انت تسال ..و....انت تجيب

[The Caesar]

الفكره دي مش عارف جديده ولا اتعملت قبل كده
هيه مش فكره جديده قوي يعني..هي تطوير لفكره سابقه
انا لاقيت ان فيه مواضيع كتيرره ..بنفس الفكره تقريبا
عضو يتم استضافته ويقوم الاعضاء بسؤاله اسئله متعدده
ابتداء من لون الشراب ..الي.. متوقع الاهلي يغلب الزمالك لحد سنه كام ...
ومواضيع تتيح التعارف و عمل جو رائع من المحبه و التعارف الصحي بين الاعضاء
وفي منتدانا عده مواضيع قامت علي هذه الفكره
الفكره الجديده او التي اعتقد انها جديده
ان اسال انا واجيب انا
لن انتظر ان يسالني احد
او يوجه لي اي استفسار ...
كل مع نفسه
فلن يتوقف الموضوع لعدم وجود العضو المستضاف
لن يكون العضو المستضاف مظطر للاجابه علي كل هذا الكم الرهيب من الاسئله
وايضا لم يكون مظطر الي الاجابه علي اسئله هي اقرب للاسئله الشخصيه منها من الاسئله العامه..
وهكذا
انه موضوع حواري ...
فضفضي..بحت
مدد رجليك واسترخي..وقول..غني يا منعم
من الاخر
كل واحد هايستضبف نفسه
دي بوادر.....

[The Caesar]

س 1 ..حاسس بايه


ج ...حاسس اني عايز اروح انام

س 2...يا تري يا هل تري بتعمل ايه دلوقتي

ج...حاسس ان دماغي شممت ..وان نفسي اضرب واحد كوكتيل او رز باللبن ..والعب فيفا 2009..

س 3 ..هوه امن جيبت فيفا 2009

ج...اه طبعا ..بس عايزه دراعات اصليه مش المضروبه ام 40 جنيه دي

س4..لعيب يعني؟

ج..يعني

س 5..سؤال رفيع ..هوه المنتدي مهوي ولا انت مش متابع ولا فيه ايه

ج...مش عارف...بس حاسس اني قاعد في المنتدي لوحدي مع ان فيه اهوه ييجي عشرين عضو وعضوه

س 6 ..وانت قاعد بتعمل ايه

ج ..بصراحه وحق وحقيقي..قاعد ملان...يعني اعاني من حاله انفصام في المخيخ ..اللي هيه انك تكون عايز تعمل حاجه وبتعمل حاجه تانيه خالص

س7 ..هوه انت زعلان من حد في المنتدي

ج..بصراحه ايون..د لونلي..بعتله رساله في العيد اصلم عليه و معبرنيش..

س 8..انت هاتروح فين بالليل

ج ..سؤال شخصي بس يالا...بصراحع مش عارف
يا اما انزل اطبع صور اد كده ,,صورتها في العيد يا اما انزل وسط البلد اتمشي واكل ايس كريم وادهل السينما ..

س 9 ..تعزمني ؟

ج .كده انا هيست ..

[omarr]

س : أيه اللى مزعلك فى المنتدى .. ؟

جيم :التعدى على شخص العضو و السخريه منه و اللمز و الهمز

وده كله ينافى و يعارض قوانين المنتدى المكتوبه و المنصوص عليها صراحه ..

فعلا حاجه تنقط و تخلى الواحد خايف على نفسه وكرامته .



.

[The Caesar]

س ..ايه مواصفات الانسان الناجح ؟

ج..ان الناس تهاجمه ..

س ..طب عمر مضايق ليه بقي ؟

ج..علشان مش ملاقي دعم...وشكله كده ولا بلاش...

س ..بيفكرك بايه كلام عمر ؟

ج..بابن رشد في فيلم المصير..مش بن رشد بن رشد..نور الشريف طبعا
لما قطع كتبه وقغعد يصرخ ويقول ..ايه فايده اللي انا بكتبه اذا كان ما بيوصلش لحد
بس بعد كده فهم الدرس

س..فهمني انا مش فاهم ؟

ج.الحدق يفهم

[رؤيه]

قيصر موضوع جامد جداااااااا
احيانا فى برامج الاستضافات الواحد بيكتب اسئله بيبقي نفسه هو اللى يجاوب عليها (لا وعى يعنى )
ممكن اشترك معاكو
اممممممم
ايه اللى مضايقك فى المنتدى؟
حاجات كتير
زى ايه يعنى؟
لما بتيجى تكلم حد ولمصلحته بيقفش ويتعصب ويتجمد وبعدين ينفجر فى وشك
كمان احاديث الماسينجر واااه من احاديث الماسينجر قعدات غيبه ونميمه وتكنهات بحاجات غريبه مش عارفه بيجيبوها منين اصلا وفلان عمل وفلانه سوت شوفتى الرد ده كان قصده فلان بقي بس خاف يقول وشوفتى فلانه وهى بتقول لفلان صباح الخير اكيد فى بينهم حاجه علشان قبل كده فى موضوع تانى قالت له مساء الخير وهو فى الرد بعتلها ورده
حراااااااام عليكو يا ناس اتقو الله
وكمان حاجه مضايقانى
لغه الحوار بقى فيها جرأه شويه من بعض الاعضاء ورغم انهم محترمين وعاقلين الا ان ساعات بيقولو كلام ميصحش يتقال ويحرج اى بنت وخصوصا ان معانا بنات صغيرين جايز انت شايف ان الكلام عادى وجايز كاتبه لهدف ونصيحه بس منا ممكن اقول اللى انا عاوزه بشكل اقل جرأه وميجرحش حد والناس هتفهم والله
كمان التعصب فى الحوارات
الموضوع بيكون مهم جدا والناس عاوزه تفهم ايه اللى بيحصل فجأه تلاقى الحوار اتحول وبقي سب وقذف وتراشق اتهامات وتلميحات من تحت لتحت وتوصل احيانا كمان للتكفير وفجأه محدش بيلتفت لفكره الموضوع اصلا قد ما بيتفرج على ردود الاعضاء وغالبا ما بينتهى الحال الى غلق الموضوع
كل ده؟
ايوه ده انا فى حاجات كتيره قوى مضايقانى وشايله فى قلبى وساكته بس كفايه كده النهارده ليطخونى بالنار
هتعملى ايه دلوقتى؟
هخرج من المنتدى بصراحه مليش نفس ارد ولا اعمل اى حاجه
عاوزه تقولى حاجه قبل ما تمشي؟
اه عاوزه اقول لقيصر شكرا على افكارك الرائعه بتغيب تغيب وتطلع بحاجات ملهاش حل
على وعد بالعوده مرات اخرى ان شاء الله

[duha]

انتي بتعملي ايه؟
مش عارفه
طيب داخله الموضوع دة ليه؟
مش عارفه
كدة

امتى هتعرفي؟
مش عارفه
ومش مهم اعرف
هو لازم الواحد يبرر لكل شئ يعمله

لاتصور انه لازم في هذف لكل شئ بيعمله

لامش شرط
ساعات الواحد بيعمل حاجات كدة
او هي تتعمل لوحدها من غير ما يفكر ومن غير ما يخطط ومن غير مايكون له هدف

وايه نتيجه مثل هذه الاعمال؟

يوقع على دماغه

نتيجه مرضيه

اهو الواحد بيتعلم

[duha]

رجعتي هنا ليه؟
عشان اتخنقت
سلامتك من الخنقه ومين اللي تجرأ وخنقك
البعض هنا لما بيرد بيرد من غير تفكير انه ممكن يجرح مشاعرغيره في ردة
ازاي؟
يعني بيتكلم وكأنه فيلسوف عصرة وزمانه ومن حقه يوصف ناس وشعب وبلد وكانه العارف بكل الامور
وهو>>>>>>>>>>>> من انه يوصل لذرة من شرف هذا الشعب
خلاص فضفضتي
اه الحمد لله
ياريت لو كوبايه عصير برتقال بقى

[روما الشعنونة]

بجدموضوع رائع جداااااااااااااااااااااااااااااااااااااااااااااااا اااا
س.انت زعلانه من حاجة ؟
ايون.........زعلانه لاني كنت مضايقة وكنت مكتئبه كدة دة الجو الي يخنق دة
المفروض افرح واكون سعيدة لاني الحمدالله ربنا رزقني الصحة وحب الناس
اه في ناس كتير جرحتني
بس في اكتر منهم بيحبني ويحترمني
يعني بجد انا كنت عبيطة اني زعلانه من حاجات مش كبيرة اوي

س.نفسك في ايه ؟
نفسي الناس كلها تحب بعض ومش يكون في حقد وخاصة بين البنات
نفسي نساعد بعض كلنا
نفسي ادخل الجنه وابقي محاميه شاطرة جداااااااااااااااااااااااااااااااااااااااااااااااا ااااااا واعرف اجيب حقوق الناس ومش يبقي في حد مظلوم خالص
بجد يمكن اكون خياليه بس ان واثقة في ربنا وعندي حسن ظن بالله وان شاء الله
هكون كدة وربنا هيجععلني سبب في اني ارفع الظلم عن المظلومين

س.ايه يابنتي مالك واخدها جد كدة انتي مش بتهرجي خالص ؟
بالعكس ان شخصيه مرحه جداااااااااا وبهزر وبلعب
وبخرج بس يعني في شويه تفكير في الناس

س.مين اقرب حد ليكي في المنتدي ؟
اخي العزيز وائل المصري وتيتو ومصطفي ونسيم

س.قوليلي بقي انتي بتحبي ؟
بحب طبعا بحب ماما وبابا واخواتي واصحابي واخي في الله وائل المصري
ههههههههههههههههههههه
لكن ارتباط لا
بس كدة بجد رائع الموضوع ياقيصر

[عتاب]

موضوع جميل يا سيزر



اخر اخبارك ايه؟
نفسي ارجع زي الاول

حاسة انك لسه مارجعتيش ؟
الى حد ما

زعلانة من شيء ؟
من اشياء كتير

زعلانة من حد معين ؟
زعلانة على حد معين

[abc]

انت ليه متخلف ؟؟
علشان دي طبيعتك ...

طيب ليه ما تحاولش تتغير ؟؟
حاولت و فشلت .. أصلها غريزة متأصلة ..

طيب هتفضل متخلف كده طول حياتك ؟؟
احتمال .. المهم ما أعرضش حد للتخلف ده .. لا أجني على أحد ..

اوك .. بيس يا دود ..
كييب يور شت اوت اوف اذررز ..

[The Myth]

kts; tHdi ?
ktsd hgkhs jf'g kldlm

ايه الهبل اللي فوق ده ؟
انا قاصد اكتب عربي بالانجليزي و تقريبا كل مشاركاتي هتبقي كدة

موضوع جميل يا سيزر

[بقايا انسانة]

هههههههههههههههههههههه
ههههههههههههههههه
انتى لية بتضحكى؟؟
مش عارفة بضحك و خلاص يمكن من الكبت

عندك احساس بالغربة فى الدنيا؟؟
اة كتير و حاسة انى تايهة و مش اعرف حد الكل غريب الكل مريب

اية اللى قلقك؟؟
مش عارفة لو عرفتى عرفينى يمكن ترسينى و اهدى بقى شوية

فى حاجة معينة جاية على بالك؟؟
اة
اوى
سوبيا الرحمانى من عند الحسين

اخر حاجة ممكن تقوليها؟؟
الموضوع دة غريب اوى كدة لية

بجد موضوع غريب و جميل
تسلم ع التجربة الجديدة
تحيااتى

[duha]

بتقولي ايه لمين وليه؟
حد فاهم السؤال
بتقولي حاجة معينه لحد معين؟
اها
باقول ربنا يسعدك لروكا (بحور)
عشان حاسه انها مبسوطه وطايرة زاي الفراشه بترفرف هنا وهناك ماليه الدنيا اغاني وبهجة

ايه اجمل اغنيه سمعتيها اليومين دي؟
اه من عيناه لاصاله

بتسمعي ايه الوقتي؟
القيصر طبعا
كاظم مش قيصرنا بتاع ابن مصر

ايه اجمل فيلم شفتي اليومين دي؟
مش شفت افلام من قبل رمضان

ايه اكلتك المفضله؟
مش باكل غيري السؤال

لكن السؤال دة مهم وتعتمد عليه حياه ناس

افهمي بقى
هتطبخي ايه لمينا ودودي قبل ما يجو من المدرسه


اها
مش عارفه هم بيحبو الباميا والدولمه
اكيد هاطبخ الاسهل الباميا

طيب يا ختي مستنيه ايه
ما تقومي تطبخي

اها يعني الموضوع كله كان عشان تقوميني من هنا
ماشي
اشوفكم بعد الطبخ

[The Caesar]

عتاب
هيثم
abc
ضحي
شكرا لكم مروركم الطيب

[The Caesar]

عايز تعمل ايه دلوقتي ؟

عايز ارتب انا عايز اعمل ايه ..فيه حاجات كتير جدا ومش عارف ابداء بايه

ليه انت مش عندك جدول اعمال ؟

عندي بس حاسس اني عايز ارتب اكتر

انت بتضيع وقت ..ولا كسلان ؟

ممكن الاتنين ..

طب ما تغير نشاطك؟

اه فكره انا برضه نفسي اجرب تجاره المخدرات ...او افتح محل لعب اطفال اهو تغيير

يا تري تحب تشوف فيلم ايه انهارده ؟

مش عارف انا شوفت Mirrors وعايز اشوف حاجه رعب جامده