وجاء حبيب بعد غياب...

[louda]

السلام عليكم ورحمة الله وبركاته

وجاء حبيب بعد غياب
من زمان واحنا كلنا شغالين فى حملات ومسابقات واستعدادات للشهر الفضيل
وخلاص رمضان اهو عالباب....عملنا ايه؟؟؟
بصراحة يا جماعة انا عاوزة كل واحدة دلوقتى تفمض عنيها 5 دقايق وتفكر معايا
انتى عملتى اللى عليكى الفترة اللى فاتت
جهزتى نفسك فعلا لإستقبال الحبيب
اخبار قيام الليل ايه الشهرين اللى فاتو..كنتى بتقومى 3ساعات ولا اتنين ولا.....
ختمنا القرآن كام مرة الشهرين اللى فاتو....
طب بلاش نسأل على السنن..خلينا فى الفروض
اخبار بر الوالدين وصلة الرحم ايه...بصراحة كده شايفة انك كنتى تمام

يا جماعة دا الموسم السنوى لتوزيع جوائز العتق من النار...نصيبك فيه كام
يا ترى انتى ربنا هيختارك السنادى ولا .....

يا طلاب الفردوس ..السباق اشتد والجنة زينت لمن جد..فهل شعارك لن يسبقنى إلى الله أحد

تفتكرى دا كان حال الصحابة والتابعين فى رجب وشعبان

يلا قوموا لسه ليلتين...صلحوا فيهم اى حاجة
ولا انتى راضية عن مستواكى الشهرين اللى فاتو
لوكنتى راضية خلاص انتى تمام ربنا يثبتك....ولو شايفة انك لسة موصلتيش طب مستنية ايه عشان تكون عندك همة السبق بجد....مستنية لما رمضان يجى ويخلص زى كل سنة

نفسى اقول كلام كتير بس الكلام مش بكترته لا بالعمل بيه

متزعلوش منى لو كان كلامى بيوجع...بس لما يوجع دلوقتى احسن لما يوجع رد رسول الله على الحوض"سحقاً سحقاً لمن بدل بعدى"

بالله عليكم تدعولى بظهر الغيب

اللهم اعنا على نصرة دينك
اللهم ارزقنا الأخلاص
اللهم بلغنا رمضان واجعلنا فيه من عتقائك من النار
|||موقع الطريق إلى الله||||||