بقلب القصة قصة

[حد تانى]

بقلب القصة قصة
مشاعر جامدة و حاسة
البطلة مش أنتى
و لا كانت بطولتى
دة حكاية أحساس
أتولد يتيم صرخ
مالقاش حد يضمه
يحرره من ماشيمته
يختار له أسمه
أتفطم قبل
طعم اللبن
أتعرى ما عرف
معنى الفى
مشى و حبله
وراه يجره
يدور على حقيقته
لقاها بتضحك
أفتكرها أمه
قرب ضحكت أكتر
قرب أكتر
يمكن تلمحه
زى القطط تشمه
فتح لها دراعه
سكتت
أبتسم رجعت
بكى لما عرف
أنها بتضحك منه
و خافت سر يتمه
لما شافت ماشيمته
مشيت و بعدت
صرخ أنا هنا
مين سمع
مين دمع
عاش فى
الدنيا يدور
حبله وراه يجره
يمكن يكون
هو ده سره
و بأخر مدينته
خلصت حكايته
لا كنت أنا بطلها
و لا البطلة
كانت أنتى

[نور الليل]

قدلا تكون انت البطل
لكنك تخترق البطولة بسهام كلماتك الى قلوبنا

[أدهم]

قاتل لنا هو الاحساس لو اتولد فى غير محله
لو جانا فى غير زمانه فى غير مكانه
حد يقدر يقول حيحس إيه بكره ؟
طب حيحس إيه فين وإزاى ؟
ملطشة إحنا للإحساس
يتولد فينا ويمكن يموت
وإحنا فى الرجلين
معاه

[حد تانى]

المشاركة الأصلية بواسطة نور الليل

قدلا تكون انت البطل
لكنك تخترق البطولة بسهام كلماتك الى قلوبنا

وقد لا تكونى انتى البطلة
لاكن مالا شك فيه انك لديك جزء بكل قصةنور يحرك تلك المياه الراكدة
أحترامى

[حد تانى]

المشاركة الأصلية بواسطة أدهم

قاتل لنا هو الاحساس لو اتولد فى غير محله
لو جانا فى غير زمانه فى غير مكانه
حد يقدر يقول حيحس إيه بكره ؟
طب حيحس إيه فين وإزاى ؟
ملطشة إحنا للإحساس
يتولد فينا ويمكن يموت
وإحنا فى الرجلين
معاه

أدهم
و لما لا نستعد جيدا له أن أتى أمسكنا به أن وجدنا لديه رغبة للتمسك بنا
رغبة أخيرة بفعل أنسانى
مودتى