البيت بيتك

[الورد الجوري]

المشاركة الأصلية بواسطة وردة النيل

وابدا انا

يريت يا ورد تعرفينا اكتر عن نفسك ؟

اسمك وسنك ودراسك وهوياتك كدا يعني

اهلا ورده
اسمي : الورد الجوري
ده فعلا اسم من اسمائي و احبابي بينادوني بيه
و انتو كمان احبتي

سني : ده شيء عمري مقلته هنا

يللا ما علينا
هو فوق 21 يا جماعه و الله


دراستي : علوم المنصوره بقى
و كنت قسم : بيولوجي - نبات - كيمياء
" ده اسم القسم كله على بعضه محدش يتخض "

هواياتي : بحب ارسم قوي
و بحب النت جدا
و بحب قصص الاطفال
ممممممممم
و ايه كمان ياورد
اه
المطبخ بقى عندي كهوايه
بحب افنن قوي
و كمان بحب الاعمال اليدويه
و بحب التطريز اليدوي

هواياتي كتيره انا مش بسكت اصلا
لازم اعمل شيء

[bidroo]

موضوع جميل وشخصيه روعه

نتمنى نتعرف اكتر على شخصيه

الورد الجورى

عن طريق موضوعك الورده

يا ورده النيل

[MOON TEARS]

السلام عليكم ورحمة الله

أهلا ياورد الجوري عامله أيه ..الصراحة فكره حلوه و أستحلمي أسئلتي ..وهي جد شوية بس أعذريني بحب الفضول.....

س1: طبعاً أنتي خلصتي دراسة أيه بتعملي حالياً بتشتغلي ولا لاء وراضيه عنه؟
س2:أيه مخططاتك و أهدافك لمستقبلك للغد بتاعك ؟؟
س3: هل أنتي راضيه عن اللي حققتيه في حياتك؟؟
س3: أيه مفهوم الأسرة بالنسبالك؟؟
س4: لو أنتي ام حالياً هل تعتقدي بانك ام ناجحة ولا لاء؟؟؟ ولو مش أم أوصفيلنا نفسك لو أنتي أم؟؟
س5: هل ستسمحي لاولادك بأستخدام النت والماسينجير ام لا....وان كان جوابك لا فلماذا سمحتيه لنفسك؟؟
س6: هل يزعجك ان أستخدم زوجك الماسينجر و شارك بالمنتديات وحدث عضوات؟؟ (حتي لو كنتي أنسه أيضا جاوبي من فضلك)...ساعود مرة أخري تقبليني

[MOON TEARS]

يارب مكونش غلسة وتكون أسئلتي مقبولة بالنسبالك.....بس بجد احنا بنستفاد من فكر بعض ولا كلامي غلط.......أنا أذا سمحتيلي نفسي ارجع مرة تانية بأسئلة جديدة..........كل تحياتي لك أختي.

[BATISTA]

السلام عليكم

موضوع جيد فكرتينى بموضوع أجمل خمسة الساعة خمسة


العضوة الخاصة بالأسبوع دة

الورد الجورى


أهلا ورد


نبتدى الأسئلة



1- بم ان احنا فى استقبال ضيف جديد وعزيز (شهر رمضان) نسال الله ان نلحقة وان يتقبل منا

ياترى ليكى طقوس معينة فى الشهر دة ؟ بخصوص ختم القران فى الشهر دة بيكون كام مرة ؟


2- ماهو تعليقك على كل موضوع من الأتى:
أ- العلاقة والأزمة الأخيرة بين مصر وإيران بخصوص فيلم إعدام الفرعون
ب- أحداث الثانوية العامة الأخيرة وماحدث فيها من تجاوزات فى الغش وماهى اقتراحاتك لحل ازمة الثانوية العامة


3- بخصوص انك خريجة قسم علوم تخصص كيميا ونبات انا كنت قريت ان معظم اسامى النباتات فى الاصل لاتينية ويشترط ان يكون الأسم مركب مامدى صحة السؤال دة ؟

4- ياترى فى افكار جديدة لتطوير قسم النص الحلو

.
.
.

لى عودة للتكملة

[BATISTA]

عودة مرة أخرى
استكمالا للأسئلة

5- بم انك مشجعة للنادى الأهلى ياترى دة وراثة ولا حب للنادى على اقتناع ؟

6- حكمة ومثل فى ذاكرتك دائما ؟

7- رايك اية فى مقولة اصبر على جار السوء يا يرحل ياتيجى لة مصيبة تريحك منه وهل ياترى حصل الموقف دة معاكى قبل كدة ؟

8- ايام الدراسة ولا أيام الامتحانات كانت افضل (انا عارف ان الاتنين حاجة خنيقة) بس فى ناس بتفضل ايام الدراسة وناس بتفضل ايام الامتحانات وهل حصل معاكى موقف فى الامتحانات لسة عالق فى ذاكرتك ؟

9- 5 عادات بتحبيهم فى الشعب المصرى و 5 عادات مش بتحبيهم فى الشعب المصرى ؟

10- بم انك مشرفة عامة ياترى حاسة ان المنتدى ناقص تعديلات ؟؟ وفين ؟

11- بم ان احنا فى مصر هل الدراسة لها نطاق بمجال العمل يعنى بنشوف ناس معاها شهادات كتيرة بس للأسف بيعملو فى مجالات غير تخصصهم ؟

12- رايك فى كل من :
أ- موقف الحكام العرب فى التعامل مع القضايا المعاصرة ؟
ب- تعدد قنوات الشات على النايل سات ؟؟
ج- انتشار الفتاوى والمشايخ على القنوات الفضائية ؟
د- الحكم الذى أصدرته محكمة جنح سفاجا بالبراءة فى قضية العبارة "السلام 98" ؟

13- هل انتى مع أم ضد :
أ- انتشار المحمول فى متناول ايدى الشعب المصرى بمختلف أعماره ؟
ب- تدخين النساء والحرية المفرطة ؟

14- أكتر أكلات بتتفنى فى صنعها ياورد ؟

15- اختارى 15 عضو واتكلمى عنهم فيما لايقل عن 10 سطور لكل عضو مع مراعاة عدم تكبير الخط (سؤال اجبارى)

وتحياتى ليكى
ولصاحبة التوبك

[**ريفيرا**]

ما شاء الله موضوع جميل
تسلمي يا وردة
وضيفة جميلة


عندي شوية اسئلة

1)افترضي ان ابنك لقدر الله حتي لو مكنتيش متزوجة بعد ما ربيتيه وتعبتي وفي الاخر جم شوية اولاد بايظين خلوه يشرب سجاير هتعملي معاه ايه؟؟هتتصرفي ازاي؟مع العلم انه في مرحلة البلوغ

2)تحبي تكون صفات رفيق دربك ايه؟؟

3)بتشجعي الخروج والفسح؟؟

ولو جت اسئلة في بالي هسالك
تحياتي لكي

[توتى3000]

اهلا ورده النيل
ضيفه جميله جدا اختارتيها وهى الوردى الحورى
اهلا ورد
1/ايه اللى بيخليكى تدخلى ابن مصر
2/طموحاتك ايه فى حياتك
3/ايه الحاجه المهمه اللى شغلاكى دلوقتى
4/هل دراستك فى كليه العلوم عن رغبتك وايه المواقف اللى متقدريش تنسيها فى الكليه
5/بيقولو احلى ايام ايام الجامعه هل حسيتى ده

[الورد الجوري]

المشاركة الأصلية بواسطة bidroo

موضوع جميل وشخصيه روعه

نتمنى نتعرف اكتر على شخصيه

الورد الجورى

عن طريق موضوعك الورده

يا ورده النيل

اهلا بيدرو
ربنا يكرمك
اتمنى اني اكون ضيفه خفيفه عليكم
في انتظار اسئلتك
تحيتي

[الورد الجوري]

المشاركة الأصلية بواسطة MOON TEARS

السلام عليكم ورحمة الله

المشاركة الأصلية بواسطة MOON TEARS

وعليكم السلام و رحمة الله و بركاته

أهلا ياورد الجوري عامله أيه ..الصراحة فكره حلوه و أستحلمي أسئلتي ..وهي جد شوية بس أعذريني بحب الفضول.....

اهلا عزيزتي
لا ابدا مفيش مشكله
اسألي براحتك

س1: طبعاً أنتي خلصتي دراسة أيه بتعملي حالياً بتشتغلي ولا لاء وراضيه عنه؟

انا حاليا مش بشتغل
من ناحيه الشغل فليا مشروع صغيور ان شاء الله هعمله
او هعمل ما يماثله و لكن ظروف وفاة ابي اوقفتني قليلا

بالنسبه لكوني راضيه
فالحمد لله انا راضيه عما انا فيه لانه كله بمشيئه الله

س2:أيه مخططاتك و أهدافك لمستقبلك للغد بتاعك ؟؟

في مجال العمل
انا عندي 3 دراسات لـ 3 مشروعات
بفاضل بينهم للوصول للافضل فيهم وما يتناسب و ميولي و ممارساتي

في مجالي الاسري
هدفي ان احقق رضا امي عني
و ان لا اتسبب لها في يوم من الايام في اي الم او اي دمعه
و ان اكون دائما في عون اخوتي

في المجال الديني
انا عملت عمره كتير فعايزة اخطط لحج مبرور
و اتمنى و ارجو من الله و اتضرع اليه
ان يرزقني حسن الخاتمه و يتوفاني على دينه

س3: هل أنتي راضيه عن اللي حققتيه في حياتك؟؟

الى الان لا اعتبر حققت الكثير
فما فعلته هو التعليم فقط
و لكن بشكل عام انا راضيه عما افعله و انتهجه

س3: أيه مفهوم الأسرة بالنسبالك؟؟

الاسره
اب و ام متشاركان في كل شيء
الحوار يحل ابسط و اعقد مشاكلهم على حد السواء
لديهم ابناء يشغلون تفكيرهم لجعلهم افضل منهم هم انفسهم
في كل المجالات خلقا و تعليما و مكانه اجتماعيه

س4: لو أنتي ام حالياً هل تعتقدي بانك ام ناجحة ولا لاء؟؟؟ ولو مش أم أوصفيلنا نفسك لو أنتي أم؟؟

انا تبع القسم التاني من السؤال
انا غير متزوجه

طبعا لا نستطيع التكهن بشكل تام عن صورتي و تصرفاتي
المستقبليه عندما سيريد الله ان يمنحني اطفالا و ان اكون اما
لانه عاده الامر الواقع لا ياتي كما تخيلاتنا و لكن ساقول ما انا واثقه منه
باذن الله ساكون ام وسطيه التعامل لا انتهج الشده دائما و لا اللين دائما
و لاالجأ الى الضرب في اي موقف من المواقف كما فعل والداي
و ساكون صديقه لاطفالي كما كانت و مازالت امي معي و مع اخوتي
و اعتقد اني سازداد توتراو خوفا لاني عاده اخشى من النسيم على احبتي
فمع ابنائي سازداد توترا و قلقا بلا شك

س5: هل ستسمحي لاولادك بأستخدام النت والماسينجير ام لا....وان كان جوابك لا فلماذا سمحتيه لنفسك؟؟

انا هسمحلهم عادي جدا باستخدامه
اذا اناامهم استخدمه و ابنة جيل الانترنت و لم يحرمني
ابواي الاستفاده من الشبكه العنكبوتيه .. افأكون انا ظالمه
احرم ابنائي مما هو هام ومفيد لهم في حياتهم !!
بل ساعلمهم النت بنفسي و ساسعى ان اغرس فيهم حسن التصرف
و ان انمي عقولهم لمعرفه الخطا من الصواب تلقائيا فيحسنو استخدامه
فكل شيء ان لم نتقنه و نحسن استخدامه يصبح نقمه و وبال على مستخدميه

س6: هل يزعجك ان أستخدم زوجك الماسينجر و شارك بالمنتديات وحدث عضوات؟؟
(حتي لو كنتي أنسه أيضا جاوبي من فضلك)...

نعم انا نسه

ليس لدي ادنى مانع
ما دمت احسنت اختيار الزوج و ارتضيت دينهو خلقه
و اثق فيه و اثق في نفسي و مكانتي عنده
فلم التعنت اذا ؟؟
لاكن واقعيه .. يجب ان نعلم ان المنتدى و النت ما هو الا
شريحه مصغره من عالمنا الكبير فان كان زوجي اهل للخيانه
فلن تمنعه شدتي عليه تجاه النت او منعي له من دخول النت
من خياينتي ولو في عمله او اثناء قياده سيارته
فالنظره المحرمه ايضا خيانه لي
فيجب ان يكون وازعه دينه و نفسه الطيبه و حبه لي
والا لن تجدي نفعا قائمة من المحظورات اعلقها امام ناظريه
و اتلوها عليه ليلا و نهارا

ساعود مرة أخري تقبليني

سعيده بالتحدث معكي عزيزتي
و انتظر قدومك من جديد
وان كان هناك ما هو غامض في اجاباتي اطلبي ايضاحا
وذلك على الرحب و السعه
شكرا لمشاركتك الطيبه

[مستر كاراتيه]

جميل جدا موضوعك يا لولو ... ومعانا شخصيه قويه جدا وتعتبر قدوه لكتير من الناس
وانا مش هاسأل ورد دلوقتى علشان انا شايف كم الأسئله .. كتير عليها

انا بس اقول لورد ربنا يكون فى عونك .. ويارب تكونى فى أحسن صحه وحال ..

[الورد الجوري]

المشاركة الأصلية بواسطة MOON TEARS

يارب مكونش غلسة وتكون أسئلتي مقبولة بالنسبالك.....بس بجد احنا بنستفاد من فكر بعض ولا كلامي غلط.......أنا أذا سمحتيلي نفسي ارجع مرة تانية بأسئلة جديدة..........كل تحياتي لك أختي.

اهلا عزيزتي
اسئلتك طيبه كطيب تواجدك و عطره
انتظرك بالمزيد من التساؤلات اخيتي

[sleeping angel]

فكره جميله جدا جدا بحيكي عليها و لقد احسنتي الاختيار في الضيفه فمعنا اخت عزيزه على الجميع اما بالنسبه للاسءله فليس لدي اسءله الان شكرا على الموضوع المتميز.

[الورد الجوري]

المشاركة الأصلية بواسطة BATISTA

السلام عليكم
وعليكم السلام و رحمة الله و بركاته

العضوة الخاصة بالأسبوع دة

الورد الجورى


أهلا ورد

اهلا محمد
منورنا
نبتدى الأسئلة

اتفضل

1- بم ان احنا فى استقبال ضيف جديد وعزيز (شهر رمضان) نسال الله ان نلحقة وان يتقبل منا

ياترى ليكى طقوس معينة فى الشهر دة ؟ بخصوص ختم القران فى الشهر دة بيكون كام مرة ؟
بداية .. كل عام و انت و كل اخوتنا هنا بخير و بصحه جيده
شهر رمضان عندي مش بيكون في طقوس بصراحه يا محمد
اصل انا بحب اخلي العبادات دي بالبركه و حسبما ييسر الله
لكن الاكيد و اللي ممكن اطلق عليه طقوس
هو اني هصوم طول النهار و هاكل المغرب
لا بجد اللي دائما متواجد هي صلاه التراويح و التهجد
قراءه القرآن بشكل اكثر او مكثف عن الورد اليومي اللي الواحد بيقرأه
و الدعاء في السحر و اثناء الصيام
بالاضافه الى شرب عصير قمر الدين

بخصوص ختمه القران
زي مقلتلك بحب اخليها للتساهيل لكن بيكون اقل شيء مرتين
و السنه دي بشكل خاص
هيكون في ختمه مهداه لروح الوالد - حفظه الله من النار -
او يعني ختمة بدلا عنه لانه كان يختم في رمضان

2- ماهو تعليقك على كل موضوع من الأتى:
اتفضل
أ- العلاقة والأزمة الأخيرة بين مصر وإيران بخصوص فيلم إعدام الفرعون
افندم

اول مره اسمع عن الفيلم ده
و هل هو فيلم سينمائي و لا وثائقي و لا ايه ؟
بصراحه معنديش معلومه عن الفيلم ده عشان اقدر اعلق عن الازمه الناتجه عنه
عذرا
ب- أحداث الثانوية العامة الأخيرة وماحدث فيها من تجاوزات فى الغش وماهى اقتراحاتك لحل ازمة الثانوية العامة
الاحداث الاخيره من غش و من انتحارات
كلها حجات فعلا تدعو للحزن
و تصيب المرء بغصه شديده
لا عارفين نعمل شيء يضيف الينا تقدم
و لا عارفين نكون في مساواه و مستويات التعليم الاخرى في الدول الاخرى
و لا اطالب بالمستوى التعليمي للدول الغربيه و لكن على الاقل للدول العربيه

المقترحات
ان يتم اعاده الامور الى نصابها الصحيح
- اعطاء مدرسي المراحل راتب يكفل له المعيشه المتوسطه
فيمنعه من التفكير في مص دم الطلاب فيما يسمى بالدرس الخصوصي
- تشديد العقوبه بعد هذا الراتب على المعلمين الذين لا يراعون ضمائرهم في المدارس
- وجود رقابه صارمه على سير الخطه التعليميه تخلو هذه الرقابه من الوسائط و الخواطر
ومبدانا المصري الشهير شيلني و اشيلك فياخذ الطالب و المعلم حقه
- اعطاء مناهج مناسبه و عقول و مستويات الطلاب
- جعل الساعه الثانيه ظهرا مثلا هو نهايه الدوام المدرسي
و بالتالي نهايه تلقي المعلومات للطالب
فيرتاح و من ثم يستذكر ما ادخله الى عقله لا ان يقضي طوال اليوم يعمل
كجهاز ريسيفر يستقبل المعلومات و يحشوها حشوا
- ان يكف مدرسو المراحل الدنيا و الاعدادي عن الكتابه على السبوره للطلاب في الامتحانات و انه من ينجح باعلى مجموع هو من اسرع في نقل الاجابات
يكفينا ضياعا فقد نتجت اجيال يسري الغش في دمائها و لا تعرف معلومه صحيحه و لا تجيد حتى الكتابه
.
.
.
هناك الكثير ولكن هل من منفذ ؟؟
الله الرحمن المستعان

3- بخصوص انك خريجة قسم علوم تخصص كيميا ونبات انا كنت قريت ان معظم اسامى النباتات فى الاصل لاتينية ويشترط ان يكون الأسم مركب مامدى صحة السؤال دة ؟
اه هو بالنسبه لمجالي فده سليم
و بالنسبه للاسم انه بحروف لاتينيه
فده بردو سليم بس مش عشان شيء و لا انه فرض
لا .. ده عشان هم العلماء اتفقوا ان تكون كذلك مع العلم انه لكل نبته
اسم علمي لاتيني و اسم شهير او دارج و ده بلغه اهل البلد
و هو في الغالب لازم يكون الاسم من مقطعين
الال الجنس و الثاني النوع او الفصيله
مثلا النخيل اللي هو نخل البلح مش نخل الزينه
اسمه بالانجلش
palm
بالعربي
النخيل البلدي
بالاتيني
phoenix dactyliferae

مش عايزة اتوسع لتتعقدوا
4- ياترى فى افكار جديدة لتطوير قسم النص الحلو
بالنسبه لقسم النص الحلو
هو طبعا من احب الاقسام الى قلبي
و في عندي افكار كتير
لكن
انا من هواه عدم فرض الراي و التسلط
انا ممكن جدا احط كذا فكره بس هشعر اني فرضت رايي على الرواد
و كمان هكون قفلت عليهم باب التطوير الذاتي
مع العلم ان في بنوتات و شباب عندنا افكارهم تحفه بجد
و ممكن نتشارك جميعا في انتاج فكره طيبه و هتكون افضل بكتير
من فكره و تطوير مفرد فيد الله مع يد الجماعه
.
.
.

لى عودة للتكملة
في انتظار عودتك و استكمالك للاسئله

اهلا محمد
سعيده باسئلتك و تواجدك الطيب
في انتظار تشريفك لنا دائما
لك تحيتي

[وردة النيل]

مراحب لاحلى ورد جوري

اكمل اسئلتي

1- ايه اكتر شئ بتحبيه؟

2- هل مر على حياتك لحظة ندمتي فيها ؟

3- احكيلنا موقف في حياتك عمرك ما نستيه؟

4- واحكيلنا موقف تاني كل ما تفتكريه تفضلي تتضحكي ؟

واكيد ارجع باسئلة اكتر