انصحونى باى حاجه غير انى انساه!!!!

[otaa]

مرحبا بيكوا كلكوا ....انا عضوه جديده بلمنتدى..حبيت اشترك معاكوا عشان لقيت فى مواضيعكوا وردودكوا صدق وحسيت انكوا حتفهمونى... وهتقدروا تسعدونى فى مشكلتى ..وحبيت احكيلكوا حكايتى...انا للاسف زى ناس كتيير وقعت فى فخ الحب من طرف واحد .هو زميلى معايا فى الكليه واللى شدنى فيه انه كان غير كل زمايلنا و كان عنده وزء رهيب وفهمنى بسرعه وقدر يفهم انا عيزه ايه من نظرة عينى ...تأقلمت معاه بسرعه جدا وكل ده من اول و تانى مره شوفته فيها ومرت سنه وهو فاهم انه قريب منى كصديق وبقى هو كل حاجه وعلقت حياتى عليه بشكل ميتوصفش .انا من النوع الهادى ومليش هزار مع الولاد واخرى معاهم انى اسلم عليهم وهو عارف كده كويس وبقيت انا اقرب صديقه له زى ما قالى وفات الوقت وانا علطول بفكر فيه ومش متخيله حياتى من غيره...وبفتكر فى يوم كنا فى الكليه ولسه فى اول علاقتنا واليوم ده كانت مشاعرى تجاه مش قادره اخبيها ونظرتى فضحتنى لما تأملت كل حاجه فيه وحسيت انى عيزه ابكى عشان نفسى احس معاه بلامان وهو اخد باله من النظره دى ومن يومها وحسيت ان بقى فى بينا حاجه جميله لكن بلعيون بس... وعشت فى الحلم ده وكان بيتصرف تصرفات وكلام ونظرات بتدل على انه كمان معجب بيا وحاسس بيا رغم انه كان بيحكيلى عن صحبته الاولنيه وان تجربته فشلت وقلبه بقى حجر ومش هيقدر يحب تانى ..كلماته دى كانت بتوجعنى بس مكنتش بقدر اكذب عيونه وكلامه ودى حاجه بتحسس اكتر ممما تتوصف وكنت بعيش يوم ورا يوم بتمنى اللحظه اللى نتكلم فيها بصراحه لحد ما فى يوم جاء الكليه ومعاه ابن عمه وعرفنى عليه انا وزميلنا ...والكارثه انى لقيت ابن عمه معجب بيا وشويه شويه بداأ يجى الكليه كتير ويكلمنى على النت وهو اخد ميلى منه بموافقتى عشان ميتحرجش...ولقيته بيقولى انا مصدقت لقيتك وبحبك وهتجوزك وانا صعقت ورفضت ومكنش اودامى غير انى ابكى وعشت الفتره دى فى عذاب ومكنتش عرفه اعمل ايه ومن اول ما اللى بحبه حس بكده وانا لقيت فى عنيه نظرة غضب وندم وانه مش مصدق...وكان كل كلمه ابن عمه بيقولهالى بتفكرنى بيه ولما كنت برد على ابن عمه كان بس عشان ممكن يقولى اى حاجه عنه فحسيت انى كده بظلم ..ورفضته بشده وفهمت اللى بحبه انى مش حاسه بأى حاجه مع ابن عمه وكنت كل ما فتكر ان الاتنين ولاد عم قلبى بيوجعنى..ومر وقت على الموضوع ده واتقفل بس متنساش...وطبعا لو كان فى اى أمل او اى خطوه تحصل بينا فاكيد الامل راح عشان ابن عمه عرض الارتباط عليه والموضوع ده جاب لى احباط ...بس بردوه مقدرتش مفكرش فيه كان هو بلنسبالى النفس اللى بتنفسه وكان مجرد ما سيرته بس بتجى قلبى بيترعش ومقدرتش انسى نظراته لما بيبوصلى وحسه انه عايز يقولى انه بيحس بيا لكن فى حاجه منعاه وكل تصرفاته اللى بتقول انه بيحس نفس الشعور اللى حساه له ..لكن كمان فوجئت لما لقيته بحكيلى تانى على حبيبته الاولنيه ويقولى دى بتكلمنى تانى وانه مدايق ومحتار رغم انه بيقولى انه مبقاش بيحبها.... مش عرفه ليه المره دى بدأت اكذب شعورى بانه معجب بيا او حتى جيت على باله لحظه واحده وحسيت انها ضربه فوقتنى على ان كل الحلم اللى عشته معاه كان وهم وانه مفكرش فيا خالص وانه ديما بيعملنى على ساس انى زى اخته وبدات اكذب قلبى وانصحه انه لو لسه بيحبها لازم يرجعلها وده طبعا غصب عنى. كان نفسى اعيش معاه قصه حلوه بس لقيت عقوبات كتير من ابن عمه ومن حبيبته الاولنيه ومن قلبه اللى مش هيقدر يحب تانى..وانا دلوقتى بعيش فى الفتره دى ...مش مصدقه انه عمره ماحس بيا لكن بردوه بكدب نفسى ...تصرفاته المتنانقضه كانت ديما تعيشنى فى حلم وتصحينى على وهم وانا دلوقتى سعات بحس انه بيحبنى وسعات بحس انى مش اكتر من اخته وسعات اضحك على نفسى لانى فكرت لحظه انه بيفكر فيا ومش بتعلم ولسه قلبى بيترعش لما بشوفه بس انا بنت شرقيه ومقدرش ولا عندى جرئه انى اصارحه ..وحسه انى بحبه زى ما بحب اهلى وزى ماهحب اولادى ان شاء الله يعنى اللى بيربطنى بيه صلة دم مش اننا زمايل فى الكليه...لو سمحتوا اقترحوا عليا حل بس بعيييد عن انى انساااااااه ...انا ممكن اعمل اى حاجه غير انى انساه[/size][/color]

[فارس اصيل]

الحب الحقيقى هو حب الله وان الانسان يحب من يحبه من خلال حب الله

فمحبة الله عزوجل هي حياة القلوب ،وغذاء الأرواح،وليس للقلب لذة ولانعيم ولافلاح ولاحياةٌ إلابها،وإذا فقدها القلب كان ألمه أعظم من ألم العين إذا فقدت نورها،والأذن إذا فقدت سمعها،
بل فساد القلب-إذا خلا من محبة فاطره وبارئه وإلاهه الحق-أعظم من فساد البدن إذا خلا من الروح،وهذا الأمرلا يصدق به إلا من فيه حياة،وما لجرح بميت إيلام




العلاج هو ان تصلى لله ركعتان تستخيرى بهما الله فى هذا الامر

ولا تسمعى لغير الاسلام نصيحه


والله الموفق

[مغرم محبوب]

كلام فارس اصيل صح ودا الحل وممكن انك تقوليلو انت بتعملني علي اساس ايه تقطعي عرق وتسيحي دم ودا حل تاني علي اساس لو كان بيحيك علي انك اخت خليكي علي واتعاملي معهاه علي كدا ولو علي اساس حبيبه اتجوزو ومش هتقدري تنسيه ابدا

تقبلو مروري

[الباحث عن الجنه]

السلام عليكم اختى فى الله
اولا اقفى مع نفسك وقفه جاده واسأليها؟؟؟
هل هذا الشاب يحبك بجد؟؟؟
لما حكى لكى عن قصته الاولى؟؟؟
لما جاء00 بابن عمه؟؟؟؟؟
لما غضب؟؟؟
لما حاول ان يرجع لكى ثانية؟؟؟
اختى لا تعرضى نفسك للكلام الكتير ، فهذا اسمه لعب..........
اختى لقد جاء00 بابن عمه لانه اخبره انكى صيد سهل فلياخذ نصيبه؟؟؟؟هذا ظنى والله اعلم؟؟؟
اختى ابتعدى عنه فورا وانظرى لمصلحتك؟؟؟؟ولا تقلقى الحب قادم قادم مع زوج يعينك على طاعة الله

[ملكة الرومنسية]

انت لازم تصرحيه بمشاعرك وتكسرى الاحراج اللى جواكى علشان ترسى على بر وما تبقيش بين نارين والطريق امامك لازم تصرحيه وتتحملى النتائج فالحقيقة مهما كانت صعبة فهى ارحم من العذاب اللى انت فيه

[حنين الحياه]

أنا أنصحك أنك تقفي وقفة جادة مع نفسك
وتصرحيه أو تخلي بنت من زمايلك المقربين أوي تسألو شعوره نحوك إيه
أو تسألو إيه رأيه فيكي مثلا
ودي طريقة أقل إحراجا

لكن متعزبيش نفسك أكتر من كده أنت لسة شابة ولازم مضيعيش شبابك علي الفاضي
أتكلي علي ربنا وإللي لكي نصيب فيه هتشفيه
ولو خانك القدر أكيد ربنا هيعوضك
ولكن لازم تصرحيه بأي طريقة "الصراحة راحة"

تقبلي حبي

[الباحث عن الجنه]

المشاركة الأصلية بواسطة حنين الحياه

أنا أنصحك أنك تقفي وقفة جادة مع نفسك
وتصرحيه أو تخلي بنت من زمايلك المقربين أوي تسألو شعوره نحوك إيه
أو تسألو إيه رأيه فيكي مثلا
ودي طريقة أقل إحراجا

لكن متعزبيش نفسك أكتر من كده أنت لسة شابة ولازم مضيعيش شبابك علي الفاضي
أتكلي علي ربنا وإللي لكي نصيب فيه هتشفيه
ولو خانك القدر أكيد ربنا هيعوضك
ولكن لازم تصرحيه بأي طريقة "الصراحة راحة"

تقبلي حبي

اختى فى الله حنين
القدر لا يخون؟؟؟
فالقدر هو تقدير الله لامور الخلق من قبل ان يخلقهم فهو علم الله
فلا يجوز ان نتكلم فيه او ان نعيبه او ان نحيل اليه ما لا يرضينا من الامور
وفقنا الله لما يرضاه
اخوكى فى الله
الباحث عن الجنه