قهوة المخربشين

[maysam]

صباح الخير يلي في القهوة

مش عارفة ليه الرجالة دايما نازلين زعيق

يمكن بيطبقوا المثل ( اغلبوهم بالصوت)(kick)

بس انا عجبني كلام ورد
وخصوصا ما يتعلق بقرطاس الجوافة

انت بتجيب المصطلحات هاي منين يا ورد؟؟(((D)))
بس معك حق في اللي قلته

فين القهوة الللي من غير سكر :a1: :a1:

عبورتي انتي عاملة اللازم وزيادة وانا قلبي معاكي

[Aboura]

تعالوا بقى نناقش موضوع تاني


بصراحه ورد فتح نفسي


ايه رأيكم يا رواد قهوة المخربشين في الستات اللي بيلبسوا ايشاربات خفيفة على راسهم وشعرهم بيبقى باين


وبعدين يلبسوا عادي جدا جينز ضيق وتنانير قصيرة مش ماكسي وهكذ ا ....ولما تكلمهم يقولولك احنا محجبات


هل فعلا ده صح وخلاص ......ونص العما ولا العما كله ؟


عايزه رأيكم بصراحة


ميسومتي حبيبتي ......عاجبك كده القهوة الفاضية دي؟


مش لاقية ناس كتير ولا صوت زهر الطاولة ......ولا كركرة الشيشة


الظاهر الرجالة خايفين يدخلوا علشان انا وانتي وبنت فلسطين هنا


شجااااااااااااااااااااااااااااااااااااااعة ...........وعنترية فوق المستحيلة


ادخلوا ماتخافوش خلاص عفونا عنكم

[ward]

طيب انا عايز ردكم بس هو فى حد يشرب قهوه فى الصيام هى ما بتفطرشى والا ايه
عموما شوفى ميسم قرطاس الجوافه دى جايه من الست ام ترتر اللى قعده على ناصيه الحارة بتاعتنا
لا بجد من الدنيا يا ميسم اللى يعيش يا ما يشوف ويا ما يتعلم
فى ايه عبير
هتطيرى ورك دكر البط اللى الواحد عامل بيه دماغ على الفطار
محجبه ايه ياماما
ده تحجيبة ام الللىلى تعرفيها:::

[ward]

طيب انا عايز ردكم بس هو فى حد يشرب قهوه فى الصيام هى ما بتفطرشى والا ايه
عموما شوفى ميسم قرطاس الجوافه دى جايه من الست ام ترتر اللى قعده على ناصيه الحارة بتاعتنا
لا بجد من الدنيا يا ميسم اللى يعيش يا ما يشوف ويا ما يتعلم
فى ايه عبير
هتطيرى ورك دكر البط اللى الواحد عامل بيه دماغ على الفطار
محجبه ايه ياماما
ده تحجيبة ام الللىلى تعرفيها:::

[يوسف المصرى]

أهلالً برودا القهوة الكرام

ايه اخبار المشاريب ..... يا رب تكون عاجباكم .

فى ايه يا عبير قهوة ايه اللى فاضية .... ليه الإشعات المغرضة دى .... القهوة مليانة ناس حلوة والحال عال العال .

معليش يا عبير هرد على ورد الأول وبعدين هرد على عليكى على طول
ــــــــــــــــــــــــــ

يا عم ورد مالك مضايق ليه ( دع الخلق للخالق ) وعلىرأى اخونا اللى بيقولوا خليك مودرن ( البنت زى الولد مهياش كمالة عدد )

فى رأيى ان الموضوع ده بيرجع لسببن
1- ان المرأة بتبحث عن المساواة مع الرجل ولا يكفيها انها اقتحمت مجال العمل ونافسته فيها ( وفى حالات تفوفت عليه ) بل انها بتبحث عن المساواة فى الحياة العامة والهوايات الرجالية .

2- انها زى معبير قالت مجرد تقليد اعمى للنساء الأخريات والغربيات بوجة الخصوص .

لكن انا عندى سؤال .... ليه بنحاكم الست على انها دخنت سجاير او شيشة ومش بنحاكم الراجل على نفس الشئ ؟

ـــــــــــــــــــــــــــــــ

نيجى لموضوعك يا عبير

فى مثل بيقول ( اللى اختشوا ماتوا )

اصل المثل ده ان زمان كان فى حمام ستات ( يقال ان كان مكانه فى حمام التلات فى القاهرة ) الحمام ده النار مسكت فيه طبعاً الستات خرجت تجرى على الشارع عرايا وفى مجموعة من الستات مخرجوش لأنهم مش كانو عايزين يتكشفوا على حد غريب وهن عرايا فماتوا فطلعت عليهم اللى اختشوا ماتوا .

طبعاً كلامهم غلط وهتلاقى اللى بتقول ( ده مش حجاب ده امجرد احتشام ) ... ده سوى هبل وعبط وكلام ناس مش فاهمه دينها كويس .
ـــــــــــــــ

احمد ابو الدهب ..... عبير بتقول انكوا اتصلحتوا وانك انضميت للحزب النسائى واخدت لقب فارس وانك كنت عضو مندس علينا وانك كنت عميل من الأول جندتك ( انا حاى اهدى النفوس مش قصدى أى حاجة تانية ) ايه تعقيبك ؟

[ward]

هههههههههههههه
ايو حجاج صباح الفل
ايه ياعم هو الفطار كبس على نفسك
يا جدع ده من صفات الانثى الرقه هل التدخين يعطيك انطباع ان المراه التى امامك تتمتع باى نوع من انواع الرقه لن اقول لك حرام والا حلال

[النسر الذهبى]

بسم الله الرحمن الرحيم


اولا احييك يوسف على هذه الفكره الرائعة

واحى ايضاء عبووورة

اللى بجد تنفع معلم للقهوة

ومعلش الواد ورد هوه الصبى بتاع القهووة

وانته يا لونلى فين دورك فى القصة دى كلها

عموما انا عاوز شيشه بس كتر الفحم يا ورد

عموما موضوع جميل
وان شاء الله اكون معاكم

فى منقشاتكم الجميله دى

تحياتى
النسر الذهبى::hi;

[يوسف المصرى]

اهلاً بنسرنا الغالى

نورت القهوة واصحاب القهوة

احلى شيشة عندك ...... بس خليها بعد الفطار .....

على فكرة الفحم الكتير يخليها حامية على صدرك

[شكولاته]

بنمسي احلا التماسي

واوعوا تقولو اني ناسي

حضرو لي شيشة واربع كراسي

لغايه ما اجي بعد الفطار

اوعوا تنسوا

[النسر الذهبى]

عاوز كوباية سحلب


وعلبة سجاير


وهاتو لى الباقى

ولا هنا فيه طناش على الباقى اهاااااااااا


)|f(| )|f(| )|f(| )|f(| )|f(| )|f(| )|f(| )|f(| )|f(| )|f(| )|f(| )|f(|

[يوسف المصرى]

أهلاً بيكى يا شوكلاته فى القهوة نورتينا

حاضر يا نسر هبعتلك كوباية السحلب وعلبة السجاير وبقيت النص جنية

أزيكم يا بشر.... الأحوال هادئة على غير العادة

المهم عايز اناقش موضوع مهم جداً معاكم

و هو العلاقات الإجتماعية بين سكان العمارة الواحد وبين سكان الشارع الواحد

اقول ليكوا انا اقصد ايه

فى سكنى القديم كنت اعرف سكان العمارة كلهم وسكان الشارع وكان اولادهم اصحابى كنا شلة واحدة كبيييرة بنلعب مع بعض فى الصيف وبنروح لمدرسة واحدة فى الشتا

لكن فى سكنى الحالى اقدر اقول ليكوا انه بعد اكتر من 15 سنة فى سكنى الحالى مش اعرفمن 26 غير سكان 3 او 4 شقق فى عمارتى بقابل ناس اول مره اشوفهم فى الاسنسير ولا هم بيعرفونى .

راحت فين العلاقات الاجتماعية بين الناس ؟

ايه اسباب اختفائها ؟

وازاى نقدر نرجعها تانى ؟

[شكولاته]

صباح الخير عليكوا

شكرا يايوسف دة نورك ونور اللمبات الكتير ايلي انت حططها علي باب القهوة

العلاقات الاجتماعية بين الناس راحت مشوار ومش راجعة سكة ايلي يروح ميرجعش يعني

دلوقتي في حاجات كتير بتشغل الناس والدنيا بقت زحمة ومن كتر الضوضاء والزحمة الناس عقلهم

مباش مستحمل وكل بيت مشاكله بقت كتير صحيح ذمان كان في مشاكل بس كانوا الكل بيقف جنب بعضة

لكن دلوقتي كل واحد بيقول يالا نفسي

علي فكرة يايوسف العلاقات الاجتماعية بين الناس لسة متربطة في المناطق الشعبية والكل يعرف بعضة

والله انا مش عارفة اقول ايه لاني معرفش كويس قيمة العلاقات الاجتماعية لاني يمكن معرفش في المدينة والعمارة بتاعتي غير اصحاب الشقة ايلي جنبي وبشوفهم كمان صدفة

تحياتي انا هنتظر باقي الواردين علي القهوة وردودهم

شكرا
(lh)

[النسر الذهبى]

هات الباقلى ياعم انته بتثبتنى


ماشى بعد الفطار ياعم يوسف

اجى واجوب على كلامك

وااشرب حلبه

[يوسف المصرى]

فى ايه بس يا نسر

دى خامس مرة ارجعلك الباقى

ده مكنش 50 قرش عمى

ما هو على رأى المثل - ان غاب القط العب يا فار

كل ده علشان عبورة مش موجودة

بكرة ترجع والفلكة ترجع تشتغل تانى

[شكولاته]

احلا مسا علي الناس الكويسة

ازيكوا عاملين اية هي القهوة بقت بتنش من بعد عبورة
وبعدين فين الطالبات بتاعتي بقالي يومين طالباها