هل يمكن اعتبار ...؟؟؟؟

[MoHaMeD NaSSaR]

السلام عليكم ورحمة الله وبركاته


موضوع هام جدا قمت بنقاشه مع احد الاصدقاء على المسنجر


وقررنا طرحه هنا بمنتدى فلسطين



طبعا كلنا عارفين انه في اغلب دول العالم وخاصه تتواجد جاليات فلسطينيه



لو فرضنا انا عائله فلسطينه غادرت فلسطين سنة ال 1948 الى مصر على سبيل المثال



طبعا مر على ذلك 54 عاما واكيد مرت اجيال كتيره من هذه العائله وعاشت بمصر واصبحت تملك الجنسيه المصريه وجميع الصفات تدل على انهم مصرين

ما عدا صفه واحده وهي انا اصلهم من فلسطين



هذه العائله هل تعتبر مصريه ام فلسطينيه



ملاحظه انا ذكرت مصر لانه النقاش كان عن عائله فلسطينيه موجوده في مصر





اذا كان هذا صحيح فأنه بعد الف سنه متلا ما منشوف ناس فلسطنين بالمره ان كان بالدول العربيه وحتى بالدول الاجنبيه



صحيح انه في ناس كتيره ما شافت فلسطين ولا بيعرفوا عن فلسطين ولكنهم بجد فلسطنين بس للاسف هذه الفئه قليله جداً جداً


السؤال الذي يطرح نفه هل يعتبر هذا الانسان نفسه فلسطني ام ان اصله فقط فلسطني والان ينتمي الى دوله وبلد اخر؟؟



تحياتي

محمد نصار

[حنين]

موضوع رائع بمعنى الكلمة ..goood/ goood/

انا كنت كتير فكرت بهالموضوع من قبل ! لانه كثر وجوده

هل يعتبر الفلسطيني حامل جنسية اخرى , فلسطيني بالاصل بس, وغير هيك فهو بينتمي لجنسيته الجديدة !!؟

اشي محيير للغاية ..

لكني وصلت لنتيجة انه بيصير مثل الجنسية اللي اخذها .. يكفي انه كل اوراقه وانتمائاته وهويته صار اجنبية بمعنى مش فلسطينية .. بيكون الاصل فقط فلسطيني !

ومش كل اللي معهم جنسات تانية بنقدر نحكي عنهم .. في ناس متلهم ما في !

الموضوع يحير

يعني لو قلنا فلسطيني ومش فلسطيني ينفع !!!!!!!!!!!!!!

بس بيضله مش كل فلسطيني بفلسطين منيح .. ومش كل فلسطيني برا مش منيح ..

ومش كل فلسطيني معه جنسية تانية مش منيح !!

لكل قاعدة شواذ

الفلسطيني بتصرفاته وبقلبه و بانتمائه وعقله وروحه وجسده .............

لو حافظ على حبه لبلده وحاول يقدم الها اي اشي بيضله فلسطيني ..

وانا عني من اول ما تولدت وانا لاجئة فلسطينية من لبنان رغم اني عايشة بدولة اخرى .. مش مهم .. المهم اني فلسطينية وخلص ..

الحمد لله على نعمتين الاسلام واني فلسطينية ..

شكرا محمد عالموضوع goood/ goood/ goood/

تحياتي

[ahmedsql]

طب لما يكون ابناء العائلة دي لايسمعون عن قصة هجرتهم الا عندما يصلون لا ينفع فيه وطنية و شيئ غيره ف بيصير الولد منقطع تماما عن وطنه الاصلي و يندمج في وطنة الذي يعرفه الذي تربى فيه و نشأ فيه
فعلا موضوع محير :aq:

[مايــاااا]

طبعا بيعتبروا مصرين ولكن يحملوا الجنسيه الفلسطينيه اسما فقط بالذاات ان ده جيل تانى ومنهم اللى توفى واللى اتجوز والاطفال بالذات من صغرهم لما بيتولدواا وينشأوا فى مكاان ويحبوه ويستريحوا فيه بيعتبروا ان ده مكانهم ومايعرفوش غيره وبينتموا اليه
وانتمااء الفلسطينى لمصر كبلد عربى بالذاات دوون عن باقى البلاد العربيه واضح كظاهره ويمكن بيعتبروا ان المصرين قريبين اوى منهم واهلهم وبيطبعوا بسهوله بطبعهم وعاداتهم وينغمزوا فى مجتمعهم بكل حب

هما فعلا مصرين يحملون الجنسيه الفلسطينيه كورق فقط لكن كل حياتهم وكلامهم واسرهم وحتى نسبهم وبمن يتزوجوا نجد انهم يتزوجوا من المصرياات ويكونوا اسر مخلطه
تحياتى لك محمد على موضوعاتك الجريئه المشاغبه

[maysam]

شوف محمد الواحد بيضل فلسطيني وحتى لو حمل جنسية تانية. مثلا أنا جنسيتي اردنية بس فلسطينية وبعتبر حالي فلسطينية مش اردنية رغم اني ولدت في الأردن وعايشة فيها. وهاد شعور موجود عند كل اللي بعرفهم ، حتى تجمعاتنا بتكون مع بعض وبنحس انه نحن غير ، وفي اسباب كتيرة طبعا منها انه الواحد بيحس انه في تمييز في المعاملة ، حتى لو جنسيته اردنية ، في تمميز بين الاردني من أصل اردني والأردني من اصل فلسطينية. وهذا التمييز طبعا غير معلن بشكل صريح لكنه موجود وملموس.

اذا الواحد بحس انه مختلف وانه هو فلسطيني.

هاي من وجهة نظري ومن اللي بشوفه من اللي حوالي.

تحياتي محمد

[MoHaMeD NaSSaR]

شكرالمشاركتكم جميعا

ميسم انا رحت الاردن كتيررر هو اغلبن الناس هناك فلسطنين وممكن لانه التميز والعنصريه موجوده بشكل كبير لدرجه انه انا لما رحت شعرت فيها


وما حد بينسى ايلول الاسود


مع العلم انه الفلسطنين بالارد ممنوعين يشتغلوا بوظائف حكوميه كبيره

هذا كمان من احد الاسباب الي بيخلي الفلسطنين الموجودين بالاردن متمسكين بفلسطين
وكمان الاردن من اقرب البلدان على فلسطين حتى كأنهم بلد وحده
بس يا ميسم ناس كتير فلسطنين بيعرفوا انهم فقط فلسطنين وما في اي رلبط بينهم وبين فلسطين



اما الحل حسب راي



الاهل بالبيت لازم يعلموا الطفل وهو صغير انه في له بلد اسمها فلسطين وباغلب الاحيان يحكولو عنها

ويوصفلوا فلسطين اكيد كيد الطفل رايح يتعلق فيها حتى لو ما شفها
وممكن حتى يكون مخلص ليها اكتر من اي انسان اخر



تحياتي

محمد نصار

[maysam]

ايوة محمد التمييز مش بس بالوظائف حتى لو تروح تسوي اي معاملة رسمية بيسألك الموظف انت من وين؟

بس زي ما انت قلت محمد الدور بيكون دور الأهل في المقام الأول. في عائلات بتزورها بتكون حاسس حالك قاعد بفلسطين لأنه كل حكيهم عنها وبيحكوا ذكرياتهم فيها وفي ناس ولا هم بهالواد. يعني الدور الأول والأخير دور الأهل لأنه لا تنسى انه بعد أجيال مستقبلية ، جيل أو جيلين ،ن أهلنا اللي اصلا ولدوا في فلسطين بيكونوا ماتوا ، وبعد أجيال الأطفال اللي بينولدوا في البيئة الجديدة بيتطبعوا فيها اذا ما في ناس توعيهم واذال صار انقطاع بينهم وبين بلدهم اأصلي!!

المسألة مسألة نسبية.

تحياتي محمد

[بنت فلسطين]

موضوعك أكتر من رائع أخي محمد ....

بس أنا بدي أحكي شي ... أنا أهلي فعلا هاجروا من ال48 بس مش على مصر ..على السعودية ... وهينا أنا واخواني انولدنا كلنا هون بالسعودية ... بس ولا واحد فينا سعودي ..حتى أبويا ما أخدش الجنسية ...

إحنا فلسطينيين أبا عن جد ..وما بدنا نكون إلا فلسطينيين ((حدا بتيجيلوا النعمة لعندوا وبرفسها؟؟؟))

أصلا فخر إلنا غنو نكون فلسطينيين ... سواء من غزة ,,الضفة ,, أي جزء من فلسطين ...

أنا مش بحاجة لجنسية أخرى ((أنا ما بقلل من قيمة حدا...للعلم)) أنا صحيح عايشة بالوثيقة المصرية طول عمري ..ومبهدلة بمعنى الكلمة .. وصحيح إنو معظم الدول العربية بترضاش تدخلنا عندها ,,حتى اليمن ... يا شيخ والله وضعنا زي الزفت برة فلسطين ...

على الأقل الي جوا فلسطين معاهم هوية ,,, المهم أنا كل سنة بنزل على مصر ,,عندنا بيت هناك ..عشان هو الطريق لنزولنا لفلسطين ... المهم مرة من المرات ..كنا مروحين عالرياض اتخيلوا ما رضيوا في مطار مصر يروحونا على طيارتنا قبل ما يتأكدوا إنو إحنا مش إرهابيين ؟؟؟؟؟؟؟؟؟؟ (llll) اشي بيخزي الصحيح ..

بس كمان إلي جزء من عيلتنا بمصر وطول عمرهم هناك وبرضوا مش مصريين ..
الخلاصة:احنا مش محتاجين حدا ... الله معانا وهادا بيكفينا ...

واسفة إذا زعلت حدا .. والله أنا قصدي التوضيح بس .. ولكم كل تحياتي ....

[MoHaMeD NaSSaR]

شكرا لمشاركتك بنت فلسطين بالموضوع

طبيعي كل الي ذكرتيه صحيح وحتى ممكن نقولانه معاملة الغرب للجاليات الفلسطينيه افضل بكثير من معاملة الدول العربيه للفلسطنين

بس على ما اظن اغلب الدول العربيه ما بتعطي للفسطنين جنسيات ببلادهم لسبب بسيط



عشان ما ينسوااا فلسطين



تحياتي لك

محمد نصار

[ahmedsql]

اهلا بنت فلسطين
ممكن توضحي حكياة المطار المصري لعدم اتاحتكم المرور لحين التأكد من صحت هويتكم
ارجو توضيح هذه النقطة لأني اول مرة اسمع عن حاجة زي كدة
تحياتي
احمد....

[حنين]

محمد بدي اعلق على شغلة عشان ما ينسوا فلسطين !!

هم مش ما بيعطوا الجنسية عشان ما ينسوا فلسطين .. عشان ما يروح اشي اسمه فلسطيني

وبعدين ان اعتبرنا كل واحد عنده جنسية تانية غير الفلسطيين مش فلسطيني حرام ..

فلسطين محتاجة لكل فلسطيني .. سواء ان كتب على ورقه فلسطيني او لاجئ او هندي حتى !

لكنني اعتقد انه المحافظة على الهوية الفلسطينية الافضل

موضوعك رائع الواحد بيقدر يحكي كتير فيه وبجهات نظر كتير وما بيخلص

تحياتي

[بنت فلسطين]

أهلا أخي أحمد ........

أنا ذكرت القصة بكاملها ... بس راح أوضحلك كمان(على راسي) ...

احنا كنا مروحين من فلسطين وطبعا عن طريق مصر .. كان عندنا حجز على الطيارة الفلانية بموعد محدد...
لما اجينا نركب الطيارة وقفوانا وقالوالنا ((معلش الي معاهم وثيقة لازم يستنوا معانا شوية)) وهادا اشي اتعودناه كل سنة بننزل فيها على مصر بيقفونا عندهم بالمطار حوالي ساعتين .. لما مرة واحد قلنا :( معلش التعليمات بتقول كدة ,,لازم نتأكد إنو اسمكم مش موجود بالمخابرات )) وال ساعد على هيك طبعا إنو والدي ملتحي ... يعني بدأن ... بس وهادي مش أول مرة يعملوا معانا كدة .. ومش بس احنا ..كل أصحاب الوثائق ...

ومش بس لما رحنا مصر ,,, الصيف الماضي نزلت على الأردن وبعدين مصر ... الله لايوريكم معاملة الأرادنة إلنا ... أسوأ معاملة على وجه الأرض ....

المهم .... الله يعين .... وهادا التوضيح إلك أخي أحمد .... مع كل تحياتي للجميع .....

[ابن فلسطين]

شكرا على الموضوع اخي محمد نصار .. بيستحق كل تقدير ..

آراء الاعضاء ما خلت كلام ..

تحيااتي ..

[ahmedsql]

شكرا اختي بنت فلسطين
بس دا مش عيب من المصرين نفسهم دي اوامر عليا احنا ملناش دخل بيها انتم عارفين المصرين بيحبوكم اد ايه و بيتعاطفو معاك ازاي و مش معقولة نقول عليكم ارهبين
و ممكن الدليل معاملة المصرين كشعب ليكم بتبقى عاملة ازاي من غير ما اعرف اكيد معاملة اكثر من غيدة لأني عارف المصرين ونا منهم
شكرا مرة اخرى
و تحياتي لأخي محمد نصار لاتاحي هذه الفرصة