انا رئيس مصر القادم

[pazoka]

بسم الله الرحمن الرحيم

عزيزى العضو ... عزيزتى العضوة .... اعزائى من يحملون دعائم هذا المنتدى

هذا الموضوع ليس للتسلية وانما هو فضفضة واحلام وامنيات .

هذا الموضوع للمشاركة من جميع اعضاء المنتدى.

الموضوع باختصار . ماذا لو انك رشحت نفسك لرئاسة دولتك ؟ ما هى مشاريعك ؟ وما هو برنامجك الانتخابى ؟ وبماذا تحلم لبلدك ؟

ليت كل عضو او عضوة فى المنتدى يتفضل بالمشاركة فى هذا الموضوع

المشاركة تفيد والفضفضة تريح والحلم مشروع

تفضل سيادة رئيس الدولة القادم

[ابو اسكندر]

اعذرني اخي الحبيب هذا الحلم غير مشروع بالمره

ولا حتي وانت نايم !!

[pazoka]

المشاركة الأصلية بواسطة ابو اسكندر

اعذرني اخي الحبيب هذا الحلم غير مشروع بالمره

ولا حتي وانت نايم !!

احبطتنى اكثر مما انا فية من احباط يا ابو اسكندر
حتى الحلم وانا نايم مستكثرة على مصرى مفروم ؟ ولما الحلم كمان يكون محرم اذا لم يبق سوى القبور ؟

رفقا عزيزى لم يبق لنا سوى الحلم ان تتغير الدنيا . والا لماذا تكتب هنا سوى ان تعبر عما يدور بداخلك من احلام وامانى ؟

[ابو الهرم]

صديقى الفاضل / ابو مروان
قبل قليل كنت اتصفح موقع جريدة المصرى اليوم وكان هناك خبر يقول ان بعض النشطاء اجتمعوا ليقدموا عريضة للمحكمة الدولية ضد مبارك والعادلى وزير الداخلية ثم انتقلت الى تعليق القراء على الخبر وجلست اضحك عاليا على هذا التعليق الذى انقله هنا للأسف فقد ذكرنى موضوعك به لذا اعتذر مقدما على نقله هنا ولكن لعلك تضحك مثلى وهذا ما ارجوه فبعض الغم مضحك
شوف يا سيدى المواصفات القياسية لرئيس الجمهورية :( التعليق )
سألتُ نفسي هل هناك صفاتٌ قياسية ينبغي أن تكون فيمن يُرشح لرئاسة الجمهورية ؟ فقد تولى رئاسة أمريكا محامي وممثل سينمائي ومزارع وتاجر فول سوداني !! ثم تتبعتُ صفات الرئيس حسني مبارك فوجدتُ أنه من الصعوبةِ أن تجدها مُجتمعة في شخصٍ واحدٍ ورأيتُ أبرز صفات الرئيس الإنسان أنه :أولاً : ضابطٌ قائدٌ يعرفُ طريقَ النجاح جيداًوكيف يسْلكُه ويختارُ معهُ أنسبَ المعاونين له ثانياً : طيارٌ مقاتلٌ يرى مِن فوق ما لا يراهُ مَن على الأرض ويُحدد الهدفَ بدقة ثالثاً : حكيمٌ رشيدٌ يتخذُ القرار المناسب في الوقتِ المناسب ويتصرفُ بحكمةٍ وحنكةٍ وخبرةٍ رابعاً : حريص ٌ لا ينفردُ بقراراتٍ إنفعاليةٍ أو عشوائيةٍ ولا يُـغامر ولكن يستشيرُ ويسألُ معاونيه خامساً : صريحٌ أمينٌ يُصارحُ شَعبهُ بالإخفاقاتِ والصعوباتِ قَبلَ الإنجازاتِ والنجاحاتِ بكلِ أمانةٍ سادساً : زوجٌ صالحٌ وأبٌ ناجحٌ أحسنَ إختيار الزوجةِ الفاضلةِ ونظَّم أسرته الصغيرة وربى إبنيه على مكارم الأخلاق فلم نسمع عنهُما أيَ زلاتٍ ولكن كلَ الخيرِ والنجاح سابعاً : فلاحٌ أصيلٌ لا يتجاهلُ قريتهُ التي تربى فيها ونسمعُ منهُ أحياناً كلماتٍ من عمق الريف كنا نسمعها من أجدادنا في القرية وصَعُبَ على المترجمين ترجمتُها ثامناً : مؤدبٌ و صبورٌ يصبرُ على تطاولاتِ معارضيه واتـهاماتِهم لمصر فلا يبطشُ بـهم ولا يردُ عليهم الشتائم ولكن يعفو ويصفحُ ويتسامحُ أخيراً:مختارٌ إختارهُ الساداتُ نائباً له ثم رئيساً ثم اختارهُ اللهُ بعد نجاته من محاولة الإغتيال بأديس أبابا1996 ثم اختارهُ الشعبُ عن رضا وقناعةٍ تامة بعد أن أتاح له ولأولِ مرة في تأريخه أن يختار رئيسه.... بالمناسبة الذى كتب هذا التعليق طبعا كتب اسمه ..... عميد متقاعد محمود حسن
يجوز عايز وزارة الدفاع اصله مخلص

[ابو اسكندر]

المشاركة الأصلية بواسطة pazoka

احبطتنى اكثر مما انا فية من احباط يا ابو اسكندر
حتى الحلم وانا نايم مستكثرة على مصرى مفروم ؟ ولما الحلم كمان يكون محرم اذا لم يبق سوى القبور ؟

رفقا عزيزى لم يبق لنا سوى الحلم ان تتغير الدنيا . والا لماذا تكتب هنا سوى ان تعبر عما يدور بداخلك من احلام وامانى ؟

ابو مروان ليس احباطا والله ولكنة واقع مرير الم تري مسرحية الانتخابات الاخيرة

كأن مصر عجزت ان تنجب رئيسا فقدمت ابو طربوش عمك احمد وكام واحد اهبل

معاه بالله عليك هي دي مصر !!! يا عزيزي النتيجة محتومة جمال الرئيس القادم

فلماذا الحلم اذا ؟؟

[ابو الهرم]

لن يكون هذا الوريث الميكى ماوس رئيسا لمصر .... ابدا ولو كان الثمن الحياة نفسها

[ابو اسكندر]

المشاركة الأصلية بواسطة ابو الهرم

لن يكون هذا الوريث الميكى ماوس رئيسا لمصر .... ابدا ولو كان الثمن الحياة نفسها

اخي الفاضل ابو الهرم ما اهون حياة الشعب المصري عند حكامة

وان وضعت في كفه حياة السبعين مليون فرد.......ورئاسة الميكي ماوس

لرجحت كافه الميكي وإن غدا لناظره قريب .

[pazoka]

انا حقيقى سعيد جدا بالمشاركات الجميلة دى وتحياتى لاعزائى ابو الهرم وابو اسكندر
ولكن فى حقيقة الامر لم اكن اقصد من وراء الموضوع مجرد الحلم او الامانى ولكنى كنت اقصد ان نضع بأيدينا الصفات والواجبات التى يجب ان يكون عليها رئيس الدولة القادم من خلال تخيلنا لانفسنا كرئيس دولة . والحلم هنا ان يأتى الرئيس الجديد بتلك الصفات والواجبات . بالطبع انا لم احلم ولم افكر يوما فى ان اكون رئيس مصر ليس لقصور فى شخصى ولكن من يدخل لعبة السياسة سوف يترك الكثير من مبادئة وقيمة واخلاقة خارج الباب .
فالدخول فى عالم الحكم مثل الدخول فى عالم السحر .
فلكى تكون ساحرا وتسخر الجان فمصوغ ذلك الكفر بالله سبحانة وتعالى
وكذلك دخول بوابة الحكم مصوغة الكفر بالمبادئ والاخلاق والايمان بالسياسة وانها لعبة قذرة تبيح كل شئ فى سبيل الحفاظ على الكرسى

[السيد شادى]

الرئيس اللي بنحلم بيه ...أكيد دي كانت حتبقي أفكاره وأفعاله

الشعب إختارني ..وعشان كده ..في أمانة تحتم عليا إني أقوم بالواجب تجاه الشعب ..الشعب اللي اختارني عشان أسعده مش عشان أسعد نفسي أبني مستقبلي ومستقبل أولادي .

الكرسي ده ..مش عشان أقعد وأنهب في خير البلد ...لا ..الكرسي ده عشان الشعب يقدر يعيش ويتمتع بخير بلده ..دي مش عزبة أبويا عشان أتمتع بيها لوحدي.

دي عزبة الشعب كله ..وأنا الغفير اللي لازم يحرسها ويرعاها مش ينهبها ويملى كرشه منها ..وأسيب الملايين عريانيين جعانيين .

لو ما إستعملتش السلطة والمنصب اللي أنا فيه من أجل الشعب ولخدمة الشعب ...تبقي دي خيانة ..إختلاس لحقوق الشعب .

لازم أكون زي الفدائي اللي بيضحي بنفسه من أجل اسعاد الاخرين، ليه هوه بيضحي بنفسه وهو عارف انه حيموت ؟؟ لانه إختار الطريق ده وإقتنع بيه.

مشي فيه عشان يسعد الآخرين ...عشان مستقبل الغير ...وضع حياته تمن لحياة الآخرين .

لازم أجعل من حياتي ودمي تمن لحياة وسعادة ومستقبل الشعب الغلبان المطحون

وبكده أكون حققت الهدف وحملت الرسالة ووصلت الامانة

(( إنا عرضنا الأمانة علي السموات والأرض والجبال ..فأبين أن يحملنها وأشفقن منها وحملها الإنسان ))
صدق الله العظيم

ياااااااااااااااااااااااااااااااه تخيلوا لو الريس بالشكل ده ..كان بأه ايه حالنا ؟
__________________
لا حول ولا قوة إلا بالله

لنا الله .............. والله غالب

[pazoka]

المشاركة الأصلية بواسطة السيد شادى

الرئيس اللي بنحلم بيه ...أكيد دي كانت حتبقي أفكاره وأفعاله

الشعب إختارني ..وعشان كده ..في أمانة تحتم عليا إني أقوم بالواجب تجاه الشعب ..الشعب اللي اختارني عشان أسعده مش عشان أسعد نفسي أبني مستقبلي ومستقبل أولادي .

الكرسي ده ..مش عشان أقعد وأنهب في خير البلد ...لا ..الكرسي ده عشان الشعب يقدر يعيش ويتمتع بخير بلده ..دي مش عزبة أبويا عشان أتمتع بيها لوحدي.

دي عزبة الشعب كله ..وأنا الغفير اللي لازم يحرسها ويرعاها مش ينهبها ويملى كرشه منها ..وأسيب الملايين عريانيين جعانيين .

لو ما إستعملتش السلطة والمنصب اللي أنا فيه من أجل الشعب ولخدمة الشعب ...تبقي دي خيانة ..إختلاس لحقوق الشعب .

لازم أكون زي الفدائي اللي بيضحي بنفسه من أجل اسعاد الاخرين، ليه هوه بيضحي بنفسه وهو عارف انه حيموت ؟؟ لانه إختار الطريق ده وإقتنع بيه.

مشي فيه عشان يسعد الآخرين ...عشان مستقبل الغير ...وضع حياته تمن لحياة الآخرين .

لازم أجعل من حياتي ودمي تمن لحياة وسعادة ومستقبل الشعب الغلبان المطحون

وبكده أكون حققت الهدف وحملت الرسالة ووصلت الامانة

(( إنا عرضنا الأمانة علي السموات والأرض والجبال ..فأبين أن يحملنها وأشفقن منها وحملها الإنسان ))
صدق الله العظيم

ياااااااااااااااااااااااااااااااه تخيلوا لو الريس بالشكل ده ..كان بأه ايه حالنا ؟
__________________
لا حول ولا قوة إلا بالله

لنا الله .............. والله غالب

هوه دة الكلام يا سى السيد ويا رب الحكام يسمعوة وينفذوة ويا ريت نرشح نفسنا كلنا للرئاسة بس هنا على صفحات المنتدى

( الكرسى دعانى رحت لبيت يا سى السيد بس الله يجازيها السوارس )

وسلملى على الست امينة ويجعلة عامر

[السيد شادى]

اقولك على حاجه يا ابو مروان
بس اوعى تزعل ............................
انت مخك مخروم يا على ( قصدى يا ابو مروان )

[pazoka]

المشاركة الأصلية بواسطة السيد شادى

اقولك على حاجه يا ابو مروان
بس اوعى تزعل ............................
انت مخك مخروم يا على ( قصدى يا ابو مروان )

الحمد لله انها جت على قد مخى مش حاجة تانية
ههههههههههههههههههههههههههههههههههههه

والله يسامحك يا عم مش هازعل منك وبعدين انت عايز بعد دة كلة مخى ما يتخرمش

[بلولة]

[b]["]بسم الله الرحيمن الرحيم[

Bاحنا تعبين نفسنا ليه والله مش لينا هذه المناصب حتي لو علي المنتدي احنا لنا الله العظيم وليه ندخل عش الدبابير واحنا كدة بنام بليل وبنحمد ربنا علي النعمة احنا عايزين الجنة وهم يسألون عنا يوم لا ينفع مالا ولا بنون الا من اتي الله بقلب سليم يكفينا قلوبنا ويحسن ان شاء الله خواتيم اعمالنا والحمد لله علي الصحة وراحة البال[/COLOR





]

COLOR="Blue"][/COLOR]بلولة

[pazoka]

المشاركة الأصلية بواسطة بلولة

[b]["]بسم الله الرحيمن الرحيم[

Bاحنا تعبين نفسنا ليه والله مش لينا هذه المناصب حتي لو علي المنتدي احنا لنا الله العظيم وليه ندخل عش الدبابير واحنا كدة بنام بليل وبنحمد ربنا علي النعمة احنا عايزين الجنة وهم يسألون عنا يوم لا ينفع مالا ولا بنون الا من اتي الله بقلب سليم يكفينا قلوبنا ويحسن ان شاء الله خواتيم اعمالنا والحمد لله علي الصحة وراحة البال[/COLOR





]

COLOR="Blue"][/color]بلولة

شكرا بلولة على الرد
بس الواضح ان ما حدش فى المنتدى استوعب الغرض من الموضوع

[ابو اسكندر]

يا ريس والله انا فهمت الغرض وفاهم قصدك وانا نزلت موضوع في احدي المنتديات من يمكن اكتر من

سنة

اسمة ماذا لو كنت رئيس والردود كلها جت بالأتي يا سيدي .....نقيم حدود الله, نحكم بالاسلام ,

نرجع الي ديننا الحنيف ,نطبق الشريعة وهكذا ....

وتلاقي اللي رد عليك بتاع الاسلام ده السيجارة في بقة ولا بيتفرج علي الدش ويمكن الاوروبي

كمان ....يا عم فكك وكبر دماغك مفيش فايده وعلي رايك يجعلة عامر