معارك الكلام بين الحكومة وحسن عمران

[hassan omran]

هذه القصائد التى قامت المنتدايات وروادها بنسبها لغير صاحبها

دا غير اللى أتحزف واللى أتمنع من النشر

اليوم نقدم القصائد الأصلية التى كتبها حسن عمران ونسبت لغيره

----------------------------

عليا الحرنكش ياريس مبارك

في عصر مزركش ملون بنارك

لأبيعك وأبايع حكومة حمارك

ملعون أبو اللي يقدر يقاطع قرارك

نهاره مقندل وليله مبارك

فهمبك وهيص وطلع في ديننا

أكيد هو طالع يشاهد جمالك

جمالك جمالنا سوزانك سوزاننا

يامحلا لمصر اللي جالنا

نسيمها في عصرك بيشوي ف بدنا

أأيد وأبايع فخامة جلالتك

وأأيد أي واحد بيمسح ريالتك

ولأنك سر باتع هننسى هبالتك

فأقعد ياريس ودلدل حمامتك

حمامة السلام حمامتك ياريس

سلامة الحمامة وسلامتك ياريس

ياريس حمامة ياريس كويس

على تل مصر ياريتك تهيص

خرابة فسيحة عليها تميس

وأأمر تطاع فشعبك مفيص

والعيب فى البتاع

-------------------------------

[hassan omran]

مالك يا ديك
هى دى برده عمايل
دا اللى بين الدنيا وأنت
عقد عرفى ليه نهاية
أنت فاهم قصدى أيه
عمر عقدك ما يبقى شرعى
ليه محاكم وفيه نيابه
وفيه قضاة حينصفوك
ولا فاكر كتكوت صغير
من ولادك يورثوك
مهما فقس
أنقص عرفك
تبقى أزعر بين الديوك
كل يوم عمال تفرعن
ع الديوك
تفش ريشك تهش جيشك
ملعون أبوك
هو فيه فى الدنيا حد
لسه عايش م الملوك
فين يا ديك
أيام ما كنت عايش معانا
بأسم ديك
ديك البرابر وملك الديوك
أحنا برده اللى قلنا عنك
أنت ديك
خلاص يا ديك راحت عليك
حتى بيضك الشمورتى
طلع ممشش
هو ده بيض فراخ
ولا ده بيض الديوك
خلاص يا ديك
خلاص مرضت بمرض الدجاج
بكرة تمشى برجل عوجه
ونلاقيك جنب حيطه
راحت عليك
هو المرض لما يعشش جوه جته
ينفع يا ديك
لا عمر ليا ولا عمر ليك
بكرة جوه حفرة جثه هامده ونواريك
وتقابلنى يوم لوءانا
لو مشى حد فى جنازتك
وقال دا ديك
-------------------

[hassan omran]

رئيسنا المبارك
سلامة البهايم
سلامة حمارك
تاكل بطارخ
ناكل مرارك
تاكل مهما تشبع
الموت فى أنتظارك
تغير ف دمك
تركب كلاوى
حيبقى المقدر هو اللى باقى
وترجع عليك الكوى بنارك
يا مورث بلادنا
ودارنا هى دارك
همبك علينا
كلنا فى أنتظارك
طلع عنينا
ودادى حمارك
أقلق منامنا
واقفل ببانك
بالجامد علينا
من يوم ما أنت جيت
وجبت المهالك
لا مرة احنا نمنا
ولا مرة أشتهينا
مش عاجبك كلامى
طب أسأل مدامتك
من أمتى يا جهبز
قامت أيامتك
مسترجل علينا
تدلدل شفايفك
وفارد قلوعك
بظلمك لشعبك
المركب بتغرق
ماخلاص انتهينا
بكره تروح وتتقل قيمتك
وشعبك حا يلعن فى سيرة جنابك
ويشتم فى حكمك وحتى اللى جابك
وجوه المدافن حا يمشى اللى جنبك
وتسمع قواله ميت م اللى قبلك
يغور البخور من ريحة جنابك
مالك يا عقلى آيه اللى نابك
داير تخرف خسارة شبابك
سلام للبهايم سلام للى جابك
يهودى مأصل أشك ف جنابك
**************

[hassan omran]

أعلن أنسحابى من حزب الجهله
وأنضم لحزب السقايين
أشيل قربه على ضهرى
وأصب الميه باليمين
وأسجل أعتراف يا ريس
أنت كويس
وكل الناس وحشيين
وأهديك بأسم الفقرا
جلابية مخططه بالطين
وانصبك ملك ونيله
ونلبسك تاج الجزيرة
وأبعد عن كل هذا الشعب
وكل الناس الوحشيين
وأعلن أمام الخلق
وكل الملايين
إ ن أيدك يا ريس طاهره
ونضيفه
بس متعاصه شوية دم
من ناس بيقولوا الحق
ودلوقتى بقوا مساجين
ونيتك صافية يا ريس
إلا من شوية دعا عليك
من ناس مصليين
بقولوا حزبنا الله ونعم الوكيل
وزمتك نضيفه
إلا من شوية فلوس خايف عليهم مننا
قمت مستثمرهم لنا
خوف على خزانه البلد
وعرق الشقيانين
لكن الناس ما بتفهامش
باين عليهم مجانين
وأعترف يا ريس
انك أنسان شريف
شرف أمرأة العزيز
وأنك ملكش فى التهييس
ولا ليالى باريس
لذلك بأسم الشعب اللى بيشد فى الجوزه
بنقولك يا ريس ليك عندنا عوذه
علشان لما تقوم ثورة الشعب
نصلبك على باب زويله
الغورى كان بطل
أما أنت
بلا نيله
غرقت البلد كلها ومحدش فيها عام
لو طارت عليك طلقه
ووقعت فى العام
أنده بعلو صوتى
يسلم اللى داس على الزناد
واللى بص فى الناشيكان
----------------------

[hassan omran]

الحقونا الفراعنة بيسراقونا

الفراعنة من زمان

من زمان من زمان

سخرونا نبنى هرم

ونشق ترعه م الفرافرة لحد عنبه

سلحونا فى قلب جيش

جوه سينا وقعدونا

قوم حاربنا وأنتصرنا

وبالمعاهده وكسونا

الحقونا الفراعنة الجدد

النهارده بيسرقونا

سرقوا مستقبل ولادنا

سرقوا كل خير بلادنا

سرقوا البسمه م الشفايف

خلوا كل الشعب فى مصر خايف

كممونا بيمنعونا عن الكلام

صمتونا خرسونا

جروا كل واحد ليه لسان

بيسجنونا جوه زنازين الظلام

سورها عالى وسلك شايك

سلسلونا بالسلاسل

زللونا بالمعونة شحتونا

النهارده اللى حاكم م الفراعنة

مالوش هوية هو تابع للصهاينة

عمره يوم ما خد قرار

الحقونا دول عامونا

وغموا عينه ع الحقيقة

طوحونا ضللونا أنجدونا

المرض أكل جنابنا

وخلى كل شىء مرار

الحياة فى بلادى غربة

والطوارىء ليل نهار

الغلط من فوق راكبنا

لما سيبنا الجحش يرمح

فى الغيطان

والذئاب تنهش وتدبح

فى القطيع

يبقى أيه اللى لازم نعمله

نتحد ونكون سباع

نربط الجحش فى مكانه

والذئاب تكون رعاع

يبقى أيه اللى لازم نعمله

نتحد ونكون سباع

********

[hassan omran]

علي الحرنكش كلام مش تمام



عليا السلام عليكوا السلام
عليا الحرنكش كلام مش تمام
حقول المفيد نهاركم سعيد
الريس خربها وآخر تمــام
عمل منها عزبه لآهل المقام
مشكل وزارة عقولها حجارة
تشرب الخمرة وتقولك حرام
ممنوع التدين ممنوع تصلى
خليك فى الطراوه علشان المدام
لما يدلع ابنه ويقوله يا نونو
ملايينك ياأبنى دى مش حرام
البلادى سايبه ملهاش صاحب
احنا بيها اوله علشان السلام
حاكمها مؤبد انا فارس همام
حا احل الوزارة واشكل وزارة
واحطك يا ابنى رئيسهم كمان
يشعب الحضارة عملى فيها غارة
حتاكل بصارة عليك السلام
نام واستغطى واحلم ببطه
يمكن تجيلك وزه فى المنام
ابعد عن المانجه وحاسب م الفراولة
يجيلك الحسحس تبقى مش تمام
يا عو يالى بتكذب علي ايه انت بتكتب
وطى حسك وطى لا يسمعك يغطى
يصحى على صوتك
--------------------
:icon12

:

[hassan omran]

دوله عسكر زى السكر
دوله عسكرعامله معسكر
يحرس قصره يحرس أرضه
يحرس حتى الكرسى بتاعه
يحرس جنب سريره بخطوه
اصل عسكر من أيه خايف
أنا مش عارف

عسكر نايم نايم يحلم
كل العسكر تسهر جنبه
عسكر جوه الحلم بتاعه
بص شويه جوه مرايته
أصله حليوه وواد مزيون
شاف قدامه شامبليون

قام مخضوض من قلب النوم
لبس البدله وهندم نفسه
قال انا أشبه نابليون
عسكر قام بعد ما نام
جمع العسكر
وأصدر ليهم كام فرمان

عسكر قال
قص لسان اللى بيتكلم
وخلى الناس م الجوع تتعلم
وأربط فرمل كل صحافى
اللى يجيب سيرة ممفيس
واللى يقول فيها فساد
وأنا فرعون وليا وريث
واللى يصلى الفجر ويدعى
يدعى عليا ويدعى قنوط

عسكر عينه طالعه شرار
أدى أوامره
أنده دوغرى عبده رفاعى
مين دا يا عسكر
ده طباخ القصر بتاعى
طبخ المحشى نافخ بطنى
أقطع أيده
وبلغ كل الشعب بتاعى
إن أنا عسكر راجل سكر
رايح يخطب
تخطب أيه ...عروسه
أسكت يا بنى دى أسرار
راح تفضحنى
بعديين سوزى تزعل منى
و حاتحرمنى م المنبار

عسكر جهز كل عساكره
قالوا تشريفه
جهز نفسه
فجأه وشه أتغير
من غير لزمه
ولونه تلون بقى زنهار
لمح الحاج آميين بيصلى
يوم مش فايت

ناده كبيرهم منتش شايف
دور مكتب
والكامرات عماله بتصور
قالوا بسرعه شيلو با حمار
دقنه طويله
ده أرهابى وم الكفار

كل العسكر جم بقوا جنبه
يوم مش فايت أخرب بيته
عسكر لف ودار على نفسه
وأصبح جاهز واقف يخطب
أسمع يا أبنى أنت وهو وكل الناس
أنا مش أبوكم علشان أصرف ليكوا معونه
كل شويه تقولوا يا حكومه
حالنا خلاص بقى متغير
وأنا مضطر أغلى الجاز
وأوعى تقلى العيشه دى نار
لازم لحمه مش معقول
قضيها فول بزيت وليمون
أنا محتاج أنا مديون

قاعد واحد م السامعيين
عمى على الله بيفهم والله
قامله وقاله فوشوه معارض
فجأه الدنيا عليه أنقلبت
جالوا العسكر راحوا واخدينه
بدل الخطبه كنا بنسمع صوت
الراجل عالى لفوق بيقول آى

عسكر بعد ما خلص رغى
أثنى عليهم وقال هنونى
عمرى ما حسمع صوت بيعارض
ناس خوافه بعد ما سمعت كلمة آى

ورجعنا تانى نشوف ونقرأ فى الجرنال
عسكر نام عسكر قام عسكر راح للحمام
عسكر باقى طول العمر
أنس يا مصرى
واقف ليه مستنى القطر
محدش جاى
فرعون يا عسكر
---------------------

[hassan omran]

يمين طلاق منك يا عايده

يمين طلاق منك يا عايده //
/// ومن عمايلك ومن جنونك
قربت اهج واقطع هدومى//
/// قال طالبه لحمـــــــــه
وهى عارفه ان السيرادى//
/// تجبلى وعكه واسهر ليلاتى
ماهيه شايفه عم حسنى ///
/// طالع يقولى تصريح يوماتى
وعمال يهاتى فى كل شعبه/
//// الأزمه خانقه والخطه ماشيه
ويقول كلام سيكا وبياتى///
// مالى هدومه من فجر يومه
وحاكم بأمره من طرف رجله
لشعر راسه فيه حد عارضه
مقدرش اخالفه لأنه فاهم وادرى بحلاتى/
/ شايفه حـــــــاله
عامل رجيم كباب وسلطه اكله يوماتى/
/ شوفى حالـــــــنا
الفول يدوب نتغدا بيه وباليل نهاتى
وبعدين يا عـــــــــايده
الراجل بيتعـــــــب على الكــرسى قـاعد
آخــــر أيافــــــه
وع الشرم رايح محروس بناسه
واهى تبقى لمه حلوة يوماتى
يشوف المعارضه تجيله قرفه/
/// ويقول هاتولى عنب بناتى
يمين طلاق منك يا عايده //
// مدام دا قاعد فى حكم مصر
لخلع هدومى واجرى ملط //
/ وانده غيثونى بأعلى صوتى
مجنون يا عالم وراجل فلاتى
بيحب مصر
------------------

[Dr.Hammood]

معقول

دا كتير منهم او اغلبهم منسوب لاحمد فؤاد نجم


هبقى احاول اخلي نواره تشوفهم


تحياتي

[hassan omran]

المشاركة الأصلية بواسطة Dr.Hammood

معقول

دا كتير منهم او اغلبهم منسوب لاحمد فؤاد نجم


هبقى احاول اخلي نواره تشوفهم


تحياتي

دكتورنا المحترم // محمد رضا
سلام الله عليك ورحمته وبركاته
ارجوا أثبات حقى بعد أن تم سرقة قصائدى فى المنتدايات
والحمد لله من قبل أنكرت الأخت نواره هذه القصائد
لذلك بعد التأكد أرجوا وضع ما وصلت أليه حتى لا يضيع حقى
وهذا خطأ منى لآنى تركتهم ينسبوها كما شاءوا لآنى كنت تلميذ
من تلاميذ حوش آدم وهذا شرف لى لآنى تتلمذت على يد الأستاذ وعلى
أشعار أبو العامية الأستاذ/ بيرم التونسى وصلاح شاهين وفؤاد حداد
تقبل تحياتى وأحترامى
ورجاء أن تعطى الموضوع جانب من الأهتمام
تقبل تحياتى وأحترامى
وأرجوا كتابه أسم المكتبه التى توزع الكتاب لآن فى معرض كتاب قريب
فى البلد الموجود فيها حاليا حتى يتسنى لى الحصول عليه

[جناب العمدة]

حسن باشا عمران .....

ميضيعش حق وراه مطالب ..

تمسك بحقك ولا تمل من المطالبة به .

[Dr.Hammood]

المشاركة الأصلية بواسطة hassan omran

دكتورنا المحترم // محمد رضا
سلام الله عليك ورحمته وبركاته
ارجوا أثبات حقى بعد أن تم سرقة قصائدى فى المنتدايات
والحمد لله من قبل أنكرت الأخت نواره هذه القصائد
لذلك بعد التأكد أرجوا وضع ما وصلت أليه حتى لا يضيع حقى
وهذا خطأ منى لآنى تركتهم ينسبوها كما شاءوا لآنى كنت تلميذ
من تلاميذ حوش آدم وهذا شرف لى لآنى تتلمذت على يد الأستاذ وعلى
أشعار أبو العامية الأستاذ/ بيرم التونسى وصلاح شاهين وفؤاد حداد
تقبل تحياتى وأحترامى
ورجاء أن تعطى الموضوع جانب من الأهتمام
تقبل تحياتى وأحترامى
وأرجوا كتابه أسم المكتبه التى توزع الكتاب لآن فى معرض كتاب قريب
فى البلد الموجود فيها حاليا حتى يتسنى لى الحصول عليه

وعليك السلام ورحمة الله وبركاته

اعتقد ان احسن حاجه تعملها

انك تنزل ديوان وتثبت حقك او مجموعه

اعتقد ان دور النشر مش هتتأخر ابدا عنك


اما عن كتابي فكما اسلفت

هيكون في معرض الكتاب في يناير القادم

انا وقعت العقد اما لسه ما نزلش

اشكر اهتمامك الجميل

وان شاء الله الموضوع ده هيكون مرجع لي

لو قابلني اي ايميل او منتدى مشترك فيه وشوفت قصيده من دول

هقول انها ملكك

حقيقي سائني جدا انه يتسرق منك حاجه او تنسب لحد تاني

خصوصا اني مجرب الموضوع ده


تحياتي لشخصك الوطني الوقور المهذب

كن بكل الخير

[hassan omran]

المشاركة الأصلية بواسطة جناب العمدة

حسن باشا عمران .....

ميضيعش حق وراه مطالب ..

تمسك بحقك ولا تمل من المطالبة به .

شكرا ليك يا جناب العمده

هى دى أخلاق العمد ولا بلاش

للعلم نص السبب انا لآنى أستهترت بالموضوع وكنت كل

ما أشوف قصيده بتداول بأسم غير أسمى كنت بضحك

تحياتى وأحترامى لك

[hassan omran]

المشاركة الأصلية بواسطة Dr.Hammood

وعليك السلام ورحمة الله وبركاته

اعتقد ان احسن حاجه تعملها

انك تنزل ديوان وتثبت حقك او مجموعه

اعتقد ان دور النشر مش هتتأخر ابدا عنك


اما عن كتابي فكما اسلفت

هيكون في معرض الكتاب في يناير القادم

انا وقعت العقد اما لسه ما نزلش

اشكر اهتمامك الجميل

وان شاء الله الموضوع ده هيكون مرجع لي

لو قابلني اي ايميل او منتدى مشترك فيه وشوفت قصيده من دول

هقول انها ملكك

حقيقي سائني جدا انه يتسرق منك حاجه او تنسب لحد تاني

خصوصا اني مجرب الموضوع ده


تحياتي لشخصك الوطني الوقور المهذب

كن بكل الخير

يا دكتور/ محمد يا جميل

واحد بس عرض عليا تجميع خواطرى
ومنعنى من تنزيل خواطر كثيره هو حصل عليها منى
وحتى الآن لم يفعل شىء بالرغم من أنى متبرع بما يأتى
حسب الأتفاقية لمستشفى 57357
فا بالله عليك مين ناشر يطبع ديوان يودى فى داهية
معروف غن القصاتئد السياسية تتداول وبعد ما يموت ملك مصر

ممكن تنشر لياب العلم بالشىء أو للتخويف
تقبل تحياتى وأحترامى
هذه قصيده اخرى

فى يوم ميلادك الجاى
وفى ساعة تمام
بدون كلام
شعب مصر طالع
يترحم عليك
ويودعك

مهما ترشق
الشارع أسود
أو تورث
حكم مصر
اللى عمرك
ما كنت تملك فيه
غير مضجعك
كل مصر طالعه
تودعك

من غير أسف
أو ندم
حا نودعك
فى الذكريات
نتذكرك بالأنجازات
لما عريت الهدوم
وغرقتنا فى بحر الهموم
وخليت ابنى عاطل
وقلبت كل الحق باطل
ووضعت مصر
جوه بحر م الديون

وهى شابه
عجزت
وما بقتش
تقدر يا حاج منجز
تعرف تعوم

أنجازاتك
أزمه جوه أزمه
زى جزمه
مفتقه من كل ناحية
فى يوم مطر
تتبل رجلك
وأنت مش حاسس
بالخطر

أنجازاتك
شاى وسكر
ولحمه وحطب
ورغيف برده
كله حصى
وكل يوم
تكذب علينا
العيش وصل
الجيش وصل
هو جيشنا
ساب الحدود
لليهود
ولا حا نحرس
الحدود
بشوال بصل

أنجازاتك
تعليم خلاص
خده الوبا
ومدرسين
مش لاقيين
حتى اللضا
وفصل فيه
قد عيدك
عيال متكدسه
شوف بقى

أنجازاتك
دكتور طبيب
بيداوى المرض
وهو أصلا
محتاج طبيب
وعايز دوا

أنجازاتك
فى الزراعة
أرض بور
جوه الكفور
والغيطان
متحصرة
على قمحها
وقطنها
أيام زمان
لما شافت
فلاحنا يعزق
ويعرق
وآخر المتمه
ينام جعان

أنجازاتك
فى المصانع
مكن قديم
وعامل بيصنع
ويصب عرقه
وحتى رشفه
من ميه رايقه
تروى عطشه
مش لاقيها

انجازاتك
فى كل شارع
طفل مرمى
جنب حيطه
ع الرصيف
فى يوم شتا
أو فى الخريف
ما تحسبوش
ما تعدهوش
من البشر
أو م الدواب
كل الوشوش
متلونه
بلون الهباب

أنجازاتك
خمرة وحشيش
وواد مبرشم
وشم كله
على الرصيف
ولحمنا
من أنجازاتك
أتباع رخيص

أنجازاتك
فقر أزلى
وبنت بايرة
من غير عريس
وشاب ضايع
قبل التخرج
عايز يهاجر
أو ينتحر
من برج عالى
أو ع الرصيف
علشان سيادتك
تتطفى شمعك
يوم ميلادك
وتكون عريس
يا أنجازاتك
يوم ميلادك
لما ترحل
تكون يا عنتر
أحلى ذكري
سبتهالنا
من أنجازاتك
لما مصر
فى مايو تخرج
يوم ميلادك
تودعك
بدون أسف
أو ندم
على أنجازاتك
يومها نترحم
على اللى قبلك
من عهد مينا
لحد النهارده
نقرا فاتحه
وكام دعاء
الله يرحمه
يومها بس
أطلع أنا
و أمى مصر
نودعك
---------------
كتاباتى

[Dr.Hammood]

المشاركة الأصلية بواسطة hassan omran

يا دكتور/ محمد يا جميل

واحد بس عرض عليا تجميع خواطرى
ومنعنى من تنزيل خواطر كثيره هو حصل عليها منى
وحتى الآن لم يفعل شىء بالرغم من أنى متبرع بما يأتى
حسب الأتفاقية لمستشفى 57357
فا بالله عليك مين ناشر يطبع ديوان يودى فى داهية
معروف غن القصاتئد السياسية تتداول وبعد ما يموت ملك مصر

ممكن تنشر لياب العلم بالشىء أو للتخويف
تقبل تحياتى وأحترامى