نكت في نكت في نكت

شكولاته · 03-11-2002, 01:19 PM

ازيكوا اضحكوا معايا شويا

هي صحيح نكت قديمة شويا لكن متكسفونش واضحكو(lh1)

س/ايه هو الحيوان الاخضر الصغير الي بياكل الزلط؟
ج/هو ابن الحيوان الاخضر الكبير الي بياكل الزلط

س/ايه هو عكس كلمة كونكريت؟

ج/لا تكن كريت

س/ايه هو عكس كلمة تلميذات؟

ج/don't tell me taht

س/ليه الثعلب تخين؟

ج/عشان الثعلب fat fat

س/حاجة ماشية على الارض وبتعمل ززززز ايه هي؟

ج/صرصار راكب موتسكيل

س/طيب ناس دخلوا شقة عرفوا انه فيها صراصير.. عرفوا ازاي؟

ج/لقوا الموتسكيلات راكنة جنب البلاعة

س/تعرفي تقولي فرقين بين الليمون والزيتون؟

ج/1-فيه ليمونادة ومافيش زيتونادة

2-تقدري تقولي الناس لاموني لكن ماتقدريش تقولي الناس زاتوني

س/طيب تعرفي 4 فروق بين البطة والوزة؟

ج/1-فيه رحالة اسمه ابن بطوطة لكن مافيش رحاله اسمه ابن وزوزة

2-تقدر تبلبطي في البحر لكن ماتقدريش تبلوزي فيه

3-كلنا تنغطى في البرد ببطانية لكن ما نقدرش نتغطى بوزانية

4-الوزة كانت زمان بطة لكن الشيطان وزها

س/طيب تعرفي تقولي 5 فروق بين الفيل والنملة؟

ج/1-رجل الفيل ممكن تنمل لكن رجل النملة مش ممكن تفيل

2-البيت ممكن يبقى فيه نملية لكن مش ممكن يبقى فيه فيلية

3-تقدري تاكلي سمك فيليه لكن مش ممكن تاكلي سمك نملية

4-كل واحد له بروفيل لكن مالوش برونملة

5-you can feel but u can't namlah

س/ايه الفرق بين الفيل والبرغوث؟

ج/الفيل ممكن يتملى براغيث لكن البرغوث مش ممكن يتملى فيلة

س/ايه عكس زمان؟

ج/the woman

س/ليه الكتكوت مابيعرفش يكذب على الفرخة؟

ج/لانها فاقساه

س/ليه القطار بيوقف عند المحطة؟

ج/ عشان مابيعرفش يقعد

س/طيب وليه مشي بعد كده؟

ج/عشان زهق بعد كده

س/طيب بيضة وقعت من الطيارة وماتكسرتش ..تفتكري ليش؟

ج/ ربنا ستر

س/طب بيضة وقعت من البرج وماتكسرتش .. ليش؟

ج/وقعت على الناحية المغسولة بمعجون الاسنان كرست

س/ازاي نحط زرافة في الثلاجة على 3 خطوات؟

ج/نفتح الثلاجة-نحط الزرافة-نقفل الثلاجة

س/طب ازاي نحط فيل في الثلاجة على 4 خطوات؟

ج/نفتح الثلاجة-نشيل الزرافة- نحط الفيل-نقفل الثلاجة

س/طيب في طيارة شايلة اجهزة كهربائية وحصل فيها عطل ولازم نرمي اتقل جهاز .. نرمي ايه؟

ج/نرمي الثلاجة عشان فيها الفيل

س/واحد بيعوم فجأة مات ليه؟

ج/الثلاجة الي فيها الفيل وقعت علي

صيحو · 03-11-2002, 01:52 PM

حلوه يا شمشونه
مش قديمه ولا حاجه يا ست شماشيمو

بس برده شكرا والله الناس فى النت كافى كانو بيبصو عليا من كتير ما انا بضحك

Aboura · 03-11-2002, 02:02 PM

جميلة يا شمشونة

شكرا على هذا الوقت من السعادة

تحياتي)|f(|

مايــاااا · 03-11-2002, 10:00 PM

ههههههههههههههههههههههههههههههههههههه

تسلمى شيمى والله كلهم حلوين وبالذاات علشان منك
انا عجبتنى اوى دى :

س/ليه الثعلب تخين؟

ج/عشان الثعلب fat fat

ههههههههههههههههههههههههه

منتظرينك معاناا تانى فى منتدى النكت والالغاز نورتيناا واسعدتيناا

شكولاته · 03-11-2002, 10:52 PM

صيحو

عبورة

مايااا

شكرا ليكم جميعا وانا سعيدة علشان رسمت الضحكة علي وجهكم

ربنا يخليكوا

تحياتي

R@nyyyy · 05-11-2002, 03:30 PM

شومو ....بجد نورتينا

س/ايه هو عكس كلمة تلميذات؟

ج/don't tell me taht

س/ليه الثعلب تخين؟

ج/عشان الثعلب fat fat

هههههههههههه حلوين اوي

viga · 05-11-2002, 04:28 PM

جميله جدا يا اخت شيكولاته هيا فعلا فيها حاجات قديمة لكن فيها حاجات اكتر جديدة واهم شىء تجميع مثل هذا الكم معا
شكرا لكى مرة اخرى وارجو منك المزيد

شكولاته · 07-11-2002, 01:25 PM

روني

وليد القناوي

الحمد لله ان النكت عجبيتكو وبجد هجمع مجموعه تانية

تحياتي:by::

viga · 09-11-2002, 04:27 AM

بيقولك مرة واحد.............................................. .................................................. ............
ايه رأيكم

شكولاته · 12-11-2002, 10:17 AM

بيقولو مرة واحد ظريف بقي ظرافة (cap1) (cap1)

ههههههههههههههه

تجنن مش كدة

لا بايخة ياوليد يعني واحد.....................

viga · 17-11-2002, 03:05 AM

:ao:
حلوه بس مقلتش الزرافة دى رقبتها قد ايه(KRKR)

شكولاته · 20-11-2002, 09:49 PM

يعني ممكن تكون رقبتها

مش عارفة اصل مش معايا متر علشان اقيسها
تحياتي وليد

فله · 21-11-2002, 07:59 PM

نكت مضحكه بجد :ac: :ac: :ac: شكولاته تسلمي حبيبتي على النكت دي مستنيه المزيد ..

تحياتي

SCORPION · 23-11-2002, 03:42 PM

تسلم ايديكي على الحاجات الحلوة دي
بصراحه تجنن

شكولاته · 23-11-2002, 09:03 PM

تسلمي لي فله

SCORPION علشان تعرف اني دمي خفيف

تحياتي

خيارات الموضوع
عرض نسخة للطّباعة ارسل هذه الصفحة لصديق
طريقة العرض	قيّم هذا الموضوع
النمط الخطي التحويل إلى النمط الشجري التحويل إلى النمط المتطوّر	قيّم هذا الموضوع: