آه يا كرامتي !!!

[mostafa10]

الطبيعي انك لما حد يغلط في حقك في البلد دي انك ترد عليه

وكرامتك تنقح عليك طبعا وتسمعه انت كمان أحلى اسطوانه ولسانك يبقى طول كده ---------------

انما الغريب انك تسكت !!

الاغرب بقى لما اللي غلط فيك يقولك انت معندكش كرامة !!!!!!! عشان ساكت يعني

الموضوع باختصار الى أي مدى تيجي على كرامتك شوية وتسكت على الاهانة - أو قل الاستهزاء بيك

على فكرة كلامي مش على الشتيمة بمعنى يا بن ..... وكيت وكيت بقى

بس ممكن اللي قدامه يقول رأيه فيك بفظاظة وغلظة أو بطريقة تقدحك شوية

يمكن نتبقى بتتكلم وبتتناقش مع واحد وتلاقيه في نص الكلام بيتهمك بالغباء مثلا أو يقولك انت مبتفهمش حاجة ,, انت تافة ,, أو اي حاجة من هذا القبيل

انا ساعات باخدها عادي يعني وبسيبه يغلط عالاخر - ومحدش بقولى عادي ازاي هي عادي وخلاص الكلام مبيلزقش يعني

اللي محيرني بقى هل سكوتك على الغلط في شخصك واصرارك على اكمال النقاش بطريقة عادية يبقى كده انا تخليت عن كرامتك -واروح اقدم على واحدة جديدة في الجمعية على رأي الصديق

انا منطقي في الوضع دا اني بجاول اتعامل على الحياد

يعني ايه بقى على الحياد بقى - يعني انا بحاول احط نفسي مكانه كده واشوف هو شايفنى ازاي ؟ يعني مش باخد الكلام لشخصي لأ بحط نفسي مكانه وهو مكاني كنت هقول ايه على نفسي اللي بقة هو يعني ( ايه اللخبطة دي كل واحد يرجع مكانه أحسن )
بحاول اكتر افهم شخصيته ,,, لأن بصراحة في ناس اسلوبها في الكلام كده
انا نفسي معترف ان اسلوبي ساخر لحد الرخامة احيانا وأكيد كلكم شايفين كده

بصراحة انا بستمتع لما بسمع رأي اي حد فيا بالذات لما يبقى يبتكلم عن عيبوبي

تصرفاتي دي بتخليني ساعات بخرج من ازمات كتير - والغريب ان الطرف الاخر بيطلع من النقاش معتقد انه منتصر عليا

ودا في حد ذاته حاجة غريبة ليا - ليه دايما بنحاول نخرج يا غالب يا مغلوب - مفيش تعادل خالص -

ايه دا يا مرسي ؟؟!! اسنتى بس

طيب حد يعرفلي الكرامة أصلا - بالله عليكم ايه هي عشان امسكها ؟

انا كنت فاهم - وما زلت - ان الكرامة هي عدم الخضوع لحد غير الله ؟!هي العزة النفس والشرف والترفع عن الصغائر

بس الظاهر ان التعريف دا ناقص شوية أو يمكن طلع حاجة جديدة في السوق وانا معرفش

ولا يمكن الناس بتبالغ في الكرامة حبتين

أو يمكن انا اللي مش مديها حقها - ودا أولى -



يقال إذا تكلم السفيه فلا تجبه ****** فخير من إجابته السكوت

بس امتى يكون السكوت حكمه ؟ وامتى يكون غباء ؟

مهو أكيد في حد فاصل بينهم

اهو شوية تخبيط في الحلل وخلاص

سلام

[الدكتوره هديل]

مش عارفه يا مصطفى بس يمكن ده على حسب البنى قادم الى قدامك انا مثلا لو صحبتى غلطت فيه وكنت بحبها ممكن اسكت مره واتنين واحاول اصلح من نفسى بس مش هسكت على طول الخط اكيد فيه وقت هيجى وهبقى ارد عليها


انما لو الانسانه ده انا مش بحبها او مش مستلطفاهل هرد وارد وارد بس سلام


من غير تخبيط فى الحلل

[سها soha]

لو حد غلط فيا فى البلد دى لازم ارد علية
طب لو بلد تانية هسيبة ! مثلا يعنى

لا

انا هسيبة فى كلا الحالتين ومش ضعف منى انى ما عيبش على حد عاب فيا
بالعكس
والرد اللين الذوقى بيجبر الى قدامك انة يعيد التفكير فى كلمتة الى عاب بيها فيا ويحذفها ويعتذر
معتقدش ابدآ ان الصوت العالى والرد ياغالب يامغلوب بالقوة ممكن تفيد

موضوع جميل يامصطفى والحديث فية يطول
انا بشكرك علية
تحياتى لك

[نور1900]

المشاركة الأصلية بواسطة mostafa10

[ اللي محيرني بقى هل سكوتك على الغلط في شخصك واصرارك على اكمال النقاش بطريقة عادية يبقى كده انا تخليت عن كرامتك -واروح اقدم على واحدة جديدة في الجمعية على رأي الصديق



يعني ايه بقى على الحياد بقى - يعني انا بحاول احط نفسي مكانه كده واشوف هو شايفنى ازاي ؟ يعني مش باخد الكلام لشخصي لأ بحط نفسي مكانه وهو مكاني كنت هقول ايه على نفسي اللي بقة هو يعني ( ايه اللخبطة دي كل واحد يرجع مكانه أحسن )
[size=4]
سلام

ههههههههه
انا فهمت سؤالك
انا رايي ان الي بيسببلك المشكلة ديه ان مخك كبير
بتبص للمواضيع من فوق مش بتصغر عقلك علي الكلمة ده
مش معناه خالص انك معندكش كرامه خالص
بالعكس يبقي عندك كرامه لما تحافظ علي كرامة غيرك
بس الفكرة ان انت عارف ان اغلب الناس بقي عقلهم
صغير عشان كده متسكتش لحد يغلط فيك الا لو متاكد انه
غصب عنه او زلة لسان ده لو كان حد عادي
اما لو حد قريب متزعلش خالص خليك زي منت
بس لو حد عادي وقفه عند حده انت عارف ليه لانه مش هيقدر يتكلم
معاك لانه اصلا مش فاهم يعني ايه حوار وفعلا زي منت قلت
الحكايه عنده غالب او مغلوب
احرجه بالذوق متطنشي (خاطبو الناس علي قدر عقولهم)
يارب تكون فهمت قصدي

[sama0]

انا مع هديل فى رايها اه ممكن اسيب لصديقتى الانتيم اللى انا عارفه انها اكيد متقصدتش انها

تهينى بس بردو هاو ضحلها انها غلطت ولازم تعتذر ومتعملش الغلط دا تانى تسلمى يا هديل

.................................................. .................

لازم الواحد يكون عندو كرامه عند اى حد عشان الناس تحترمه مش بقول كده يعنى نتكبر عالناس

ومنهزرش عشان منقللش من كرامتنا لاء طبعا نهزر ونضحك ونعمل كل اللى نفسنا فيه بس بردو

باحترام مش لازم يكون الهزار بشتيمه او اهانه لاى حد القعده متحلاش غير بالهزار ومش اى هزار

لازم يكون محترم وفى حدود
.................................................. ...................

اما عن سها فهى واقعيه بجد واحييكى على رايك دا :

واظن مصطفى ماكنش قصده النوع اللى انتى تقصديه بس بردو شكرا ليكى لتوضيحك نقطه مهمه جدا

مصطفى يا ستى يقصد انه ممكن يتشتم من اى حد حتى ولو كانت بنت وعادى جدا بالنسبه له

والادهى من كده ان كل رد فعله هو الضحك

ومن وجهة نظره ان دا هو الصح عشان ان الشتيمه مش بتلزق (انا بصراحه مش فاهمه هو بيفكر ازاى؟)

انا رايى الشخصى وبدون اى احراج او زعل من اى حد هنا:

ميبقاش راجل اللى يسيب واحده تغلط فيه .......... مش بقول كده انه يضربها او يشتمها او حتى

يهينها بس فى ردود فعل احسن وافعل فى المواقف اللى زى دى وبالذات مع البنات

يعنى لو ولد اتعرض لموقف زى دا واتهان من واحده ممكن يحرجها بذوقه ويعرفها ان اللى عاملته

مش راقى بالنسبه لبنت تقوله يعنى يقولها كلام يحسسها انها غلطانه وهو مش هيسمح بالغلط

دا يعدى بالسهوله وانه هياخد منها موقف(مش هيضربها يعنى) وانها لازم تعتذر ومتعملش الغلط دا

تانى ................ ودا كله باسلوب مهذب وراقى منه للبنت دى ومحبب ان الاسلوب يكون مبهم

(كأنه مش موجه ليها) بس شور هيا عارفه ان الكلام دا ليها ......... ياريت اكون وصلت وجهة نظرى

.................................................. ..................

انما بقى لو لولد طبعا هما ادرى هما هيعملو ايه ممكن هيكون الحوار صريح وغير مبهم ويوضحله

انه غلط فيه والكلام طبعا هيختلف مع شخص ل التانى حسب المعزه او الشخصيه

.................................................. ...........................

سورى بجد للاطاله بس المشكله دى بجد ناس كتير بتعانى منها وانا عن نفسى بشوفها كتير

جدا وبصراحه اكتر انا لسه مشوفتش شاب يقدر يحافظ على كرامته سواء مع بنت او مع حتى ولد.

[mostafa10]

المشاركة الأصلية بواسطة الدكتوره هديل

مش عارفه يا مصطفى بس يمكن ده على حسب البنى قادم الى قدامك انا مثلا لو صحبتى غلطت فيه وكنت بحبها ممكن اسكت مره واتنين واحاول اصلح من نفسى بس مش هسكت على طول الخط اكيد فيه وقت هيجى وهبقى ارد عليها

انما لو الانسانه ده انا مش بحبها او مش مستلطفاهل هرد وارد وارد بس سلام

من غير تخبيط فى الحلل

شكرا يا دوك على المرور الجميل دا

هو حضرتك عملتي تصنيف للناس ودا شئ جميل منك
بس انا اللي هيا مشكلتي انا بعامل الناس كلها بطريقة واحدة

يعني ممكن اعامل اللي مش بستلطفه زي حبيب قلبي بالظبط لأني مبعرفش اشيل من حد وبنسى بالظبط في مدة من 3 دقايق ل 3 شهور- اذا كان القصة كبيرة قوي يعني

شكرا يا هديل على المرور ومش هخبط في الحلل تاني عشان متصحيش من النوم

[بقايا انسانة]

اولا هوة موضوع مش جديد يا مصطفى
لكن معتقدش ايضا ان الكثير يحاولون العثور على مداخلة و معناة
و الكلام فى نظرى فية ليس اسهلا ابدا
لكن سوف احاول تبسيط اسئلتك و الاجابة عليها
فى مقدرتى
وكل شىء من وجهة نظرى الشخصية

اولا طلبت منا ان نحدد معنى للكرامة؟
الكرامة صفة فى الانسان تجعلة يحافظ على الاشياء الثمينة فى حياتة
مثل الدين و الوطن و الاسرة و الشرف و العرض و هكذا من الاشياء
التى لا يمكن ان نتنازل عنها باى شكل من الاشكال
والتى من اجلها نستطيع فعل الكثير
حتى لو طلب منا سفك الدماء و هذا يحدث فى حالات معينة
مثل محاربة الاعداء لنصرة ديننا ووطننا و ما شابة ذلك
لذلك فالكرامة غريزة توجد فى كل البشر على حد سواء
لكن الاختلاف فى نسبتها و درجاتها
من شخص الى اخر
لكن يا اخى دعنى اقول لك
ان الكرامة ضاعت صورتها الحقيقية من قلوب البشر
واصبح يتراكم عليها الكثير من الغبار جعلها تفقد معناها
واصلها
لذلك نرى هذة الايام من يذم و يتحدث بالفاظ بذيئة عند الغضب
وعندما تسئلة عن هذا يقول
لا استطيع السكوت انها كرامتنى
عجبا اهذاا كلام يقال
هذا هو ما وصل الية البشر فى معنى الكرامة
و لكن اتمنى عن قريب ان ينصلح الحال
...............................................
و سؤالك الثانى
بس امتى يكون السكوت حكمه ؟ وامتى يكون غباء ؟
و الله فى هذا السؤال خاصة
انا تأثرت بمقولتين هما
* لا تكن لينا فتعصر ولا تكون صلبا فتكسر
*لا تجادل الاحمق فقد يخطىء الناس فى التفريق بينكما
و اقصد بهذاين المثالين اة يجب على كل فرد منا
التحلى بصفة التميز بين الاحمق الذى يتكلم كلاما
لا فائدة منة و لا فائدة من اقناعة بالصحيح
مهما قدمت لو من ادلة
فى هذا الوقت ينبغى علينا السكون حتى لا يتعسر الاخرون
فى التفريق بينما لكثرة المجادلات المتبادلة
لكن لي فى كل الاحيان ينبغى ان نتزم الصمت
ونكون متسهالين مع الطرف الاخر حتى لا يتطاول علينا
و يصطنع حقا ليس لة اساس من الصحة

هذة ارائى المتواضعة
واسف كتييير على الاطالة
تحياااتى لك
بقايا انسانة

[mostafa10]

المشاركة الأصلية بواسطة سها soha

لو حد غلط فيا فى البلد دى لازم ارد علية
طب لو بلد تانية هسيبة ! مثلا يعنى

لا طبعا مش هسيبه
هسافر معاه

انا هسيبة فى كلا الحالتين ومش ضعف منى انى ما عيبش على حد عاب فيا
بالعكس
والرد اللين الذوقى بيجبر الى قدامك انة يعيد التفكير فى كلمتة الى عاب بيها فيا ويحذفها ويعتذر
معتقدش ابدآ ان الصوت العالى والرد ياغالب يامغلوب بالقوة ممكن تفيد

موضوع جميل يامصطفى والحديث فية يطول
انا بشكرك علية
تحياتى لك

هي الحكاية مش ضعف يا سها

بس المشكلة انه ممكن ميشوفش اللي انتي شايفاه بس

معاك ان الصوت العالي ملش لازمة والزوء هو الحل بس تعملي ايه ان متركش ليك الفرصة انك تردي اصلا وبعد كده يقولك بقى انك معندكش كرامة - بالمناسبة انا ملحقتش ارد على دي كمان
شكلي معنديش كرامة بجد

شكرا لردك يا سها نورتي

[mostafa10]

المشاركة الأصلية بواسطة نور1900

ههههههههه
انا فهمت سؤالك
انا رايي ان الي بيسببلك المشكلة ديه ان مخك كبير

متأكدة من موضوع كبير دا
ربنا يكرمك يارب

بتبص للمواضيع من فوق مش بتصغر عقلك علي الكلمة ده
مش معناه خالص انك معندكش كرامه خالص

iهو من ناحية ببص من فوق فانا ببص من فوق
واكيد طبعا واخد كرامتي معايا مهو معدش في امان ممكن اي حد يسرقها تحت

بالعكس يبقي عندك كرامه لما تحافظ علي كرامة غيرك
بس الفكرة ان انت عارف ان اغلب الناس بقي عقلهم
صغير عشان كده متسكتش لحد يغلط فيك الا لو متاكد انه
غصب عنه او زلة لسان ده لو كان حد عادي

يعني لما اسكتله ميعجبش ولو اتكلمنا ممكن نلبخ الدنيا
طيب مش يمكن انا اللي عقلي غريب
يمكن برضو نكمل احسن

اما لو حد قريب متزعلش خالص خليك زي منت
بس لو حد عادي وقفه عند حده انت عارف ليه لانه مش هيقدر يتكلم
معاك لانه اصلا مش فاهم يعني ايه حوار وفعلا زي منت قلت
الحكايه عنده غالب او مغلوب
احرجه بالذوق متطنشي (خاطبو الناس علي قدر عقولهم)
يارب تكون فهمت قصدي

طيب ما هوا دا اللي انا بعمله بس بعد كده بيتهمني في اعز ما املك,,,,,, كرامتي

عموما هو الظاهر سكوتي بيطول شوية فدا اللي مخليه معتقد اني معنديش كرامة بس انا مش هسيبه غير لما اجيب رقبته ان شاء الله

اصل الزوء بينفع برضو معايا

شكرا يا دكتورة نور على المرور الطيب و اتشرفت برأيك الجميل دي

وممكن نفتح عيادة هنا قريب وهنلم كل دكاترة المنتدى عشان لعلاج المرضى بالمجان

يلا شغل اهو بدل ماهم لغو التكليف عنكم باين

سلام

[sama0]

والله يا جماعه لو عرفتو حقيقه الموضوع دا هتستغربوا جدا من رد فعل مصطفى ومش هتصدقوا ان فى بنى ادم يقبل على نفسه كدا

دى خلاصة القول

[mostafa10]

المشاركة الأصلية بواسطة sama0

انا مع هديل فى رايها اه ممكن اسيب لصديقتى الانتيم اللى انا عارفه انها اكيد متقصدتش انها تهينى بس بردو هاو ضحلها انها غلطت ولازم تعتذر ومتعملش الغلط دا تانى تسلمى يا هديل

اه تسلمي يا هديل واوعي تسيبي صحبتك كده
لازم تعرفيها غلطها وتعلمي عليها (على رأي واحد ربنا يمسه بالخير )

لازم الواحد يكون عندو كرامه عند اى حد عشان الناس تحترمه مش بقول كده يعنى نتكبر عالناس

ومنهزرش عشان منقللش من كرامتنا لاء طبعا نهزر ونضحك ونعمل كل اللى نفسنا فيه بس بردو

باحترام مش لازم يكون الهزار بشتيمه او اهانه لاى حد القعده متحلاش غير بالهزار ومش اى هزار

لازم يكون محترم وفى حدود

عين العقل يا سما طبعا

اما عن سها فهى واقعيه بجد واحييكى على رايك دا :

واظن مصطفى ماكنش قصده النوع اللى انتى تقصديه بس بردو شكرا ليكى لتوضيحك نقطه مهمه جدا

شكرا يا سها

مصطفى يا ستى يقصد انه ممكن يتشتم من اى حد حتى ولو كانت بنت وعادى جدا بالنسبه له

والادهى من كده ان كل رد فعله هو الضحك

ومن وجهة نظره ان دا هو الصح عشان ان الشتيمه مش بتلزق (انا بصراحه مش فاهمه هو بيفكر ازاى؟)

انا رايى الشخصى وبدون اى احراج او زعل من اى حد هنا:

ميبقاش راجل اللى يسيب واحده تغلط فيه .......... مش بقول كده انه يضربها او يشتمها او حتى

يهينها بس فى ردود فعل احسن وافعل فى المواقف اللى زى دى وبالذات مع البنات

يعنى لو ولد اتعرض لموقف زى دا واتهان من واحده ممكن يحرجها بذوقه ويعرفها ان اللى عاملته

مش راقى بالنسبه لبنت تقوله يعنى يقولها كلام يحسسها انها غلطانه وهو مش هيسمح بالغلط

دا يعدى بالسهوله وانه هياخد منها موقف(مش هيضربها يعنى) وانها لازم تعتذر ومتعملش الغلط دا

تانى ................ ودا كله باسلوب مهذب وراقى منه للبنت دى ومحبب ان الاسلوب يكون مبهم

(كأنه مش موجه ليها) بس شور هيا عارفه ان الكلام دا ليها ......... ياريت اكون وصلت وجهة نظرى

.................................................. ..................

انما بقى لو لولد طبعا هما ادرى هما هيعملو ايه ممكن هيكون الحوار صريح وغير مبهم ويوضحله

انه غلط فيه والكلام طبعا هيختلف مع شخص ل التانى حسب المعزه او الشخصيه

.................................................. ...........................

سورى بجد للاطاله بس المشكله دى بجد ناس كتير بتعانى منها وانا عن نفسى بشوفها كتير

جدا وبصراحه اكتر انا لسه مشوفتش شاب يقدر يحافظ على كرامته سواء مع بنت او مع حتى ولد.

هو الظاهر كده ان مشكلتك ياسما انك عاملة فرق كبير بين الولد والبنت مش عارف ليه
صدقيني الفرق في التعامل مش كتير قوي كده

المحترم بيبقى محترم مع الطرفين ومفيش فرق اصلا بين معاملتي لولد أو بنت - اذا كان لسه فيه بنات -

عن نفسي الفرق ممكن يكون بين شخص يهمني اوضحله وجهة نظري وشخص اصلا ميهمنيش اذا كان هيفهم وجهة نظري ولا لأ بس اديني بحاول معاه
اقتنع اقتنع
ومقتنعش هو حر لأنه اصلا ميلزمنيش انه يفهم ولا لأ
بس في الاخر مفيش عتب عليه لأني فاهم ان هو دماغه متركبة كده وبرضو اهو يمكن اكسب فيه ثواب

الاسلوب عموما دا بيبقى موهبة من ربنا بس في الاخر اي شخص لازم ميتوقعش من اللي قدامه انه يكون مثالي يعني ,,, ولا ايه


شكرا للمرور يا سما نورتي

[mostafa10]

المشاركة الأصلية بواسطة sama0

والله يا جماعه لو عرفتو حقيقه الموضوع دا هتستغربوا جدا من رد فعل مصطفى ومش هتصدقوا ان فى بنى ادم يقبل على نفسه كدا

دى خلاصة القول

حقيقة !!!

مين سما الابراشي ماسك المايك

عامة يا سما لو قرأتي الكلام من الاول ممكن تلاقي في كلامي شوية حاجات صح بس مش راكبة مع بعضها

ممكن تجمعيها انتي وتكسبي معانا شالية في الساحل الشمالي