كيكتي

[R=K]

السلام عليكم
اليوم سويت الكيكة لصاحبتي وصورتها ليكم
المقادير كاسة فستق مطحون-ست حبات توست مطحونة-كاسة الاربع سكر-نص كاسة زيت-4بيضات-فانيليا-بيكنج بودر
ملعقتين دقيق
الصوص:2جالكسي سادة -فنجان موية-علبة قشطة-ملعقتين بودرة كاكاو
الكيكة تتعمل زي اي كيكة عادية بس اخر شي بعد ماينضرب البيض والسكر والزيت يتحط التوست والفستق والبيكنج بودر وتنحط في صينية صغيرة جدا لانه كمية المقادير مو كتيرة ولا تنفش زي الكيكة العادية وتدخل الفرن على درجة 180اول ربع ساعة وبعدين تتوطى النار ل150 تاخد في الفرن ثلث ساعة تقريبا او نص حسب فرنك
الصوص يتعمل حمام مائي واخر شي ينحط عليه علبة القشطة ويتحط في التلاجة لحد مايبرد

ودا الشكل النهائي رايكم ايه ياستات

[**ريفيرا**]

اممممممممممم
شكلها بيشهي قوي ولذيذة
بس انا عرفت المقادير بس الطريقة اتلخبط شوية
تحياتي لكي

[R=K]

طيب ايه الي لخبطك وانا اشرحه ليك

[**ريفيرا**]

اشرحيلي الطريقة تاني
وكمان طريقة الصوص الي عليها
شكرا لكي

[R=K]

الكيكة اولا تحطي في خلاط الكيك الي هو المضرب بتاع الكيك البيض مع السكر وشوية فانيليا وتضربيهم مظبوط لحد ماتعمل رغوة كويسة وتحطي عليها الزيت وبعدين تكوني طاحنة الفستق زي ماهو في الصورة مهروش وبعدين تكوني طاحنة التوست برضه وتحطيهم على البيض والسكر وتحطي البيكنج بودر وحيبقى الخليط متين عادي هو كدا وحطيه في صينية صغيرة وخلاص
الصوص تجيبي قدر صغير وتحطي شوية موية وتخلي يغلي على النار وتجيبي فوقة زبدية المهم تستحمل الحرارة وتحطيهافوق قدر الموية وتقطعي الجالكسي وتحطيه في الزبدية ومعاه فنجان الموية والشوكلاتة البودرة لحد مايدوب الجالكسي وتحطي القشطة عليه وتحطيه في التلاجة لحد مايبرد
وبعد متبرد الكيكة تدهني الصوص وخلاص

[mostafa.temo]

انا عضوة جديدة فى المنتدى وياريت افكار جديدة

[mostafa.temo]

انا روان من مصر شكراعلى عمل الكية انا عملتها وطلعت ممتازة

[mostafa.temo]

ممكن اشترك واكون صديقة للمنتدى

[mostafa.temo]

المقادير\ ك كنافة \كوب من المكسرات \ مقدار من السمن او الزبد


الطريقة \ضعى الكنافة فى اناء كبير وقطعيها حتت صغيرة جدا وخذى نصف المقدار
.

وضعيه فى السمن بعد ان يقدح السمن مع التقليب المستمر على نار هادئةحتى يعطيكى

اللون الذهبى ثم توضعية فى صاج مدهونة وتفرد ثمضيفى عليها كوبمن القطر

وخذى النصف الاخرو يحمر مع التقليب المستمرحتى يصبح لونه ذهبى او مائل للبنىوضعيه على الكنافة فى الصاج وهاتى حجم صاج اصغر واضغطى عليها لكى تبقى حتة واحدة ثم اسقيها

بالقطر ورشى عليها المكسرات وضعيها فى البراد لمدة ساعة حتى تمسك نفسها
يارب تعجبكو ورمضان كريم ام روان

[R=K]

اهلا بيك روان بجد عملتي الكيكة وعجبتك
الكنافة احسن تحطي الطريقة في موضوع لحاله عشان الكل يشوف الطريقة اما كدا مش الكل حيشوفها

[امل حياتى]

تسلم ايدك يا ام الوليد
بجد شكلها جميل اوى
وان شاء الله يكون طعمها ده لما نعملها
الف شكر

[شمس الإسلام]

تسلم إيدك يا أم الوليد

دمتي بخير

[mostafa.temo]

ازيك يا أم وليد: بجد انا عملت الكيكة وطعمها خطير

تسلم الايادى. انا لسة بتعلم فى المنتدى ياريت تقولى لى ازاى اضع اكلاتى فى مكان اوضح


ولكى جزيل الشكر: ام روان عندك مايك

[mostafa.temo]

اولاعمل الكريمة \ 2كوب لبن \4ملاعق سكر \2بيضة \3ملاعق نشا
الطريقة\ضعى اللبن على النار مع السكر حتى يغلى ثم اضربى البيض مع الفانيليا واضيفىالنشاويضرب جيدا وضيفيهم على اللبن المغلى وهو على النارمع الضرب بالمضرب جيداحتى يغلظ قوامة

الجلاش \ادهنى الصاج بالسمن او الزبدو- وضعى رقائق من الجلاش وادهنى بالزبد واضيفى رقائق تانى ثم ضيفى الكريمة الى الجلاش وافرشيها فى الوسط الجلاش ورشى عليها المكسرات ثم ضعى بقيت الجلاش مع عملية الدهن بين كل راق ثم تقطع قبل ما تدخل الفر ن وتدهن بالزبد وتدخل الفرن ثم تسقى با القطر وتزين بجوز الهند

يارب تعملوها وتعجبكوا ام روان

[R=K]

امل حياتي شمس الاسلام شكرا ليكم ويارب تعجبكم لانها بجد تحفة
روان الحمدلله انها ظبطت معاك وعندي طرق كتيرة للحلى لو عايزة اي طريقة قوليلي