العلاقة بين الولد والبنت ......ادخل قول رأيك

[ساحرة المستقبل]

السلام عليكم ورحمة الله وبركاته







انا انهاردة مش هنزل موضوع ولكن عايزة اعرف رأيكم في حاجة مهمة جدا ..احترت انزل الموضوع في اي قسم بس لقيت انه عشان بيهم عامة الناس ولكن واحد ليه وجهة نظر

فقلت انزلة في القاعة العامة


ياريت الكل يقولي


ايه رأيه في العلاقة بين الولد والبنت بشكل عام

يعني كل واحد يقول رأية في العلاقة اللي بتربط بين ولد وبنت

انا على مشارف دخل الجامعة حيث الاختلاط والتعارفات والصداقات والخروجات

وبصراحة انا خايفة جدا من جو الجامعة

كل واحد ليه رأي

يعني مثلا انا سألت ماما قالت ان علاقتي بالاولاد لازم تكون زمالة وبس

والكلام يكون داخل حدود الجامعة وبس مش اكتر والكلام يكون في الدراسة وفي المواضيع العامة

وفي ناس تانية بتقولي ودول دخلوا جامعة بقا واتخرجوا

قالوا ان تكوين الصداقات مهم جدا لان دي اللي بتسيب الذكريات الحلوة فيما بعد وكل اللي دخلوا الجامعة وكونوا صداقات كانوا مبسوطين وسعداء

حتى بعد التخرج فضلوا على تواصل لحد ما فرقت الصداقات الظروف الحياتية

وكل ما يفتكروا الايام بتاعت الجامعة بيقولوا ياريتها ترجع تاني

المعروف عن الوقت ده انه بيتميز اننا بنكون في مرحلة الشباب والمرح والضحك والفرح

فهل ده صح ولا ايه
؟؟؟؟؟؟؟؟؟؟؟؟؟؟


طبعا فيه بنات بتعرف اولاد في الجامعة وممكن تحصل بينها وبين واحد من اصدقائها قصة حب

فيكون ده حبيبها

يعني مثال

يبقى احمد اخو نورة ........هو مش اخوها بس زي اخوها

ممكن يبقا معاه رقم موبايلها وتحكي له اسرارها وبيكون زي الاخ ليها تماما بيتصرف كأنه اخوها
وبينصحها على طول


مثال اخر

تامر صديق نورة .....حدود علاقتهم بيكون داخل الجامعة وبس ممكن يكون معاهم ارقام مبيلات بعض بس العلاقة بتكون سطحية

يعني يشوفها يسلم عليها يعرف اخبارها ...يساعدها في المذاكرة وكده فده بيكون صديق او زميل مش عارفة بس مفهوم الزمالة اعتقد انه اختفى من زمان ..فيه بردوا اصدقاء بيخرجوا سوا



مثال اخييييييييييييير


عباس حبيب نورا .............ده بقا علاقته بيها بتكون فوق كده يعني حب وغراميات ووعود

وكلام من ده طبعا بيعشمها بالجواز بس اهم بيقضوها والسلام ....بيقضوها خروجات وفسح على الكورنيش والمشهد ده طبعا مألوف





الخلاصة ايه رأيك في علاقة الولد بالبنت ............وايه حدودها وايه ضوابطها ؟؟؟؟؟؟؟؟؟


واتمنى التفاعل مع الموضوع وابداء الرأي فيه


انا حابة اقول رأيي

وهو اني بأيد علاقة الاخوة اللي انا ذكرتها دي بتكون فعلا ليها حدود

يعني بيكلمها بس في مصلحتها

ااقصد بيكون ليها معنى تاني واحساس تاني

شيء جميل ان لد يقول لبنت انتي زي اختي تمام ومحب حد يضايقك او يعلق عليكي وانا بقول ده لمصلحتك

بينبهك لحاجات انتي مش واخده بالك منها

غير البنات اللي بيصاحبوا بعض وطول الوقت نازلين غيبة في بعض وعلاقتهم ببعض بتكون سيئة ومليانة مشاكل ومصالح

مش كل البنات طبعا بس اغلبهم

في الحقيقة انا صاحبت بنات كتير جدا واتخدعت في كل واحدة ...فقررت اني ميبقاش ليا اصدقاء

خااااااااااااالص لا ولاد ولا بنات


ولاد لاني خايفة منهم ومش عارفة الحدود بيني وبينهم تكون ازاي

وبنات عشان بتفرس منهم



اسفة على الاطالة


السلام ختام

[R=K]

اذا من المنظور الاسلامي اكيد المفروض تتحاشي الاختلاط بالشباب وتخليها مختصرة على البنات لانك محتاجة طبعا لمين يكون معاك دائما واكيد العلاقات بين الولد والبنت مو محببة ابدا يعني في كم وحدة في المنتدى نزلت موضوع تشتكي فيه من انها دخلت الجامعة واتعرفت على شباب كزمالة طبعا وبعد كدا هي اتعلقت فيه وهو مو داري عنها وانها محتارة تحبه وماتقدر تبعد طيب من البداية ليه تتعرفي على شاب وبعد كدا تتعلقي فيه ودا الطبيعي انه تقلب لحب حتى المجتمع الغربي المنفتح بتحصل في حالات حب بين الاصدقاء كتير

انتي ابعدي عن دا الطريق لانك حتتعبي

[عبدالله نجيب]

اولا دعونا نحدد العلاقات التي من الممكن ان تقوم بين شاب وفتاة في الجامعة

زمالة : وهي التعامل الطبيعي مثل اخذ محاضرات اوان كنتما في نشاط معين
ودي مفهاش مشكلة لو كانت
في حدود الادب
وكانت للضرورة بمعنى الا تجدي ما تريدينه مع زميلاتك الفتيات

صداقة : وهي الاخلاص والثقة وتبادل الاسرار والتناقش في مشاكل كل منهم والتفاهم
وانا لا افرق بين الصداقة والحب الا انني اعتقد ان الحب هو اسمى درجات الصداقة

حب : و الحب معنى طاهر شفاف رقيق نقي دافئ لايصح ان اسمي ما يحدث في الجامعات من علاقات فاسدة ووعود كاذبة وان كانت صادقة فهي مبنية على حرام ( عدم غض البصر - اللمس - كلام يخدش الحياء ) اما لو احببتي شابا فعليه ان يتقد بخطبتك بالطريقة الشرعية

[الأنيق]

أختي الفاضلة / ساحرة المستقبل


تحية طيبة وبعد ،،،

إسمحي لي أن أكتب ردي لك كأخ أكبر إن سمحتي لي بذلك ...

أختي الفاضلة ألمس من ما كتبت أنك مقبلة على المرحلة الجامعية والتي ستكون السنوات الفيصل في طريق حياتك أي أنها ستحدد الشكل والطريقة التي ستعيشين عليها المقبل من أيامك أمدك الله بالعمر المديد في طاعته ولكن!!!
قبل أن تبدأي أول يوم جامعي ،يجب عليك الإختلاء بنفسك لتجري حواراً بينك وبين ذاتك فماذا تريدين من الجامعة ؟؟؟

أعتقد أن المصداقية في الإجابة هو ما سيحدد كيفية تعاملك مع المحيط الجامعي كاملاً من هيئة تدريس وزملاء من الجنسين وحتى مع مقرراتك الدراسية ...
عزيزتي إن ما نلحظه اليوم بين الجيل الجامعي الجديد لهو بحق شيء مؤسف،، فيوجد الكثيرين ممن لا يملكون أي إهتمام بالدراسة من الأساس وإنما ما يهمهم هو الحياة الجامعية بمعنى أن يقال (( الولد رايح الجامعة ... الولد راجع من الجامعة )) وهو بذلك إنما حرم شخص آخر كان يمكن بحق أن يستفيد من هذا المقعد الجامعي ولكنها أرزاااااااااااااااااااااااق !!!

عزيزتي لي وجهة نظر في الحب داخل الجامعة فلست بمقتنع بأنه حب هادف، خصوصاً إذا أجرينا بحث سريعاً حول وضع الطرفين في هذه العلاقة فهل يعقل أن شخصاً ما زال يعتمد على والديه للمضي قدماً في حياته، أن تكون له القدرة على البدء في مشروع ضخم كمشروع الحب إن كانت النية منه أساساً تكوين أسرة مستقبلاً !!!
أعتقد أن من المسئولية بمكان أن يكون الطالب على قدر تلك الأمانة في تقدير ما يتكبده الوالدان في سبيل تعليمه وليس إهدار هذا المجهود الجبار في إقامة العلاقات الغرامية ....
قد أكون مجحفاً لبعض العاشقين ولكن صدقيني أخيه قد تعلمنا من الدنيا بأن من لا يخطط جيداً لمستقبله سيكون في مقبل أيامه من محترفي السقوط!!!
لن يستطيع أحداً أن يرشدك للطريقة التي ستتعاملين بها مع المحيط بكلا جنسيه مستقبلاً فهذا تحديدنه أنت بناءاً على تربيتك وأخلاقك وخلفياتك التي تنتمين لها ....
لتتمكني من معرفة ما سيكون عليه حالك في الجامعة من كونك مهتمة بالتعليم أو العلاقات،، فذلك يحدده الوقت الذي تمضينه صباح كل يوم دراسي جديد أمام المرآة قبل ذهابك للجامعة !!!

الكثير من التورية والكناية بداخل ما كتبت واللبيب بالإشارة يفهم ..

عذراً على الإطالة ولكنها نصيحة من أخ أكبر محب ...


ولك إحترامي !!

[chokl@te g!rl]

على فكره انا زيك بالضبط وفي نفس موقفك فامقدرش افيدك برد مفيد ولكن حقول رأي

طبعا لكل شئ حدود وبالنسبة للصداقة وغيره فأنا مش شايفة فيها مانع طالما ليها حدود
وفي أطار معين ومقدرش اقولك ايه الحدود دي لأن كل واحد ليه شخصية وتفكير مختلف ولكن بصفة
عامة ما تعمليش زميلك او صديقك كأنه واحده صحبتك - لأن برضه بيبقى فيه اختلاف مهما وثقت فيه وغيره - لكن ده ميمنعش انتي تشوفي ايه الصح وتعمليه وبعدين لسه لما ندخل تفكيرنا حيتغير وحنشوف ناس مختلفة وارائنا حتختلف اكيد وسبحان الله

[النملة السعيدة]

انامن راي انه في الغالب هيكون ليكي زملاء اولاد
ولكن المفروض بما انك بنت مسلمه
ومن مجتمع مصري كان او عربي
فيجب عليك انك متسلميش على الاولاد حرام
وطبعا مفيش حاجهاسمها ولد صديق ليكي
وتكلميه في التلفون ولو عملتي كده غالبا هيفهم
غلط تقبلي مروري
مع تحياتي

[scm_guti]

احترم آراء كل الي قبلي

بس شوفي انا من رايي اكيد اكيد اكيد

هتتعرفي على ناس هتلاقيهم من نفسهم عايزينك كاخت ليهم وهتشوفي

وناس تانية هتحب تتعرف عليكي عشان مثلا زي ما قلتي عشان the love ؟؟

وناس هتلاقيهم في استعداد التعرف عليكي عشان شغل زمالة وكدا بس ممكن يكون جواهم شعور بالحب؟؟؟ بس الحب العادي

اصل الحب انواع زي ما قرات قبل كدا

الحب العادي ؟؟؟ يقعدلك اسبوعين ويمشي

الحب الكبير ؟؟؟ يقعدلك شهرين 3 شهور بالكتير وامو تنادي عليه

الحب المجنون ؟؟ معروف طبعا for ever اوك

that's my opinion

[عاشق الرباب]

وحدك يمكنك تحديد شكل العلاقة التى تنوين تكوينها فالعلاقة داخل الحرم الجامعي ايضا لها ذكرياتها السعيدة والتعيسة مثلها مثل العلاقة الممتدة خارج الحرم الجامعي @@
ربما تحتم عليك الظروف التعامل مع زميل فبيدك أن تجعليه يعاملك كاخته وبيديك ايضا ان تجعليه يتطلع الى غير ذلك .

[بقايا انسانة]

انتظر التعليقات مثلك تماما
فى نفس الوضع
تحيااتى على سؤالك
الذى طالما خطر على بالى
بقايا انسانة
متابعة الردود

[ساحرة المستقبل]

ميرسيه يا جماعة على الردود بجد انا هخدها فى اعتبارى افادكم الله