يلا نحدد اهدافنا ونحققها

[نور1900]

الي عنده هدف او حلم مش عارف يوصلو ازاي
يكتبه هنا
عايزين هنا نشجع بعض ونتفق نعمل حاجات مع بعض تساعدنا
للوصول لهدفنا انا شخصيا عندي اهداف
بس محتاجه لناس طموحه عندهم اهداف
زيي يشجعوني واشجعهم
والي عنده تعديل علي الفكره يقولها
يالا مستنيه تفاعلكو

[مستر كاراتيه]

موضوع جميل جدا جدا جدا جدا جدا

انا عن نفسى هدفى دلوقتى انى اسافر .. ومش بسعى لحاجه غير كده دلوقتى

حاولت كتير انى اكون فى البلد .. بس المشكله ان الواحد بيحس ان البلد مش فيها مكان ليه

؟؟؟

[نور1900]

هههههه
ديما كده بترفع روحي المعدنيه
طب هتعمل ايه عشان تحقق الهدف ده؟
ولو ان رايي الشخصي ان ده هروب من الوقع
مصر بلدنا ومحتاجلناولا اي رايكو يجماعه

[ابن الصحراء]

موضوع جميل بس المهم التنفيذ ويريت لو نشارك بعض مش بس فى احلامنا يريت نبقى اخوة بجد ونتشارك فى كل احداث حياتنا يريت ......... تقبلى مرورى وتحياتى

[نور1900]

سلام عليكم
بجد هوا ده الي كنت اقصده من الاموضوع ده
عشان نشجع بعض يعني محدش يحس انه لوحده
نحس ان كنا بنعمل حاجات معينه في
نفس الوقت اكيد ده هيشجعنا اوي
بس ايه اقتراحك ممكن نحدد هدف ايه مشترك
نتفق ان كلنا نشتغل عليه مع بعض

[نور1900]

يالله يجماعه الي شايف هدف وا حاجه ممكن
نتفق نعملها مع بعض يخش ويقلها:

[abnmoussa]

المشاركة الأصلية بواسطة نور1900

يالله ياجماعه الي شايف هدف و حاجه ممكن نتفق نعملها مع بعض يخش ويقلها:

نور فكرة كويسة جدا ولكن عايزك تبدئى بنفسك ..يعنى انت دكتورة واعدة وعايزة وعايزة................ الأحسن اسيبك انتى تشرحى لأخوتك طموحك علشان الباقى يتشجع وانا عن نفسى طموحاتى:
1- نشر الوعى الإستخبارى لدى شبابنا حتى لايقعوا فى براثن العدو الصهيونى.
2- نشر الثقافة الباراسيكولوجية المهضومة الحق فى وطننا العربى.
3- ان اشارك فى تطوير هذا المنتدى الجميل قبل ان تنتهى اجازتى و اطير تاركا المنتدى.
34 ان ينجح الموقع فى اقناع المسئولين على الصناعة المصرية باللحاق بأخوتنا فى سوريا وليبيا والمغرب العربى والخليج العربى .
بس كفاية النهاردة والى الملتقى .
ابن موسى

[ابن الصحراء]

انا هدفى انى اعمل حاجه لفلسطين اكتر من الدعاء احنا نقدر نعمل حاجه اكبر من كده بس مش عارف ممكن نلم تبرعات لاخواننا فى فلسطين مثلا نعمل اى حاجه اصلى بصراحه كل املى وحلم حياتى الشهادة فى سبيل الله عند المسجد الاقصى بعد طول اجل وحسن عمل اللهم امين يريت كلنا نتشارك الحلم ده ونحاول حقق جزء منه والله المستعان .. لان الشهيد فى الاقصى بالف شهيد ..... اللهم ارزقنا الشهادة وتحياتى للجميع........

[نور1900]

سلام عليكم

المشاركة الأصلية بواسطة abnmoussa

نور فكرة كويسة جدا ولكن عايزك تبدئى بنفسك ..يعنى انت دكتورة واعدة وعايزة وعايزة................ الأحسن اسيبك انتى تشرحى لأخوتك طموحك علشان الباقى يتشجع
ديه حاجه تشرفني وتفرحني جدا ان حضرتك تشترك في الموضوع ده
بس بالنسبة لطموحاتي انا عايزه ااجلها شويه عشان اشوف اعضاء المنتدي
بيفكرو ازاي ونشوف الطموحات المشتركه مبينا الاول
بحيث حتي لو حاجه متهمنيش ممكن تهم غيري ويحصل تفاعل يغير
فينا كلنا حاجات وتشجعنا اننا نحس اننا مع بعض
وانا عن نفسى طموحاتى:
1- نشر الوعى الإستخبارى لدى شبابنا حتى لايقعوا فى براثن العدو الصهيونى.
2- نشر الثقافة الباراسيكولوجية المهضومة الحق فى وطننا العربى.
3- ان اشارك فى تطوير هذا المنتدى الجميل قبل ان تنتهى اجازتى و اطير تاركا المنتدى.
34 ان ينجح الموقع فى اقناع المسئولين على الصناعة المصرية باللحاق بأخوتنا فى سوريا وليبيا والمغرب العربى والخليج العربى .
بس كفاية النهاردة والى الملتقى .
ابن موسى
طموحات حضرتك قيمة اوي بس كنت عايزه اسالك كام سؤال
اولا ممكن حضرتك توضح النقطة الرابعه شوية
تاني حاجه ايه ممكن يكون دورنا في تحقيق الطموحات ديه
بحيث انه ممكن يكون هدف مجموعة
ثالث حاجه هوا حضرتك هتسيب المنتدي
بجد ديه هتبقي خسارة لينا كلنا
شكرا اوي لتفاعلك

[نور1900]

المشاركة الأصلية بواسطة ابن الصحراء

انا هدفى انى اعمل حاجه لفلسطين اكتر من الدعاء احنا نقدر نعمل حاجه اكبر من كده بس مش عارف ممكن نلم تبرعات لاخواننا فى فلسطين مثلا نعمل اى حاجه اصلى بصراحه كل املى وحلم حياتى الشهادة فى سبيل الله عند المسجد الاقصى بعد طول اجل وحسن عمل اللهم امين يريت كلنا نتشارك الحلم ده ونحاول حقق جزء منه والله المستعان .. لان الشهيد فى الاقصى بالف شهيد ..... اللهم ارزقنا الشهادة وتحياتى للجميع........

سلام عليكم
ربنا يرزقك وايانا اجابة دعائك المخلص ده
وبالنسبه لحكايه التبرعات ديه فكره حلوه بس ازاي
انا عندي راي بالنسبه للموضوع الي انت طرحته
اننا نقدر نعمل حاجات غير الدعاء ( ان الله لايغير مابقوم حتي يغيرو ما بانفسهم)
وهنا ممكن نعمل الحاجات ديه
اننا نصلح نفسنا ونشوف عيوبنا فين ونغيرها
اننا نشوف اي الحاجات الي ممكن تساعدنا
وتخلينا نتغير للاحسن ونتفق عليها اننا نعملها مع بعض
اننا نكون متفائلين ونشجع غيرنا علي الصح
الحاجات دي لو بجد بدأنا فيها يعالم ايه الي ممكن يتغير
علي الاقل لما نروح لربنا ويسالنا معملتوش حاجه ليه لفلسطين
والعراق وبلاد المسلمين
نقله مقدرناش نحارب بس
عملنا كزا وكزا بنيه اننا بنعمل حاجه عشان وضعنا يتغير
ها ايه رايك
يريت كل الي يخش هنا يقول رايه في الكلام ده

[masraweya]

اسمحيلي اشارك معاكي يااخت نور في الفكره الجميله دي واقول انا عندي اهداف على المستوى العام واهداف على المستوى الشخصي...اما على المستوى العام فأريد ان استطيع اني اخدم بلدي وناسي وعشان كده انا حاباطلب مساعدتك في توضيح هدفي لاني في هندسة بترول فلو عندك اي معلومات عن الكليه دي او حد تعرفيه متخرج منها وناجح في شغله لأني مش شايفه نهايه واضحه لدراستي في الكليه دي ...ولك مني جزيل الشكر

[نور1900]

المشاركة الأصلية بواسطة masraweya

اسمحيلي اشارك معاكي يااخت نور في الفكره الجميله دي واقول انا عندي اهداف على المستوى العام واهداف على المستوى الشخصي...اما على المستوى العام فأريد ان استطيع اني اخدم بلدي وناسي وعشان كده انا حاباطلب مساعدتك في توضيح هدفي لاني في هندسة بترول فلو عندك اي معلومات عن الكليه دي او حد تعرفيه متخرج منها وناجح في شغله لأني مش شايفه نهايه واضحه لدراستي في الكليه دي ...ولك مني جزيل الشكر

اهلا بيك يمصراوية
انا حاليا معنديش معلومات عن الموضوع ده بس اوعدك اني هسأل
ويريت اي حد يعرف حاجة عن الموضوع ده يشاركنا بالاجابة
بس انا عايزه اسأك ..هل انتي بتحب المجال ده؟
ودخلتيه ليه؟
وعلي العموم انتي تقدر تخدم بلدك وناسك بانك تكون مخلص في
الي بتعمله وتكوني من اشطر الطلاب ولما تتخرجي تكوني احسن مهندسة بترول
لسببين
اول حاجه هتبقي كده قدمتي لبلدك مهندسة بترول ممتازة مش مجرد واحدة
بيشتغل عشان يعيش
تاني حاجه هتكوني قدوة لغيرك في الدين والاخلاق تقدري تغير حاجات ولو
بسيطه في نظرك بس ممكن تخشي بيها الجنه من اوسع ابوابها
ده غير انك ممكن تبدعي في اي حاجه بتعمليها بس زي منتي قلتي لما
تكوني عارف بالظبط هيا ايه
يريت لو حد عنده معلومة عن الموضوع ده يريت لو تشارك معانا في اننا نغير نفسنا للاحسن وتقول لو عندكاي اقتراح
شكرا اوي لتفاعلك

[ابن الصحراء]

سلام عليكم ورحمة الله وبركاته ازيك نور ومصراويه ازيكم جميعا انا يامصراويه مهندس مدنى خريج السنه دى مش هعرف افيدك اوى بس لى اصدقاء كتير ممكن ينفعوك تحت امرك فى اى طلب او سؤال او استفسار متتردديش وتقبلو تحياااتى ...
اخوكم محمد

[abc]

و الله موضوع حلو يا دكتورة ..

بس لما أستجمع قواي مرة تانية و ربنا يكرمني كده أبقى أرجع و أشارك ..

لأني دلوقتي ... مدهده !!

[masraweya]

بصي بقى يانور انت ومحمد اول حاجه حابه القي التحيه واقولكم شكرا على اهتمامكم ...ان عايزه اقولك يانور اني دخلت المجال ده بسبب مجموعي وانا كان حلمي الكبير اني ابقى دكتوره فطبعا كانت احلامي ومخططاتي كلها كانت مبنيه على الطب وطبعا بعد مارحت بترول تهت وهدفي اتلخبط بس دلوقتي بدات احب المجال بس عايزه اتكلم مع حد يكون فعلا بيحب بترول وبالأخص قسم فلزات ولكم مني جزيل الشكر وربنا يوفقنا كلنا لما يحبه ويرضاه