من أنا ..؟!!!

[&&&TOTO&&&]

يسلمووووووووووووو اديك الحلوين

[بقايا انسانة]

السلام عليكم ورحمة الله وبركاتة

كالعادة يا اليكس موضوع رائع وجميل

حلوة فكرة المواقف دى بس ربنا يستر من نتائج التحاليل

انا شوفت اخر موقف هوة صعب بصراحة لان التلاتة اكيد فى احتياج لية

منا اللى معايا العربية بقى

بس انا هركب الست العجوزة وهدى مفاتيح العربية لحبيبى لانة اكيد هيكون انسان شهم ومينفعش انه ميساعدش ست كبيرة خصوصا لو هية تعبانة كمان انا قلبى ضعيف هرتبك
ويمكن مقدرش اساعدها بالقدر الكافى لخوفى فهوة يروح يوصلها واوصية انه يرجع لنا تانى ويجيب وراه تاكسى..
وانا وصحبيتى بقى نستناه ونسلى وقتنا بذكريات الطفولة لغاية ما يرجعلنا تانى بالعربية
انا وصحبيتى نركب وهوة يركب فى التاكسى وكل واحد على بيتة
وتوتة توتة خلصت الحدوتة.......


فى انتظار الموقف القادم

تحيااتى لك

[لولو3]

المشاركة الأصلية بواسطة اليكس ماهون

موقف جديد ..!!

هل أنت رومانسى .. أنانى .. شهم .. رخم ( ولا مؤخذة ) - ندل ( لا سمح الله ) !!

قبل السؤال لى رجاء بسيط ..

يا ريت كل واحد قبل ما يجاوب يحاول مايشوفش إجابات الناس اللى قبله

لأنه ممكن ينتبه لنقطة معينة .. فـ يفكر يضيف أو يحذف منها ..

وأهم حاجة هنا إن الإجابة تكون تلقائية لأقصى حد ..

السؤال ده إتسأل للمثل العالمى ( بروس ويليز ) وإنا من غير ما أعرف إجابته مسبقًا

إتخذت نفس رأيه ..!!

الموقف :

أنت تمر فى الشارع راكبًا سيارتك

التى تتسع لراكب واحد إضافى بجانبك فقط ..

وكان الجو عاصفًا للغاية .. لدرجة أن الناس كانت تموت بالفعل من شدة هبوب الرياح !!

وبالصدفة قابلت فى طريقك ثلاثة أفراد يقفون فى العراء وتكاد العاصفة تقتلعهم من مكانهم

- صديق / صديقة عمرك .

- حبيب / حبيبة قلبك .

- سيدة عجوز .. مسنة للغاية ولا تكاد تقوى على الوقف فضلاً عن صعوبة تنفسها ..

وتذكر .. سيارتك تتسع لراكب واحد إضافى بجانبك فقط ..

فكيف ستتصرف فى هذا الموقف ..؟!

فى إنتظار الإجابات ..

تحياتى

والله موقف كالعادة رائع انا اخدت بنصيحتك فعلا وماقرتش الردود السابقة ...انا راى اطلع بره العربية واخلى صاحبتى تسوق وتأخد معاها الست العجوزة وانا وحبيبي نقابل نفس المصير سواء الموت او غيرة

[zamzam]

موضوعك جامد جدا جدا
وربنا يوفقك فى المواضيع الباقيه

[اليكس ماهون]

سلام الله عليكم أحبتى الكرام

تأخر طال مداه عن الرد .. أعتذر عنه بشدة وأتمنى لو قبلتم إعتذارى

لذلك لا حاجة بنا لمزيد من التأخير ..

فلنبدأ سريعًا بلا إبطاء ..

***

أولاً .. ماهى إحتمالات الموضوع ..؟!

1 - أن أتحرك وحدى بالسيارة وأترك الجميع لمواجهة مصيرهم ..

( ندل جدًا - سلبى - معدوم الفكر )

2 - أن آخذ السيدة العجوز ..

(قاصر التفكير - شهم - متمسك بالحياة فى أسوأ ظروفها - متبلد المشاعر إلى حد ما )

3 - أن آخذ الصديق ..

( قاسى القلب - مريض نفسيًا - محب لجلد الذات - يهوى العنف - وفىّ وهى ميزته الوحيدة )

4 -أن آخذ الحبيبة ..

(أنانى - ضعيف - وحيد - قليل الخبرة - ضعيف الشخصية - ميال للصراحة )

5 - أن أترك السيارة للصديق والحبيبة ..

( فاقد الأمل - يشعر بالإضطهاد - كتوم - شجاع - بارد الأعصاب - حار المشاعر )

6 - أن أترك السيارة للصديق والعجوز ..

(خيالى - متسلط - رومانسى - شهم - مغرور )

7 - أن أترك السيارة للحبيبة والعجوز ..

(يعتمد عليه - متزن - مضحى - متسامح )

8 - أن أترك السيارة وأنضم لهم ..

(هوائى - أميل للزهو - متفانى - محب - غبى !! )

[اليكس ماهون]

ثانيًا .. لماذا إختار كل منا تصرف بعينه دون سواه ..؟!

هل لأن هذا التصرف سوف يضعه فى صورة أفضل .. أم أن كل شخص قد إختار التصرف الذى يتناسب مع شخصيته الحقيقية ....!

هل لدى أحدنا أى شك فى أن كل نمط من أنماط الشخصية يتمتع بميزات .. ويتسم بعيوب ..؟!

إن التحليل السابق كان الغرض منه أن نفكر قليلاً .. ليس فى تصرفاتنا

ولكن المفاجأة أن الغرض هو أن نتأمل تصرفات الغير ...!!

نعم .. تلك هى الحقيقة !

فلان يتصرف معى بالشكل الفلانى على الرغم من أننى أتعامل معه بصورة مختلفة ..

ما السبب ..؟!

ربما لو تأملنا تصرفات هذا الشخص مع أناس آخرين لعلمنا السبب ..

فلو كان يصر على معاملة الكل بأسلوب ما على إختلاف طرق تعاملهم معه

فهذا يدل على أن السبب راجع لشخصيته هو ..

إذن ما النتيجة المستفادة من معرفة هذا ..؟!

1 - ليس العيب فينا .. فلا داعى لبذل مجهود مضاعف لتغيير سلوك هذا الشخص معنا .

2 - من الممكن أن نحاول تحليل مشكلة هذا الشخص للوصول إلى السبب وبالتالى قد نصل لنتيجة تؤدى إلى حل يرضي الأغلبية فى النهاية .

أما إن كان نمط التصرف يقتصر علينا وحدنا ..

فيجب حينها أن نتأمل معاملة بقية الناس لنا

وهل تتفق معه أم تختلف ..

ولو اتفقت مع شخص ما آخر ..

فهل الشخصين متشابهى الشخصية ..؟!

أم أن بينهما تناقض كبير ..

وهل الشخص الذى يتعامل معنا بشكل سيء رغم حبنا له

هل هو شخص طيب مستقيم أميل للتقوى .. أم أنه مستهتر أميل للإعوجاج ..؟!

كل هذه الأسئلة وأكثر نحن فى حاجة للتفكير فيها بشكل جاد ..

إن كنا نطمح فى أن نكون أفضل .. وأن نرى من نحبهم يتحسنون .........


"لَهُ مُعَقِّبَاتٌ مِّن بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ اللَّهِ إِنَّ اللَّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنفُسِهِمْ وَإِذَا أَرَادَ اللَّهُ بِقَوْمٍ سُوءًا فَلاَ مَرَدَّ لَهُ وَمَا لَهُم مِّن دُونِهِ مِن وَالٍ "
سورة الرعد - الآية 11

[اليكس ماهون]

ثالثًا ............


ألف شكر لك من اهتم وشارك .. شكرًا لكلماتكم الطيبة ..

ولحضوركم المشرف ..

ولآرائكم الصريحة ..

رؤية ..

شيمو ..

لقاء ..

عتاب ..

توتو ..

بقايا إنسانة ..

لولو ..

زمزم ..

شكرًا لكم .. ولكل من تابع .. ولكل من ينتظر ..

ولنا عودة بإذن الله لطرح موقف جديد أتمنى أن يروق لكم

تحياتى .. ودمتم فى رعاية الله



اليكس ماهون

[وردة النيل]

اخي اليكس موضوع رائع

في انتظار الموقف الجديد

وباذن الله اكون الاسبق في المشاركة في موضوع رائع كهذا


ودي

[رؤيه]

المشاركة الأصلية بواسطة اليكس ماهون

2 - أن آخذ السيدة العجوز ..

(قاصر التفكير - شهم - متمسك بالحياة فى أسوأ ظروفها - متبلد المشاعر إلى حد ما )

انا اخترت ده
لا تعليق
شكرا محمد
تحيتى

[لقاء]

السلام عليكم


أهلا بعودتك محمد

نورت الموضوع من تاني

6 - أن أترك السيارة للصديق والعجوز ..


(خيالى - متسلط - رومانسى - شهم - مغرور )

يمكن أنا كدا ..


عموماً

ألف شكر على مجهودك


تحياتي

[RoOoKa]

انا معاكى يا لقاء و بشدة
فى ترك السيارة للسيدة العجوز و الصديق طبعا
و البقاء مع من احب ليكون مصيرنا واحد ,,
و بس

خيالى ورومانسى وشهم اوك
متسلط يمكن لانه فضل البقاء مع الحبيب ؟؟

انما ليه ممكن يبقى مغرور ؟؟

موضوع لطيف ..
شكرا محمد .. تسلم ايدك ..

[اليكس ماهون]

المشاركة الأصلية بواسطة وردة النيل

اخي اليكس موضوع رائع

في انتظار الموقف الجديد

وباذن الله اكون الاسبق في المشاركة في موضوع رائع كهذا


ودي

وردة

الأروع هو تواجدك أختى الكريمة أطال الله عمرك

شكرًا للإهتمام والمتابعة

[اليكس ماهون]

المشاركة الأصلية بواسطة رؤيه

انا اخترت ده
لا تعليق
شكرا محمد
تحيتى

هى جت فيكى ..؟!

لا والله هو الموضوع يحتمل الصواب والخطأ طبعًا والله أعلم

لكن على كل حال انتى نورتى الموضوع بصرف النظر عن الموقف أو التحليل أو أى حاجة تانية

شكرًا يا رؤية .. ويا رب دايمًا متابعة

[اليكس ماهون]

المشاركة الأصلية بواسطة لقاء

السلام عليكم

أهلا بعودتك محمد

نورت الموضوع من تاني

يمكن أنا كدا ..

عموماً

ألف شكر على مجهودك

تحياتي

أهلاً يا لقاء

هو الموضوع مش الغرض منه إن كل واحد يكتشف عن نفسه حاجات أول مرة يعرفها

لا طبعًا .. لأن الحكاية مش تنجيم ولا قراءة أفكار

الفكرة هنا إن الواحد يشوف سلبياته ويحاول يتجنبها أو ايجابياته ويحاول ينميها

وفى الآخر ممكن نعتبر الموضوع كله for fun لا أكثر ..

بالمناسبة .. أنا شريكك فى الإختيار ..!

يعنى لو كنتى من صفاتك الرومانسية والشهامة

فممكن أكون أنا متسلط ومغرور

[اليكس ماهون]

المشاركة الأصلية بواسطة bo7or

انا معاكى يا لقاء و بشدة

فى ترك السيارة للسيدة العجوز و الصديق طبعا
و البقاء مع من احب ليكون مصيرنا واحد ,,
و بس

خيالى ورومانسى وشهم اوك
متسلط يمكن لانه فضل البقاء مع الحبيب ؟؟

انما ليه ممكن يبقى مغرور ؟؟

موضوع لطيف ..

شكرا محمد .. تسلم ايدك ..

مرحب يا رقية ..

هو ممكن ما يكونش متسلط ولا مغرور .. فى حالة إن الحبيب وافق ورضى بالإختيار طبعًا ..

لكن لو كان مجبر على مشاركتى المصير أبقى متسلط

ولو رفض وتخلى عنى أبقى مغرور لأنى تصورت إنى ممكن أختار لشخص ما مصيره لمجرد إنى بحبه !!

وفى الحالتين مش هاتبقى عندى فرصة كبيرة للندم ..

العاصفة جامدة جدًا أصلاً ومش هاتستنى عليا

بس !!

الحمد لله إن الموضوع عجبك .. وربنا يسلمك ويحرسك يا رب

ألف شكر