من هو أول شخص لفت نظرك بالمنتدى ..؟؟

[كتائب الاقصى]

بسم الله الرحمن الرحيم


إخوانى وأخواتى أعضاء ومشرفى ابن مصر

السلام عليكم ورحمة الله وبركاته
الموضوع وبإختصار شديد



أكيد لما سجلتووو في المنتدى لفت نظركم


شخص ((عضو )) أو ((عضوه))


من حيث الاسم أو الموضوع أو عدد المشاركات


أو الفعاااليه أو الروح التي يمتلكها


او التميز الذي تحتويه كتاباته او ردوده
ننتظر من حضراتكم أن تذكرون لنا وبصدق أول شخص لفت نظركم بالمنتدى

[نيهال]

اهلا بيك يا احمد............

فكره حلوه فعلا....

حبدا معاك بالترتيب.......اول ما دخلت المنتدى لفت نظرى طبعا صديقتى الجميله دقه قلب...

بعد كده باسم عمار........تفكيره ورايه

هاف ماجيك.كنت بحس انه وباسم ثنائى مع بعض
وخصوصا لما يتفقوا علينا فى البورصه لدرجه انى قررت مره انا ودقه قلب بين المحاضرات اننا ندخل نغير السكور اللى همه بيعملوه كل مره
بجد محمد...صعب انه يتكرر معانا




وفيه دكتور محمود وميسم...


فيه محمد خطاب ومحمد حسين فى القسم السياسى


ولانى بحب فلسطين قوى..فكان نصار من اجمل الاقلام المعبره عن القضيه
برايه وكتاباته المبدعه



بعد مرور سنه لفت نظرى وجود قلم جميل وروح جديده كانت الورد الجورى ومعاها سنو وايت. واميره الرومانسيه(رؤيه حاليا).....قلبهم الطيب كان بيطغى على كلامهم
بيفرحوا...ويهزروا ...عيال حلوين قوى(على فكره عيال دى مش بقولها غير على اصحابى القريبين قوى قوى وبحبهم قوى قوى.......اياك حد يتريق)





بعدها بشويه كمان.....خير اللهم اجعله خير انضم لينا او بمعنى ادق عرفنا روح مشاكسه قوى......على طبيعتها قوى..بيفكر بكل حاجه .....ده غير انه بيساعد الناس وهوه مش مستنى كلمه شكر
وكان هانى





وكمان هيثم حمدى...بهدوء غريب وطيبه مش موجوده بزمننا ده


واحمد كتائب الاقصى.....لما اشتركت معاه بموضوع ثلاثى مع دقه قلب...لقيت انه انسان مثقف وعلى علم كبير



تصوروا كل ده ومش اخدت بالى خالص من الزعيم..اياك حد يقوله
لان فى الوقت ده بالذات اتعرفت على شخصيه احمد كمال ......وكان فعلا الزعيم


فيه اقلام كتير جميله بس مش بلاقيها معنا زى الاول
زى النسر الذهبى وبكار.......

فيه كمان اقلام انضمت لينا بوقتنا الحاضر
اكتر حد لفت انتباهى هو عمر وعمرو وابو رقيه وجناب العمده وقيصر وترو فيس.......ليهم روح تانيه مش بيكرروا انفسهم




واخيرا من اكتر الاقلام اللى بتقولك.انا موجود.......ليا راى وليا كيان

abc

وورده النيل

وفارس اصيل

[زهر الياسمين]

يسلموا خي ع الموضوع المميز

فعليا الكل بس الاكثر شدني فعلا في القسم الفلسطيني

متل لاجئة وبنت فلسطين

وفي قسم حبر ورقة نقطة عطر وجميع المدونين هناك


ويمكن كاسم اجبرني اقرؤله في المنتدى ممكن ابن شحطوطة استغربت الاسم والذي حقا وراؤه كاتب مبدع

اجمالا الكل خير وبركة واتمنالهم التوفيق من كل القلب


يسلموا على الطرح المميز

لكـ مني كل الود والورد

[روما الشعنونة]

موضوع جميل بجد
اول حد لفت نظري في المنتدي حد كان اسمه باسم بس مش عارفة هو موجود دلوقتي في المنتدي ولا لا
وبعد كدة كان وائل المصري قاضي المنتدي وبعدين مستر كارتية وورد الجوري ونسيم وفي بنوتة صغنونة كانت معانا اسمها كوكي

[بقايا انسانة]

بصدق هؤلاء اكثر اعضاء الذين لفتو انتباهى عندما اشتركت بالمنتدى و يوجد من بعدهم اخرون
كثيرين

عدد المشاركات :: كتائب الاقصى
من حيث الاسم :عاشق الترحال
أو الموضوع : نقطة عمر



أو الفعااالي :: عمرو ميزا

ه أو الروح التي يمتلكها :: امل حياتى : abc


او التميز الذي تحتويه كتاباته :: عمر

او ردوده :: فارس اصيل

تحيااتى لك كتائب الاقصى
لكن اين هو تقيمك انت ايضا

[ام مايا]

فارس اصيل اول من لفتني اسمه وعتاب واحمد13وعمر وجناب العمدة والكل يستحق التقدير حتى الي مش مفتكرنهم كلهم يستاهلوا كل خير
وشمس الاسلام طبعا وهي مختفية مش عارفة فين

[وائل المصري]

بعيدا عن الردود التلفزيونيه بتاعة القناه الاولي والتانيه دول طبعا الكل يعرفها
لكن
بالفعل مش كل الاعضاء شدوني والدليل ان انا لما بدخل المنتدي بدور بالفعل علي موضوعتهم
وبكون سعيد جدا لما بيشركوني بالردود
اولهم (( هند مشرفة دهاليز السياسه))
طبعا الكل يعرف هند بجد تخليك تحس انك اخوها او ابن عمها وبجد تحس انك تعرفها من زمان بجد رائعه.
واكيد (( اميرتي الصغيره))
بجد انسانه رقيقه وجميله ورومانسيه من بتوع زمان ايام افلام الابيض واخضر
(( عموره حبيب قلبي))
واد محترم انسان جميل حساس للكلمه الجميله صاحب القلم الجميل.
(( كتائب الاقصي))
بجد موضوعات جميله ودينيه وهادفه
(( لاجئه))
عن جاد اختي العزيزه جميله حساسه رائعه متميزه في كل شيء لا تستطيع ان تصف ما تفعل
(( الجميله بنت فلسطين))
مؤمنه بقضيه وطنها مهتمه بارضها محافظه علي دينها بجد انسانه محترمه جدا
(( جناب العمده))
حبيبي الجميل الرجل الصارم السياسي البارع المتحدث البق الجميل الحازم
(( حسن عمران))
برغم كل الخلافات التي بيننا من حيث المضمون في الكتابات والجدال الناشب بيني وبينهم
لكن اكن له كل احترام وتقدير
(( الدلوعه))
بجد مش عارف الاء راحت فين بجد وحشتنا كلنا بنت مصر الجميله الرقيقه الرومانسيه المجامله الشفافه اللهم وفقها هي وكل ابناء مصر بالخارج
(( زهرة مصر))
النائب بتاعي وبردوا مش عارف راحت فين ممكن يكون حد هددها وخوفها فسابة موقعها للدفاع عن قضايا محكمه المنتدي هههههههههههههههه
لا طبعا هي مشغوله في الدراسه حقوق بقا ربنا معاها هي وكل الي زيها
وفي الختام
(( روما الشعنونه))
طيبه القلب مرهفه الحس جميله لكنها مش عارف ليه لبسه هذه النظاره السوداء الكئيبه
ربنا يسعدها هي وكل الي زيها
تحياتي

[بنت فلسطين]

موضوع متميز كالعادة من اخي احمد ..

شكرا لكل الي كنت سببا في دخولهم هنا بشكل او بآخر ورفع الله شأنكم

بالنسبة ليا ..

كان عضو معانا اسمه (ابن فلسطين) اسمه الحقيقي (جودت) لفت نظري جدا لقسم فلسطين
وكمان كانت عضوة اسمها (حنين) فلسطينية و عضوة رائعة الله يذكرها بكل خير هي (مـايـا) كانت مولعة المنتدى ههههه .. وووو (أحمد ابو الدهب) ثم (احمد sql) و (شيكولاتة) و (ميسم) .. كل دول ناس لفتوا نظري من لما دخلت المنتدى وكنت متفرجة فقط

شكرا احمد الموضوع رائع بالفعل

[الطيار الصغير]

اول حاجة كلهم عبجبوني واللي عجبني اوي صلة القرابق اللي بين المنتدى
ثانيا الاشخاص
برضه كلهم عجبوني بس اللي شدني اوي الاربعة دول
محمد كمال :في تعبيره للاشياء
احمد كمال علي:في شخصيته القوية
abc:في طفولته البريئة اللي جواه
ضحى: في ردودها الادبية وبحثها في الاشياء

[hend]

اول ناس لفتوا نظرى كانوا
الورد الجورى لان اسلوبها مميز جدا وتحس انها مهتمه بكل حاجه
كمان بشمهندس هانى اسلوبه فى التحاور
هاف ماجيك طبعا غنى عن التعريف
وكمان كان فيه مصراييم وقتها وقلب وبقى ميت حاجه بعد كده

[ابن شحطوطة]

اممممم ..

موضوعٌ لم يحتج للجواب عليه كثير تفكير !!..

شخصان لفتا انتباهي بشدة لجزالة ما يطرحون و فائدته و اتقانه :

( كتائب الأقصى ) ..

و :

( Proactive ) ..

و شخص لفت انتباهي لإحسانه فن النقاش :

( النينجا المصري ) ..

و شخص لفت انتباهي لأنه شجاع نبيل رجع إلى الحق فور بيانه :

( بائع الورد ) ..

و لا يتواجد منهم الآن إلا أخي الحبيب أبو أسامه ( كتائب الأقصى ) حفظه الله و بارك فيه و في أهله و ولده و أحبته ..

هدا مع كامل احترامي و تقديري لسائر الأعضاء الأفاضل ..