البقــرة الحلــوب

[amr_miza]

حكاية البقرة الحلوب

*****

كان يامكان كان فيه زمان قبيلة من القبائل ورثت بقرة حلوب حليبها يكفى أفراد القبيلة ويفيض كمان ..

ومن أجل تنظيم عملية الحليب فقد اتفقوا فيما بينهم أن تتبادل أسر القبيلة عملية الحلب وتوزيع الحليب واختاروا إحدى الأسر لتبدأ هذه العملية ولكن حليب البقرة الوفير أصاب هذه الأسرة بالطمع فأخفوا أربعة أخماسه ولم يعطوا باقى القبيلة إلا الخمس وشاركوهم فى الخمس

ولأن باقى اسر القبيلة جاهلة بالأنتاج الحقيقى لحليب البقرة ولأنهم ناس طيبين بيرضوا بالقليل فاستمروا على هذه الحال حتى إقترب موعد إنتهاء المدة

ولكن هذه الأسرة بيتت النية على عدم ترك البقرة لأحد غيرها فبدأوا فى خطة شيطانية فاستمالوا إليهم كل إبن عاق أو لص أو بلطجى من أبناء القبيلة وزودوا له الحليب ماهو الخير كتير ووفير.
وكسبوا ولاء هؤلاء الموالين وعند إنتهاء المدة لم يتخلوا عن البقرة وقالوا للقبيلة
حانعمل إنتخابات والا إنتم عايزين تزعلوا الثور الكبير ذو الخوار والزفير اللى قاعد فى الجزيرة الكبيرة وبيراقب كل صغيرة وكبيرة؟

وقامت الانتخابات فسمح فقط للموالين أما المعارضين فمنعوا من الوصول للصناديق وطبعا النتيجة معروفة ظلت تلك الأسرة ممسكة بالضرع وزادت من الحلب وظلت نسبة التوزيع كما هى الأربعة أخماس للأسرة والخمس لكل القبيلة وتشاركهم أيضا فى الخمس تلك الأسرة اللعينة

وما ضمته إليها من هلّيبة ونهيبة بدعوى إنهم مسؤولين عن حماية البقرة والدفاع عن أمنها والقبض على أى جرئ من القبيلة تسول له نفسه إزعاجها أو الإقتراب منها لمراقبة حليبها .. وشيئاً فشيئاً إزداد أهل القبيلة فقر .. وأستمرت هذه الأسرة فى الحلب وعند موعد التغيير يتكرر اللى حصل حتى فقد أهل القبيلة الأمل بعد أن رأوا كبير الأسرة يعد وريثه لخلافته .

واستسلم أهل القبيلة لقدرهم المحتوم , وفى يوم حزين اكتشفت الأسرة أن ضرع البقرة بدأ ينضب من الحليب . وفكروا سريعا هل يتركوا البقرة ويرحلون ؟ لكن صعب عليهم ترك البقرة وهى على قيد الحياة ..

فتفق ذهنهم على الاسعانة بواحد لئيم لكنه كان عند الأسرة غالى فقال لهم إحنا نبيع البقرة على مراحل ونقول للقبيلة إن دى الوسيلة الوحيدة لإصلاح أحوالهم المتردية .. وإن ده اللى حاينقذهم من الأهوال الآتية وصدقت القبيلة .

فعرض الرأس للبيع ثم القرون والودان , ثم الكلية والطحال , ثم اللحم والكبد , وأخيراً العظم والجلد , ومع كل هذا البيع لم يشعر أهل القبيلة بأى تحسن , لأن نسبة التوزيع الظالمة زى ما هيه, ولكن الخبير المالى قال لهم ان فيه تحسن بنسبة 7%

وعلشان يضحكوا على القبيلة ويبقوا شركاء معهم فى هذه البيعة قعدوا يدوروا ايه الشيء اللى لم يباع ومافيش حد عايز يشتريه .. لم يجدوا غير الحوافر والذيل فقالوا لهم حانملكم الحوافر والذيل ..


ونسيوا أن البقرة كلها قبل ما تتباع كانت ملك القبيله .. فهمتم الحكاية يا أهل القبيلة ؟؟؟

منقولة

[ابن الاسلام 2]

أفضل الدعاء*** الحمد لله

أسمح لواحد من القبيلة يتكلم

القبيلة أتعلمت طول تاريخ القبايل أنها تسكت

قبيلة مسالمه طيبه

يبيعوا البقرة تنكت وتضحك

يبيعوا الخيام عادي نجيب غيرها

لحد ماباعوا العيال

قبيلة طيبه طول عمرها تنباع بقرها وحليبها

وهي مستسلمه

ياعم أيش ياخد الريح من قلع البلاط

هي جت على البقرة

دول باعوة الطريق والكلية

والمرحله اللى جاية

واللى يبيع مايشتريش

وسلملى على البقرة

عمرو حركت شجن القلب بحكايتك المنقوله

الله يسامحك


وأفضل الذكر*** لا أله ألا الله

[alwathek]

الحمد لله يا عمرو انهم تصرفو في البقره والحليب
في اسر تانيه بقبائل تانيه باعو القبيله والارض
الي بتسكن عليها القبيله وممكن باعو العرض كمان
تحمد ربها القبيله هاي حالها احسن من غيرها

رائع النقل يا عمرو

[omarr]

عمرو


قصه جميله يارب اهل القبيله يفهموا , ويارب كمان البقر ..


تحياتى

[amr_miza]

المشاركة الأصلية بواسطة ابن الاسلام 2

واللى يبيع مايشتريش

وسلملى على البقرة

فعلا اللى يبيع ما يشتريش
والبقرة يا خسارة .. ياريتها موجودة كنت سلملتك عليها
ممكن اسلملك على القبيلة
لسه فيه بقايا ..


شكرا ابن الاسلام لمرورك الكريم

[سامح الطيري]

وعلشان يضحكوا على القبيلة ويبقوا شركاء معهم فى هذه البيعة قعدوا يدوروا ايه الشيء اللى لم يباع ومافيش حد عايز يشتريه .. لم يجدوا غير الحوافر والذيل فقالوا لهم حانملكم الحوافر والذيل ..


الحمد الله انهم هيخدو الحوافر والذيل لان الاسر اللى حكمت القبيله قبل كده كانت واخده البقره والحليب والارض ومستعبده الناس

[جناب العمدة]

عمرو .. باشا

تسلم على النقل الجميل

انت بس زعلان ليه .. ما انت هينوبك صك بنصيبك فى الديل .

بس اياك ميطلعش صكوك فالصو والحوافر والديل صورة لما تم بيعة .

[maryam]

المشاركة الأصلية بواسطة amr_miza1

[color="Navy"]



ونسيوا أن البقرة كلها قبل ما تتباع كانت ملك القبيله .. فهمتم الحكاية يا أهل القبيلة ؟؟؟

المشكله انهم عارفين وفهمين
بس في حد فيهم بيتحرك
كلهم رضين او مستسلمين
وكمان خضعين
ويلا اهو العيد قرب كويس هيلاقو حاجه
شكرا عمرو علي القصة

[m-kamal]

عمرو
ألحق أستخبى
أمن القبيله بيدور عليك
عمار يا ....

[zieki]

يارب نفهم كلنا

[amr_miza]

المشاركة الأصلية بواسطة alwathek

الحمد لله يا عمرو انهم تصرفو في البقره والحليب
في اسر تانيه بقبائل تانيه باعو القبيله والارض
الي بتسكن عليها القبيله وممكن باعو العرض كمان
تحمد ربها القبيله هاي حالها احسن من غيرها

رائع النقل يا عمرو

اهلا بالواثق ..
بصراحة مش فارق كبير بين اللى باع البقرة والحليب .. واللى باع القبيلة نفسها
فى النهاية هى أطماع من تملكوا حكم القبيلة فى خير القبيلة

اشكرك اخى الواثق لمرورك الجميل

[amr_miza]

المشاركة الأصلية بواسطة omarr

عمرو


قصه جميله يارب اهل القبيله يفهموا , ويارب كمان البقر ..


تحياتى

عمر ..

الفرق بسيط جدا .. البقر ممكن يرفس اذا حس باستحلابه .. او بابتزازه ..
لكن اهل القبيل بيحسوا ومش بيرفسوا وبالعكس مبسوطين

اعتذر للتشبيه ..

شكرا عمر

[amr_miza]

المشاركة الأصلية بواسطة دمعةحزن

وعلشان يضحكوا على القبيلة ويبقوا شركاء معهم فى هذه البيعة قعدوا يدوروا ايه الشيء اللى لم يباع ومافيش حد عايز يشتريه .. لم يجدوا غير الحوافر والذيل فقالوا لهم حانملكم الحوافر والذيل ..


الحمد الله انهم هيخدو الحوافر والذيل لان الاسر اللى حكمت القبيله قبل كده كانت واخده البقره والحليب والارض ومستعبده الناس

بالتأكيد ..
ومفيش نية للبكاء على شيء
والمشكلة ان كله المفروض أخد اللى يكفيه ويفيض ..
لكن هتعمل ايه .. مولد وصاحبه وغايب ..
او بقرة واصحابها مش هنا

شكرا ليك

[amr_miza]

المشاركة الأصلية بواسطة جناب العمدة

عمرو .. باشا

تسلم على النقل الجميل

انت بس زعلان ليه .. ما انت هينوبك صك بنصيبك فى الديل .

بس اياك ميطلعش صكوك فالصو والحوافر والديل صورة لما تم بيعة .

جناب العمدة ..

ديل ايه بس .. انا كنت عاوز حتة من الموزة .. او بيت اللوح حتى
اللا بيت اللوح دى فين
يالا الحمد لله .. اهو العيد جاى ان شاء الله وهنتفرج عليها

تسلملى يا عمدة

[ابتسامة الحياة]

البقرة اتباعت والقبيلة معاها كمان
وماحدش فاهم حاجة
وحتى اللى فاهم مسيره مش هايفه
شكرا لنقلك يا عمرو