ما هو اسم الانسان الذي لا تنساه وماذا تقول له؟

[yona222]

ما هو اسم الانسان الذي لا تنساه وماذا تقول له

بسم الله الرحمن الرحيم

السلام عليكم ورحمة الله وبركاته


هناك أشــخاص ملؤوا حياتنـــا فرحـــــــا وهنــاك من ملأها حــــزنا نتـــوقف عندمـا نتـــــــذكرهــــم طــــــــويــــــــــــــــلا

إمـــا أننــــــــــا سنقـــــــــــول :.. يــــــــــا أروع ذكـــــــــرى ..أو يــــــــا أفظــــــــــع كـــــــابــــــــوس .....

من هو ذلك الانسان الذى لن تنساه وماذا ستقول لـــــــــــه؟؟؟

لا تقرا الموضوع و تخرج من غير ما تقول لنا من الانسان هذا ؟؟؟؟؟وستقول ايه له او لها ولماذا ؟؟؟

منقول

[hamada112]

فكره حلوه بجد وانا هقولك الرد وربنا شاهد
عشان احلى حاجه فى النت وده رأى دائما
هوه انك تكون صادق دائما
عشان الشئ اللى بيدفعك الى الكذب او بمعنى ادق
الى عدم الصراحه بيكون غلط وده من وجه نظرى
فى ناس كتير جدا فى حياتى بس منهم تلاته انا مفتقدهم اوى
اول واحد والدى ربنا يرحمنا ويرحمه وبليز كل اللى يقرا الكلام ده
يقرا له الفاتحه-اللهم اسكنه فسيح جناته
تانى وحده --والدتى عشان ما شفتهاش من اكتر من سنه ونصف
عشان انا مسافر فى الكويت حالا
تالت واحده وهيه اسمها ميسره--من البرازيل--تربطنى بيها علاقه كتير
محترمه وانسانه خلوقه جدا --يارب تكون بخير آمين هيه واولادها
وشكرا على الفكره الرائعه

[yona222]

المشاركة الأصلية بواسطة hamada112

فكره حلوه بجد وانا هقولك الرد وربنا شاهد
عشان احلى حاجه فى النت وده رأى دائما
هوه انك تكون صادق دائما
عشان الشئ اللى بيدفعك الى الكذب او بمعنى ادق
الى عدم الصراحه بيكون غلط وده من وجه نظرى
فى ناس كتير جدا فى حياتى بس منهم تلاته انا مفتقدهم اوى
اول واحد والدى ربنا يرحمنا ويرحمه وبليز كل اللى يقرا الكلام ده
يقرا له الفاتحه-اللهم اسكنه فسيح جناته
تانى وحده --والدتى عشان ما شفتهاش من اكتر من سنه ونصف
عشان انا مسافر فى الكويت حالا
تالت واحده وهيه اسمها ميسره--من البرازيل--تربطنى بيها علاقه كتير
محترمه وانسانه خلوقه جدا --يارب تكون بخير آمين هيه واولادها
وشكرا على الفكره الرائعه

انا اسفه بجد ان كنت فكرتك بوالدك الله يرحمه ويارب يكون اللقاء في الجنه ان شلء الله
ويخلي مامتك ويجعلك الله بار بيها دايما
ويارب الي بتحبوهم جميعا يكونوا بخير
ويارب ما يحرمش حد من الي بيحبهم وخاصة الوالدين
شكر ا

[مستر كاراتيه]

همس :

( زكرى )

الأيام بتفوت وتعدى .. وانا عايش فى عذابى لوحدى
ومفيش غير صورتك قدامى
من يوم ما بعدت فى ثانيه .. ملهاش طعم خلاص الدنيا
مبقتش أحس بايامى

الفراق مكتوب عليا
غصب عنى وبإديا
وانت بعدك على عينى
كل حاجه هيا هيا
وانت فين يا نور عنيا
مين فى بعدك هايواسينى


مبقاش فى حاجه تفرحنى .. اى فراق ممكن يجرحنى
بس فراقك ليا كسرنى

على طول فى الاحلام بتجينى . وبقولك عايز تدعيلى
على بعدك ربى يصبرنى


الفراق مكتوب عليا
غصب عنى وبإديا
وانت بعدك على عينى
كل حاجه هيا هيا
وانت فين يا نور عنيا
مين فى بعدك هايواسينى
..

شكرا ليكى على الموضوع الجميل ده

[نور1900]

سلام عليكم
الانسانه ديه كانت جارتي من اربع سنين
بقلها اني بجد بحبك اوي وعمري منسيتك ولا هنساك انتي وابنك
هفضل فاكره كل زكرياتنا الحلوه في البيت وفي الجامع
بس مكنش قدامي غير اني ابعد عنك
عشان منفتكرش غير الايام الحلوه

[yona222]

المشاركة الأصلية بواسطة نور1900

سلام عليكم
الانسانه ديه كانت جارتي من اربع سنين
بقلها اني بجد بحبك اوي وعمري منسيتك ولا هنساك انتي وابنك
هفضل فاكره كل زكرياتنا الحلوه في البيت وفي الجامع
بس مكنش قدامي غير اني ابعد عنك
عشان منفتكرش غير الايام الحلوه

اللهم اجعل ايامكم جميعها سعيده
اشكر لك مرورك

[**ريفيرا**]

ابي العزيز رحمة الله عليه عمري ما هنساه ابدا
واحب ادعيله ان ربنا ينور له قبره ويخفف عنه العذاب
ويجمعنا به في الجنة
تحياتي لكي

[yona222]

المشاركة الأصلية بواسطة **ريفيرا**

ابي العزيز رحمة الله عليه عمري ما هنساه ابدا
واحب ادعيله ان ربنا ينور له قبره ويخفف عنه العذاب
ويجمعنا به في الجنة
تحياتي لكي

رحم الله اباك يا ريفيرا
واسكنه فسيح جناته

[يايو الدلوعة]

الا نسان الى مش ممكن انساه هو فادى مصرى مقيم بالمانيا لانة ساعدنى كثير فى اوقات صعبة قوى

[نيهال]

فكيره حلوه.......

حبدا معاكم وحقول لـــــــــــــــــــــــ


امل:مش عارفه انسى موقفك لما جيتى من8 سنين بحالهم ..بجد اسلوبك وكلماتك





والحمد لله انى ما سمعت كلامك اللى مش ليه لازمه واللى كان ممكن يضيع مستقبلى وحلمى الجميل

[BiGo0oo]

السلام عليكم ورحمة الله وبركاته

نور

هى اخت اتعرفت عليها من النت بس بجد كنت بعتبرها اختى

كانت انسانة طيبة جدا ومحترمة اتمنى لها السعادة يارب

وانها تكون بخير دايما


فكـــــــــرة جميلة بجد

دمتى مبدعــــــة

[فرجينيا]

موضوع جميل
احييكي عليه
الشخص اللي مش هانساه هو اقرب قريب ليا
وهاقوله
ربنا يرحمك يارب
وانا فهمت بس متاخر قوي

[dreams_sun]

الانسان اللى لا يمكن انساه حتى بمجرد ما قرأت عنوان الموضوع افتكرته ...هو خالى سيد الله يرحمه ويحسن اليه و يسكنه فسيح جناته

اقوله واحشنى و احشنى كلامك و نصايحك و حكمتك و حضنك و قلبك الطيب و ضحكتك

[صباح الورد]

فكره حلوه قوي الانسانه اللي دايما فاكراها اسمها مها الله يرحمها ساعدتني كتير قوي ومازال صوتها في اذني رغم ان معرفتنا كانت بس لمده قصيره حوالي 8 شهور الا اني سمعت خبر وفاتها واللي صدمني لانها كانت معايا على التليفون قبلها بكام يوم وقالتلي اوعي حاجه تخليكي تغيري رأيك لازم تروحي الحج السنه دي اوعي الدنيا تاخدك وفعلا سمعت خبر وفاتها في حادث سياره وانا في طريقي للحج كل ما كنت اطوف كنت ادعيلها لانها اتوفت وكان ابنها الصغير عنده بس 6 شهور ادعولها بالرحمه لو سمحتوا

[ابن الاسلام 2]

هى ...سنا

أسطورة عشقي هى التى بدلتني غيرت فى الكثير

علمتنى كيف يكون الحب بلا هدف بلا غايه

سنا .... هى الحب للحب