من أنا ..؟!!!

[اليكس ماهون]

المشاركة الأصلية بواسطة وردةالندى

ان معكم اخى ان شاء الله

شكرا على موضوعاتك الهادفه دائما

الشكر لك أنت يا أخت وردة ..

يشرفنى إنضمامك للموضوع ..



بإمتنان ..
اليكس

[اليكس ماهون]

مرحبًا

عدت من جديد ..!



أرجو ألا يكون فى هذا إثقالاً عليكم ..



معى الآن موقف أرجو أن يروق لكم ..

هل ما زلتم متابعين ..؟

إذن لنبدأ بلا إبطاء ...

***

أنت مندوب مبيعات ..!!!

الساعة الآن الثانية ظهرًا ..

ونحن فى منتصف شهر مايـــو ..!

أنت الآن تحاول عبور الطريق بصعوبة ..

بين إطارات السيارات المسرعة الملولة ..

وصوت آلات التنبيه المزعجة نافدة الصبر ..



لديك مهمة محددة ..

توزيع عدد معين من النسخ لكتاب حديث الصدور ..

وقد أتممت المهمة بنجاح ..

تقريبًا ..!!

معك الآن نسخة أخيرة ..

هى ما تبقى معك فى النهاية ..

لكنك لن تحصل على مكافآتك إلا لو أتممت بيع المجموعة بالكامل ..



ثمن النسخة أعلى مما بحوزتك من مال ..

لا يمكنك شرائها لنفسك وإنهاء هذا السخف ..

أمام المنزل ينتظرك دائن أو مستأجر بمنتهى الشغف ..!!



لا تأمل أن تتمكن من استيقاف أحد المارة ..

لا تحاول ..!

الكل يدارى وجهه من حرارة الشمس ..

ويسير بصعوبة مختنقًا من الزحام وتوقف حركة السير ..

والتأخر على موعد العودة للديار ..

بمعجزة تمكنت فى النهاية من عبور الطريق ..

وسط فيض العرق الذى يسيل من كل أنحاء جسدك وروحك ..

ومن السيارات وجدران البيوت من حولك ..

وفجأة قابلت هذا الوجه البشوش ..

رجل واقف ينظر إليك بلهفة وفضول ولا ينوى التحرك من مكانه ..!!

ليس الفريسة المناسبة .. بل الوحيدة ..

عليك به فورًا ..

إنه الآن أملك الآخير فى الحياة ليوم جديد ..!!

تتجه نحوه بكل ثقة ..

وقد انتويت أن تبيعه النسخة الأخيرة بأى ثمن ..

النسخة التى أبقتها معجزة أخرى سالمة رغم كل ما خضت بها من حروب ..!

تبدأ فى الكلام بثقة وقد أكتسيت فورًا بصفات التاجر البارع متناسيًا كل ما يحيط بك من ظروف ..

أنت فعلتها من قبل فلا تخش شيئًا ..

إنها مجرد لعبة بالنسبة لك ..

لكنك كنت مو ...

لحظة ..



ما هذا ..؟!

لماذا لا يبد هذا الأحمق أي نوع من الإستجابة ..؟!

فقط النظرة الفضولية القاتلة ..

كأنك نسيت أنفك فى المنزل ..!!



ومع الأسف ..

تكتشف أن هذا العجوز المسكين مصاب بالصمم ..!!



نعم ..

هو لم يسمع منك حرف واحد ..

ويبدو أنه تائه كذلك ..

آسف ..

إنه قدرك ..!

فهل تحتمل للنهاية ..؟!

***
المطلوب منك الآن :

إخبرنى كيف ستتصرف فى هذا الموقف بأكبر عدد ممكن من الكلمات ..

أتمنى أن أظل أستمع إليك للأبد ..

لكن النتيجة الحتمية أن تتمكن من إقناع هذا العجوز

بإية وسيلة بشراء الكتاب ..!!

الآن أتركك لأن لدى موعدًا مع شلة بنات جامدين جدًا ..!!



وأتركك لمصيرك ..

مسكين ..!

ولكن على كل شخص أن يحتمل قدره بصبر ...!!



***

فى انتظار الردود والمشاركات بفارغ الصبر ..

خالص شكرى وتحيتى للجميع ..

بإمتنان ..
اليكس

[فارس-الضباب]

بسم الله

جااااااامد

دي أقل حاجة ممكن أقولهالك ، بجد مش مجاملة ، فعلا الوحيد إللي بستمتع لما أقرأ ليه زي ما بستمتع وأنا بقرأ لدكتور أحمد خالد .

فعلا الموقف أنت جبته من بابه لمحرابه ، الظروف بالحالة النفسية بالجو ، بجد أصفق وأعلق .

بص يا سيدي عن نفسي هحاول الأول أساعده لثلاث أسباب :- الأول : لأن ده إللي المفروض عليا اعمله إني اساعده .

ثانيا :- لأني لما اساعده ممكن ده يخليه يساعدني ويشتري مني الكتاب .

ثالثا :- لأنه حتي لو مشتراش هحس برضي نفسي لمجرد مساعدته .
شوف بقي السيناريو واحكم يا مؤلف .

هكلمه بالإشارات وأعمله إشارة معناها إنت عايز إيه ، عايز تروح حتة ولا عايز إيه بالضبط .

لو اتجاوب معايا ، وكان عايز يروح حتة هحاول أوصله ليه أو أقرب مكان ليه .

وفي الطريق هحاول ألفت انتباهه للكتاب ، يعني لو كان الكتاب فكاهي مثلا كل شوية أفتحه وأعمل نفسي بقرأ فيه واقعد أضحك ، اما لو كان كتاب علمي هعمل نفسي بفكر بعمق وكده لغاية ما اشد انتباهه وأخليه هوه إللي يطلب يبص فيه .

ولو مطلبش هديله الكتاب وأخليه يقرا فيه كأني بخليه يتسلي لغاية ما نوصل .

ولو كل محاولاتي بائت بالفشل ساعتها أول ما نوصل هشتري قلم وورقة من اي محل ,اكتبله فيها ( رجاء من شاب مديون ومحطم ومحدود الدخل ، ينتظره الديانة عند منزله كل مساء ، ساعدني واشتري مني هذا الكتاب الرائع ، اتبرع ولو بجنيه يا حاج ) .

وإن شاء الله هيكون راجل طيب وهيشتري الكتاب .

بس عارف المصيبة تبقي إمتي......
...
..
.
لو كان هوه كمان مفلس

يا لهوووووي

[اليكس ماهون]

المشاركة الأصلية بواسطة فارس-الضباب

بسم الله

جااااااامد

دي أقل حاجة ممكن أقولهالك ، بجد مش مجاملة ، فعلا الوحيد إللي بستمتع لما أقرأ ليه زي ما بستمتع وأنا بقرأ لدكتور أحمد خالد .

فعلا الموقف أنت جبته من بابه لمحرابه ، الظروف بالحالة النفسية بالجو ، بجد أصفق وأعلق .

بص يا سيدي عن نفسي هحاول الأول أساعده لثلاث أسباب :- الأول : لأن ده إللي المفروض عليا اعمله إني اساعده .

ثانيا :- لأني لما اساعده ممكن ده يخليه يساعدني ويشتري مني الكتاب .

ثالثا :- لأنه حتي لو مشتراش هحس برضي نفسي لمجرد مساعدته .
شوف بقي السيناريو واحكم يا مؤلف .

هكلمه بالإشارات وأعمله إشارة معناها إنت عايز إيه ، عايز تروح حتة ولا عايز إيه بالضبط .

لو اتجاوب معايا ، وكان عايز يروح حتة هحاول أوصله ليه أو أقرب مكان ليه .

وفي الطريق هحاول ألفت انتباهه للكتاب ، يعني لو كان الكتاب فكاهي مثلا كل شوية أفتحه وأعمل نفسي بقرأ فيه واقعد أضحك ، اما لو كان كتاب علمي هعمل نفسي بفكر بعمق وكده لغاية ما اشد انتباهه وأخليه هوه إللي يطلب يبص فيه .

ولو مطلبش هديله الكتاب وأخليه يقرا فيه كأني بخليه يتسلي لغاية ما نوصل .

ولو كل محاولاتي بائت بالفشل ساعتها أول ما نوصل هشتري قلم وورقة من اي محل ,اكتبله فيها ( رجاء من شاب مديون ومحطم ومحدود الدخل ، ينتظره الديانة عند منزله كل مساء ، ساعدني واشتري مني هذا الكتاب الرائع ، اتبرع ولو بجنيه يا حاج ) .

وإن شاء الله هيكون راجل طيب وهيشتري الكتاب .

بس عارف المصيبة تبقي إمتي......
...
..
.
لو كان هوه كمان مفلس

يا لهوووووي

كلام كبييييييييييير



هو ده الكلام يامعلم ..

وهكذا يكون التفاعل الحق ..

طب قولى بقى يا عم "فارس" بما إنك انت اللى جبته لنفسك ورديت عليا..!!



حاول توصف لى :
1 - ماذا تتذكر عندما تسمع كلمة (روابط) .
2 - كيف تصف يومك بالأمس وما أكثر شىء تتذكره بالذات .
3 - عندما يطلب منك أحد الأشخاص وصف أحدهم ، بم تبدأ ؟
4 - ما هو ترتيب هذه الفنون من حيث الأولوية بالنسبة لك (الرسم - الموسيقى - النجارة - المسرح - الطهى - النحت - الشعر) .
5 -أي الطرق أسهل لإقناعك ( الشرح النظرى المنطقى - التجربة العملية - إحساسك الداخلى فى التفرقة بين الصدق والإدعاء) .
6 - أى الطرق تستخدم عادة لإقناع الناس (محاولة مخاطبة الناس على قدر عقولهم - الصوت العالى وفرض الرأى الذى تراه صائبًا - لا تهتم بإقتناع الناس من عدمه وكفاك أنك مقتنع برأيك ) .
7 - ماذا تمثل لك آراك الناس بشخصيتك (هامة جدًا ويجب الحرص على إتباعها - لطيف أن تعرف رأيهم لمجرد الفضول - لا تهتم برأيهم مطلقًا - لا تسمح لأحد بإبداء رأيه بك بإعتباره ليس رقيبًا عليك ) .


8 - ما ترتيب ألوان الأسئلة السابقة من حيث الأفضل ؟

فى إنتظار الردود من الجميع بمنتهى الصراحة ..

أرجو أن تستمروا فى المتابعة ..

بإخلاص ..
اليكس

[فارس-الضباب]

بسم الله

بس يا سيدي
بالنسبة للسؤال الأول : ماذا تتذكر عندما تسمع كلمة (روابط) .

بتذكر روابط الركبة وعضلات الفخد .

بالنسبة للسؤال التاني : كيف تصف يومك بالأمس وما أكثر شىء تتذكره بالذات .

كان الأمس روتيني للغاية ، ,اكتر حاجة متذكرها هي إني فصلت علي صاحبي .

بالنسبة للسؤال الثالث : عندما يطلب منك أحد الأشخاص وصف أحدهم ، بم تبدأ .

ببدأ بالسؤال ( بتسأل ليه ) .

بالنسبة للسؤال الرابع : ما هو ترتيب هذه الفنون من حيث الأولوية بالنسبة لك (الرسم - الموسيقى - النجارة - المسرح - الطهى - النحت - الشعر) .

الموسيقي .

بالنسبة للسؤال الخامس : -أي الطرق أسهل لإقناعك ( الشرح النظرى المنطقى - التجربة العملية - إحساسك الداخلى فى التفرقة بين الصدق والإدعاء) .

فطبعا الشرح النظري المنطقي ، بس ساعات في حاجات لازم تكون بالتجربة العملية .

بالنسبة للسؤال السادس : أى الطرق تستخدم عادة لإقناع الناس (محاولة مخاطبة الناس على قدر عقولهم - الصوت العالى وفرض الرأى الذى تراه صائبًا - لا تهتم بإقتناع الناس من عدمه وكفاك أنك مقتنع برأيك ).

فطبعا برضه مخاطبة الناس علي قدر عقولهم ، مصداقا لحديث الرسول الكريم صلي الله عليه وسلم ( خاطبوا الناس علي قدر عقولهم ، او كما قال ) .

بالنسبة للسؤال السابع : ماذا تمثل لك آراك الناس بشخصيتك (هامة جدًا ويجب الحرص على إتباعها - لطيف أن تعرف رأيهم لمجرد الفضول - لا تهتم برأيهم مطلقًا - لا تسمح لأحد بإبداء رأيه بك بإعتباره ليس رقيبًا عليك ) .

فهي بتمثلي مزيج من كل الاختيارات ، ساعات مهمة وساعات مبتهمنيش في شيء ، وساعات مقبلهاش .


بالنسبة للسؤال الثامن : ما ترتيب ألوان الأسئلة السابقة من حيث الأفضل ؟

السؤال الأول .

[اليكس ماهون]

المشاركة الأصلية بواسطة فارس-الضباب

بسم الله

بس يا سيدي
بالنسبة للسؤال الأول : ماذا تتذكر عندما تسمع كلمة (روابط) .

بتذكر روابط الركبة وعضلات الفخد .

بالنسبة للسؤال التاني : كيف تصف يومك بالأمس وما أكثر شىء تتذكره بالذات .

كان الأمس روتيني للغاية ، ,اكتر حاجة متذكرها هي إني فصلت علي صاحبي .

بالنسبة للسؤال الثالث : عندما يطلب منك أحد الأشخاص وصف أحدهم ، بم تبدأ .

ببدأ بالسؤال ( بتسأل ليه ) .

بالنسبة للسؤال الرابع : ما هو ترتيب هذه الفنون من حيث الأولوية بالنسبة لك (الرسم - الموسيقى - النجارة - المسرح - الطهى - النحت - الشعر) .

الموسيقي .

بالنسبة للسؤال الخامس : -أي الطرق أسهل لإقناعك ( الشرح النظرى المنطقى - التجربة العملية - إحساسك الداخلى فى التفرقة بين الصدق والإدعاء) .

فطبعا الشرح النظري المنطقي ، بس ساعات في حاجات لازم تكون بالتجربة العملية .

بالنسبة للسؤال السادس : أى الطرق تستخدم عادة لإقناع الناس (محاولة مخاطبة الناس على قدر عقولهم - الصوت العالى وفرض الرأى الذى تراه صائبًا - لا تهتم بإقتناع الناس من عدمه وكفاك أنك مقتنع برأيك ).

فطبعا برضه مخاطبة الناس علي قدر عقولهم ، مصداقا لحديث الرسول الكريم صلي الله عليه وسلم ( خاطبوا الناس علي قدر عقولهم ، او كما قال ) .

بالنسبة للسؤال السابع : ماذا تمثل لك آراك الناس بشخصيتك (هامة جدًا ويجب الحرص على إتباعها - لطيف أن تعرف رأيهم لمجرد الفضول - لا تهتم برأيهم مطلقًا - لا تسمح لأحد بإبداء رأيه بك بإعتباره ليس رقيبًا عليك ) .

فهي بتمثلي مزيج من كل الاختيارات ، ساعات مهمة وساعات مبتهمنيش في شيء ، وساعات مقبلهاش .


بالنسبة للسؤال الثامن : ما ترتيب ألوان الأسئلة السابقة من حيث الأفضل ؟

السؤال الأول .

مرحبًا أخى فارس ..

بقدر ما أسعدتنى إجاباتك إلا أنها لم تكن كاملة !!



عمومًا أرى أنك شخص نقى القلب بوجه عام ..

محب للناس وترى أن عليك مسؤليات تجاه البشرية ..

تتمنى لو أن كل الناس تفكر مثلك حتى تفهمك ..

تميل للهدوء والإسترخاء (قرأت أنك ممارس لرياضة الجرى) لا أفهم ربما كنتُ مخطئًا فى هذه النقطة..

تحب مشهد البحر ليلا برغم غموضه ورهبته.. وتعشق الركض تحت المطر فى قلب الشتاء ..!!

أرى أن الناس يحبونك أكثر مما تحب ذاتك ..

بالرغم من ذالك تعتقد أن مواهبك وقدراتك أكبر من واقعك ..!

وختامًا ..

لا أعتقد أنك تعانى مشاكل جمة فى التعامل مع الناس ..

ربما كانت مشكلاتك أغلبها بينك ونفسك ..

نصيحة من القلب ..

حاول أن ترفق بنفسك قليلاً ولا تحملها أكبر من طاقتها ..

***

لو كان كلامى صحيحُا أرجو ألا تعلق ..

فقط علق إذا ما كنت فى حاجة لذلك ..

وأنا دائمًا فى الإنتظار ..

تحياتى لك ولكل من تابع ..



بكل إخلاص ..
اليكس

[فارس-الضباب]

[فارس-الضباب]

فقط تعليقان بسيطان في نقطتان .

تعليق أن الناس يحبونني أكثر من نفسي !!!!!!

أي ناس ، في ناس كتير ، قرايب أصحاب ، جيران ، زملاء عمل .

وكمان الصراحة مفهمتش معني الجملة ، تقصد إن الناس بتحبني فعلا ،ولا تقصد إن حبي لنفسي ناقص وإني ببص لنفسي نظرة غير راضية عن نفسها .

وكمان أنت مسألتش نفسك نوع الناس إللي أعرفهم همه إيه ، مثقفين ، أغبياء ، فضوليين ، كتومين ، أوفياء ، ولا إيه .

والنقطة التانية بتعاة حاول أن ترفق بنفسك قليلا ولا تحملها أكثر من طاقتها .

صدقني يا صديقي أنا لم احملها بعد اي شيء ، اي شيء .

تحياتي يا أليكس ، علي فكرة بجد بجد أنت محلل نفسي كويس .

مقدرش أقول إنك بارع ، والسبب إنك سألت أسئلة محددة أجوبتها محددة وعلي اساس الأجوبة يتم بناء الرأي علي شخصية المجيب ، يعني أسطامبة محطوطة قبل كده .

لكن صدقني إن شاء الله أنت في طريقك إنك تبقي بارع فعلا بارع جدا .

تحيااااتي .

[اليكس ماهون]

المشاركة الأصلية بواسطة فارس-الضباب

فقط تعليقان بسيطان في نقطتان .

تعليق أن الناس يحبونني أكثر من نفسي !!!!!!

أي ناس ، في ناس كتير ، قرايب أصحاب ، جيران ، زملاء عمل .

وكمان الصراحة مفهمتش معني الجملة ، تقصد إن الناس بتحبني فعلا ،ولا تقصد إن حبي لنفسي ناقص وإني ببص لنفسي نظرة غير راضية عن نفسها .

وكمان أنت مسألتش نفسك نوع الناس إللي أعرفهم همه إيه ، مثقفين ، أغبياء ، فضوليين ، كتومين ، أوفياء ، ولا إيه .

والنقطة التانية بتعاة حاول أن ترفق بنفسك قليلا ولا تحملها أكثر من طاقتها .

صدقني يا صديقي أنا لم احملها بعد اي شيء ، اي شيء .

تحياتي يا أليكس ، علي فكرة بجد بجد أنت محلل نفسي كويس .

مقدرش أقول إنك بارع ، والسبب إنك سألت أسئلة محددة أجوبتها محددة وعلي اساس الأجوبة يتم بناء الرأي علي شخصية المجيب ، يعني أسطامبة محطوطة قبل كده .

لكن صدقني إن شاء الله أنت في طريقك إنك تبقي بارع فعلا بارع جدا .

تحيااااتي .

شكرًا على رأيك يا فارس ..

أنا مش محترف على فكرة .. ولا ناوى !!

أنا بس اتعلمت حاجات من قراءاتى وحبيت أساعد نفسى بيها ..

بالنسبة لأسئلتك ..

الناس اللى بيحبوك مش مهم يكونوا مثقفين وللا أغبياء وللا أيه ..

لو حد حبنى بجد ده فى حد ذاته بيخليه مميز بالنسبة لى ..

أما بالنسبة للأسئلة المحددة مسبقًا فده عشان أعرف وجهة نظر كل واحد فى نفس الشىء ..

المقارنة زى ما أنت عارف هى تعريض أشياء مختلفة لظروف متماثلة لقراءة التباين فى ردود الأفعال ..

وعمومًا دى كلها محاولات تنقصها الخبرة ..

بالنسبة لموضوع حبك لنفسك ..

مش قصدى طبعًا إن حبك لنفسك قليل ..

أقصد إن الناس - عمومًا - بتحبك بدرجة أكبر من حبك لنفسك ..

أو بمعنى أدق انت غير منصف تجاه نفسك ..

ربما كنت تشعر بالذنب تجاه أمور أنت مؤمن تمامًا أنها خارجة عن إرادتك .. وليس لك ذنب فيها ..

فى النهاية لك منى خالص التحية والشكر على الإهتمام والمتابعة



دمت سعيدًا باسمًا

محمد

[اليكس ماهون]

يامرحب ..

عدنا من جديد للسؤال الأبدى ..

من أنا ..؟!

لنا عودة فى القريب لكى نطرح موقفًا جديدًا ..

أتمنى دوام المتابعة ..

ولكم دوام السعادة ..

تحياتى ..
اليكس

[اليكس ماهون]

مرحبًا ..

معى الآن موقف عادى جدًا قد نتعرض له جميعًا ..

انت فى أحد المواصلات العامة تذهب إلى مكان لا تعرفه ..

بمجرد الوصف ...

أنزلك السائق فى مكان ما وقال لك : إركب من على أول الشارع حاجة رايحة ( ..... )

تتحرك سائلاً المارة بالطريق حتى تجد موقفًا لسيرات الأجرة ..

" من فضلك والله .. أركب منين حاجة تروح الـ ( ...... ) ..؟!"
"تعال يا بشمهندس .. طريقى ..!"

تحمد الله لأن الأمر قد انتهى بسهولة دون المزيد من البحث ..

وتركب مطمئنًا راجيًا الرجل الطيب أن ينبهك عند نقطة الوصول ..

" عيب يا بيه .. إحنا - عدم المؤاخذة - فى الخدمة ..!!"

لا تكاد تمر دقيقتين حتى يتوقف عند أول الشارع التالى ..

" هنا ياباشا .. إنزل وأمشى خطوتين فى الإتجاه ده بس .."

تمنحه الأجرة عن طيب خاطر وتنزل سعيدًا مبتسمًا ..

تسأل أول من يقابلك ..

" من فضلك .. فين "منشية البكرى" والله ..؟!"
"آه عارفها .. دى فى روكسى حضرتك .."
" جميل .. يعنى أمشى إزاى ..؟!"
" تمشى ..؟! .. باقول لحضرتك روكسى ..!"
" ما أنا عارف يا أخى أمال يعنى إحنا فين ..؟!!"

فيضحك الرجل فيما بين الشفقة والسخرية ..
" إحنا - اسم الله على مقامك - فى الهرم ..! .. اتفضل معانا ..؟!
انت تايه ولا إيه ..
لا حول ولا قوة إلا بالله ..!
كوباية ميه بسرعة يابنى .."

***

انتهى الموقف والحمد لله ..!



والمطلوب معرفة :

1 - أول رد فعل لك .
2 - شعورك الحالى .
3 - تصرفك الآن .
4 - تصرفك لو قابلت هذا السائق فى ليلة ممطرة بزقاق مهجور وأنت تحمل سلاحك المرخص .



فى الإنتظار ..
تحياتى

[فؤاد عادل]

بص بقى يابوب

الموقف دا ملوش عندى غير حل واحد

أول حاجة هدور على أقرب قهوة موجودة فى المكان

وأقعد وأحاول أهدى نفسى وأنسى خالص أنى كان ورايا مشوار

وأول محس أنى هديت خالص

أقوم أدور على الموقف الى أنا ركبت منه

وأستنى

الراجل المحترم الى عمل فيا كده

ساعة أتنين مش هتفرق كتير منا خلاص نفضت طبعا لكل حاجة ورايا

وأول ماشوفه طبعا أنت عارف أنا هاعمل أيه

وعشان متحترش كتير أنا الى هعملوا فيه يتضمن كوريك حديد

وكرسى خشب برجل واحدة



أنا ممكن أسامح فى أى حاجة الا أن حد يضحك عليا

أتمنى أكون قدرت أوصلك الصورة كويس

ومستنى تحليلك

[اليكس ماهون]

المشاركة الأصلية بواسطة فؤاد عادل

بص بقى يابوب

الموقف دا ملوش عندى غير حل واحد

أول حاجة هدور على أقرب قهوة موجودة فى المكان

وأقعد وأحاول أهدى نفسى وأنسى خالص أنى كان ورايا مشوار

وأول محس أنى هديت خالص

أقوم أدور على الموقف الى أنا ركبت منه

وأستنى

الراجل المحترم الى عمل فيا كده

ساعة أتنين مش هتفرق كتير منا خلاص نفضت طبعا لكل حاجة ورايا

وأول ماشوفه طبعا أنت عارف أنا هاعمل أيه

وعشان متحترش كتير أنا الى هعملوا فيه يتضمن كوريك حديد

وكرسى خشب برجل واحدة



أنا ممكن أسامح فى أى حاجة الا أن حد يضحك عليا

أتمنى أكون قدرت أوصلك الصورة كويس

ومستنى تحليلك

فؤش ..

منور الموضوع وصاحب الموضوع والدنيا كلها ..

وصلت الصورة طبعًا كاملة غير منقوصة

لأنى عارفك كويس ..

وتحليلى إنت كمان عارفه من غير سياح



وللا تحب أذيع يا معلم ..؟!

[Eng_Revera]

قمة في الروعة والذوق العالي في التقديم...

متابعة من هذه اللحظة...

تحياتي..

[زهرة النرجس]

المشاركة الأصلية بواسطة اليكس ماهون

والمطلوب معرفة :

1 - أول رد فعل لك .
2 - شعورك الحالى .
3 - تصرفك الآن .
4 - تصرفك لو قابلت هذا السائق فى ليلة ممطرة بزقاق مهجور وأنت تحمل سلاحك المرخص .



فى الإنتظار ..
تحياتى

فكره جميله للموضوع سوري لو انها جايه متاخر مني .. احييك علفكره دي..

بالنسبه للموقف ...

واو موقف مش هتحسد عليه خالص..

انا كشخص ممكن اتحايد اني اسافر مع سائق لوحدي بفضل انه يكون مجموعه معايه ..

انا كنت بمصر الصيف اللي فات وعلشان مش اروح الأهرامات لوحدي مع سائق اضطريت اسافر بالسفريات العموميه بكل العناء كانت مغامره جميله جدا وكل ما انزل من محطه لمحطه ربنا بعتلي ناس اللي ساعدوني ودلوني كانت ميسره الحمدلله.


ارجع للموقف اللي حطيتنا فيه اخي اليكس

بصراحه ردة فعلي بالبدايه انا كبنت ما شاء الله هبداها عياط لو هتحط بموقف زي ده هتخنق هحس انه في حاجه كاتمه على نفسي ومع اول اه هتنفسها دموعي هتنزل زي المطر بسبب انه اتضحك علي وانا مش بحب استامن حد ويخدعني والسبب التاني اني تايهه هخاف وهحس بغربه .

بعد ما اعيط هروق وهستجمع كل قواي من جديد وهبدا مشواري من جديد بس ساعتها هكون خايفه من انه يظهرلي سائق جديد يغشني ..

بس بيني وبين نفسي بكل خوفي هكون اقرا قران جوايه واكيد هيبعتلي نور وسط الخوف والظلام.

ولو قابلت الراجل ده ....
مممممممممم
انا اضعف من اني اقتل نمله مش يستاهل اخش النار وافرغ الرصاص فيه ممكن اشفق عليه ولو محتاج مساعده ساعتها هساعده.

شكرا