أنا عيلة من الاخر!!!!!!!!!!

[chokl@te g!rl]

ايه يا جماعة الموضوع مش بروبجندا ولا حاجة انا فعلا عيلة ؟؟


اه طبعا نسيت ؟؟

طبعا بتقولوا طيب ايه الموضوع يا بنتي انجزي


أنا عمري 17 سنة ؟؟ ها ايه اول حاجة خطرت في بالكم


اه فعلا عيلة اتصدق


يعني انت حكمت عليا بصغر سني؟؟


طيب يا ترى ايه النظام في صغر عقلي ؟؟


وهو انك تحكم عليا اني صغيرة بمجرد سني ؟؟

يعني لو واحده

بتذاكر

بتكنس

بطبخ

بتشتغل

بتخلي بالها من والدها المريض

وكمان بتبقى من الأوائل في دراستها




ها لسه عيلة برضو
مش الهموم اللي شافتها اكثر من اللي شفتوها او على الاقل زيها







انتم دماغكم راحت لفين ومين قال اني البنت دي أساسا ؟؟


ها عرفت العب بيكم ولا لأ من الموضوع وأصعب عليكم

لسه برضو عيلة ؟؟


يا ترى من أسلوب كلامي انتم شايفين انكم لو جادلتموني مش حقدر أغلبكم ؟؟

بلاش الغلبة !!!


مش حقدر أقنعكم

مين قال ؟؟



اللي خلاني أكتب الموضوع ده

اني كل ما اكلم حد في موضوع

يقولي ياه دماغك غريبة مع انك عيلة

انا معلش يعني مسمحش لحد يقول اني عيلة

ولا لحد انه يحسسني انه مفروض اكسف او اكذب من عمري

حتفرق معاك لو قلتلك اني شهر وابقى 18


حتقول اه ارحم شوية ؟؟


اشمعنا ولا هو بالعمر ؟؟


انا كتبت الموضوع ده علشان أوضح انه مش بالسن يا جماعة انا


بقرا لمؤلفين كبار

وبرسم

وبحب أكتب نثر شوية في اوقات فراغ

ومتوفقة والحمد لله

وأقدر اقنعك واسلوبي في الكتابة حلو ؟؟


ولا رأيكم ايه


لسه عيلة ؟؟

[**ريفيرا**]

هدي نفسك بس مين قال انك عيلة؟؟
طالما انتي واثقة من نفسك خلي الي يقول يقول
وعمرك ما هتخلصي من كلام الناس
فلما الزعل؟؟
تحياتي لكي

[chokl@te g!rl]

ههههههههههههه

مش زعل والله

بس انا رافضة ان حد يحكم عليا لمجرد اني 17 سنة

اللي عايز يحكم عليا يحكم من اسلوبي او طريقة كلامي مش سني


مرسي يا قلبي على مرورك

[R=K]

كلنا كا نبيتقال علينا عيال حتى واحنا في العشرين والمجتمع وظيفته الاولى تحويل حياة الناس الى نكد مشي حالك وكبري دماغك واستمتعي بعمرك وابعدي عن الخطاء والحرام وانتي حتكوني ست الستات مش عيلة

[مستر كاراتيه]

فعلا مش بالسن .. كلامك صح

والى يقول غير كده يبقى ..؟؟

بس برضه الاكبر مننا بيكون عندهم خبره فى الحياه اكتر مننا بكتير
رغم اننا ممكن نشوف موضوع معين بصوره اوضح عنهم

وعلى العموم مش هاتفرق .. معانا كلنا

ولينا الشرف انك تكونى من عيله ابن مصر

..

[meso]

أنتى زعلانة؟؟
طب ما انا عندى 15 سنة وانتى اكبر منى خلاص يا ستى اما حد يقولك يا صغيرة تعاليلى
و مالكيش دعوة

[chokl@te g!rl]

هههههههههههههه

مرسي على مروركم يا جماعة

وفعلا الواحد لما يبقى عندوا عشرين سنة برضو بيفضل عيل احيانا في نظر الناس حتى لو بيشتغل

[abc]

ياستي ما تزعليش نفسك كده ...

بكرة تتمني تبقي عيلة أقل من 17 سنة كمان ... و اسأليني أنا :(

و على رأي العقاد :

صغيرٌ يشتهي كبرا *** و شيخٌ ودَّ لو صغرا

و عموما صغر السن مش مقياس ...

ما هو أسامة بن زيد قاد المسلمين و فيهم شيوخ و هو كان عنده كام سنة ؟؟

العبرة بالعقل و العلم و ليست بالسن ..

و يا بختك ... لسه بيقوالوا لك يا عيلة

تحيتي

[chokl@te g!rl]

هههههههههههههههه

والله مبدأ برضو

[شمس الإسلام]

ما حنا كلنا من سن بعض

يعني قريبين في السن

والله مش بالسن أبدا

إنتي عارفه معايا بنت عمتي إللي برتاحلها وأتكلم معاها عمرها 14 سنه وبنت عمي إللي بفضفض ساعات معاها وآخد رأيها عمرها 13 سنه

هتقولوا صغيرين

هقول والله عقلهم يوزن بلد

ممكن أهلى يستغربوا إني أقعد مع دول الأصغر مني لكن أنا شايفه إن كلامهم بيريحني وشايفه إن عقلهم كبير أوي

والله بنت عمتي غللي عمرها 14 سنه دي قعدت معاها زي التلميذه وعلمتني التجويد

يا جماعه مش بالسن

ما كتير نلاقي بنات 20 و28 وأشخاص كتير بنات وأولاد في الأعمار دي لكن والله عقلهم صغير

لا لا لا أنا مش موافقاكي

خليكي واثقه من نفسك

وأكيد ربنا هيكرمك

وما تحطيش الفكار دي في دماغك

تحياتي القلبيه

شموسه

[chokl@te g!rl]

والله عندك حق فعلا

انا بحب ارغي مع بنت عمرها 14 سنة

والله عليها دماغ عجيبة

سبحان الله

والله مرورك أسعدني بجد

[teto_g14]

يارت ارجع عيال تانى

[صوت الكروان]

أنا مقدر انك زهقانه من استهانة بعض الناس من أفكارك وارائك بسبب سنك
وللأسف ان مجتمعنا ما زال يعتبر سن 17 ده عيل بل وهناك قوانين تقول بذلك مثل القانون الذى يمنع الزواج لمن لم تبلغ ال18 سنه بحجة أنها ما زالت عيله..مش فاهم ازاى يعنى؟!
المهم..أنا عاوز أقول ان الموضوع مش بالسن بس كمان مش بالكلام والقدره على اقناع الاخرين وخلاص..الشاب عشان يبقى رجل بمعنى الكلمه..والبنت عشان تكون جوهره كما يجب أن تكون لازم يقوموا بواجباتهم ويكونوا جادين قولا وعملا ويستغلوا عمرهم فى عمل الخير .ولا أقلل من قيمة القراءه أو الثقافه لكن مش دول بس اللى بيقولوا ده مش عيل أو دى مش عيله.

[chokl@te g!rl]

مش حكاية عيل أو عيلة

المشكلة ومافيها ان الواحد لازم يتحكم عليه من تصرفاته مش من سنة

( لصوت الكروان )


أما بالنسبة لتيتو فأنت نورت الموضوع والله وثاانيا انا مبكلمش على عيلة او غيره
انا محبش حد يحكم عليا من سني مش أكثر

[True_Face]

لا اعتقد ان السن مقياس لتقيم انسان
فهناك حكمة صينية تقول

وجدت فى الاربعيم طفلا وفى العاشرة رجلا

تصرف الفرد وتفاعله مع الحياة والمجتمع اهم بكتير من السن
وكما ذكرتى تحملتى كثير من المسؤليات التى يهرب منها الكثير متقدمى السن