ابويا عايز يتجوزكي ...

[وردة النيل]

بسم الله الرحمن الرحيم

للبنات !!

في لحظة هدوء ... في صفاء الأجواء ... وفي رغد من العيش

دخل أبوكي يسألك :: البنت اللي شوفتها معاكي في الكلية !! الحلوة الأمورة دي !! متجوزة ؟؟

لايابابا مش متجوزة !!

ولامرتبطة ؟؟ ولامخطوبة ؟؟ .. لايابابا

طيب كويس !! خدي منها ميعاد علشان أكلمها .. علشان عاوز أتجوزها !!!


للشباب

في لحظة انسجام مع الذكريات ... في وقت الراحة والاسترخاء ... بعد أن لبى لك الوالد الكريم كل طلباتك !!

دخل عليك الوالد يسألك :: هيييه عامل ايه في المذاكرة ؟؟

الحمد لله تمام يابابا !!

طيب .. اعمل حسابك بعد ماتخلص الامتحانات السنة دي .. هتيجي معايا علشان نخطب بنت فلان .. بنت مؤدبة وعلى خلق !!

بس يابابا أنا مش بفكر في الجواز دلوقت ... ربنا يكرمني وأخلص وأشتغل وبعدين أفكر في الموضوع ده !!

ياابني ياحبيبي أنا هخطبها لنفسي .. وإنت هتيجي معايا علشان نتكلم مع أهلها !!


عاوز ردود منطقية وبعقلانية .. وبدون عصبية في الرد !!

[حكيم روحاني]

هاي بصراحة انا متصورش ان دة يحصل علشان ماما ربنا يديها الصحة لسة موجودة بس لو حصل اكيد هرفض وانا ليا كلمة في البيت وبابا دايما بيخلي كلامي يمشي وكلمتي مسموعة اوى عند بابا واكيد هقنعة ان دة ماينفعش علشان دة كدة ممكن يهدم الاسرة كلها بس بجد ميرسي علي الموضوع الجامد دة وانتي بجد لذيذة وانا بحبببببببببببببببببببببببك موووووووووووووووووووووووت في اللة وياريت نبقي اصحاب وابعتيلي ردك بسرعة باي يا قمر

[eshoo4ever]

بصى ياالاء


واحد صحبى حصلوا الموضوع ده وانا حضرت الموضوع تمام












مكنش يقدر يعمل انوا يتقبل الوضع


اما انا لو حصلى كدا على ان ربنا يدى لبابا وماما الصحة ويسعدهم كمان وكمان


لو حصل ممكن اسيب البيت واستقل ذاتيا

[فارس اصيل]

وايه المشكله فى كده

عادى جدا

قال تعالى: { يَا أَيُّهَا النَّاسُ اتَّقُوا رّبَّكُمُ الَّذِي خَلَقَكُم مِّن نَّفْسٍ وّاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالاً كَثِيراً وَنِسَاءً } [النساء: 1].

وقال تعالى: { هُوَ الَّذِي خَلَقَكُم مّن نَّفْسٍ وَاحِدَةٍ وَجَعَلَ مِنْهَا زَوْجَهَا لِيَسْكُنَ إِلَيْهَا } [الأعراف: 189].

وقال سبحانه: { وَلَقَدْ أَرْسَلْنَا رُسُلاً مّن قَبْلِكَ وَجَعَلْنَا لَهُمْ أَزْوَاجاً وَذُرِّيَّةً } [الرعد: 38].

وقال تعالى: { وَاللهُ جَعَلَ لَكُم مِّنْ أَنفُسِكُمْ أَزْوَاجاً وَجَعَلَ لَكُم مّنْ أَزْوَاجِكُم بَنِينَ وَحَفَدَةً وََرَزَقَكُم مِّنَ الطَّيِّبَاتِ } [النحل: 72].

وقال سبحانه: { وَمِنْ آيَاتِهِ أَنْ خَلَقَ لَكُم مّنْ أَنفُسِكُمْ أَزْوَاجاً لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لآيَاتٍ لِقَوْمٍ يَتَفَكَّرُونَ } [الروم: 21].

وقال سبحانه: { خَلَقَكُم مّن نَّفْسٍ وَاحِدَةٍ ثُمَّ جَعَلَ مِنْهَا زَوْجَهَا } [الزمر: 6].

والزواج غنى، قال الله تعالى: { وَأَنكِحُوا الأَيَامَى مِنكُمْ وَالصَّالِحِينَ مِنْ عِبَادِكُمْ وَإِمَائِكُمْ إِن يَكُونُوا فُقَرَاءَ يُغْنِهِمُ اللهُ مِن فَضْلِهِ وَاللهُ وَاسِعٌ عَلِيمٌ } [النور: 32].

وعلاج من لا يملك نفقة الزواج، قال الله تعالى: { وَلْيَسْتَعْفِفِ الَّذِينَ لاَ يَجِدُونَ نِكَاحاً حتَّى يُغْنِيَهُمُ اللهُ مِن فَضْلِهِ } [النور: 33].

ونهى الله تعالى عن الانقطاع عن الزواج للقادر عليه، قال الله تعالى: { يَا أَيُّهَا الَّذِينَ آمَنُوا لاَ تُحَرِّمُوا طَيِّبَاتِ مَا أَحَلَّ اللهُ لَكُمْ وَلاَ تَعْتَدُوا إِنَّ اللهَ لاَ يُحِبُّ الْمُعْتَدِينَ } [المائدة: 87].

وأباح الله تعالى التعدد إلى أربع زوجات بشرط العدل في المسكن والكسوة والنفقة والمبيت، قال الله تعالى: { وَإِنْ خِفْتُمْ أَلاَّ تُقْسِطُوا فِي الْيَتَامَى فَانكِحُوا مَا طَابَ لَكُم مِّنَ النِّسَاءِِ مَثْنَى وَثُلاثَ وَرُبَاعَ فَإِنْ خِفْتُمْ أَلاَّ تَعْدِلُوا أ فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلاَّ تَعُولُوا } [النساء: 3].

[فراق84]

لو انا والدي قرر كدة!!
هرفض بشدة
وممكن ابقى اقنعو
واعرف اسبابه
لو اصر
مش هيكون من طرفي نهائيا
اختك فراق

[فاطمة عطية]

طبعاً رود فارس اصيل منطقية قوى وطبعاً مفيهاش حاجة لما الزوج يتزوج بعد وفاة زوجته الاولى
لكن طبعاً صعب على اى ولد او بنت انه يلاقى والده عايز يتزوج وازاى هتحل محل امه
انا عن نفسى هرفض بشدة وربنا يخليلى ماما وبابا والحمد لله بابا استحالة يفكر يعمل كده


شكراً اختى ع الموضوع الجميل دا
دمتى بكل خير
تقبلى مرورى.

[dodo3]

شكرا لكي وردة النيل موضوع جميل بجد بس انا عمري ما اتصور ان والدي يعمل كدة وربنا يدي لوالدتي الصحة يارب بس لو فكر انا حاوافق عشان عمري ما حاقدر اقوله لا لانه رباني كويس مش معقوله اقسي عليه بعد كل دة وبعدين دة مش من حقي لان اكيد في يوم من الايام انا حامشي انا واخواتي بعد الزواج يا تري مين حياخد باله منه اة انا بس اكيد مش حاعيش معاه صح بس اكيد حاكون زعلانه بس انا عارفة ان والدي مش حايفكر في كدة لانة بيحب ماما وربنا يديهم الصحة

[Honey1900]

و ايه المشكلة حقه تماما

طالما الراجل شايف انه قادر و اللي هيروحلها مش هترفضه خلاص ايه المشكلة

بس لو هيروح لحد ممكن يرفضه و الناس تبصلنا بصه مش ولا بد هحاول اقوله اصر خلاص هروح معاه مفيش مشكلة

[**ريفيرا**]

خلاص اصلا العملية دي مش هتنفع لاني والدي توفي رحمه الله
وما اظن انه ممكن يعملها في حياته وحتي لو فكر يعملها مش هييجي
يقولي علي واحدة قد بنته......

تحياتي لكي يا لولو علي موضوعاتك الجميلة

[نور1900]

سلام عليكم
انا هقلك ردي من وجهة نظر تانية
الموقف ده حصلي ايام الثانويه العامه
بس كنت انا البنت ديه
الي بابا صحبتي عايز يتجوزها
انا والبنت ديه كنا اصحاب اوي هيا ممتها متوفيه
وكنا بنزور بعض وبباها شافني
الراجل ده ولاده اكبر مني
متتخيليش قرفت منه قد ايه
لما كلمني ياخد رايي بمنتهي
البساطه وقدام بنته
ومش قادره انسي الموضوع ده
وحتي محكتهوش لحد
بصي الي يتصرف كده انسان طماع
وحاسس انه احسن من الناس
الي في سنه مفروض يفكر في واحده في ظروفه
مش في بنت قد ولاده

[وردة النيل]

شكرا على الجميع للرد

ويفضل الخلاف قائم بين الموافقة والرفض

[امل حياتى]

اولا مواضيعك تحفه يا ورده
ثانيا بقى ردى على الموضوع ده
اكيد هــــــــــرفـــــض
ماشى بابا من حقه انه يتجوز تانى
بس مش واحده قد بنته
ولو جه قاللى هقوله طلعنى من الموضوع ده نهااااااائى

[سارونه]

السلام عليكم
اصل ازاي يعني فجاه الاقي صحبتي مراة بابا انا لاهجن لاهتهبل
واساسا الي يفكر يتجوز مرة مبيفكرش تاني هما بيقولو

[mostafa10]

عايز يتجوز يا مرحبا وميت اهلا وسهلا
والله افرحله قوي
انا يعني عندي اغلى منه

وهرقصبه في الفرح كمان