اكتر شيء
بصي اكتر حاجه بحبها في حياتي
الشعور بحب الناس تجاهي
و بالذات الاطفال و بفرح قوي لما بلاقيهم
جايين كده ليا حتى بدون مناديهم
2- هل مر على حياتك لحظة ندمتي فيها ؟
اه طبعا
بس مش الندم بمعنى الكلمه
لان اغلبيه قراراتي الحاسمه بتكون بعد استخاره و استشاره
و باستخارتي ربنا بيساعدني لما فيه الخير الاكيد
سواء بقى شفته بعد متجهت الاتجاه ده او انه الخير مؤجل شويه
3- احكيلنا موقف في حياتك عمرك ما نستيه؟
انا الصراحه شبعتكم مواقف
طيب ماشي نحكي
من احلى المواقف اللي عمري منساها
و انا في الحرم و انا بعمل عمره
انا صحيح رحت كتير
بس المره اللي بقول عليها كانت حلوة
كان ايامها مسموح لينا بالوضوء من ماء زمزم
نزلنا منزل كده في جانب من ساحه الحرم المكي
و كل متنزلي تشعري بالبروده بصدق
و احلى شيء ان الميه طالعه قدامك من الحنفيات و هي متلجه
سبحان الله الشعور حلو قوي و احنا بنتوضى منها و في جانب المكان وقفت كتير جدا
قدام المضخه اللي بتضخ الميه المنظر حلو قوي
زاد بقى العمره دي جمال ان الاعداد هناك كانت خفيفه الحمد لله
فقدرت اني الامس الحجر الاسود
و جدار الكعبه و مشيت جنبه
لان كل مره بروح بيكون من الصعب الدخول فكنت بدخل و اوصلها بس ثانيه و اطلع من كتر الازدحام اما يومها فضلت كتير
و كمان شفت مقام سيدنا ابراهيم من قريب
يارب اروح تاني و يارب نكون صحبه انا وانتي يا ورده و كل احبتنا في الله
4- واحكيلنا موقف تاني كل ما تفتكريه تفضلي تتضحكي ؟
في موقف بحبه قوي
و في ناس اعتقد شافته مكتوب هنا قبل كده في المنتدى
بس هقولهولك
انا عصبيه بطبعي بس الحمد لله بعرف اتحكم في عصبيتي
و انا صغيره خالص بقى و لا في تحكم و لا شيء
كنت بقى لما اتعصب من اي شيء في البيت
و لا من اي حد مكنتش اتكلم معاهم
كنت اتوجه مباشرة الى درج من ادراج الثلاجه في المطبخ
و بالذات الدرج الداخلي اللي ناحيه مفصله الباب
دائما الدرج ده بيكون خصيصا للطماطم
فكنت اطلعها و ارميها في ارضيه المطبخ
و اطلع بعد كده من المطبخ و ملمش ولا طماطمايه
كفايه فضايح بقى يا ورده
واكيد ارجع باسئلة اكتر
اهلا احلى وردة نيل شفتها
ميرسي على اسئلتك الخفيفه
لك تحيتي
بجد بجد.....أنا تابعت كل ردودك علي كل الاسئلة من الأعضاء وعجبتني جدا مدي حكمتك و عقلانيتك في الأجابة غير انك ماشاء الله أيمانك وحسن تهذيبك واضح في أجاباتك ..والله في كام أجابة ليكي أستفدت منها كتصرف أتبعه زي مثلا علمك بأبنك أنه مدخن......الله يبارك فيكي أختي ويكثر من أمثالك.....تحياتي لصاحبة الموضوع موضوع حلو جداً ...وكل تحياتي لكي أختي.....متابعة ولي عودة بأذن الله.
إقتباس:
اهلا عزيزتي
ربنا يخليكي بجد
تبالغين في تقديري و اعطائي اكثر مما استحق
اكرمك الله و جزاكي من الخير افضله
لك تحيتي
اهلا بالجميع
في نهايه كلامي معاكم
حابه اقول اني كنت سعيده جدا بالتحاور اللي حاصل ده
و حابه اشكر ورده النيل حبيبتي على الاستضافه الجميله دي
و كمان على طول بالها عليا في تاخري في الفتره الاخيره
و هي عارفه الظروف
ميرسي ورده حبيبتي على جمال اخلاقك و طيبها
ميرسي لكل من شارك و تابع و سأل
و اتمنى اني مكنش اثقلت عليكم
تحيتي للجميع
و بالتوفيق للضيف القادم
ورده ايه ده
ده خطأ فادح بقى
في حد يجيب الورد الجوري
قبل لونلي دوك
طيب تيجي ازاي
كان لازم يكون دكتورنا عطر البدايه
و الاستفتاحيه اللي تجذب القاصي و الداني
و الشمعه اللي ينور طريق الضيوف اللي بعديه
في طريقه الاجابه و المناقشه
في انتظار دكتورنا ينور الموضوع
و انا حاجزة اول 29 سؤال بعد اسئلة ورده النيل طبعا
و اطمن يا دكتور مش هسالك عن الاشراف و اموره و لا هقولك علمني
زي مبقولك على طول
ورده ايه ده
ده خطأ فادح بقى
في حد يجيب الورد الجوري
قبل لونلي دوك
طيب تيجي ازاي
كان لازم يكون دكتورنا عطر البدايه
و الاستفتاحيه اللي تجذب القاصي و الداني
و الشمعه اللي ينور طريق الضيوف اللي بعديه
في طريقه الاجابه و المناقشه
في انتظار دكتورنا ينور الموضوع
و انا حاجزة اول 29 سؤال بعد اسئلة ورده النيل طبعا
و اطمن يا دكتور مش هسالك عن الاشراف و اموره و لا هقولك علمني
زي مبقولك على طول
