالف نصيحتى أحسن أمنع عليك المحشى
التوقيع أمك أم أربعه وأربعين
----------------------------
كتابات / حسن أرابيسك

[lareen]

حلوه الوصيه دي

اهو ماشيه مع العصر

مش غلط

[الأسواني]

دايما يا عمران بتفاجأنا وتربط الماضي بالحاضر
منتهى الروعة

تحياتي
اسواني

[نسيمه]

السلام عليكم يا عمران
الموضوع حلو اوى بصحيح
بس اعتقد انه انت بتتكلم على سبيل الفكاهه
لانه طبعا فيه حاجات مبالغ فيها لانه وان كان فيه كل الى انت اتكلمت عنه الا انا لانجد امهات عصرنا كذلك
تقبل مرورى

[hassan omran]

المشاركة الأصلية بواسطة lareen

حلوه الوصيه دي

اهو ماشيه مع العصر

مش غلط

شوفى الفرق بين وصية الخنساء وبين أم أربعه وأربعين

فرق مبادىء وأخلاق وزمن أندار للخلف

تقبلى تحياتى وأحترامى