اهلا بيكى انتى ياتوتى
اولا طموحاتك لابن مصر ايه
هو سؤال صعب الاجابة عليه ,, لان الطموح عادة لا حدود له ,, لكن اطمح فى ان ابن مصر يستمر ويزدهر لحد ما يبقى ملتقى عائلات الاعضاء كلهم ,,يبقى مثلا انتى واولادك (ان شاء الله) والباقيين كلهم واولادهم وما تخافوش حنعمل الكارنيه عائلى زى النوادى
واطمح أيضا ان ابن مصر يكون بمثابة بيت تانى لكل المصريين والعرب المغتربين عن بلادهم ويبقى كبلسم يخفف من نار الغربة عليهم
/هو فى تطوير فى المنتدى هيحصل فى الايام الجايه وياترى هو ايه
علمى علمك ياتوتى
,, طبعا التطوير لا بد منه والا سنصاب بالركود ,, والتطوير الهدف الرئيسى منه هو راحتكم ومحاولة تقديم خدمة افضل لكم وهناك اقتراحات من الاخوة الاعضاء ستوضع فى الاعتبار مع التطوير,,, ايه هو بقى دى انا سايبها لكم تحسوها ان شاء الله.
3/هل ليك اصدقاء من المنتدى
مش حابالغ ياتوتى لو قلت لك انى باعتبر كل من فى المنتدى اصدقائى واخوتى ,,وبالطبع ليا اصدقاء كتير فى المنتدى سواء من تحدثت معهم على النت او قابلتهم فى الحقيقة.
4/ايام لاتنساها فى حياتك
الايام التى لا أنساها كثيرة :
ياتى على رأسها يوم وفاة والدتى ويوم وفاة والدى رحمهما الله.
ويوم تخرجى واحساسى انى اصبحت احمل لقب دكتور ,, كنت سعيد انى اصبح ليا صفة فى المجتمع ولو انى اصبحت الان اهرب من لقب دكتور ده.
ويوم رجوعى النهائى بعد رحلة عمل طويلة فى السعودية,, يومها كنت كأنى باشوف مصر لأول مرة وأنا نازل من الطيارة حسيت بشعور جميل من الامان برغم ظروف البلد زى بالظبط المركب لما ترسى على بر.
وهناك يوم اعده من أسعد ايام حياتى لكنى اعتذر عن ذكره لأسباب خاصة.
/ممكن حضرتك تحدد لنا الفتره الزمنيه اللى اتولدت فيها لتحديد السن طبعا بما انك مش عايز تصرح بيه نخمن بقى ههههههههه
وبعدين بقى فى الفضول ده؟؟ طيب شوفى ياستى انا اتولدت ومصر كانت جمهورية الحمد لله (زيك كده يعنى ) خمنى بقى براحتك.
6/ليك ملاحظات على المنتدى او اى قسم وايه هى
هى اهم ملاحظة ان الاعضاء "كسلانين" شوية ويمكن ده سببه الحر والاجازات الصيفية
الملاحظة التانية انى بالاقى موضوعات رائعة والاقبال عليها والتفاعل معها ضعيف
وفيه اقسام تحتاج لتنشيط فعلا
ولاحظت أيضا ان بيبقى فيه اعضاء كتير بيتصفحوا المنتدى لكن اللى بيشارك قليل ,, وفى اعتقادى ان بعض الاعضاء احيانا بيخجل من المشاركة والتفاعل ,,, ليه؟؟ ابن مصر ده بيتكم والواحد فى بيته بيعمل اى حاجة نفسه فيها طالما هى فى الحدود المتعارف عليها,, شارك واكتب ما يخطر على بالك واضحك واختلف وناقش باختصار عيش حياتك طالما انت موجود داخل البيت ولا تقف متفرجا فقط.
/هل للالوان تاثير فى حياتك
لها تأثير كبير طبعا ,,سواء فى ملابسى او أثاثى او الوان غرف البيت وبحب الالوان الزاهية.
8/لو اجابه 7 بنعم اللون الازرق والاخضر والرمادى والابيض والاسود بيوحيلك بايه ولونك المقضل
الازرق : السما,, البحر,, الحرية,, الانطلاق
الاخضر : الزرع ,, الجنة ,, الراحة ,, الاسترخاء
الرمادى : الاتزان ,, الهدوء,, الوقار,,, و .....الحزن
الابيض : النقاء ,, الامل ,, الانتعاش ,, و....الفرح
لونى المفضل الموف بكل درجاته .
رساله عتاب توجهها لشخص ما مش مهم اسم الشخص المهم الرساله
هى عتاب بعتت لى رسالة وانا ما اعرفش ؟؟
هى لن تكون رسالة عتاب هى اشبه بالمناجاة
اليكى ...
ولدت يوم عرفتك,,وباركنى الله بحبك
وطالت قامتى السماء يوم تزوجتك
وكلما ارتويت منك زاد عطشى اليك
وحان آوان الرحيل
وسبحان من له الدوام
وغافل من يأمن للأيام
ورغم طلبك الاخير أن تحل محلك اخرى
فهل من رافق القمر يستطيع النظر للنجوم ؟؟
تركتى لى رصيدا من الوان السعادة
يكفينى ما بقى من عمرى
وانتى زوجتى الوحيدة
من مهدى الى لحدى
/رساله توجهها لاعضاء ابن مصر
انا وجهت رسالة قبل كده لكن ما فيش مانع نوجه تانى
ابن مصر ليس منتدى وانتم اعضاء فيه
ببساطة انتم ابن مصر
هو بالفعل بيت بيضمنا كلنا كاخوة واخوات
جواه فيه دفء الاسرة والانتماء اليها
اوعوا يروح الاحساس ده منكم,, احرصوا عليه
وشكرا
وعفوا
,,نورتى ياتوتى
تحياتى
النمط الخطي
