ايه رايك في الحل دا ؟

[وردة النيل]

السلام عليكم ورحمة الله وبركاته

ازيكم يا كل اهل عالم ابن مصر يارب تكونوا بخير

اسمحولى انى اعرض عليكم فكرة جاتلى على الميل

هسيبكم الاول مع الميل وارجعلكم تانى

:
:
:
:
:
:
:
:
:


حكمة في غلا السلع

أسلوب عمر بن الخطاب رضى الله عنه فى معالجة وحل غلاء السلع



(جاء الناس إلى عمر بن الخطاب -رضي الله عنه - وأشتكوا من غلاء اللحم فقالوا سعره لنا،

فقال: أرخصوه أنتم

فقالوا :نحن نشتكي غلاء السعر واللحم عند الجزارين ونحن أصحاب الحاجة فتقول :أرخصوه أنتم ؟ وهل نملكه حتى نرخصه ؟وكيف نرخصه وهو ليس في أيدينا ؟)قال :اتركوه لهم..)

صدقت يافاروق

فأفضل حل لغلاء الاسعار هو المقاطعة

نعم

فالوزير لم ولن يتضرر من غلاء الاسعار

إذا ً اتركوه لهم

تخيل عزيزي

لو أن الناس قاطعوا المنتجات الغاليه لمدة 30 يوم فقط

لتكدست عندهم في المستودعات وصعب عليهم تخزينها ولم يجدوا حلا الا تصريفها

وليس من طريقه لذلك الا بتخفيض السعر



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ


وبكدا يكون انتهى الميل

صراحهً انا مش عارفة اذا كانت القصة عن سيدنا عمر ولا لاء _ اوعدكم اتاكد منها واقولكم او لو حد متاكد يبلغنا _ بس بغض النظر عن صاحبها

تفتكر دا حل او على الاقل ممكن يكون حل


صراحة انا لما فكرت فيها فعلا لقيت ان دا ممكن يكون حل

لكن انت

رايك ايه

لو مش مقتنع

تفتكر فعلا ممكن يكون علاج الغلاء المزمن اللى احنا فيه دتا ايه

وياريت محدش يقولى الحكومة والريس ووووووووووو...... وكلام كلنا عرفينه انه للاسف الشديد ملوش اى نتيجة

احنا بنتكلم عن دورنا احنا فى حل القضية

احنا كل مرة لازم نجيب حد يحللنا مشكلنا

اما خارجيا

واما داخليا

ولما نتزنق نقول ياحكومة انتى السبب رخصى الاسعار

ياحكومة انتى السبب نقى مياة الشرب

ياحكومة انتى السبب وديتى الجنية اسفل سافلين


وغيرة وغيرة من القضايا اللى بنعلقها فى رقبة الحكومة

طبعا هيه مسئوله مسؤليه كامله واوليه

لكن لو فرضنا اننا مسؤلين بقا مسؤليه ثانوية

عملنا ايه بيها


انا عن نفسى اقتنعت شويه بالميل ولقيت ان دا ممكن يكون حل لغلاء الاسعار


طيب انت رايك ايه ؟؟؟؟؟؟؟؟؟؟؟؟؟؟؟؟؟؟؟؟؟

[abc]

أنا برضه مش عارف إذا كان الأثر يثبت عن سيدنا عمر و لا لأ ..

بس الحل رائع جدا ..

فعلا ... الناس مش هتموت لما تقعد شهر مثلا من غير لحمة أو من غير حاجات تانية كتيرة احنا اللي خليناها أساسيات .. رغم إنها كانت عند من سبقونا كماليات و مظاهر رفاهية .

شكرا على الموضوع يا وردة النيل ..

واضيعك كترت اليومين دول
ربنا يكترها كمان و كمان

[امل حياتى]

اولا الميل جميل جدا
هى فعلا ممكن يكون ده الحل
بس مش كل السلع هنقدر نقاطعها
فى حاجات لا غنى عنها
بالذات فى الاطعمه وكده
فى حاجات هنقدر نقاطعها او نقلل منها زى اى حاجه ترفيهيه
طب الاكل....
نقاطعه ازاى
وبعد اما نقاطعه ناكل ايه
دى السياسه اللى التجار بيهدفوا لها
يغلوا الحاجات اللى مانقدرش نستغنى عنها
ربنا يهديهم يارب

شكرا ورده على مواضيعك الرائعه

[بقايا انسانة]

و اللع انا شايفها فكرة حلوة
لكن مين يسمع
ومين ينفذ؟؟
كل شىء راجع للقدرة و الشجاعة
ومحنا لو مكناش يا وطن فقدنا الصفتين دول
كنا عملنا المستحيل
وكنا رفعنا بلدنا لاحسن تنوير
بس الخوف و الجبن فى قلوبنا
متربعيين و مفيش تغيير

تحيااتى لكى
اختك
بقايا انسانة

[eshoo4ever]

طبعا بغض النظر عن اى شئ فكرة رائعه المقاطعه هى الحل

[نور1900]

سلام عليكم
والله المشكلة ديه كبيره
يمكن حكايه المقاطعه ديه تكون حل بس لو كانت الناس
بتعرف تتفق مع بعض علي حاجه
كانت حاجات كتير اتغيرت
انا شايفه ان الحل اننا نرجع لربنا ونبقي بجد كويسين
ساعتها اكيد حاجات كتير هتتغير من غير منغيرها احنا بنفسنا
انا حاسه ان كل حاجه بتحصل في مصر مجرد ابتلاء من ربنا
موضوع حلو اوي يورده

[وردة النيل]

المشاركة الأصلية بواسطة abc

أنا برضه مش عارف إذا كان الأثر يثبت عن سيدنا عمر و لا لأ ..

بس الحل رائع جدا ..

فعلا ... الناس مش هتموت لما تقعد شهر مثلا من غير لحمة أو من غير حاجات تانية كتيرة احنا اللي خليناها أساسيات .. رغم إنها كانت عند من سبقونا كماليات و مظاهر رفاهية .

شكرا على الموضوع يا وردة النيل ..

واضيعك كترت اليومين دول
ربنا يكترها كمان و كمان

هلا وغلا ب abc

نورتني

وبعدين شغل القر حيشتغل ولا ايه ؟

طب ليه تفتكر الناس مش بتنفذ دا

وليه رغم انهم عارفين ان الاسعار غالية

برضو بيشترو ؟

[وردة النيل]

المشاركة الأصلية بواسطة امل حياتى

اولا الميل جميل جدا
هى فعلا ممكن يكون ده الحل
بس مش كل السلع هنقدر نقاطعها
فى حاجات لا غنى عنها
بالذات فى الاطعمه وكده
فى حاجات هنقدر نقاطعها او نقلل منها زى اى حاجه ترفيهيه
طب الاكل....
نقاطعه ازاى
وبعد اما نقاطعه ناكل ايه
دى السياسه اللى التجار بيهدفوا لها
يغلوا الحاجات اللى مانقدرش نستغنى عنها
ربنا يهديهم يارب

شكرا ورده على مواضيعك الرائعه

فعلا في حاجات كتير مش نقدر اننا نستغنى عنها

لكن دلواتي في كل مكان بقا موجود غلا الاسعار

والاحتكار

والتجار يستغلو حاجة الناس للمواد دي ويغلو اسعارها

وياترى فين دورنا؟

ودور الحكومة ؟


نورتنيني يا امل