اكيد المتابع لبرنامج 90 دقيقه شاف اثناء وقت امتحانات الثانويه العامه الفيديو اللي صورته الطالبه طروب لحاله الغش اللي كانت عيانا بيانا في لجنه الامتحان تقريبا كان امتحان احصاء المهم الحكايه كانت واضحه زي عين الشمس
:: امبارح لو شوفتوا طروب لما طلعت نتيجتها لقت نفسها ساقطه هيه واللي كانت بتغش اللي يحرق الدم ويشل ان المتحدث باسم سياده الوزير لما اتصلو بيه كان شكله وحش قوي ومش عارف يبرر الموضوع وكعاده التلفيق قال ان طروب هيه اللي عملت شغب وشتمت المراقب طيب ما هيه كمان صورت بنتين كانوا بيغشوا الاستاذ اللي اتصلوا بيه امبارح قال انه من الناحيه الفنيه الموضوع متلفق وكأن اللي بيشوفوا كلهم مش بيفهموا حاجه وملهمش عنين والله يا ناس شكلنا كمان لازم نشوف بعين الحكومه علشان نوافق على التصريحات الفظيعه دي
الراجل قال اننا مش بنشوف طيب الله يكرمك
المهم لما طروب اتسألت لما تعيدي السنه ولو شوفتي حد بيغش هتعملي كده تاني قالت طبعا لا وانا مالي عمري ما هعمل كده تاني وده (ه ط ث) يعني هوه المطلوب اثباته الموضوع ده بقى لو ربطناه مع حكايه اسراء عبد الفتاح بتاعه الفيس بوك هتلاقي نفس الاجابه هتعملي كده تاني يا اسراء قالت عمري
همه بيعملوا ايه ف الناس علشان يسمعوا الكلام كده ويغسلوا رجليهم قبل ما يناموا
تقريبا بيدوهم حبوب سمعان الكلام
على فكره انا لا اعرف طروب ولا اسراء بس بجد دي حاجه تفررررررررررررررررررررس
وتجيب الهبل
مواضيع مشابهة
النمط الخطي
