( بدل القمح نزرعها كوسة ولم لسانك لتبقى حوسة )

[pazoka]

اثارنى بشدة موضوع اخى ابو اسكندر عن موضوع القمح وحبيت ارد علية طبقا لسياستى الجديدة وهى امشى جنب الحيط بناء على توصية الاخ الكريم ابو الهرم ادام الله عزة وعلى هذا الاساس اقول لأبو اسكندر اللى عامل فيها ثورجى

( بدل القمح نزرعها كوسة ولم لسانك لتبقى حوسة ) يا اخى انت ما فيش حاجة عجباك فى الحكومة السنية بتاعت الفول والطعمية . يا اخى حرام عليك ولم لسانك شوية هى الحكومة هاتعمل اية للشعب الفقرى النمرود اللى مش عاجبة اى حاجة .
زرعولكم قمح والعيش كان مالى الافران جيتم كلتم العيش حاف من غير غموس قعتدوا تشتكوا وتقولوا فين الغموس قووووم الحكومة بطلت تزرع القمح علشان ما تكلوش العيش حاف وزرعتلكم كنتالوب علشان تملوها فاكهه وزرعتلكم مشمشاية قد دماغ العيل علشان عنيكم تتملى وما فيش فايدة قلتم الفاكهه ما لهاش طعم ومتنيلة على عنيها مسرطنة ومهجنة قوووووم الحكومة بطلت تزرع الفاكهه وزرعتلكم بانجو علشان تتسطلوا وتتلهوا على عنيكم وتخفوا عن دماغ ابوها وما فيش فايدة قولتم ان البانجو بيلحس الدماغ وبكدة هانضطر ننضم لنادى الملاحيس بتاع ابو مروان .
يعنى ما فيش حاجة عجباكم قلنا سوسو قلتم بلاها سوسو وخلينا فى كريمة قلنا كريمة قلتم بلاها كريمة وخلينا فى فوزية .
فعلا انتم شعب ناكر للجميل وما يتمرش فية شئ وغلبتوا حمار الحكومة معاكم ما فاضلش غير انها تزرعهالكم سم هارى يهرى بدنكم ويخلصها من جحودكم وقلة انتماءكم

وسلم لى على يوسف والى ويجعلة عامر

[ابو اسكندر]

ما احنا شعب فقري ما انت عارف

علي رأيك الحكومة هتعمل اية ولا اية !!!

ربنا يعينك يا حكومة .

ويحيا الرئيس الي الأبد

وشكلك كدا ناوي توديني في داهية يا ابو مروان

بقا انا مش عجبني الحكومة حرام عليك

دا انا اللي كاتب اغنية اخترناه اخترناة

من غير لجنة ولاء وااااااااااااااااااااااااااااه

[pazoka]

المشاركة الأصلية بواسطة ابو اسكندر

ما احنا شعب فقري ما انت عارف

علي رأيك الحكومة هتعمل اية ولا اية !!!

ربنا يعينك يا حكومة .

ويحيا الرئيس الي الأبد

وشكلك كدا ناوي توديني في داهية يا ابو مروان

بقا انا مش عجبني الحكومة حرام عليك

دا انا اللي كاتب اغنية اخترناه اخترناة

من غير لجنة ولاء وااااااااااااااااااااااااااااه

اهوه كدة ارجع لعقلك وبلاش اللحسة اللى انت فيها احسن انت عارف ( اللى ما لقاش حد يربية كف الصول عتريس يشفية )

[ابو اسكندر]

المشاركة الأصلية بواسطة pazoka

اهوه كدة ارجع لعقلك وبلاش اللحسة اللى انت فيها احسن انت عارف ( اللى ما لقاش حد يربية كف الصول عتريس يشفية )

هههههههههههههههههههههه

ودول عندهم بدل العتريس مليون

[pazoka]

المشاركة الأصلية بواسطة ابو اسكندر

هههههههههههههههههههههه

ودول عندهم بدل العتريس مليون

بس ولا يهمك انا تلاتين عتريس فى بعض هاها ها ها انا تلاتين عتريس فى بعض



وسلم لى على فؤادة ويجعلة عامر

[™BATISTA]

ههههههه

أسلوب جميل جدا بيفكرني بالقافية

فعلا ياخي الحكومة هتعمل اية بردو مافيش حاجة بتاثر فى المواطن المصري لو عملوا اية بردو هيفضل المصري هو هو الخير جواه والنيل رواة

سيبو الحكومة تعمل فى صمت ههههههههههه دى بتفكر لنا فى كل خير طبعا

[pazoka]

المشاركة الأصلية بواسطة BATISTA

ههههههه

أسلوب جميل جدا بيفكرني بالقافية

فعلا ياخي الحكومة هتعمل اية بردو مافيش حاجة بتاثر فى المواطن المصري لو عملوا اية بردو هيفضل المصري هو هو الخير جواه والنيل رواة

سيبو الحكومة تعمل فى صمت ههههههههههه دى بتفكر لنا فى كل خير طبعا

انت بتتريق على الحكومة يا باتستا ؟ ؟؟؟؟؟

انت بتغلط فى بطيخ مولانا ؟؟؟؟

قول ورايا يعيش مولانا وبطيخ مولانا - يعيش مولانا وبطيخ مولانا

[توت كمال]

المشاركة الأصلية بواسطة pazoka

وسلم لى على يوسف والى ويجعلة عامر

انت كده بتخبط في الزغلول الكبير اوي اوي

[pazoka]

المشاركة الأصلية بواسطة توت كمال

انت كده بتخبط في الزغلول الكبير اوي اوي

زغلول مين بس يا عم الحاج ؟ هو الراجل من دول لما يمشى فى سكة يا حلوة يا بلحة يا مقمعة يبقى منة رجاء ؟

[ابو الهرم]

بصراحة .................
انا اتعلمت كتير قوى منكم هنا واشكركم على ما تعلمته ..... دا انا كنت حتة قفل كبير قوى اتى من اعماق صعيد مصر العظيم ..... ويحمل معاه عصفورين فوق صدغيه + قفا عريض وعظيم على الزيرو
كنت واخدها جد زى ما اجدادى علمونى ..... ومهموم ومكتئب ..... انا شربت من كوستكم وبطيخكم كام كاس ...... تخيلت ان هنا عمتى نانسى ..... رحت ارقص على انغام ديالوج الكوسة والبطيخ ..... يا سلام على الدلع معاكم .... والله له طعم حلو ..... ربنا ما يحرمنا منكم .... ولا يفرقنا امن الدولة عنكم .

[عاشقة البحر]

أنا معرفش حد فيكم ومعرفش الموضوع أصلاً إيه بش اسمحولي أغلس عليكم وأتحشر في المنتدى ( ده بعد إذنكم طبعاً ) وياريت تقبلوني عضوة جديدة في المنتدى

[ابو الهرم]

المشاركة الأصلية بواسطة عاشقة البحر

أنا معرفش حد فيكم ومعرفش الموضوع أصلاً إيه بش اسمحولي أغلس عليكم وأتحشر في المنتدى ( ده بعد إذنكم طبعاً ) وياريت تقبلوني عضوة جديدة في المنتدى

عمتى / عاشقة البحر والنيل
اهلا بالاسكندرية واهلها ...... والله لا ننسى فضلكم فى ايواء الصعايدة .... واتعلموا منكم يلبسوا القميص والبنطلون الواسع ..... وطبعا اتعلموا ازاى يحشروا نفسهم ويلاقوا بيهم ترحيب غير مسبوق ....
ارحب بحضرتك فى المنتدى ..... بشرط ..... كام اكلة سمك بورى .... احسن الكوسة والبطيخ هروا بطننا ....
وبعد اكلة السمك ..... ستجدى الترحيب سخن شوية

[عاشقة البحر]

والله مش عارفة أقولك إي كان نفسي والله بس للأسف أنا مش عايشة فمصر بس خلاص لما أروح اسكندرية هأكلك اللي إنت عايزة ....
دي اسكندرية وحشتني أوي

وبعدين إيه عمتي دي حرام عليك أنا لسة مخلصتش الثانوية

وكمان أنا عاشقة البحر وبس بحب النيل بس طبعاَ مش زي شط إسكندرية

[pazoka]

المشاركة الأصلية بواسطة ابو الهرم

بصراحة .................
انا اتعلمت كتير قوى منكم هنا واشكركم على ما تعلمته ..... دا انا كنت حتة قفل كبير قوى اتى من اعماق صعيد مصر العظيم ..... ويحمل معاه عصفورين فوق صدغيه + قفا عريض وعظيم على الزيرو
كنت واخدها جد زى ما اجدادى علمونى ..... ومهموم ومكتئب ..... انا شربت من كوستكم وبطيخكم كام كاس ...... تخيلت ان هنا عمتى نانسى ..... رحت ارقص على انغام ديالوج الكوسة والبطيخ ..... يا سلام على الدلع معاكم .... والله له طعم حلو ..... ربنا ما يحرمنا منكم .... ولا يفرقنا امن الدولة عنكم .

يا عم ابو الهرم انت تواضعك ما لوش اخر ازاى تقول على نفسك كدة ؟ دة انت اذكى من اى واحد فى مزارع الكوسة والبطيخ بتاع مولانا ؟ دة انت مفتح وفهلوى وميت فل وعشرة ارجوك يا ابو الهرم ما تقولش على نفسك كدة تانى ؟

* *
**
**
**


**
انت اذكى واحد فى المنتدى وانت قلبك كبيييييييييير قوى وكلنا بنتعلم منك ؟
*
*
*
*
بس على فكرة ابقى تعالى خد الفيل بتاعك اللى انت رابطة جنب البيت عندة بقالة اسبوع . وكمان العصفورتين اللى طاروا من صدغك جم عندى مش لاقى لهم اكل .

هههههههههههههههههههههههههههههههههههههه

[pazoka]

المشاركة الأصلية بواسطة عاشقة البحر

أنا معرفش حد فيكم ومعرفش الموضوع أصلاً إيه بش اسمحولي أغلس عليكم وأتحشر في المنتدى ( ده بعد إذنكم طبعاً ) وياريت تقبلوني عضوة جديدة في المنتدى

شوفى يا عاشقة البحر احنا بنرحب بيك فى منتدانا الجميل وقسم دهاليز السياسة على وجة الخصوص .

ولكن لكى تنتمى الينا نحن جمعية المثقفين فى الارض المكونة من الاباء ( ابو اسلام وابو الهرم وابو اسكندر والعبد لله ابو مروان ) لازم تكونى قلبك ميت ما يخافش وكمان تقرأى كل المواضيع باهتمام وتشاركى وتردى عليها وبعد كدة ممكن نضمك الى جماعة الملاحيس

ونورت المنتدى يا عاشقة البحر

وسلمى لى على ابو جلمبو ويجعلة عامر