الأكلــــة دي مـــن عندنـــا (متجــــدد)

[عتاب]

موضوع النهاردة جت فكرته في دماغي من تجمعي مع صحباتي

اتجمعنا ولقينا نفسنا بنتكلم عن اكلات موجودة في الصعيد ومش موجودة في حتة تانية

وطبعا كل بلد بيكون لها اكلات مميزة لها

هنا بقا عايزين كل واحدة شايفة اكله بتميز بلدها تيجي تحكيلنا عنها

او حتى لو اكلة اخترعتها وبتميزها او بتميز أسرتها برده تحكيلنا عنها

في انتظاركم

[عتاب]

فيه اكلة اسمها مفروكة (اكلة صعيدية )
هاسيب ابتسامة الحياة تحكيلكم عنها
لاني مستعجلة ومش هالحق اوصفها دلوقت


وعايزة برده اعرف اكلاتكم المميزة
في انتظاركم ..

[ابتسامة الحياة]

ايه ده
دى تدبيسة يعنى
ماشى
دى اكلة بس انا اول مرة اعرف ان اسمها كده
وماحدش يسألنى انتى تعرفيها باسم ايه
دى عارفين العيش اللى اسمه بتاو
ده بيتكسر صغير شوية
ويتحط عليه جبنة قديمة_حادئة(مش يعنى)
ويتفركوا فى بعض
وممكن لو ناشفين يتزودوا بشوية ماء
وتاكلى بس تاخدوا بالكم
لأن اللى بياكلها بيسرح مع طعمها وينسى هو كل ايه
وبعدها يشرب ماية كتييييييييييييير
وبطنه تبقى هاتنفجر
واللى عاوز المكونات موجودة عندى انا لسه راجعة من هناك من كام يوم

[فراق84]

دى عارفين العيش اللى اسمه بتاو

شو هو التاو؟

[maysam]

اه فعلا شو هو ال بتاو

بعدين ابتسامة كملي معروفك واشرحي الموضوع اكتر ،،لأن اللي قلتيه انا فهمت منه ان الاكلة هي خبز وجبن وبس!


عتاب،، موضوع جميل

[فارس اصيل]

قلت اخبط وادخل واشوف فيه ايه
ايه ده انا كنت جعان مافطرتش قلت اجى ازوركم يمكن الاقى لقمه
لقيتكم مش عارفين البتاو

امرنا لله اروح جعان

[توتى3000]

موضوع حلو ياعتوبه
متابعه

[عتاب]

العيش البتاو
هو عيش صعيدي
بيكون من القمح او الدرة وبيكون معمول على شكل دايرة واسع اوي يعني مش عارفة نصف قطره ممكن يكون 30 سم
وبيكون يشبه الرقاق وبيكون ناشف

وفعلا الاكلة دي عبارة عن عيش وجبنة قديمة (اللي هي اسمها جبنة مش ) .. عارفين المش والا لا
هي مش طبخة ولكن اكلة بتميز اهل الصعيد
وفعلا زي ما ابتسامة قالت هي مجرد ما تاكلي تحسي انك عايزة تشربي
ولما تشربي بعده يا حرام تحسي ان حصلك انتفاخ
وممكن تنفجري عند رؤية اي نوع اكل تاني
هي الفرصة الوحيدة انكم تشوفوا الاكلة دي هي ان ابتسامة تعملها وتصورهالكم وتجيبلكم الصور
او تجيبلي وانا هاصوره قبل ما اكله

[عتاب]

المشاركة الأصلية بواسطة ابتسامة الحياة

ايه ده
دى تدبيسة يعنى
ماشى
دى اكلة بس انا اول مرة اعرف ان اسمها كده
وماحدش يسألنى انتى تعرفيها باسم ايه
دى عارفين العيش اللى اسمه بتاو
ده بيتكسر صغير شوية
ويتحط عليه جبنة قديمة_حادئة(مش يعنى)
ويتفركوا فى بعض
وممكن لو ناشفين يتزودوا بشوية ماء
وتاكلى بس تاخدوا بالكم
لأن اللى بياكلها بيسرح مع طعمها وينسى هو كل ايه
وبعدها يشرب ماية كتييييييييييييير
وبطنه تبقى هاتنفجر
واللى عاوز المكونات موجودة عندى انا لسه راجعة من هناك من كام يوم

انا عاوزة المكونات
تجيبيلي معاكي شوية بكرة
اوعي تنسي
ميرسي يا سمسمة على الشرح اللي محدش فهم منه حاجة ده

[عتاب]

المشاركة الأصلية بواسطة فراق84

شو هو التاو؟

اهلا فراق
انظري المشاركة رقم 8
الشرح موجود هناك وفي انتظار الصور

[عتاب]

المشاركة الأصلية بواسطة maysam

اه فعلا شو هو ال بتاو

بعدين ابتسامة كملي معروفك واشرحي الموضوع اكتر ،،لأن اللي قلتيه انا فهمت منه ان الاكلة هي خبز وجبن وبس!


عتاب،، موضوع جميل

اهلا ميسومة
مرورك هو الاجمل
هي الاكلة عيش وجبن فعلا
الفكرة كلها في نوع العيش ونوع الجبن

طيب كلكم سألتوا عن العيش البتاو
ليه محدش سأل عن الجبن المش
ده مش هاتلاقوه الا في الصعيد برده
فيه منه تقليد في المنصورة بس بتاع الصعيد غير

[عتاب]

ده شكل الجبنية القديمة اللي بنعمل بيها المفروكة



اما المش
فهو السائل اللي الجبنة بتكون موجودة فيه
يشبه اللبن في القوام تقريبا وهو اصلا بيكون عبارة عن لبن وملح وفلفل شطة وقشر يوسفي وعصفر ومورتة (اللي هي الجزء المالح اللي بيتبقى من السمن البلدي لما نسيحه )
والمش والجبنة دي بيكونوا محفوظين لفترات طويلة في بلاص (وعاء من الفخار) ممكن تقعد سنة او اكتر وكل ما تقعد اكتر المش بتاعها يكون اجمل ... انا جوعت

[فراق84]

تسلم ايدك يا عتوبة على الشرح
بس دخنا فعلا
اوعي تطلبي من ابتسامة تشرح...هههههههههههههههههه

[رؤيه]

اهلا عتاب منوره القسم
مش وبتاو انتى عاوزه تجوعينا يا عتاب القسم ده معمول للبروتينات يعنى لحمه وسمك
متجيش هنا تانى الا لو معاكى اكل بجد
الا يعنى ايه بتاو ؟

شكرا على الموضوع منتظرين ابداعاتك وباقى العضوات
دمتى بخير

[عتاب]

المشاركة الأصلية بواسطة فارس اصيل

قلت اخبط وادخل واشوف فيه ايه
ايه ده انا كنت جعان مافطرتش قلت اجى ازوركم يمكن الاقى لقمه
لقيتكم مش عارفين البتاو

امرنا لله اروح جعان

اهلا فارس
اوعى تكون انت كمان مش عارف البتاو
انا اعرف انك صعيدي برده
يعني اكيد تعرفه والا ايه