حاتوحشوني جدا ...........اوعوا تنسوا عبورة

[Aboura]

اخوتي الاحباء كل عيلة منتدى ابن مصر


بصراحة انا مقصرة جدا في التعبد في شهر رمضان


وعلشان كده قررت الاعتكاف باقي الشهر حتى احاول التزود من بركة هذا الشهر الفضيل


وحتى ازيد من حسناتي عند الله


حاتوحشوني جدا وشكرا ليكم على كل هذا الحب والمشاعر الصادقة الدافية


اذا كنت زعلت حد يسامحني


حنين ماتزعليش مني على الموقف اللي حصل اول ماجيت المنتدى


بصراحة اصلي مش باتحمل حد يجيب سيرة الرئيس حسني مبارك باي سوء


عندي قناعه قوية بيه وبأهميته لينا وباحترمه بشكل كبير وذكرت ليكم اسباب التقدير ليه قبل كده


حنونه الاختلاف في الرأي لا يفسد للود قضية وانتي فعلا اكتر واحدة قريبة الى قلبي وباحبك جدا


نوران محسن : انا بحبك كأنك بنتي ماتزعليش اذا كنت شديت ودنك شوية ده كان لمصلحتك


النسر الذهبي : ماتزعلشي اني كررت كلامي باني زعلانه منك معلش ده كان حق ليا وباحاول اثباته - سامحني

شاعر شاب : باكرر اعتذاري ليك ماتزعلشي مني - انا كنت زعلانه من جملة انت كتبتها في نقدك للدكتور لونلي

وعلى هذا الأساس رديت عليك - سامحني اذا كنت زودتها شوية - ده والله بيبقى من احساسي انكم اخواتي واهلي


وبكده حامشي وماحدش زعلان وباقول لكم ادعولي وخصوصا لحظة الافطار وفي ليلة القدر


انا دايما بادعي لنفسي واقول يارب اسعدني في الدنيا وفي قبري وفي الآخرة

ياريت تدعولي بكده .........حقيقي محتاجة لدعواتكم قوي انا عمري مافرحت وقلبي فيه حزن الدنيا كلها


ادعولي .....السلام عليكم واستودعكم الله الذي لا تضيع ودائعه

[R@nyyyy]

عبورة ...:( :( :(

والله مش عارفة اقولك اية


كلامك صح وتفكيرك صح ...لكن هتوحشينا (lh1)


عبـــورة بجد انتي نورتينا ونورتنا مواضيعك وردودك وذوقك

لكن بردة لازم الانسان يزكر ربنا على طول (y)

عبورة انتي هتمشي على طول ولا راجعة تاني ؟؟؟(y)


عبورة هتوحشينا ...:(

تحياتي :girle:

[راجل عجوز وشقى]

بسم الله الرحمن الرحيم .... الأبنة الغالية قوى مثل أبنتى ( رحمة ) سوف تتركى بيت الحوار لتعتكفى فى بيت الله ..تتركى حديث العباد لتناجى رب العباد ...أذهبى يا أبنتى والله معك يوفقنا ويوفقك .. يهدينا ويهديكى .. يتقبل منا ومنك صالح الأعمال ...ولكن حقك على أن أذكرك إن نسيتى ...أبنتى طلبتى من الأخوة والأخوات أن يسامحوكى ؟؟ فهل سامحتينا أنتى ؟... سامحينا يا أبنتى وكان الله معك ......... عمو العجوز

[حنين]

ربنا يوفقك يا عبير ونشوفك بعد العيد .. ان شاء الله

وانا مش بدخل الا اقل من ساعة كل يوم الا بسبب رمضان واكسب فيه حسنات كتير

ربنا يخليكي يا حبيبتي وترجعي لنا بالسلامة

وبالنسبة للموقف القددددددديم انتي عارف انه حنين تنسى بسرعة وقلبها طيب .. والموضوع انا ناسياه من زمان وانتي عارفة كدة ..

وربنا يكون بعونك ويعتق رقبتك ورقابنا كلنا من النار ان شاء الله ..

حتوحشيني عبير :(

تحياتي

[شكولاته]

عبورة هتوحشينا قوي قوي

مش هقرا منكفات تاني ولا ايه

انا كنت بحب ردودك ومواضيعك قوي

لازم تيجي تاني انشاء الله بع رمضان

ربنا يسعدك ويبعد الحزن عنك

اغلي دعواتي وارق تحياتي

شيماء شكولاتة انا مش هنساكي متنسينيش

[مايــاااا]

عبوورى

هاتوحشيناا باقى الشهر ده ومنتظرينك بعد العيد وربناا يتقبل منك صالح الاعمال

ربنا يسعدك ويجعل كل اياامك وقلبك فرح وهاندعيلك ان شااء الله وربناا يتقبل من الجميع

حقيقى انتى اجمل بسمه على المنتدى لحوااء منتظرينكككك
اوعى تتأخرى عليناا من فضلك عبير

لا اله الا الله

[ghareeb]

قدوة للجميع حتى في العلاقة مع الله
سنحاول ان نجتهد مثلك عبير
ودعائى لك أن يفض الله سبحانه وتعالى على قلبك بردا وسلاما ورحمة فيمتلئ بالاطمئنان والسعادة وتذوب احزانه ليحل محلها السعادة والفرح انه هو الرحمن الرحيم.
بارك الله فيكي عبير وجعلك دائما مثالاً رائعاً للمرأة الملتزمة المتزنة المتدينة
وتقبل الله
محيي الدين اسماعيل

[ابن مصر]

يا بختك يا اختى الكريمه ... بصراحه انتى فى موقف يحسد عليه
واحد زيي عنده مذاكره و عنده مشاغل و مسؤليات و ثانويه عامه و اولاد

و على فكره انا حبيت اوضح نقطه للاعضاء و هى حاجه حصلت ليا فى الحرم المكى ... و هو موقف غريب جدا
حصل و ان رايح عمره الصيف الى فات .. ان الاخت عبير وصتنى انى ادعيلها .. هيا و واحد صاحبى كمان
فطبعا لما كنت هناك كنت حافظ دعاوى كتيره كنت بقولها على الميتين و كده
فوانا فى الحرم افتكرت الناس الى وصتنى انى ادعيلها ... دعيت لصاحبى ده شويه دعاوى على خفيف كده ... و وانا بدعى للاخت عبير حصل حاجه غريبه جدا و هى انى قولت كل الدعاوى الى انا عارفها!... يعنى سبحان الله ليه مدعيتش الدعاوى دى لصاحبى الى فى الاول؟و الحاجه الغريبه اكتر هى ان ليا واحد صاحبى مسيحي صديقى جدا جدا .. حاولت ادعيله لكن للاسف معرفتش!ازاى انا شخصيا معرفش لكن الكلام مرضاش يطلع من قلبى و عبير عارفا الموضوع ده لكن الى حل كان دليل كبير على ان الاخت دى قريبه جدا من ربنا و طبعا المفاجأه هى ان بعد ما وصلت عرفت انها حجت اكتر من مره و بسأل صاحبى انت بتصلى قالى يعنى ساعات و ساعات!!

و سبحان الله

[ملك الغرام]

الله يتقبل منا ومنك الصيام والقيام وصالح الاعمال

الله يعينك ياعبير

وحقيقي هنفتقدك كتير

وان شاء الله ترجعي لنا بالسلامة

تحياتي لك

)|f(|)|f(|)|f(|

[النسر الذهبى]

)|f(| )|f(| عبوووووووووووووووورة)|f(| )|f(|


انتى محسسانى انك هتموتى

مش عارف ليه
والله يا بنتى انا مش زعلان منك ولعلمك انا لما بعرف ان حد زعلان منى بكون متنكد جدا
انا الحمد لله

رغم حاجات كتير دلوقتى انا فاضلى تسع اجزاء ونصف واختم القراءن قولو يارب



المهم ياعبير خلى بالك من نفسك وادعيلى فى صلاتك وانما كمان هدعيلك

هتوحشينا يا عبير والله
يارب ترجعى بالف مليون سلامه

تحياتى
اخوكى النسر الذهبى

[Lonely Doc]

رغم ان بعادك سيؤلمنا

ويترك فراغا من الصعب ملئوه

الا ان سبب الابتعاد يجعلنا نحس بالسعادة لك

ما اجمل ان يكون الانسان قريبا من ربه

وما اروع ان يتصالح مع نفسه ومع الاخرين

فى امان الله.....والمنتدى دائما فى انتظار الروح الحلوة والبسمة والجراة والصراحة و.....اشياء اخرى كثيرة

تحياتى ياعبورة والى لقاء

[يوسف المصرى]

والله هتوحشينا جداً يا عبير

ومش هلاقى حد اناكف معاه فى المنتدى

لكن لا أملك سوى الدعاء لكى بإن ربنا يتقبل منك كل اللى فى بالك ونيتك

ويا ريت تدعى ليا

[abu_eldahab]

في رعايه الله وحفظه يا عبوره هتوحشينا بجد (y) (y) (y)

اللهم تقبل صيامنا وصلاتنا و قيامنا وركوعنا وسجودا وصالح اعمالنا اللهم آمين يا رب العالمين

ان شاء الله رايح وراكي عبوره من بعد يوم عشرين ان شاء الله


تحياتي عبوره (y) (y) (y) (y)

[كوتوموتو]

ربنا يوفقك ويسعدك في الدنيا والاخرة يا عبورة


حتوحشينا

[maysam]

اهلا يا عبورة

حتوحشيني جدا يا عبير

بس قرار ك في محله


الله يوفقك ويعينك على اتمام واجباتك الدينية

وادعيلنا

منتظرينك معنا عبير

تحياتي لكي