والله الولاد دول حاجة غريبة.........؟؟؟!!!!

[meso]

حقيقـي.. الولاد دول حاجة صعبة مش ممكن أبداً.. ح تعرفـوا ليه دلوقتـي


لو عاملتيه حلو يقولوك واقعة فى هوايا
وان معبرتيهوش يقول عليكي مغرورة ومناخيرك في السما

لو لبستي حلو واتشيّكتي يقول بتعمل كده عشان تلفت نظري ليها
ولو انتي عمليّة شوية يقول عليكي فلاّحة

لو اتناقشتي معاه هيقول عليكي عنيدة
ولو سكتّي هيقول عليكي مخك فاضي

لو انتي أذكى منه هيدّيكي الوش الخشب
ويا سلام لو هوّ اذكى منك.. هتتفرّجي

لو مش بتحبيبه هيحاول يتملّكك
ولو انتي بتحبيه وكنتي عبيطة وبيّنتى حبك ليه بسرعة هيحاول يسيبك

لو قلتيله على مشاكلك هيقول عليكي مزعجة
ولو مقولتيش هيقول انك مش بتثقي فيه

لو حاولتي تنصحيه هيقول عليكي عايزة تتحكمي فيه
ولو هو اداكي أمر (قصدي نصيحة ) ده لانّه بيخاف عليكي

لو حصل ووعدتيه بحاجة ومعملتيهاش هتبقي مش موضع ثقة
اما هوّ لو خلف وعده فده غصب عنه.. اضطر

لو انتي حليتي حلو فى الامتحانات يقولك ده حظ
اما هو لو حل حلو يقولك ذكـاء

لو جرحتيه تبقى قاسية ومعندكيش قلب
اما لو جرحك فيقولك انتي حساسة اوي ومكبرة الموضوع وهوّ مايستاهلش؟؟


بدووووووووووووووووووووووووون زعل بس فى رايى دى حقيقة بلاش تنكروا بقى خلااااااااااص

[امل حياتى]

ههههههههههه
ايه ده يا ميسو
ده انتى غلبتيهم
لا لا لاعندك حق فى دول
بس خلى بالك من نفسك بعد كده

[LoRDoFSaTaN]

غلبت مين هي بتقول كده من غيظتها مننا
مش كده برده
بدون زعل

[عاشقة البحار]

هتتغاظ من اية؟؟؟
والله موضوع جميل جدا تسلم ايدك
وهو دة الى بيحصل فعلا

[midomod]

لو حاولتي تنصحيه هيقول عليكي عايزة تتحكمي فيه
ولو هو اداكي أمر (قصدي نصيحة ) ده لانّه بيخاف عليكي

دا انا كنت ناوى انصج واحدة ......اتاريها ممكن تفهمنى غلط

الصراحة ...الموضوع دا يتفق مع بعض الشباب

[ronmira]

لا الموضوع ده يتفق مع كل الشباب
وموضوع رائع ومش مبالغ خالص ده الواقع بالضبط
والحاجات ديه موجوده وانا لاحظتها في كل اولاد عائلتنا
وجه في الصميم بجد
شكرا على الموضوع الرائع ده يا ميسو يا روحى

[مغرم بيها]

لا مش هننكر بس احنا الصبيان بنحب نكون حلوين يعنى البنات بردة نفس الحكايه كدة ممكن تعكس الموضوع يعنى اقصد كدة يعنى الكلام مش على الصبيان بس ممكن يمشى على البنات بردة وشكرا ليكى

[crazygirl]

لو انتي أذكى منه هيدّيكي الوش الخشب
ويا سلام لو هوّ اذكى منك.. هتتفرّجي

اكتر واحدة عجبتني

كلهم حلوين اوي والله

معاكي حق في كل كلمة قولتيها

تقبلي مروري