حد يطمنا عن هيثم حمدي ....

[sehr_3inik]

السلام عليكم ورحمه الله وبركاته

انا زعلانه منكو على فكره علشان فضلتو تقولولي ادخلي

وفينك ومش بتيجي وفي الاخر مفيش اي واجب اتعمل معايا

عموما الاول بس لو حد يعرف اي حاجه عن هيثم حمدي ياريت يطمنا بقاله كتير اوي

مش ظهر واخر مره كنت شفته فيها كان تعبان


ياريت اللي يشوفه ولا اللي بيكلمه يطمنا عليه

ويارب يارب يكون بالف خير

[عتاب]

شوشوووو
اخيرا رجعتي باليوزر القديم بتاعك
وحشتينا طبعا
بس ده مش معناه انك تطمعي في أي حاجة تانية
هيثم والله شفته من يومين تلاتة
لكن برده يعتبر مختفي
اول ما يرجع عايزين نكتفه عشان مايمشيش تاني
بس هو كان قايل ان سبب غيابه انه كان بيعيد وبعدها لقا الكمبيوتر بتاعه عيان شوية

[amr_miza1]

اهلا شوشو .. حمدلله على سلامتك ..

ان شاء الله أول ما هشوف هيثم هطمنكم ..
لان فعلا ظهوره قليل .. ان شاء الله يكون بخير

[فراق84]

المشاركة الأصلية بواسطة عتاب

شوشوووو
اخيرا رجعتي باليوزر القديم بتاعك
وحشتينا طبعا
بس ده مش معناه انك تطمعي في أي حاجة تانية
هيثم والله شفته من يومين تلاتة
لكن برده يعتبر مختفي
اول ما يرجع عايزين نكتفه عشان مايمشيش تاني
بس هو كان قايل ان سبب غيابه انه كان بيعيد وبعدها لقا الكمبيوتر بتاعه عيان شوية

زي ما قالت عتاب..هيثم كان من يومين

اهلا وسهلا فيكي
نورتي المنتدى من تاني
اختك فراق

[هيثم حمدي]

المشاركة الأصلية بواسطة sehr_3inik

السلام عليكم ورحمه الله وبركاته

انا زعلانه منكو على فكره علشان فضلتو تقولولي ادخلي

وفينك ومش بتيجي وفي الاخر مفيش اي واجب اتعمل معايا

عموما الاول بس لو حد يعرف اي حاجه عن هيثم حمدي ياريت يطمنا بقاله كتير اوي

مش ظهر واخر مره كنت شفته فيها كان تعبان


ياريت اللي يشوفه ولا اللي بيكلمه يطمنا عليه

ويارب يارب يكون بالف خير

ايه ده ايه ده
موضوع ليا انا
انا فكرته انه موضوع قديم والله واترفع لوحده

شروووووووووووووووووووووق
الوحيدة دايما اللي بتعمل ليا موضوع مخصوص علشاني
فكرتيني والله بايام زمان يا شروق
اجمل واحلي واروع بكتير من دلوقتي هذه الايام
ياااااااه يا شروق

مكسوف والله بجد علي تقصيري معاكي
واللي حقوله من مبررات لا شييء ولا يقنع

شروووووووووق
حقك عليا والله وسامحيني علشان خاطر اخوكي هيثم حمدي

بس كان غصب عني والله اللي حصل ده
بعد ما شفيت من التعب اللي كان بيا واللي كنتي عارفاه
قوم ايه بقي اتفاجا بتعب اخر بنوع مختلف
اه والله يا شروق
لقيت الانفلونزا حبت تسلم عليا شويه وتستريح عندي كام يوم
طبعا انا من النوع اللي بخجل جدا وبحرج باني اقول لحد لا
وكانت جايبه معاها صديقها السعال كالعاده دوما
بس يا ستي استضيفتهم كام يوم وطبعا كان لازم اراعيهم واقوم بالواجب معاهم
فعلشان كده كنت مشغول بالاستضافة
المهم يا شروق لقيت نفسي وانا مريض بسافر مدينة اخري وهيا الرياض
علشان اقضي العيد هناك مع اخويا علي
انتي عارفاه يا شروق اللي هو المهندس المصري

المهم قضيت ايام العيد معاه

وعلي فكرة قضيتها وانا مريض والله

المهم رجعت من السفر لمكة المكرمة
جيت ادخل واشغل جهازي الحبيب
لقيته بعافية شويه
فقعدت اراضيه شويه واقوله شوية نكت عن النكت عن الصعايدة
لغايه ما رضي عني باني اقرب له

وبعد كده قعد يقلب عليا كل شويه برضه
لغايه ما خلي مخ الصعايدة اشتغل عندي وعملت كده معاه

بس وبعدها تأب وقالي حقك عليا مش حهزر مع صعايده تاني


بس فبعد القصة دي كلها
سامحيني والله يا شروق
واعتذار علني اهو امام الجميع لشروق

وطبعا حتعذريني علشان انتي عارفه يا شروق بيقروه عليا فعلشان كده بيحصل معايا كده
وغير كده شروق قلبها ابيض وياما سامحتني

بس تصدقي يا شروق
عرفت شييء جميل
باني حغيب كل مرة علشان نشوفك معانا هنا والاقي موضوع باسمي

تسلمي والله يا شروق ومش عارف اشكرك ازاي ولا اعتذر ليكي ازاي

ادعيلي يا شروق دايما
وبطلي ظهورك في الاوقات اللي مش بيكون فيه حد موجود فيه

ويا خبر ملون...ايه اللي بتقوليه ده معقولة مفيش حد قام بالواجب مع شروووق

علي العموم يا ستي

ادي تفاحة مستوردة مخصوص علشان شروق




وكمان فراولة مخصوص علشان شروووق



وعنب ملون علشان شروق




وكمان بوكيه ورد جميل مخصوص علشان شروق




اظن بعد الواجب ده شروق مش حتكون زعلانة مني
نورتي يا شروق وتسلمي كتير والله

الف الف شكر ليكي يا غاااااااااااااااااااااااااااالية

[هيثم حمدي]

المشاركة الأصلية بواسطة عتاب

شوشوووو
اخيرا رجعتي باليوزر القديم بتاعك
وحشتينا طبعا
بس ده مش معناه انك تطمعي في أي حاجة تانية
هيثم والله شفته من يومين تلاتة
لكن برده يعتبر مختفي
اول ما يرجع عايزين نكتفه عشان مايمشيش تاني
بس هو كان قايل ان سبب غيابه انه كان بيعيد وبعدها لقا الكمبيوتر بتاعه عيان شوية

عتاااااااااب بنت عمي كمان هونا
يالا الهول

ازيك يا بنت عمي كيفك منورة والله المنتدي
شفتي شروق بتعمل ايه فينا

واليوزر نيم بتاعها شكلها مش بتظهري غير في بعض الاوقات الخاصة والمناسبات الخاصة
وعلشان كده انا صعبت عليا صبراحة باني ما اردش عليها
قلت حرام شوشو دي مننا وعلينا

وايه ده يا بنت عمي
هو فيها تكتيف كمان

غصب عني والله يا بنت عمي
واهو رجعت اهو

بلاها تكتيف مش علشاني علشان شروق ظهرت اهئ ومش حتغيب تاني

ثم مش انا اللي عايز تكتيف صاحبة الموضوع ده اللي بتعمل كده اكتر مني

ولا اكمن شروق مدلعاها
وانا ابن عمك تعملي معايا كده

تسلمي يا بنت عمي
كتير وليا طلب واحد بس عاوزك تعملي ايقاف لليوزر النيم التاني بتاع شروق اللي اسمها هبولا ده
علشان تدخل بالاسم ده بس وتبطل كل شويه تخضنا باسم

وخليها تقعد زي الاول يا عتاب
البنت دي واحشتنا كتييييير

[هيثم حمدي]

المشاركة الأصلية بواسطة amr_miza1

اهلا شوشو .. حمدلله على سلامتك ..

ان شاء الله أول ما هشوف هيثم هطمنكم ..
لان فعلا ظهوره قليل .. ان شاء الله يكون بخير

لا بجد يا عمرو بيه
كانك صح بتدور عليا وتقولي فينك يا هيثم
اهو عمرو ده مش شفته ليا شهر واكتر
يا عمورررررررررررررر
اسئل علي اخوووووووك الغلبان ده
لا تليفونات ولا رسائل


عمرو ده حبيبي والله ومقصر معاه فعلا
تسلم ليا كتير والله يا غالي
بس هو برضه مقصر معايا

ربنا يخليك يا عمور وما تزعليش من كلامي هنا بهزر معاك يا غالي والله

[هيثم حمدي]

المشاركة الأصلية بواسطة فراق84

زي ما قالت عتاب..هيثم كان من يومين

اهلا وسهلا فيكي
نورتي المنتدى من تاني

اختك فراق

هيا دي اخرتها يا فراق
بتبعيني في لحظة

انا عمال بختفي من الناس
تقومي تبلغي عني
يا سلام علي بنات غزة
ان كيدهن عظيم

ايه يا فراق احنا معاكي مشرف في القسم ده
يعني شريكك يا فراق
وملكيش دعوة بــ عتاب دي جاية معاها عليا

اتعلمتي من المصريين كتير يا فراق

تسلمي يا فراق
بهزر معاكي يا فراق اوعي تزعلي مني

[bo7or]

يا سلاام يا سلاام ؟؟

هيثم فى حد ذات نفسه بيطمنا عليه ؟؟
احنا مش قد الكرم دا كله
لحسن نتعود على كدا لا سمح الله

حمد الله على سلامتك يا هيثوم
يا رب طول الوقت فى خير وسعادة ورضا وصحة وكل حاجة جميلة
عود احمد .. اتمنى اشوف هيثم بتاع اول السنة !!

ربنا يعينك يا هيثوم ..

[هيثم حمدي]

المشاركة الأصلية بواسطة bo7or

يا سلاام يا سلاام ؟؟

هيثم فى حد ذات نفسه بيطمنا عليه ؟؟
احنا مش قد الكرم دا كله
لحسن نتعود على كدا لا سمح الله

حمد الله على سلامتك يا هيثوم
يا رب طول الوقت فى خير وسعادة ورضا وصحة وكل حاجة جميلة
عود احمد .. اتمنى اشوف هيثم بتاع اول السنة !!

ربنا يعينك يا هيثوم ..

اول السنة دي صعبة اؤي
بيقولوه قال ايه يا روكا الطبع غلب التطبع
والجنيه غلب الكارنيه
والاسعار بقت نااااااار
والبنوك الامريكية اتضربت وفلوسي كلها ضاعت هناك عنهم
بس فانا منتظر موافقة امريكا انها ترجع فلوسي علشان ارجع هيثم بتاع اول السنة


ده انا اللي مش قد الكرم ده
ومش عارف اقولك ايه بصراحة هههه
ده انتي اهل الكرم كله يا روكا
فده اكيد بعض ما عندكم

ده انا يا روكا لو قعدت اكتب شكر لروكا علي كرمها مش حيكفئ معايا قسم البيت ده
ححتاج لدوار بحاله مع فدان الغيط اللي جنبه علشان اشكرك

تسلمي يا روكا ولا يحرمني منك يارب

منورة المنتدي دايما والله يا روكا

الف الف شكر يا غالية

[Dr.Hammood]

حمدا الله على سلامتك يا هيثم

اتمنى تكون بخير دايما

اكيد نورت الرياض بتاعتي


تحياتي ليكي يا شروق

[هيثم حمدي]

المشاركة الأصلية بواسطة Dr.Hammood

حمدا الله على سلامتك يا هيثم

اتمنى تكون بخير دايما

اكيد نورت الرياض بتاعتي


تحياتي ليكي يا شروق

الله يسلمك يا دكتورنا الغالي وحبيب القناوية دكتور حموود
طبعا بخير يا دكتور تسلم يا غالي
والرياض منورة دايما بيك وبتسل عنك دوما يا دكتور حموود
والصعيد برضه عاملين قلق عنك
ومنتظرين زيارة منك لانهم افتقدوك
تسلم يا دكتور حمود
الف شكر يا غالي

[رؤيه]

شوشو عندنا يا مرحبا يا مرحبا نورك غطى على الكهربا ( دى احدث مؤلفاتى الشعريه )
عارفه يا شوشو شوفت اسمك امبارح قبل الفجر وقلت لا اكيد بيتهيألى او حد بيهزر تأثير النوم بقي
بس رجعت بالذاكره لايام وجودك ووجود ناس كتير مشيت كانت احلى ايام بجد
حمد لله على سلامتك ياقمر انا فرحانه جداااااا انك رجعتى وياريت كل اللى مشيو يرجعو وياريت ما تغيبيش تااااااااانى لو سمحتى




http://images.google.com.eg/url?q=ht...68UN7518XALtYw

هيثم
الف لا بأس عليك معافى باذن الله
منور المنتدى دائما

[Menino]

اخويا هيثم

أعترف بتقصيري لكن عذري انك عارف الظروف وعارف قد ايه الأجازه بتاخد الوقت والفكر كمان

طمني عليك يا هيثم

[لاجئة]

طبعا بما اني بقرا بالكف وعارفة كل حاجة..
عارفة انك بسبع ارواح ما شاء الله!!
الحمد لله ع السلامة يا هيثم..
وعقبال سلامة جهازك.