زعل من بعده فراق ابدى....

[نيهال]

يا هلا بيكم اصدقائى بكل مكان.........

يا رب تكونوا بكل الخير

لان بقالى فتره قرابه الشهر لم احرك ساكنا سوى الكيبورد اخيرا......

فكانت فيه ناس داخله طالعه وحوارات ونقاشات وقعدات مع ناس كتير مش شفتهم بقالى ييجى فتره( فتره سفرى)

لفت نظرى سؤال من احد اصدقائى.......

خير اللهم اجعله خير......

يا ترى لو حد مزعلك مات حتعملى ايه؟؟

ما قدرت ارد

فكانت دموعى ابلغ من الكلام

لانى لمست الموت بايدى فعلا.....قلتله والله ما فى شئ بالدنيا يستاهل انى ازعل من حدا او حدا يزعل منى

حياتنا بسيطه لدرجه مش هيه دى اللى نشيل همها

فيه حاجات اهم كتير

قالى طيب قوليلى حتعملى ايه......

فقلتله راييى

وجيت النهارده نحكى مع بعض كعادتنا........

تخيلوا الموقف.......بكل معانيه.....

صاحبك او زميلك او حتى جارك...........غلط فيك واهانك اهانه صعبه قوى.....

وانت بينك وبين نفسك اقسمت انك لن تغفر له اهانته ما حييت......

بعدها بساعه جالك تليفون بيقولك فلان مـــــــــــــــــــــــــــــــــــــــــــــات

حتعمل ايه؟؟

يا ترى حتندم؟

والا حتشمت فيه وتقول ده ذنبى؟

والا حتسامح وتقول يا رب انت وكيلى ؟؟

اكيد لكل واحد فينا تصرف معين

عايزاكم تتخيلوا الامر فعلا ......بيكون رده فعلكم ايه؟؟

اصدقائى الحب والسلام احساس جميل .........اتمنى نعيش كلنا بيه

دمتم بحفظ الله ورعايته

[فراق84]

لي عودة

[True_Face]

حتى تتخلص من الالام

سامح من تسبب فيها

بالتاسمح والعفو عما اساء لى اتخلص من الالام

[فراق84]

نيهال
اكيد الموقف صعب جدا
وخصوصا انه الان اصبح انسان ضعيف من انو نتخيل الموقف ..بين يدي خالقه
دايما الموت له رهبة خاصة
اما لاننا لازلنا غير مستعدين ..او انه طريق مجهول ..وحياة اخرى
بالنسبة انه اخطأ بحقي
ايا كان من اخطأ لي
ممكن ما اسامحه داخليا
ولكني التزم المعاملة الحسنة معه
ويصبح مثله مثل باقي البشر
اما لما يموت ......فأكيد هيكون السماح اول خطوة ...ومن ثم الدموع
مش عليه
ولكن على تصورنا الضحل
اللي خلانا نكره او نزعل ...بهذه الحياة اللي لها نهاية اكيدة
ونسينا هذا الموقف
شكرا نيهال
سؤال صعب جدا جدا
بس انا الفترة الاخيرة ..كتير بديت كل ما ازعل من حد او احاول ما حدا يزعل مني قدر المستطاع
احط الموقف دا قدامي
يمكن للظروف المحيطة بي ...والموت الموجود بأي لحظة
اختك فراق

[صباح الورد]

الدنيا ما تستاهلش اي زعل واليوم اللي بيعدي فعلا لازم ننساه بكل اللي فيه خصوصا الزعل والفراق والخصام
الدنيا لما تفرق الاصحاب تبقى ما تستاهلش
طبعا السماح اول خطوه لازم نقدمها للمتوفي وكمان ندعي ربنا انه يسامحنا مش يمكن كمان احنا غلطنا فيه حتى ولو بدون قصد؟؟؟؟
يمكن دي تكون فرصه ان كل واحد فينا يراجع نفسه ............تعرفوا اننا لو بصينا لاسباب الزعل هنلاقيها هايفه قوي طيب احنا مستنيين ايه بس ؟؟؟؟؟
تحياتي يا نيهال على موضوعك وتقبلي مروري

[نيهال]

المشاركة الأصلية بواسطة True_Face

حتى تتخلص من الالام

سامح من تسبب فيها

بالتاسمح والعفو عما اساء لى اتخلص من الالام

اكيد ده تصرف جميل وراقى جدا......ربنا ما يجيب زعل ولا فراق بين الناس...
مرسيه ترو على مرورك الطيب

[chokl@te g!rl]

حستغفر ربي وادعيله من قلبي ان مكنتش الدمعة نزلت من عيني

حسامح وادعي انه يسامحني كمان سبحان الله يمكن كنت انا اللي اكون مكانه !!!

[abc]

للأسف يا نيهال ..

أنا كنت قرأت مقولة مش فاكرها كويس ..

بس معناها بيقول :

من السهل جدا أن نعرف أننا كنا على خطأ ... لكن بعد فوات الأوان !!!

هي دي الدنيا ..

و آسف على التعليق المقتضب ...

[النملة السعيدة]

فعلا الموضوع ده مهم اوي
والواحد مكانش بياخد باله شكرا
على انك اهتميتي
وانا لو في موقف زي ده
اكيد هادعيلو بالرحمه والمغفره
وربنا مايجيب زعل بين اي حد
تقبلي مروري

[نور السماء]

يااااااااااااه الموقف ده صعب اوى بجد


بس أكييييييييييييييييييد هسامح وادعيلة

وبجد الموضوعده مهم جداااا

جزاك الله خير

[بيروو القمر]

انا بتهيألي هفضل ندمانة طول عمري

واكيد طبعا هسامح الشخص دة

موضوع قوووووووي يا نيهال

احييكي..

[ايوب المصري]

رغم اني ماباشيلش من احد وذاكرتي ضعيفة في الموضوع
لكن احساسي الحقيقي هو ارتياح انه راح, وهاشيلو من دماغي, لو اصلا كان لسه موجود قبلها
اكبر ردة فعل عندي لاحد اذاني اخرجه من حياتي ووسع مكان لاخر يستاهل
اسمحيلي
وتقبلي مروري

[الورد الجوري]

اهلا نونه حبيبتي
عاش من شافك يا عمري
و الف حمد لله على سلامتك

بالنسبه لموضوعك يا عمري
انا طبعا هتكلم عن نفسي
الحمد لله على كل حال طبعا اولا و اخيرا
و الاكيد انه ما اصابنا لم يكن لخطئنا و ما اخطأنا لم يكن يصيبنا
الا بمشيئه الله تعالى و اقداره المحتمة الحدوث علينا
ولكن انا تعرضت لايذاء من اشخاص و ظننت عند حدوث الامر
اني لن اسامح فهم سبب لعذاباتي و تعبي نفسيا و جسديا
و لكن بعد اقل من يوم وجدت اني اصفى لهم و التمس لهم العذر
حتى و ان كان غير مقنع بالنسبه لي و انما التمسه لادفع نفسي للسماح
و الحمد لله انجح في ذلك .. بالتالي لن اجد من يموت فاقول انا كنت زعلانه منه
و اقف و اقول يا نفس سامحي فمن اهانك مات ..
و لكن !! و لاكون اكثر صراحة
هذا كله في اطار الصفح البشري و في اطار ان الخطأ تم توجيهه لشخصي انا
ما املكه من كرامه و قلب و عقل يستطيع ان يداوي الجرح الذي نسب اليه
و يستطيع ان يمنع القلب من الكره و ان يدفعه لتمني الخير للمخطئ في حقي
امــا
ان وجهت الاهانه الى شخص عزيز علي و متوفي و هو في دار الحق
و نحن في دار الباطل .. فعذرا لا و لن اسامح
" هذا بالفعل ما حدث معي من يومين "
شعرت حقا ان القلب ينفطر و ان العين لا تلبث ان تسقط دمعة فتليها دمعات
علمت كيف هناك قساه لا يتفهمون الامور و لا يعرفون ماذا يقولون
و علمت انه هناك اناس يمتلكون قلوبا كالحجاره لا تفرق بين الاحياء و الاموات
قضيت الليل احاول اقنع نفسي بالمسامحه و لم انجح .. سمعت نفسي تدعو الله في صلاتي قبل الفجر و هو وقت مستجاب .. سعمعت دعوة لم ادعها قط في حياتي
" يارب اساؤوا الى ابي .. يارب عاجز هو عن رد الاساءه عنه
اللهم لا تجعلني اسامحهم .. اللهم ان ضعفت يوما و قررت السماح فلا تقبلها مني
اللهم ان كانوا احبة لك فاذقهم نار الكلام عن اب او ام لهم بعد موتهم و اشعرهم بما اشعروني به .. يارب ان كانوا ممن تبغضهم فاجلهم الى يوم عظيم في موقف عظيم حيث نقف اماك فاقول اريد حقي يارب و حق ابي الذي اهين و هو ميت و لم يسيء لهم "


شكرا نيهال على الموضوع

[زهره مصر]

موقف من اصعب المواقف
التسامح
بس هيكون جه متاخر
لكن هو الحل الوحيد

[نيهال]

المشاركة الأصلية بواسطة فراق84

سؤال صعب جدا جدا
بس انا الفترة الاخيرة ..كتير بديت كل ما ازعل من حد او احاول ما حدا يزعل مني قدر المستطاع
احط الموقف دا قدامي
يمكن للظروف المحيطة بي ...والموت الموجود بأي لحظة
اختك فراق

فراق........
ربنا يحميكى..بيعجبنى رايك وحكمك على الامور....
و يهون عليكى الجو المحيط

مرسيه على مرورك الطيب