الخميس 16-4-2009
اعزائي عزيزاتي وكل ولاد مصر الحلوين
ازيكم
اهلا بيكم في حلقة جديدة من نشرتنا بتاعة كل اسبوع اللي بيقدمهالكم
نيهـــــال و
Pink rose 
وإليكم في البداية العناوين:
* اديها كمان حرية
* حريق جديد في بولاق
* العلاوة جاية ياولاد
ودلوقتي مع التفاصيل:
اديها كمان حرية:
خطوة جديدة نحو تيتا حرية تخطوها حكومتنا الموقرة,حيث قامت بحبس عدد من اصحاب المدونات على الانترنت لقيامهم بالتعبير عن افكارهم بحرية واعلان سخطهم على الاوضاع الحاليةوعدم رضاهم عن الحكومة الغلبانة,وقالوا في مدوناتهم ان البلد بقى حالها لايسر عمرو ولا نجيب , وان اغلب الشعب بقى تحت خط الحلم, وان البلد كلها اتباعت وفلوسها خدتها الطياره وغرقت
تؤ تؤ تؤ تؤ
حد يقول كدة عن حكومتنا المفت..ااا قصدي الغلبانة؟
يعني هم هيقطعوا نفسهم؟ ماالوظايف على قفا من يشيل : سرق نهب قتل كله موجود, والسكن موجود: مقابر البساتين مش بعيدة,والمدارس فاضية:100طالب في الفصل مش كتير ياجماعة وكل حاجة تمام المواصلات رايقة جدااااا والبلد حلوة خاااالص والحاجات رخيصة اوييييي
لا لا لا لا
انتو كدة بتدلعوا
قال عايزين حرية قال
مش لما يعترفوا بإن الشعب المصري له حقوق زي باقي البني ادمين اللي في الدنيا
*******
حريق جديد في بولاق:
في اطار الجهود الرامية لتخفيض عدد السكان ومنع الانفجار السكاني, حدث منذ عدة ايام حريق جديد في أحد المباني التابعة لحي بولاق, ولم يستقر الرأي حتى الآن على اتهام الماس الكهربائي ام عقب السيجارة
ولم يصلنا تقرير حتى الان عن الضحايا والخسائر
واهو كله عشان مصر
*****
العلاوة جاية ياولاد:
اعلنت الحكومة الموقرة عن العلاوة المعتادة في شهر يوليو مبكرا , وذلك حتى يستعد التجار ويقوموا برفع الاسعار على مهلهم لمواجهة الزيادة الجديدة في المرتبات, يعني الموظفين هيعملوا بيها ايه يعني
واهو كله ياكل عيش ويسترزق
ودلوقتي مع عصفورة نيهال الشقية وأخبار ابن مصر
خدوا بالكم من اخباركم
مواضيع مشابهة 
النمط الخطي
