السلام عليكم ورحمة الله وبركاته
بصراحة انا عايزة اعرض عليكم مشكلتي وتقولولي اعمل فيها ايه لاني بصراحة بثق في ردكم
وتفهمكم لمحتويات الامور بالاضافة لتجاربكم وخبرتكم في الحياة العلمية .
انا جالي شغل عن طريق قريب ليه في شركة بتشتغل في مجال السيارات ولسه فاتحة جديد
قبل ماروح كنت سعيدة وفرحانة لاني هفتح صفحة جديدة مع نفسي وجوايا طاقة عايزة
اخرجها لاني تقريبا من غير شغل
بقالي سنة وروحت ولاقيت الدنيا هناك كويسة بس حسيت اني غريبة حتي البنات اللي كانوا
معايا كانت واحده منهم تقريبا متجاهلاني وانا محبتش افرض نفسي عليها وكنت حاسة اني
مش مركزة وتايهة ويجي مثلا شخص يسالني عن شخص تاني اقوله "معرفش"،"مفتكرش"
انا مش عارفة هل انا انا انفع في الشغل ولا لا انا بطبعي هادية انطوائية قليلا بتهز من اي كلمة
تتقالي انا ساعات بشعر اني عايزة اكون كده في القالب اللي حطيت نفسي فيه البيت والجيم
وبس تاه مني طموحي وحماسي بالشغل اول ماتخرجت والسبب مجهول حاسة ان مستقبلي
وحياتي اللي جاية كانها طفل رضيع وبخنقه وبموته بدل ماربيه واكبره ومش عارفة اخد قرار بين
نارين وخايفة اتبطر علي نعمة ربنا وهنا في البيت مش قادرين يفهموني وعلي فكرة ده مش اول
مرة يحصل معايا الموضوع ده ان حد يجبلي شغل ومن اول يوم احس اني عايزة ارجع تاني للبيت
الشغل الوحيد اللي استريحت فيه كانت فيه واحدة صاحبتي من زمان شغالة معايا بس للاسف
المكان اللي بنشتغل فيه صفي ومن ساعتها ومش عارفة اثبت في شغلانة لحد الان والهي
ياجماعة انا فعلا عايزة اشتغل بس بخاف من الاجتماعيات يعني حاجة كده اسمها "الرهاب
الاجتماعي "
انا محتارة قولولي اعمل ايه وشكرا لسعه صدركم
مواضيع مشابهة 
النمط الخطي
