البيت بيتك

[الورد الجوري]

السلام عليكم


قبل اي شيء : ميرسي يا عمرو على الكلام اللي كاتبه عني
ربنا يكرمك ، بالغت في وصفي و اسأل الله ان اكون كذلك

نيجي بقى للاسئلة


(2)
" طبعا 2 لان فوق كان رقم 1 اللي هو ازيك
حقانيه انا ما شاء الله "
انت اتكلمت عن اخوتك و عددهم
ياترى مين اقربهم اليك شكلا و مين اقربهم اليك في الشخصيه

(3)
اذكر صفة معنويه و اخرى شكلية في اخيك عماد
تشعر بالغبطة تجاهه بسببهما

(4)
ذكرت ان جميع اخوتك يكبروك عمرا
ما مدى تاثير ذلك على شخصيتك كاصغر فرد في اسرتك
و ذلك من حيث :
المعامله - القرب من الوالدين - مدى تقبل وجهات نظرك
" الجواب يكون عن فترة ما تحت العشرين من عمرك لا الفتره الحاليه "

(5)
ابناء اخوتك .. من اقربهم اليك شكلا و من الاقرب في الصفات
و من احبهم الى قلبك ؟؟
و في اي دور تحب عمرو اكثر ، الخال ام العم ؟؟ و لماذا ؟؟

(6)
اذكر:
- 4 اكلات لا تستسيغها الا من يد والدتك " حفظها الله "
- اكلة لكل اخت من اخواتك تميزها عن الاخرى " ربنا يخليكم لبعض "

(7)
اذكر :
- 3 صفات بارزه في شخصيه عمرو و موروثه من الوالد " حفظه الله "
و 3 مورثه من الوالده " حفظها الله "

(8)
كيف تتصرف فيما يلي
- " على اعتبار ما سيكون ان شاء الله "
معزوم عند خطيبتك و قدمت لك حماتك صنف من الحلويات على سبيل الضيافه
و الصنف تم اعداده في المنزل بواسطتها ، ولكن انت تمقت هذا الصنف
و لا يوجد لديك ادنى استعداد لتجربته من الاساس


- يوم فرحك " باذن الله " و انت منتظر العروسه الجميله
تطلع من الكوافير ،و اول مطلعت فوجئت بميه مجهولة الهوية بتتكب عليك من الاعلى
مع العلم انه يتم التصوير
" و قناه المنوفيه الارضيه بتبث بث مباشر "

- رايح مقابله لعمل مهم جدا و بمرتب عالي
" ابقى افتكرني بشوكولا بالبندق بليز "
و بعد موصلت المقر للمقابله و نندهوا عليك
بتبص على نفسك في مرايه اكتشفت وجود ثقب
واضح للناظرين في وسط التي شيرت او قميص البدله بتاعتك


(9)
اكبر مخاوفك ايه ؟؟
" شرح تفصيلي يحتوي على الاسباب التي تجعل ..... هي اكبر المخاوف "

(10)
امر كان يطلبه منك الوالد و الوالده " حفظهم الله " و انت في صغرك
و كنت تتذمر منه و بعد ان كبرت ادركت انهم على حق

( 11)
اذكر موقف عارضك فيه كل من حولك
" من حولك ممكن العائله و ممكن الاصدقاء و ممكن الاخوة "
و بمرور الوقت برهنت الايام انك الابعد نظره و ان رايك كان في محله

(12)
اذكر موقف محرج مضحك حدث لك في مرحله الابتدائي او الاعدادي
واخر في الثانوي و اخير في الجامعه

(13)
عندما سترزق باطفال " ان شاء الله "
في اي المعاملات ستتقمص شخصيه والدك ووالدتك " حفظهم الله "
لتربيهم على غرار ما ربوك و اخوتك عليه ؟؟
و في ماذا ستخالفهم ؟؟

(14)
للهديه اثر كبير في انفسنا و ذكرى رائعه
و نحتفظ بها برغم انها قد تصبح بلا فائده الا انها غاليه لدينا
اذكر 7 هدايا قدمت لك و مازلت تحتفظ بها
" و مش اجباري يعني تقولنا من مين .. اهو عشان الاحراج
اظن اسهل من كده مفيش "

(15)
اذكر موقف كنت فيه بين خيارين اهونهما صعب

(16)
هل تؤمن بكل من :- " دعم اجابتك بموقف ان وجد "
- الطيور على اشكالها تقع
- الفقي لما يسعد يجيله جنازتين في يوم واحد
- الكحكة في ايد اليتيم عجبه
- سعيد في اللعب تعيس في الحب
- مادح نفسه كذاب
- لما قالو جابت ولد .. اتشد ظهري و اتسند
و اما قالوا جابت بنيّة .. اتهدت الحيطة عليّا


(17)
اكمل كل مما يأتي :
- عدد مفاتيحك اللي في ماديليتك ............. و هي على شكل .............
- دولاب ملابسك يحتوي على اللون ............... بكثره بينما يفتقر الى .............
- احلم بقياده سياره نوعها ................ و بلون ......................
- عندما تصفني والدتي بايجاز تقول : عمرو ابني :-
-..................
-.....................
-.......................
" اسأل الوالده حفظها الله ان شئت "
- عندما ينتقدني ابي لتقويمي ينهاني عن فعل :-
- ......................
-.......................
" اسأل الوالد ، جايز يقولنا 4 بدل 2 "
- حلمت بـــ ....... و لكن لم يتحقق الحلم بسبب ..........
فاستبدلته بـ ...............
- ابغض الكره ولكن ............... علمني ان اكرهه
- اتمنى ان اتسم بالتسامح الكامل ولكني لن اسامح ............... بسبب ........
- اعتبر ........................... ضربه من ضربات القدر
- اعتبر ................... و .......................و .....................
و .................... من اعظم هدايا القدر
- احب المرأه عندما تكون ........ و ............ و ...............
- امل منها عندما تكون ............ و .............. و ...............
- اكرها عندما تكون ............... و ................... و ...................
- علمتني الكليه ................ و ....................
-علمني ابن مصر .................... و .......................
- اعترف اني :
* لم افكر جيدا عندما فعلت .................
* كان ..................... قرارا عاطفيا
* اخجل عندما ..................
* يلفني الحنين لـ .............
* تدمع عيني عندما اتذكر .............

عمرو كفايه كده النهارده
لان عنيا واجعاني
هكمل في وقت تاني بقى
و اللي لازم تتاكد منه
انه للحديث بقيه ان كان في العمر بقيه

[amr_miza1]

المشاركة الأصلية بواسطة maysam

اهلا عمرو

انا كنت داخلة اسأل.. بس غيرت رأيي لما شفت الهجوم الكاسح

عنجد..الله يكون بعونك

لما تخلص اجابات بارجع لك

بس متابعة اكيد

تحياتي

اهلا ميسم .. ايوا ادعيلى
الاسئلة كتيرة فعلا بس جميلة على قلبى طبعا ..
والاعترافات والاجابات فى حد ذاتها متنفس جميل جدا ..
انتظرك , سعيد جدا بمتابعتك

المشاركة الأصلية بواسطة duha

عمرو
وانا كمان بحب الشروق
احيانا انتظر بعد صلاه الفجر لمراقبه الشروق
وخصوصا لكا نكون مخيمين في الجبال
منظر شروق الشمس ملهم
تعطيك الوان متعددة وتلقي ظلالها على الجبال تغير الوانها في كل لحظه
لو كنت اعرف اكتب شعر ولا اعرف ارسم كنت عملت حاجات حلوة لان منظر الشروق فعلا ملهم

استمر عمرو
ربنا يعينك
متابعه

ضحى ..
فعلا هو منظر هادى جدا .. الجو دائما بيكون فى أفضل حالاته
صيفا وشتاء ..
غير ان اشعة الشمس الخافته بيولد معها احساس جميل ..

اشكرك ضحى لمداخلتك ومتابعتك

[omarr]

عمرو ..

لسه من دقايق شايف الموضوع و عرفت انك الضيف الجديد ..

قرأت كل أجابتك .. اذهلنى و افادنى جدا ردك على " اهداف الحياه "

اول مره اسمع وجهه النظر ديه .. لكن بجد اجابتك حلت لى أطنان من الأفكار

و الألغاز عن هدف الحياه .. اعتقد ان اجابتك ديه هى اجمل اجابه عن سؤال

مازل يحير الناس من الالاف السنيين .. فعلا .. الأنسان فى حركه دائمه ..

شفت يا عمرو .. كلمه بسيطه تقدر تغير الكون كله .. قوه الكلمه ..

عمرو .. عاجز عن شكرك فى اللى قلته عليا .. تسلم لى يارب على طول ..


.

[وردة النيل]

ازيك يا عمرو من جديد

انا راجعة بكام سؤال صغنتيتين

استعنا على الشقا بالله

31- ان قالو لك صف الحياة بكلمة فكيف تصفها ؟

32- ما الكلمة التي توجهها للامة الاسلامية اليوم؟

33- ما سبب ضياع امتنا في نظرك ؟

34- ما الكلمة التي توجهها لشباب عصرنا ؟ ( معلش حعتبرك عجوز )

35- لكل منا طبع سئ فما الطبع الذي تود التخلص منه؟

36- كلمة توجهها لوالدتك الحبيبة ؟

37- متى ينجح الانسان ؟

38- حدثنا عن كتاب قراته واعجبك جدا ؟

39- من تجارب الحياة دوما نتعلم فماذا تعلم عمرو ؟

40- حدثنا عن الاعضاء الجدد المميزين في نظرك ؟

41- كيف تقضي اوقات فراغك؟

42- ما معنى الوفاء في نظرك؟

43- هل تفضل الصدق في جميع الاوقات ام للصدق اوقات معينة ؟

44- الا يستطيع الانسان ان يديش دون مجاملة ؟

45- هل المجاملة شئ محمود؟

46- كيف تعلمت كتابة الشعر ؟

47- ما نوع الحديث الذي يلفت انتباهك ؟

48- حدثنا عن احدى مغامراتك الجامعية .

49- ما الذي تتمنى ان تراه في ابن مصر ؟

50- مارايك في البيت بيتك ؟

وللحديث بقية باذن الله

بالتوفيق

[**ريفيرا**]

يا هلا يا هلا

الاستاذ عمرو هنا..

هروح اشرب شاني وارجع

متابعة..

[وردة النيل]

طب اعزمي يا ست ريفيرا

اخر صحوبية

[**ريفيرا**]

المشاركة الأصلية بواسطة وردة النيل

طب اعزمي يا ست ريفيرا

اخر صحوبية

نشربه سوا ف القهوة
انا عندي اعز منك
بس هو فين مستر عمرو؟؟

[لاجئة]

عمرو..
مِساء الخير..
اولا انا درست الموضوع كله لحد ما بقيت بحاجة لنظارات للنظر يعني
بس بجد اجاباتك كلها ميه ميه..

ثانيا بقى:
انا عندي سؤال واحد فقط لا غير..
لو مُنحت فرصة تكون فيها مذيع على فضائية مشهورة جدا..
فأي البرامج تتختار لتقديمها؟ ولماذا!!

اعرب الجمل اللي بالفصحى يا عمرو

عمرو عندي سؤال تاني
مين اكتر واحد بتحسه صادق مشاعره في حبر وورقة؟ او بالاحرى مين اللي بوصلّك مشاعره بأكبر سلاسة متوفرة؟

[amr_miza1]

رقـــــية
___

يا راااجل
ما شاء الله

بالمناسبة اسامى الاطفال تجنن

خجلانة من كلامك عنى بس سعادتى بيه اكتر ..

بلا رغى كتير .. فى حبة اسئلة قليلين جايين ..
بس ضرورى تفتكر ان انت اللى قلت رخمى براحتك ..
ومش هنخسر بعض عشان حبة أسئلة يعنى

الأسئلة فعلا قليلين خالص .. وكلهم من المقرر وخصوصا دورة حياة دودة القز
ماشى يا روكا ليكى يوم


1- بتحب الصيد ؟؟ لو اه تحب تصطحب مين فى الرحلة دى من المنتدى و مين من غيره ؟؟

بحب الصيد جدا ..
هاخد شاعر الليل .. ( على فكرة هو بيغنى حلو جدا .. غيره انه بيلحن كمان )
من غير المنتدى هاخد أحمد ابن اختى .

ذكرى حلوة مش بتنساها وذكرى صعبة حبة مش بتنساها برضه
اى فرح للأسرة أكيد بيكون ذكرى حلوة ..
ذكرى صعبة مش بقدر انساها هى ذكرى وفاة خالى الأكبر .. رغم انى كنت صغير فى السن لكن هو كان الأب الروحى للعائلة كلها والحزن كان للصغير قبل الكبير .

اغلى هدية .. مع الشرح والتعليل

أغلى هدية .. ميدالية .. لأنها من أغلى الناس


تقول لمين ؟؟

أ- قص وجهى من الصور واترك الباقى .. لا أحب أن أقولها لأحد , ولا أحب أن أترك ذكرى مؤلمة لأحد

ب- الفرج عما قريب .. لنفسى

ج- الحياة حلوة .. لها

د- كفاية عند .. ..

ه- راجع نفسك حبة .. شخص عزيز عليّ

و- ما اجملك .. يووووووه حد غيرى حد غيرى
وما أجملك يا روكا .. اهو لازم اجبر بخاطرك
اقولها لأغلى الناس

وضح .. امتى بتكون اكبر من سنك وامتى اصغر

أكون أكبر من سنى إذا لزم الأمر ذلك , اذا كنت اتحدث إلى من هو أكبر منى سنا فأراعي أن يكون حديثى على قدر من اتكلم معه ويلزم أن أكون أكبر منى سنا
وفى تعريف البلاغة عند عبد القاهر الجرجانى فيقول " البلاغة هى مراعاة الكلام لمقتضى الحال مع فصاحته " فلابد أن يتلائك الكلام مع الحال ..

مع من أتكلم .. ومتى أتكلم .. وما هى الكلمات التى أتفوه بها .. ولابد أن يتلائم الكلام هنا مع من اتحدث اليه فأكلم العالِم بطريقة تحتلف عن كلامى للعامل .
شرط أن يكون الكلام فصيحا فى كلا الحالتين والفصاجة هنا أن يكون الكلام معتدلا منمقا لا مغالاة فيه , أى لا يكون معقدا ولا مبتذلا .

وأكون أصغر منى سنا إلا فى حالة لعبى مع أطفال الأسرة .. لازم اكون عيل
وأحيانا مع نفسى لما اقعد واشوف مسرحية أو فيلم كوميدى لاسماعيل يس بحب اكون صغير .

لو معاك فرشة وبالت الوان

اختار خمس حاجات او اماكن او افتراضيا اشخاص
ولونهم او غير الوانهم
مين هم وايه الالوان
ملحوظة .. مش تقول علية مجنونة

أقول مجنونة .. منا بقولها كتير
لا انا عارف اسئلتك اكيد , دا غير الجُمل الاتوماتيكية بتاعة زمان

مصر .. ألونها باللون الذهبى
شارعنا .. ألونه بالروز والأخضر
الحكومة .. ألونها بالابيض الشفاف
حديقة بيتنا .. ترجع خضرا من تانى
مش لاقى الخامسة .. حبكت بقى


امتى بتقول السكوت من دهب وامتى ممكن تقول ان الكلام هو اللى من دهب

السكوت من ذهب اذا تدخلت فيما لا يعنينى وبدون وجه حق
الكلام من ذهب إذا كان دفاع عن الكرامة أو عن حد مظلوم

8- اكتر شخصية على ساحة اى مجال _حالية _ بتعجبك و بتحترم تفكيرها

غالبا الاحتيارات دى مش برجحها لأن بيكون الحكم فيها خاضع للأهواء الذاتية وممكن يكون فيه ظلم لناس تانية

الصحفى .. مصطفى بكرى
الطبى .. د حمدى السيد
الإعلام .. احمد المسلمانى ومنى الشاذلى
الرياضى .. د علاء صادق
الثقافى .. محمود السعدنى
الفنى .. محمد صبحى
طبعا لكل مجال فيه ناس تانية لكن مش فى دماغى حاليا ..

واهدى الحاجات دى لاى حد .. من المنتدى ومن غيره .. يلااا اى خدمة

- ميدالية تحمل اسم الله واخرى تحمل حرف ما _وايه هو اكيد _ فكرة حلوة جدا
- مصحف .. لأبى
- عربية موديل 2010 .. ههديهالى
- عطر هادئ .. ههديها لروكا .. اى خدمة
- ديوان شعر _ ولاى شاعر_ ديوان إيليا أبى ماض اهديه لجناب العمدة
- شوكولا للورد الجورى
- قلم .. لعمر
- لعبة طفولية .. لحبيبتىّ الصغيرتين ( سارة وسما )
- كلمة _ وهى ايه ؟؟ _ سامحونى اقولها لوالدىَّ عن أى خطأ او أى صوت مرتفع
- روحك فداه _ ان لزم الامر _ أبى
- وردة جافة خارجة من كتابك القديم مش ههديها لحد ..

اول حد جه على بالك حالاا _او اول صورة مرت عليك_ لما قريت :-

- ظلم .. واحد كدا ربنا مطول فى عمره !
- نور .. واحدة كدا ربنا يطول فى عمرها
- ورد .. ايه اللغبطة دى .. ليها اكيد
- فراق .. الاخت العزيزة فراق
- قسوة .. امريكا .. استغلال القوة فى اللاسِلم
- مرض .. امى شفاها الله وعافاها .. لكن الحمد لله هى كويسة
- براءة .. الورد الأبيض


الخطوط الحمرا فى حياة عمرو .. ومحطوطة لمين .. يعنى لمين وامتى تقول ستوب .. ممنوع الاقتراب او التصوير

اقول ستوب لما اتناقش مع حد واحس انه مش ناوى يسمعنى او يفهمنى .. تقدرى تقول انى بقول ستوب لنفسى
ومعتقدش ان ممكن يكون عندى خطوط حمراء , طالما الكلام خارج عن الإهانة أو التجريح .

دموعك نزلت امتى وبالاحرى اخر مرة ؟؟

مش كتير بتنزل دموعى .. لكن احيانا بتكون مباشرة ولا إرادية ...
واخر مرة كان قريب جدا

13- نقطة ضعفك ؟؟
ما قلنا الستات
ممكن اضعف قدام ديوان شعر ,,

اسم ابن عم خال جدتك والدة والدك وتاريخ ميلاده ووظيفته

هسأل بنت خالة عمة جوز اخت زوجة ابن خالى وارد عليكى
وكان مولود يومها بالظبط .. وشغال مكوجى على ما اعتقد

متى اقيم عمود السوارى ...

فى النصف الثانى من القرن الثالث الميلادى

اشرح برسم مفصل دورة حياة دودة القز


حسبى الله ونعم الوكيل ..

لقيت الرسومات "مقززة"
فقلت اجيب توضيح مبسط
أصل دودة القز بيضة تسمى الدودة يرقه, تأكل الدودة ورق التوت فقط. وبعد شهر تتحول الى شرنقة وتنمو حولها خيوط الحرير . بعد اسبوعين تخرج من الشرنقة فراشه جميلة, وتتزوج من فراشه اخرى , وتبيض بيوض سوداء صغيره جدا. وهكذا


اسأل ايه طيب . . اكيد مش هقعد أسأل وكل الاسئلة ابقى عارفه اجابتها يعنى
مع انى مكنتش اعرف ان المنزل رقم 47

لا لا اسألى براحتك .. ولو عاوزة اسم المقاول الرومانى بتاع السيراميك اللى شطب اسكندرية فأنا معنديش مانع .. ونوع السراميك بردة


كفاية بجد
مور احنا اصحاب .. بجد مش تقول انى رخمة هه
وبتكلم جد مش بهزر
احم . . ولا شريرة


وهو فيه حد بيعمل فى صاحبة كدا يا رقية ؟؟
آدى الصحوبة اللى واقفة بخسارة .. بهنزر أكيد
عمرى ما هقول عليكى رخمة يا روكا ولا شريرة , اينعم بقولها كتير لكن من ورا قلبى
لو فيه اسئلة تانية مفيش مانع .. بس ياريت حاجة فى الفيزيا .. الكيميا .. يعنى الحاجات السهلة دى
شكرا للأسئلة يا اسمك ايه
وربنا يوفقك فى كل حاجة

[amr_miza1]

عتـــاب

حلوة " بردك " دى
بصى انتى بس قدمى فى معهد " السونكلفتوار " بتاع الناس اللى بيغنوا وهتبقى مية مية وأراهنك .. هتتفوقى على بعرور والناس دى

مون لايت

بشكرك جدا لكلامك فى حقى .. ربنا يخليكى وشكرا لذوقك
وسعيد تانى بمتابعتك

عمـــر

سعيد جدا بمتابعتك , ووجدك ليه طابع خاص فى كل مكان
وماتشكرنيش على كلام قلته .. يعلم ربى انى لا أجامل أحدا

قرأت كل أجابتك .. اذهلنى و افادنى جدا ردك على " اهداف الحياه "

اول مره اسمع وجهه النظر ديه .. لكن بجد اجابتك حلت لى أطنان من الأفكار

و الألغاز عن هدف الحياه .. اعتقد ان اجابتك ديه هى اجمل اجابه عن سؤال

ودا شيء يشرفنى

شكرا عمر لمتابعتك وحضورك الجميل

[لاجئة]

اشرح برسم مفصل دورة حياة دودة القز

فاكر لما وقعتني بدراسة دودة القز؟؟
اااااااه
والله واجاك الموت يا تارك الصلاة هاءهاءهاء

[amr_miza1]

الورد الجــــورى


السلام عليكم

وعليكم السلام

قبل اي شيء : ميرسي يا عمرو على الكلام اللي كاتبه عني
ربنا يكرمك ، بالغت في وصفي و اسأل الله ان اكون كذلك
دى حقيقة يا ورد وانا لا أبالغ

نيجي بقى للاسئلة



(2)
" طبعا 2 لان فوق كان رقم 1 اللي هو ازيك
حقانيه انا ما شاء الله "

جدا .. كان ممكن يكون 1 ويكون عددهم 16 سؤال

انت اتكلمت عن اخوتك و عددهم
ياترى مين اقربهم اليك شكلا و مين اقربهم اليك في الشخصيه

اقربهم شكلا هى أختى الكبيرة لكن هى طيبة ومش شكلى فى الطباع .. انا مش طيب اوى
اقربهم فى الشخصية أختى الوسطى .. الى حد كبير

(3)
اذكر صفة معنويه و اخرى شكلية في اخيك عماد
تشعر بالغبطة تجاهه بسببهما

معنوية اشعر تجاهه بالغبطة .. نشيط جدا ما شاء الله
شكلية .. هو اسمرانى .. كنت عاوز اطلع اسمرانى .. النصيب خلانى ابيضانى

(4)
ذكرت ان جميع اخوتك يكبروك عمرا
ما مدى تاثير ذلك على شخصيتك كاصغر فرد في اسرتك
و ذلك من حيث :
المعامله - القرب من الوالدين - مدى تقبل وجهات نظرك
" الجواب يكون عن فترة ما تحت العشرين من عمرك لا الفتره الحاليه "

لازم ما قبل العشرين ؟ .. مرحلة الطفولة كنت بشعر بالقهر .. مش علشان فيه قهر , لكن علشان انا اللى كنت طماع , اكيد الكبير بيكون امتيازات اكتر من الصغير رغم انى كنت "متدلع" لكن بردة حاسس انى مش واخد حقى لكن كانت اوهام طبعا .

المعاملة : الحمد لله نظرا لأن شخصيتى مش ضعيفة بين اخواتى فكان – ولا يزال – بيتعملى حساب ( مش نديّة والعياذ بالله ) لكن بكل حب .. ربنا يخليهم لى .
الوالدين : مرحة الطفولة كنت متدلع لكن من جانب أمى والدى كان شديد عليّ
اما مرحلة المراهقة وما بعدها كان والدى معتدل معايا وأمى اللى شديدة عليّ .
عموما أمى تقريبا هى الأقرب لى لأنها أقامت مع حوار أكتر من أبى .
قلما كنت اتقبل وجهات النظر .. شاب ومندفع بقى

لكن بعد العشرين اختلف الأمر كثيــــرا " الحمد لله كلهم بياخدوا رأيي فى كل شيء ورأيي مهم جدا بالنسبة ليهم " ال يعنى الواد العاقل

(5)
ابناء اخوتك .. من اقربهم اليك شكلا و من الاقرب في الصفات
و من احبهم الى قلبك ؟؟
و في اي دور تحب عمرو اكثر ، الخال ام العم ؟؟ و لماذا ؟؟

محدش شبهى .. ولاحد نصفنى وطلعلى عينه خضرا .. لكن ممكن أحمد ابن اختى الكبيرة طويل والى حد ما ممكن يكون شبهى
الأقرب من ناحية الصفات .. ممكن احمد ابن اختى الوسطى 2 ابتدائى ( هادى ومتأنق فى نفسه ومهتم بمظهره ودماغ مع نفسه )
أحب دور الخال أكثر , يمكن فعلا الخال والد وخصوصا للبنات ( سارة وسما ) كي جى وان وتو
ربنا يخليهم .

(6)
اذكر:
- 4 اكلات لا تستسيغها الا من يد والدتك " حفظها الله "
- اكلة لكل اخت من اخواتك تميزها عن الاخرى " ربنا يخليكم لبعض "

أهم أكلة لا استسيغها نهائيا إلا من يد والدتى ( المحشـــــى ) , والملوخية و "الفتة" عارفينها طبعا
اختى الكبرى والصغرى متميزتان فى ( البشاميل ) , والوسطى فى ( الكشرى )
جوعتينى يا ورد حرام عليكى

(7)
اذكر :
- 3 صفات بارزه في شخصيه عمرو و موروثه من الوالد " حفظه الله "
و 3 مورثه من الوالده " حفظها الله "

والدى مسالم جدا لأبعد الحدود , الحمد لله لا أحمل شرا لأحد . ولا أتدخل فيما لا يعنينى إلا اذا تطلب الأمر ووجب تدخلى
صفات من والدتى : قلت فى رد سابق انى أخدت منها التريث والتفكير جيدا قبل الكلام وبقدر الإمكان مغلطش .
الكلام يتخلله شيء من النكتة أو الدعابة لتهدئة جو الحوار
نفسى فى الأكل تحفة


(8)
كيف تتصرف فيما يلي
- " على اعتبار ما سيكون ان شاء الله "
معزوم عند خطيبتك و قدمت لك حماتك صنف من الحلويات على سبيل الضيافه
و الصنف تم اعداده في المنزل بواسطتها ، ولكن انت تمقت هذا الصنف
و لا يوجد لديك ادنى استعداد لتجربته من الاساس

سيتم حذف الصنف بواسطتى معتقدش انى هكون مجبر انى اكل صنف انا مش بحبه لمجرد انى اجامل حماتى
لكن علشان مكونش "رخم" هدوقه واقول تسلم ايدك وسامحينى مش هقدر اكمل علشان مش باكله .

- يوم فرحك " باذن الله " و انت منتظر العروسه الجميله

اها

تطلع من الكوافير ،و اول مطلعت فوجئت بميه مجهولة الهوية بتتكب عليك من الاعلى
مع العلم انه يتم التصوير
" و قناه المنوفيه الارضيه بتبث بث مباشر "

يا ساتر يا رب .. ايه الميول العدوانية دى .. وقناة المنوفية بتصور كمان والسى ان ان . ودكتور حمود هييجى يصور وينزل صورى للمنتدى وانا متبهدل .

اكيد هتضايق هههههههههههههههههههه سؤال غريب اوى يا ورد
هتضايق طبعا لأنى هكون مظبط البدلة والقميص والكرافات .. عموما اعتقد ان اللى رمى /ت المياه لاتقصد وهقول امرى لله .. وهلبس بدلة تانية وامرى لله .. لأن البدلة لازم تتغير
وحتى لو اللى رمى المياه يقصد .. بردة هغير البدلة .

- رايح مقابله لعمل مهم جدا و بمرتب عالي
" ابقى افتكرني بشوكولا بالبندق بليز "
و بعد موصلت المقر للمقابله و نندهوا عليك
بتبص على نفسك في مرايه اكتشفت وجود ثقب
واضح للناظرين في وسط التي شيرت او قميص البدله بتاعتك

حاضر هجيبلك شوكولاتة بطعم الفراولة
( اذا مكنش فيه وقت ارجع واغير البدلة ) هكون أكثر لباقة , و هتصرف بشكل طبيعى جدا ومش ههتز خالص , وطبعا ثقتى فى نفسى دى أكيد هتخلى اللى يشوف الثقف يفهم انى مأخدتش بالى من الثقب , أو يقول ان الثقب حصل حالا وانا داخل للمقر .

(9)
اكبر مخاوفك ايه ؟؟
" شرح تفصيلي يحتوي على الاسباب التي تجعل ..... هي اكبر المخاوف "

اعذرينى يا ورد مش هشرح بالتفصيل نظرا لأن أكبر مخاوفى فى حياتى ( المرض ) ربنا يبعدنا عنه ودايما بطلب من ربنا الصحة قبل الرزق .
طبعا المرض اكثر مخاوفى لأن بيختفى معه طعم الراحة والسعادة .
كفانا الله شرَّه وإياكم

(10)
امر كان يطلبه منك الوالد و الوالده " حفظهم الله " و انت في صغرك
و كنت تتذمر منه و بعد ان كبرت ادركت انهم على حق

فعل