|
ابيض ! اسود ! رمادى !
ياترى يا هل ترى أنت ابيض ولا اسود ولا رمادى ؟
أبسطهالك أصل باسمع من ناس كتير انها مش بتحب اللون الرمادى "فى الناس يعنى" علشان بيقوا مالهمش مبدأ ومش واضحين وتصرافتهم فى المواقف مش حازمة وحادة .
وناس تقولك الواحد لازم يكون محدد يا أبيض يا أسود علشان يبقى معندوش فصال... يا اما صح.... يا اما غلط .... يا اقصي اليمين.... يا اقصي الشمال... ما فيش حل وسط .
بس انا رأيى ان الواحد ميحطش نفسه فى لون معين ، يعنى فى مواضيع بتحتاج من الواحد انه يكون متفاهم... يفكر فيها ... يحاول يحلها ... حتى لو دور على حل وسط يرضي جميع اطرافها ويرضيه ويحل بيه مشكلته، مش يصد كده من غير نقاش ولا تفاهم ، وفى مواضيع تانية مافيهاش كلام... بتبقى متفقين عليها .
لكن بقى يا حلو لو انت محدد نفسك فى محيط معين أو فى قالب معين ، مش هتقدر تفكر فى امورك او فى اى موضوع الا من خلال القالب اللى حاطط نفسك فيه لانك هتعتبره مبدأ فى حياتك وصعب انك تتخلى عنه .
يا ترى إيه رأيكم ؟ الابيض والاسود ولا الرمادى مين فيهم اللى هيقدر يعيش فى الدنيا الغريبة دي ؟
مستنية مشاركتكم وتعليقاتكم .
|
مواضيع مشابهة
النمط الخطي
