احترم نفسك.........

[call_of_duty]

ماتستغربش العنوان العنوان ده عنوان حمله نظمتها مجله كلمتناضد التحرش الي بيحصل للبنات في الشارع سواء بالكلمه او بالنظره واحيانا باللمس
عاوزاكم تقولوا رأيكم مين المسئول عن الظاهره دي البنات ولا الشباب
ونقول بحياديه وتعمل ايه لو شفت ولد بيتحرش ببنت في الشارع؟
ولمذيد من المعلومات ادخلوا علي اللينك ده


ط*ظ…ظ„ط© ط¥ط*طھط±ظ… ظ†ظپط³ظƒ - ظ„ط³ظ‡ ظپظٹظƒظٹ ط±ط¬ط§ظ„ط© ظٹط§ظ…طµط± | Facebook




شعار الحمله


وربنا يهدينا ويهدي شباب المسلمين

ملحوظه:
عنوان الموضوع علي اسم شعار الحمله ومش بقصد بيه اهانه اي عضو مذكر ولا بوجهه له امر انا قلت انوه عشان ممكن ناس تفهمني غلط وانا اعرف ان اعضاء ابن مصر ناس محترمه لذا وجب التنويه

[chokl@te g!rl]

فعلا موضوع جميل وانا حخش اللينك اهو

[call_of_duty]

المشاركة الأصلية بواسطة chokl@te g!rl

فعلا موضوع جميل وانا حخش اللينك اهو

ميرسي يا جميل بس انتي ماقولتيش رأيك

[المدمرف]

موضوع كويس انا دخلت الرابطة وراي انتي اساعدها حتى لو شكلها ايه لعل وعسى ربنا يهديها

[abc]

كنت قرأت عن الحملة دي في الفيس بوك تقريبا ...

و أنا مش أكثر الموقنين بفشلها فشلا ذريعا ..

يا جماعة هو :

ألقاه في اليم مكتوفا و قال له *** إياك إياك أن تبتل بالماء ؟؟؟


أنا الحمد لله بحترم نفسي و مش بعاكس حد ... و ضد المعاكسة حتى لو البنت لابسه ايه ..

بس لما واحد فاضي مش فارقة معاه حلال و لا حرام بقى له عشر سنين و أكثر منذ أن ناهز الحلم و طبعا مش عارف يتجوز , يشوف واحدة لابسة مش و لا بد في الشارع .. هيعمل ايه يعني ؟؟؟
هيحط وشه في الأرض ؟؟؟


هي البنت اللي بتجبر الولد إنه ما يبصش عليها و لا يعاكسها ..

بإنها تلبس كويس ... مش بس كده , و تمشي كويس و تبص كويس في الأرض ..

إنما لو طلت الدنيا كلها تقول احترم نفسك .. ما حدش هيحترم نفسه إلا بما البنات تحترم نفسها الأول ..

لأن اللي بيعمله الشباب ده ليس "فعلا" و لكنه "رد فعل" على اللبس أو المشية أو الهيئة أو الكلام المستفز من قبل البنات ..

و ...... خلاص بقى

تيحيتي

[nadanedooo]

فعلا البنت هى اللى بتجبر الولد يحترمها لكن فى بنات بتكون ماشية فى امان الله وبرضه بتتعاكس ليه مش عارفة عشان الهدف بس المعاكسة وخلاص

[call_of_duty]

المشاركة الأصلية بواسطة abc

كنت قرأت عن الحملة دي في الفيس بوك تقريبا ...

و أنا مش أكثر الموقنين بفشلها فشلا ذريعا ..

يا جماعة هو :

ألقاه في اليم مكتوفا و قال له *** إياك إياك أن تبتل بالماء ؟؟؟


أنا الحمد لله بحترم نفسي و مش بعاكس حد ... و ضد المعاكسة حتى لو البنت لابسه ايه ..

بس لما واحد فاضي مش فارقة معاه حلال و لا حرام بقى له عشر سنين و أكثر منذ أن ناهز الحلم و طبعا مش عارف يتجوز , يشوف واحدة لابسة مش و لا بد في الشارع .. هيعمل ايه يعني ؟؟؟
هيحط وشه في الأرض ؟؟؟


هي البنت اللي بتجبر الولد إنه ما يبصش عليها و لا يعاكسها ..

بإنها تلبس كويس ... مش بس كده , و تمشي كويس و تبص كويس في الأرض ..

إنما لو طلت الدنيا كلها تقول احترم نفسك .. ما حدش هيحترم نفسه إلا بما البنات تحترم نفسها الأول ..

لأن اللي بيعمله الشباب ده ليس "فعلا" و لكنه "رد فعل" على اللبس أو المشية أو الهيئة أو الكلام المستفز من قبل البنات ..

و ...... خلاص بقى

تيحيتي

اخي abc بص الموضوع بقي مع الشباب متطرور لدرجه انهم بيعاكسوا البنات المحترمين اللي لابسين كويس علي اساس انهم مش هيسرخوا ولا هيعملوا له فضيحه في الشارع انا معاك لبس البنات بقي مستفز جداااااااااااااااااااااااااا تحياتي لمرورك ورمضاااااااااااااااااااااااااااااااان كريم

[call_of_duty]

المشاركة الأصلية بواسطة المدمرف

موضوع كويس انا دخلت الرابطة وراي انتي اساعدها حتى لو شكلها ايه لعل وعسى ربنا يهديها

ميرسي ليك يا احمد علي المرور الكريم ده ودايما تنورني كده رمضااااااااااان كريم

[GALAXY5]

انا شوفت الحملة دي علي الفيس بوك وانا كا بنت مش هدخل لاكن لو كنت ولد انا كنت ادخلت لما يكون لبسها مش قليل الادب
لان ما دام هي لابسة كده يبقي هي كانت عايزة كده
الا لو لقيتهم مزودنها وشكرا علي الموضوع يا ماندي
وتقبلي مروري

[greacee]

السلام عليكم
موضوع مهم للمناقشة فعلا وبيحصل كتير في مجتمعاتنا في اخر فترة زاد يعني وانا بقول انو ده بيدل على قلة التمسك بالدين الاسلامي سواء بنت او شاب لان في بنات بردو تكون ماشية لابسها مش كويس تلاقي البنت بردو تبص ليها وهية مش عاجبها لبس البنت وتعلق بالكلام عليها ولما تكون لبسها مش محترم هي بتقول لشاب عاكسني او اجرحني بالكلام وبردو في شباب معندهم دوق ولا احترام وفاكرين بنات الناس لعبة ولو حد تكلم عن اخواتهم البنات تلاقي متعصب وعايز يعرف مين كلم اختو وممكن لو عرف ميسكتش بس بنات الناس عادي يعاكس براحتو..انا بقول يا ريت كل حد يتعامل بقيمو ويعرف ان ربنا موجود وفي اخرة وفي حساب وربنا يهدي الجميع وشكرا

[شمس لن تغيب]

طيب يا جماعه ردا على السيد
اللي قال
ان البنت هيا السبب
اوكي
بس هل لو كل الناس عملت الغلط
اعمله علشان كل الناس بتعمل كده؟
نعيب زماننا والعيب فينا00000وما لزماننا عيب سوانا
كل انسان يلزم نفسه بالحق
والصواب
والحلال
ولا يلتفت لاي بشر اخر
انت تفعل لوجه الله
لا الانسااان
يا عزيزي

[شمس لن تغيب]

اليك يا استاذ
abc

[الأسيـــــــر]

شككككككرا على المووضووع
انا من رأي ان الشاب الي بعمل كده واضح طبعا انوا مش متربي لو بعمل كده يرضاها على اختوا

[abc]

المشاركة الأصلية بواسطة شمس لن تغيب

اليك يا استاذ
abc

ماشي يا أخي ...
أنا ماقلتش إن علشان الناس وحشة نبقى وحشين ..

و أنا الحمد لله بلزم نفسي و مش بعمل زي ما كتير بيعملوا ..

لكن أنا بذكر وجهة النظر التي ينتهجها البعض في هذا الأمر ..

و انا طبعا ضد المعاكسات من بابها ..

[رؤيه]

الحمله فكرتها حلوه جدا
ومعلش انا مختلفه مع الاخ abc ليه بتقول انها هتفشل مهو كل الحملات اللى اتوجهت لظواهر غلط زى الادمان وغيره كان الوضع فيها سيئ والفساد متفشي لو اصحاب كل اتجاه اصلاحى ووجهه نظر لحل مشكلات قائمه فكروا كده مكانش فى حاجه اتحلت
ربنا سبحانه وتعالى ارسل الرسل للامم المستغرقه فى الضلال والفساد لانه سبحانه عارف ان فى منهم اللى هينصلح حاله ويستقيم وان الاصل فى الانسان الخير وليس الشر
بالنسبه لموضوع ان الولد مش هيبطل معاكسه غير لو البنت احترمت نفسها ده مش حقيقي
مثلا انت قلت انك مش بتعاكس بنات وزيك كتير ده معناه ان الامر راجع للشخص وتربيته والتزامه
كمان حاجه ان الولاد ربنا يهديهم بقو بيعاكسو من الفراغ وقله التربيه وكل الفئات المحترمه والمختمره والمنتقبه وطبعا اللى لابسه مش كويس والحلوه والوحشه وكلو ماشي وكأنه مفوض سيادته وهو نازل من البيت لابداء رأيه فى كل انثى اوقعها حظها العثر امام ناظريه وكانه بردو موكل باعطاء تقرير مفصل عن كل انثى و الحكم عليها
كمان حاجه انا مش فهماها زمان كانو بيلبسو ميكرو جيب وكت ومكانش فى حد بيقول الكلام اللى بنسمعه دلوقتى وكان فى احساس عميق بالامن فى الشارع المصرى
من وجهه نظرى ان الموضوع تربيه واخلاق وثوابت ومعتقدات ورواسخ وحاجات كتير عند الشخص نفسه سواء ولد او بنت بتمنعه انه يغلط حتى لو كان الوضع من حوله يشجع على الخطأ
عاوزه اقول اخيرا ان الحمله عنوانها حلو بجد مش بس منع المعاكسات كمان ياريت الناس ترتقى بلغه الكلام فى الشارع لان الناس وصلت لمرحله من الابتذال والكلام البزئ فى تعاملاتهم العاديه اليوميه لحاله يرثى لها من انعدم الحياء والذوق العام
ولكم جميعا تحيتى