|
ممكن أفضفض معاكوا .......................؟
السلام عليكم ورحمة الله وبركاته
إخوانى وأخواتى أوضح لكم هدفى من أى خبر ننقله فهو للعظة والتنبيه
ماذا نفعل لو جاء أجلنا دون مقدمات فاموت الإنسان هو قيامته أى إنقطاع
عمله من الدنيا فلو كل واحد منا تنبه لهذا وأن يحاسب نفسه على آثامها
وذنوبها
ويسأل نفسه هو أنا عملت إيه لهذا اليوم ؟
إدخرت إيه من عمل ؟ فلا يغرنا جمال أشكالنا وبهائها
ولا يغرنا مال أو جاه نشتهيه
هل تعرفون لماذا رسول الله (عليه الصلاة والسلام ) لماذا لم يكن غنى مالا
هذا السؤال سألته لنفسى
وبحثت عن الإجابة هى أن رسول الله كان زاهدا فى الدنيا لإنه يعلم ما عند الله
ومطلع على الخير الذى سوف يعطيه الله تعالى له من فيض ونعيم لا نستطيع
تخيله فنأخذ رسول الله قدوة لنا فإذا لم تستطع ان تنال وظيفة ما أو فتاة أحببتها
ولم تستطع أن تتزوجها وأنت يا أختى الغاليه إذا لم يكن لك حظا من الجمال
لاتبكى حظك إحتسبى عند رب العالمين فأنت لا تعلمى ما عند الله لكى
هل تعلمين أنك فى الجنة سوف تكونى أحلى من الحور العين وسوف تكونى
أفضل منهم بعبادتك لله عز وجل وللمتزوجه طاعتها لزوجها ورضاه عنها
خير الجزاء عند رب العالمين
وانت يا أخى لا تغرك الفتيات اللاتى كالأفاعى على الدش من عرى وإباحية تفقدك دينك
وتضعف قلبك من الشهوات والعياذ بالله ففى الجنه سوف تزوج من الحور العين
اللاتى جمالهن لا يوصف وصوتهن العذب لا يوصف
يلا جميعا نتسابق على الجنه
بقراءة القرآن والدعاء والتسامح على قدر ما نستطيع
ومجاهدة النفس العاصية إجعلوها تائبة ونقية
ونغير من عاداتنا لو شفت منظر خارج أو بنت فى التلفاذ يعنىىىىىىىىىىىىىىىىىىىىى
إقلب القناة على قناة مفيدة ذى القنوات الدينيه بدل السيئه قبل أن يكتبها الملك الذى يلاذمك فى حياتك فهو الآن على كتفك لا تنظر لكتفك لأنك لن تراه ولكنه موجود
يكتب كل شىء من خير وشر سوف تتبدل السيئه حسنه
والله يا إخوانى هذه فضفضه معكم ونحن على مشارف الشهر الكريم
اللهم بلغنا رمضان وإغفر لنا ما تقدم وما تأخر من ذنوبنا يا ربنا
علينا بالإستعداد من الأن بقراءة القران الدعاء الصلاة والنوافل
عارفين لو نثبت على ركعتين فى اليوم لوجهه الله تعالى يوميا دون إنقطاع
وخاصة صلاة الضحى وصلاة القيام ركعتين مش هايخدوا حاجه
الذكر خمس دقايق مش هاقولكوا ربع ساعه
لو قلت معاى دلوقت سبحان الله والحمد لله والله أكبر
خسرت حاجه لأ محنا بنقعد نرغى فى كلام فاضى مع أصحابنا على التليفون
بالساعه ومكن فى المكالمه نجيب سيرت حد سواء بالخير أو باشر
إفتكر دعاء الغيبة اللهم إغفر لى ولهم
إدعى للى جبت فى سرته أحسن مايجى اليوم اللى يجى هو وياخد من ميزان حسناتك
طيب لو قعدنا نتكلم إحنا واصحابنا فى قعده مثلا وإحنا قايمين نمشى نفكر بعض
بدعاء كفارة المجلس اللى هوه :
(سبحانك اللهم وبحمدك أشهد أن لا إله إلا أنت أستغفرك وأتوب إليك )
خسرنا حاجه أبدا هانمحى ذنوبنا لو كنا غلطنا فى حد من غير قصد
الحكاية بسيطة مش كدا ولا إيه
طيب لو خرجت تشترى حاجة ليك فطار عيش لبس أى شىء سواء أكل او غيرة
ودخلت المحل او السوق قول معاى الدعاء ده وهاقولك ثوابه بس بعد ما تقولوه
(لا إله إلا الله وحده لا شريك له له الملك وله الحمد يحيى ويميت وهو حى لا يموت
بيده الخير وهو على كل شىء قدير )
تعبتوا فى حاجه أبدا بس عارفين الدعاء ده ثوابه قد إيه مليون حسنه ويحط مليون سيئه متخيلين مجرد الدعاء البسيط دة كسبت بيه قد إيه ولو إنت فكرت أصحابك بيه
كل ما واحد منهم يقولوا تاخد مثل أجرة أضعاف
الموضوع بسيط والقرب من الله ليس ببعيد
طيب خدوا كمان الدعاء ده ودا بقى ثوابه عظيم جدا جدا عارفين ليه عشان ربنا
سبحانه وتعالى بيقول للملائكة أتركوا ثوابه لى فسوف أجاذيه به
الدعاء هو ( ربى لك الحمد كما ينبغى لجلال وجهك وعظيم سلطانك )
شوفتوا الجمال سبحان الله بيحبنا وعايزنا ندخل جنته لو نظرة فى كل شىء بتعمله
بتذكر إسم ربنا عليه عمرك ماهاتعمل حاجه خطأ مش معاى برضه ولا إيه
على العموم انا طولت عليكوا معلش بس من حبى ليكوا ونفسى نتجمع سوا على
الحوض إن شاء الله
يلا قولوا الدعاء دة
اللهم إغفر للمؤمنين والمؤمنات والمسلمين والمسلمات الأحياء منهم إلى يوم الدين )
شوفتوا لما قولتوه كسبتوا حسنه عن كل مسلم من اول ظهور الإسلام الى قيام الساعه
إستنوا رايحين فين مش تدعولى الأول قبل ما تمشوا
يلا فى رعاية الله وأمانه
أختكم أم يوسف وحبيبه
|
مواضيع مشابهة
النمط الخطي
