لغز

[امل حياتى]

اللغز يقول
أمرأة ورجل ذهبا الى المحكمة فسألهما عن أسميهما فقالت المرأة ان أسمها ساره فقال الرجل
أكتبني بعدها فما أسم الرجل


بصراحه اللغز ده منقول
وانا ماعرفتش احله
غشيت الحل يعنى
حد يعرفه من غير مايغش؟؟

[teto_g14]

حرام عليك يا امل

[صاحبة احلى ضحكة]

يبقى إسمه إكتبني بعدها هههههههههههههههههههههههههههههههههههه

لالا بجددددددددد معرفتش

يلا بعد كم رد كده قولي بقى ياأمول ياقمر

تسلم إيدك ياقمر على اللغز المحير ده

تقبلي مروري//ميمي//

[midomod]

اسم الراجل ابو سارة

ايه اللغز الصعب دا

بجد مش عارف

اتمنى حظ سعيد للى بعدى

شكرا يا امل
تسلم ايدك

[امل حياتى]

المشاركة الأصلية بواسطة teto_g14

حرام عليك يا امل

مالك يا تيتو
هو صعب للدرجادى
وانا اللى كنت حاطه املى فيكم
خلاص خليك معانا عشان تشوف الاجابه الصحيحه

[امل حياتى]

المشاركة الأصلية بواسطة صاحبة احلى ضحكة

يبقى إسمه إكتبني بعدها هههههههههههههههههههههههههههههههههههه

لالا بجددددددددد معرفتش

يلا بعد كم رد كده قولي بقى ياأمول ياقمر

تسلم إيدك ياقمر على اللغز المحير ده

تقبلي مروري//ميمي//

ماعرفتيش يا ميمى برضه
خلاص ماشى شويه وهقول
بعد كام اتصال كده
قصدى بعد كام رد
مش عارفه ليه حاسه انى قاعده فى برنامج
تابعينا يا ميمى
ابقوا معنا

[امل حياتى]

المشاركة الأصلية بواسطة midomod

اسم الراجل ابو سارة

ايه اللغز الصعب دا

بجد مش عارف

اتمنى حظ سعيد للى بعدى

شكرا يا امل
تسلم ايدك

لا ساره دى تبقى مراته مش بنته
لو مصمم خلاص ممكن امشيهالك صح

تصدق يا ميدو نفس اللى كنت هقوله
حظ سعيد للى بعدك
الظاهر ان انا اللى بعدك
خلاص شويه وهحله بقى
نورت يا ميدو

[mostafa tifa]

هو سالهم الاتنين بس محددش وغير كده اكيد القاضى عارفه وعارف اسمه

[امل حياتى]

المشاركة الأصلية بواسطة mostafa tifa

هو سالهم الاتنين بس محددش وغير كده اكيد القاضى عارفه وعارف اسمه

طب افرض القاضى عارف اسمه
السؤال موجه ليكم انتم مش القاضى
وبعدين القاضى سأل الاجابه كانت اللى مكتوبه دى

ماتغيرش الموضوع بقى يا مصطفى
يعنى مش عارف الحل
طب خليك معانا

[!سها]

ياله بقى يا امل جوبي ده انا دماغي خلاص

ممكن الحل يكون في جمله اكتبني بعدها اكيد وراها حاجه

[abc]

طيب معلش يا أمل ..

طلب صغير كده ..

ممكن تشكلي الفزورة ؟؟

أصلي شاكك في حاجة كده D:

[امل حياتى]

المشاركة الأصلية بواسطة !سها

ياله بقى يا امل جوبي ده انا دماغي خلاص

ممكن الحل يكون في جمله اكتبني بعدها اكيد وراها حاجه

ايوه صح
الحل فى الكلمه دى
سهلتها على الاخر اهو
حاضر يا سها من عنيا
هجاوب
وسلامه دماغك

[امل حياتى]

المشاركة الأصلية بواسطة abc

طيب معلش يا أمل ..

طلب صغير كده ..

ممكن تشكلي الفزورة ؟؟

أصلي شاكك في حاجة كده D:

اشكل
ده انت كده هتقراها السنه الجايه
طب هحاول اشكل حاضر

بس على فكره
مالهاش علاقه بالتشكيل
يعنى زى ماقريتها هتلاقى الحل فيها

وبعدين انت ممكن تقول انت شاكك فى ايه
وانا هساعدك

قول اى حل وخلاص
ارفع من معنوياتى
وهو هيطلع صح

[midomod]

فقال الرجل
أكتبني بعدها فما أسم الرجل

اسم الراجل (بعدها) .......صح مش كدا ؟

[امل حياتى]

المشاركة الأصلية بواسطة midomod

اسم الراجل (بعدها) .......صح مش كدا ؟

مين بعدها ده

بص يا ميدو ركز شويه فى الجمله دى
وانت هتجيبها

يلا بقى عشان قربت اقول الحل