حب ايه انت جاى تقول عليه ؟!

[نرجسية]

هى دى الهندسة و للا بلاش

موضوع متميز يا باشمهندس

ياللا هات المسامير و الشاكوش و السلم عشان نطلع و نثبت لك الموضوع ده

[abc]

المشاركة الأصلية بواسطة زهره مصر

abc
موضوع رائع جدا
ليا عوده باذن الله للتعليق علي الموضوع
باكمله

شكرا لمرورك يا شيماء ...

و إن شاء الله في انتظار التعليق "على أكمله"

[abc]

المشاركة الأصلية بواسطة نرجسية

هى دى الهندسة و للا بلاش

موضوع متميز يا باشمهندس

ياللا هات المسامير و الشاكوش و السلم عشان نطلع و نثبت لك الموضوع ده

شكرا جزيلا على المرور يا دكتورة ...

مرورك أسعدني ..


و شكرا على تثبيت الموضوع .. بس بلاش مسامير ...
خليها "سوليتيب" بس

[abc]

المشاركة الأصلية بواسطة mostafa10

طبعا طبعا

دا انا نشرت الموضوع في كل انحاء المعمورة

انا من أكبر اساليب الدعاية على فكرة

"المعمورة" بس يا مصطفى ؟؟

طيب و باقي "الاسكندرية"

[لاجئة]

بداية..
اقدم لك جزيل الشكر على ما قدمت..
فقد صنعت الكثير... من رقي وفكاهة في الاسلوب..
وادلة وبراهين عالية القدر والرفعة!!
فعلا اجدت.

اما بالنسبة للامور التي طرحتها..
ففي نظري انها وجهة نظر لا تشوبها شائبة.
وان كان البعض عارضك في بعض التفاصيل.. فأنا اؤيدك بجميعها!!

لقد اوردت لنا من الكلام ما يغنيني عن "الرغي" مرة اخرى!!
فالزبد في كلامك بين لا يحتاج مني الى دعم او تأكيد..

وما اود قوله.. واكتفي به حقا.
ان تراكمات الاحداث السالفة والحاضرة والاتية انما مشهد واحد متراص..
لو وضعناها في قالب واحد لوجدنا التغييرات التي طرأت والتي نكابدها نحن اليوم!
هذه التغييرات احد لم يحدثها الا المعني بتحطيم ثقافة الشرق ودك الدين وتطويع التقاليد والاعراف السوية...
وبالتالي فإنها تغييرات لا تصب الا في مصلحة الغير بالدرجة الاولى.
وعندما اقول تغييرات فإنما انا اقصد "الانفتاح" و "الحب ذو النزوات" و "صاحبها لحد ما تتعرفوا على بعض".. وامثال هذه الديباجة وتلك كثرٌ للاسف!
ان ما ندعي اليوم انه ارتباط "تقليدي" "سخيف" لهو امر في سخفه افضل من "حضارة" وتقدم" نبحث عنها في الحب الجديد الارعن هذا!
والشواهد كثيرة وواقعية... وخير الادلة امور نعيشها كل يوم لم ندركها الا بعد ان ادركنا ما اوردته قبلا تحت مسمى "تغييرات"!!


لن اطيل فيما اود ايصاله.
ولكني اتمنى ان ندقق في التفاصيل ونفتح اعيننا ولو مرة..
لنرى كيف كنا واين صرنا!!


اشكرك مجددا يا xyz
وبالتوفيق.

[امرأة العزيز]

أكيد هي دي (خميسة .. برنسيسة أحلامك) ,

هو الموضوع مفهوم وجميل جدا كلام بس انا جيت اسأل يعني ايه خميسة اسم وحدة مثلا اصل ده الي انا قعدت افكر فيه وفي الاخر توصلت انه ممكن يعني يكون اسم وحدة .. تفتكر ده اغواء شيطان بيلهيني عن الفكرة الاساسية للموضوع

المهم

يمكن اكون انا من الناس الي بيؤمنوا ان لا سلطان علي المشاعر فالقلوب بيد الرحمن والارواح ما هي الا جنود .. قد تكون الاسباب في العشق بسبب تهاوننا نحن في في بعض المحظورات الشرعية.. او حتي قد يحدث العشق من النظرة الاولي التي تاتي بلا قصد منا ..اي بامر لا عقاب عليه ..

اي انه واقع واقع وعندما نتحدث عن مشكلة علينا ان نكون واقعيين معها.. فان كنا في زمن استيراد الفساد كما قلت والانفتاح والاختلاط فعلينا ان نحل مشكلات العشق والغرام بصورة اوقع من كلمة حرام وحلاال لاننا اكيد كلنا نعرف انه حرام وبنستمر ليس قلة خشية من الله او حتي لانه فراغ داخلنا لكن لان الفطرة بتدعي للانجذاب ده ومش حنقدر نخالف الانجذاب الفطري لكن حنقدر نوظفه للطريق الصحيح وده الحل الامثل الي نقدر نعمله .. ان كنا مش حنقدر نمنع الحب من بداية طريقه وان كنت مقتنعه ان الامتناع عن الحب في اوله ونحن نملكه افضل من ان يملكنا هو وندخل في دائرة الحرب الشرسة مع النفس .. اذا فلنجعل حبنا طاهر عفيف بدون سقطات ويكون مسعانا به هو الزواج لا اللعب علي بنات الناس ..

بس بقي

[abc]

المشاركة الأصلية بواسطة لاجئة

بداية..
اقدم لك جزيل الشكر على ما قدمت..
فقد صنعت الكثير... من رقي وفكاهة في الاسلوب..
وادلة وبراهين عالية القدر والرفعة!!
فعلا اجدت.

- شكرا جزيلا أختي الكريمة على المرور ...

و الإطراء على أسلوب الموضوع ..
اللي أعرف ناس مش بتطيق الأسلوب ده و بتهاجمة بشدة
شكرا جزيلا ..

اما بالنسبة للامور التي طرحتها..
ففي نظري انها وجهة نظر لا تشوبها شائبة.
وان كان البعض عارضك في بعض التفاصيل.. فأنا اؤيدك بجميعها!!

لقد اوردت لنا من الكلام ما يغنيني عن "الرغي" مرة اخرى!!
فالزبد في كلامك بين لا يحتاج مني الى دعم او تأكيد..

- طيب الحمد لله إنك تؤيدي ..
و أن وجهة نظري جاءت سليمة ..
لأنها مجرد وجهة نظر فردية ..

وما اود قوله.. واكتفي به حقا.
ان تراكمات الاحداث السالفة والحاضرة والاتية انما مشهد واحد متراص..
لو وضعناها في قالب واحد لوجدنا التغييرات التي طرأت والتي نكابدها نحن اليوم!
هذه التغييرات احد لم يحدثها الا المعني بتحطيم ثقافة الشرق ودك الدين وتطويع التقاليد والاعراف السوية...
وبالتالي فإنها تغييرات لا تصب الا في مصلحة الغير بالدرجة الاولى.
وعندما اقول تغييرات فإنما انا اقصد "الانفتاح" و "الحب ذو النزوات" و "صاحبها لحد ما تتعرفوا على بعض".. وامثال هذه الديباجة وتلك كثرٌ للاسف!
ان ما ندعي اليوم انه ارتباط "تقليدي" "سخيف" لهو امر في سخفه افضل من "حضارة" وتقدم" نبحث عنها في الحب الجديد الارعن هذا!
والشواهد كثيرة وواقعية... وخير الادلة امور نعيشها كل يوم لم ندركها الا بعد ان ادركنا ما اوردته قبلا تحت مسمى "تغييرات"!!

- لديك كل الحق ..
فمهما زينوا الكلمات ..
و مهما ابتدعوا من عادات ..
فلا يصح إلا الصحيح ..

و من أصدق من الله قيلا : (و لو أنهم فعلوا ما يوعظون به لكان خيرا لهم و أشد تثبيتا )
فلو أننا أطعناه من البداية , و اتبعنا ما أمر .. لكان الخير كل الخير .. و التثبيت على ذلك الخير ..

لن اطيل فيما اود ايصاله.
ولكني اتمنى ان ندقق في التفاصيل ونفتح اعيننا ولو مرة..
لنرى كيف كنا واين صرنا!!


اشكرك مجددا يا xyz
وبالتوفيق.

- جزاكِ الله خيرا على المرور ..
وفقني الله و إياكم للنتفاع بما نقول , و التدقيق فيه ..

و عفوا يا ... علا .. و هخليني أنا الكبير و مش هتلخبط في الاسم زي ناس

تحيتي ..

[abc]

المشاركة الأصلية بواسطة امرأة العزيز

هو الموضوع مفهوم وجميل جدا كلام بس انا جيت اسأل يعني ايه خميسة اسم وحدة مثلا اصل ده الي انا قعدت افكر فيه وفي الاخر توصلت انه ممكن يعني يكون اسم وحدة .. تفتكر ده اغواء شيطان بيلهيني عن الفكرة الاساسية للموضوع

- شكرا جزيلا لمروركِ أستاذة نسرين ..

و السؤال إجابته في كورسات أم إسماعيل اللي المنتدى كله عرفها منكِ ..
خميسة : هي مؤنث خميس .. و هو اسم شعبي لبعض النساء ..

هو انتي بجد لو مش عارفاه .. أنا هحس إني "بيئة" قوي

المهم

يمكن اكون انا من الناس الي بيؤمنوا ان لا سلطان علي المشاعر فالقلوب بيد الرحمن والارواح ما هي الا جنود .. قد تكون الاسباب في العشق بسبب تهاوننا نحن في في بعض المحظورات الشرعية.. او حتي قد يحدث العشق من النظرة الاولي التي تاتي بلا قصد منا ..اي بامر لا عقاب عليه ..

- بالراحة علشان أنا اتلخبطت ..
انتي معانا و لا مع الناس التانيين ؟

يعني قلتي لا سلطان عليها ..
و بعدين قلتي علشان تهاوننا في محظورات شرعية !!!
و بعدين قلتي بأمر لا عقاب فيه ؟؟ !!

انتي كده لخبطيني .. !!!

ممكن تشرحي وجهة نظرك ؟؟

اي انه واقع واقع وعندما نتحدث عن مشكلة علينا ان نكون واقعيين معها.. فان كنا في زمن استيراد الفساد كما قلت والانفتاح والاختلاط فعلينا ان نحل مشكلات العشق والغرام بصورة اوقع من كلمة حرام وحلاال لاننا اكيد كلنا نعرف انه حرام وبنستمر ليس قلة خشية من الله او حتي لانه فراغ داخلنا لكن لان الفطرة بتدعي للانجذاب ده ومش حنقدر نخالف الانجذاب الفطري لكن حنقدر نوظفه للطريق الصحيح وده الحل الامثل الي نقدر نعمله ..

- أوافقك أن كثيرا من الناس لا تؤثر فيهم كلمة حرام و حلال ..
لكنهم يريدون حلولا غير شرعية لأمور هي شرعية بالأساس ...
لكن ماشي .. ما الحلول الغير تقليدية ؟؟
و ما هو الطريق الصحيح الذي نوججها فيه ؟ إذا كان الطريق مسدودا ابتداءا ؟؟

ان كنا مش حنقدر نمنع الحب من بداية طريقه وان كنت مقتنعه ان الامتناع عن الحب في اوله ونحن نملكه افضل من ان يملكنا هو وندخل في دائرة الحرب الشرسة مع النفس .. اذا فلنجعل حبنا طاهر عفيف بدون سقطات ويكون مسعانا به هو الزواج لا اللعب علي بنات الناس ..

- أنا بقول كده برضه
لكن ألا ترين أن الحب مع عدم المقدرة عليه و على تبعاته هو "لعب ببنات الناس" ؟ حتى لو كان طاهرا و عفيفا ؟؟

بس بقي

- خلاص ماشي

و شكرا على المداخلة التي .. لخبطتني قليلا !!

[يايو الدلوعة]

موضوعك حلو يا abcبس اسمك غريب واشمعنا خليت اسمك abcونسيتd

[duha]

abc
عبقري بطرح المواضيع
اختيارك للموضوع عبقري
وطريقه عرضه مدهشه
استمتع واستفاد من كل اللي تكتبه
شكرا لك

[abc]

المشاركة الأصلية بواسطة يايو الدلوعة

موضوعك حلو يا abcبس اسمك غريب واشمعنا خليت اسمك abcونسيتd

- أهلا و سهلا يا يا يو

و شكرا على المرور ..
و الحمد لله إن الموضوع عجبك ..

هو الاسم abc من غير d
علشان هم كانوا طالبين الاسم الثلاثي بس
و الاسم بالكامل موجود في البطاقة بقى

شكرا لمروركِ ..

تحيتي ..

[abc]

المشاركة الأصلية بواسطة duha

abc
عبقري بطرح المواضيع
اختيارك للموضوع عبقري
وطريقه عرضه مدهشه
استمتع واستفاد من كل اللي تكتبه
شكرا لك

ضحى ...

شكرا جزيلا على المرور .. الذي شرفني ..

لكِ جزيل الشكر على مرورك و على كلماتك المشجعة ...

تحيتي لكِ ..

[midomod]

ابدااااااااااااع بلا حدود

بجد انت شخص متميز جدا

وحب ايه اللى انت جاى تقول عليه وايييييييييييييييييييييييه

[مجرد شعووور]

كلامك مهم جدا ورائع
وموجه توجيه صحيح جدا لطبقة الشباب
وخاصة المصريين الي بقى عندهم الحب قبل الجواز دا شيء مقدس
عند كل بنت وكل ولد وكان الي مايحبش بقى هو الي غريب في وسط المجتمع
وكل ماتقول لحد حرام ولا غلط يقول هي جت عليا انا ماالكل بيعمل كدة

واجمل مافيك انك قدرت تجيب الادلة الصحيحة والقاطعة والي تخلي
الي يقراء الموضوع مايبقاش عنده شك ولو واحد في المية ان الحب فعلا حرام
ومايقدرش يجادل وحتى لو جادل يبقى بيغالط نفسه وهو مقتنع من داخله ان كلامك صح
وبعيد عن فتاوى شيوخ الفضائيات انت جبت احاديث وايات تابتة وفسرتها بشكل جميل


انا كنت دايما بتكلم في الموضوع ده
بس بشكل عشوائي

كنت كل ماجي
للشباب من الجنسين تقولهم ليه الحب قبل الجواز ؟؟؟
يقولولك عشان نعرف بعض كويس قبل الجواز
نقولهم طيب اعرفوا بعض في مرحلة الخطوبة
يقولولك ونبقى متكتفين باوامر من الاهل لاماتروحوش لاماتعملوش
احسن حاجة نعيش لينا كم سنة بحرية

تقولهم ربنا مش بيبارك فيها
يقولولك وانت هتعلم الغيب مايمكن نكون احسن من الي اتجوزا جواز تقليدي

وبقت كلمة جواز تقليدي دي عيبة
تصدق اني لما اتخطبت وكانت خطوبة شبه تقليدية يعني من غير علاقة من قبلها

كل واحدة تشوفني تقلس عليا
بقيت مقلسة الكل
وكاني انا الي غلط

المشكلة انها حكايات الحب من كتر مابقت منتشرة مابقاش حد ممكن يفكر انها غلط
بقت شيء طبيعي والبنات ممكن تكلم البوي فريند قدام مامتها عادي
مش هقولك الكلام دا بيحصل في العائلات الاروستقراطية
لا للاسف دا بيحصل في العائلات القروية المحافظة

بقت حاجة تنقط وتوجع القلب
البنات الي مابقاش لهم سيرة غير الحب وعذاباته
وكمان الشباب الي بقت حياتهم ازاي يزبط دي ويعلق دي
ويمشي مع دي

ربنا يجزاك خير على الموضوع الرائع ده
ويجعله في ميزان حسناتك

لانك بجد بينت للكل قد ايه هو حرام
وموضوعك دا هيبقى حجة لكل الي يقراه ومايعملش بالكلام الي اتذكر فيه

وماحدش يقول صعب ولا مستحيل
الي بيحاول يمشي في طريق الصح ربنا بيوفقه وبيعينه

تحياتي ليك
ياباش مهندس وربنا يخليك ويقدرك انك تفيدنا دايما