المغنيين بيغنوا للناس ولا بيغنوا عليهم

[منى زكريا]

ساعات الواحد بيحس ان المغنين دول مش عايشين فى الواقع ومتحاطين بسور من الخيال او يمكن هما اللى عايزين يستعبطوا علينا حتى الاغانى الوطنيه فقدت المصداقيه يعنى زمان كانوا بيقولوا ان الاغانى مثلا كانت بتشجع الناس على الانتصار فى الحرب دلوقتى الاغانى الوطنيه بقت تموت من الضحك واحد يغنى للوطن ويطلع هربان من الجيش والتانيه تقول مشربتش من نيلها تقصد الملوث طبعاااا وواحدة تقول انا مصرى وابويا مصرى وهيه اصلا لبنانيه وتانين يقولو مصر اللى بتضمنا ومعظمهم سايبين مصر ومقيمين فى اوربا او فى دبى ومنشوفهمش الا ساعه الحفلات والجوايز والمهرجانات طيب دول ناس ليهم كلمه مسموعه ونفوذ واكيد طبعا من اصحاب رؤوس الاموال يبقى ليه ميخدموش البلد اللى هم بيقولوا انهم بيحبوهاا وطبعا مش كلهم فى اكيد ناس كويسه بس الغاليبه من اللى بتفتكر نفسها انها هتعرف تضحك علي الناس او تغنى عليهم بمعنى اصح
منى,,,.

[omarr]

منى زكريا ..

حسب وجهه نظرى الشخصيه .. لم يتغير شىء ..

الحاجه الوحيده اللى اتغيرت اننا كشعب اصبحنا اكثرا ادراكا و فهما لما يحدث

لأننا اصبحنا منفتحين على العالم كله , عكس الفتره السابقه عندما

كنا نسترق السمع الى إذاعه البى بى سى .. الجيل الحالى اصبح

اكثر ادراكا و اكثر توعيه وماحدش يعرف يضحك عليه بكلمتين من اياهم


بمناسبه الجماعه اللى بيغنوا , اللى كتروا اوى جدا خالص

فى مشروع قومى جديد عنوانه

مطرب لكل مواطن ..

تقريبا قرب خالص يكتمل قريب

[R=K]

الاغاني وقنوات الاغاني بقت حاجة تكسف يعني الاغنية صعب تتفرج عليها وانت وسط اهلك والاغاني الوطنية ولا اعرف اغنية منها اصلا

[**ريفيرا**]

الله يخرب بيت المغنيين كلهم
ولا نقول احسن ربنا يهديهم
يمكن يهتدوا

[مستر كاراتيه]

ازيكم يا شباب

انا بقى شايف ان الحكايه مش بقت مجرد اننا بقينا اكثر وعيا ... الحكايه كلها بقت بزنس

فلوس بتجيب فلوس بتصنع فلوس .. دى كل الحكايه .. وانت لما تسمع وتتفرج وتتكلم وتنقد بتعمل دعايه اكتر وتجيب فلوس اكتر وهكذا

[omarr]

المشاركة الأصلية بواسطة مستر كاراتيه

ازيكم يا شباب

انا بقى شايف ان الحكايه مش بقت مجرد اننا بقينا اكثر وعيا ... الحكايه كلها بقت بزنس

فلوس بتجيب فلوس بتصنع فلوس .. دى كل الحكايه .. وانت لما تسمع وتتفرج وتتكلم وتنقد بتعمل دعايه اكتر وتجيب فلوس اكتر وهكذا

احمد ..

عندك حق .. كلامك فعلا صح ..

[مستر كاراتيه]

المشاركة الأصلية بواسطة omarr

احمد ..

عندك حق .. كلامك فعلا صح ..

احم احم .. اخيرا كلامى صح

طيب والله بص لو انا مثلا مثلا مثلا يعنى غنيت ... وجيت نزلت كليب .. الناس هاتطفش منه
بس ده هايقول لده انا شفت فلان بيغنى اغنيه وحشه جدا .. استنى اسمعهالك .. وده سمع ده وده يسمع ده .. والكلام يبقى كله فى مصلحتى رغم انهم بيشتمونى .. دعايه مجانى ليا ..
وفلوس شغاله بتتحرك وتزيد .. وده يقولك فلان الى بيغنى وحش ده اللى طلع فى التلفزيون ده نجيبه فى الحفله .. اهو الناس تتفرج عليه وادينا نضحك شويه ونفرفش الناس
.. وانا اغنى عليكم وانتم تغنوا على نفسكم .. ورصيدى فى البنك يزيد ... والله فكره

[ميس بيرو]

انا اظن انهم بيغنوا على نفسهم اكتر واحنا عارفين كده ومع ذلك برده بنسمعلهم وبشوف ناس بيغمى عليهم علشان مغنى يمضى على اوتوجراف او تديله دبدوب
بالذمه مش دى هيافه

[منى زكريا]

شكرا ليكم على تفاعلكم معايا والله بعرف بجد لما بتلقى حد بيرد عليا وبيتجاوب معايا بس يا ريت تمنعواااااااااااا الكارثه اللى هتحصل وتخلوا مستررررررررررر كارتيه يرجع عن فكرة الغنى دى كفايه ثقب الاذون هيبقى كمان ثقب فى طبله لاذن صراحه كتيير اوووى

[منى زكريا]

وشكرااااااااااااا وسلام كبير اولى لعمر ومس بيرو وريفيراا من منى ليكم

[بقايا انسانة]

باختصار يا منون
احنا فى بلد اللى من البلاد اللى بتقول
ان الفن رسالة فى المجتمع
مع اننا لو دققنا النظر هنلاقى
ان الفن عاله على المجتمع
لانة بيهدم الحريات و بيحطم المبادىء
وبيمحى القيم التربوية
و بياثر على شخصية اجيالنا
يعنى دلوقتى ممكن شخص يقول للعالم كلة
بدون خجل انا بحب الفنان الفلانى بعشقة و مجنون بية
ودة كتير موجود النوعية دى
غير لو عملنا فلاش باك ع الزمن لورا
هنلاق ان مكنش فى مخلوق يجرء انة يقول حاجة زى كدة
وكان فى مغنين و عظمااء كمان زى ام كلثوم مثلا
بس هنقول اية الزمن اتغير و النفوس اتغيرت
و نسينا اننا امة اسلامية
وربنا يتولانا برحمتة
بجد يا منى مواضيعك حلوة عشان بتناقش قضايا معاصرة
ومتحرمنياش منها بقى
عايزين الجديد ديما
ونا مش هحرمك من ردى كمان
تحياتى ليكى يا قمرة
اختك
بقايا انسانة

[مجرد شعووور]

والله فعلا
بجد بيغنوا على نفسهم فعلا انتي تشوفي الواحد منهم
بيقول اغنية وياحرام دايب فيها

وبعدها اغنية عتاب وياريته بقى عتاب بقى قلة ادب
ومبسوط جدا

يعني من الاخر زي ماربنا سبحانه وتعالى قال (والشعراء يتبعهم الغاوون ... الم تر انهم في كل
واد يهيمون .. وانهم يقولون مالا يفعلون )

شهادة نزلت من عند ربنا من 14 قرن
والناس بردو بتكابر وتقول دا احساس ولا رسالة

وبمناسبة الاغاني الوطنية دي بقى مالهاش اي لازمة
لما يصرفوا على اغنية الضمير العربي عشرين مليون تصوير ومنتاج

بزمتك الفلوس دي لو كانت اتوزعت على الناس ولا اتعمل بيها مشروع خيري
مش كان هيبقى احسن يعني دلوقتي الناس هتفرج على الاغنية هيحصل ايه هتتاثر شوية

وبعدين هتقلب على القناة الي وراها هتلاقي اغنية رقص اققلها هتتفرج
دا اذا ماقامتش ترقص يعني عملوا ايه ولا استفادوا ايه ؟

تحياتي ليكي
منى مواضيعك مهمة
اشكرك