س/كم وجبه تآكل ب اليوم !
تلاته فى الغالب
س/ ماهي وجبتك المفضله [آللي مآ تقدرش تستغني عنهآ ]؟؟
ماعنديش وجبه مفضله , لكن بحب و بقدر جدا الأكلات البحريه
س/ أنت من النآس آللي يتضايقون إذا جآعوا ؟؟
نعم , و زيادة . الجوع بيأثر على حاله النفسية بالسلب
س/أول مآ تدخل السوبر مآركت أي قسم تشوف بطنك يوديك له بدون شعور
مافيش قسم معين بحب ألف و الف و أدرو و اشوف كله
س/هل صحيح مقولة [ الطريق إلى قلب الرجل معدته ] !
بالنسبه لى طبعا المقوله صح
س/إذآ دخلت البيت و أنت جوعآن ف مره ومآ لقيت الأكل جآهز ماهي ردة فعلك ؟
الأول , فى اول سنين الجواز , كنت بعمل مشاكل و اتضايق و أصرخ
دلوقتى خلاص إتعودت , إتعودت خالص وبقى الموضوع ده عادى
س/ ماهو الأفضل عندك أكل البيت أو أكل المطعم ؟!
البيت طبعا .احب أكل حافى من غير جزمه و ماحبش أشوف ناس غريبه حوالين منى بتاكل.
مش بحب أكل المطاعم ولا برتاح فى المطاعم إلا فى النادر .
س/تحب تآكل لوحدك أو تآكل مع جمآعه مع ذكر السبب؟؟
مع جماعه طبعا لإنى مش بحب أكل لواحدى بحس إنى كلب , لكن لما بيشاركنى
حد الإكل بشعر بالأنس معاه .
س/إذآ كنت من النآس آللي يحبون المحشي أي نوع من المحاشي تحب ؟!
بحب المحشى وأحب أنواعه محشى الكوسه . بس أنا عشان الجينات بتاعتى
صعيديه مش باكل محشى إلا فى المواسم . عكس كتير من اصحابى بياكلوه
أسبوعيا تقريبا
س/لو كنت معزوم تحب تكون العزيمه بوفيه ؟
طالما عزومه يبقى أحب أحترم نفسى و أظهر الامتنان ولا افكر فى طريقه تنظيم العزومه
أكيد أى حد هايفضل ياكل على طريقه a la carte
هى أغلى و افخم أنواع تقديم الأكل لأن الواحد بيقدر يطلب من القائمه اللى هو عايزه
وبيقدر يقول ويطلب الصنف اللى هو عايزه على الكيفيه اللى بيحبها
يعنى بينتقى من قائمه الطعام اللى بيحبه وبس , وكمان بيقدر يقرر كيفيه الطبخ
مشوى أو محمر .. الخ
تليها طريقه البوفيه المفتوح فى السعر والجوده
أكل كتير و أصناف كتيره والإختيارات كتيره ولكن تظل محصوره
فى اللى موجود على البوفيه .
أخر حاجه هى طريقه set minuet
وديه تشبه و تطابق كمان طريقه المصرين المشهوره , وفيها الواحد بيقعد
وبتنزل اصناف معينه للجميع دون أدنى أختيار منهم .
س/أنت من النآس آللي تحب تآكل بين الوجبآت ؟! إذآ كآنت إجآبتك نعم ايه تحب تآكل؟
لاءه مش بحب أكل بين الوجبات نهائى
و إن كنت كتير فى فترات معينه ( فترات سلبيه )
بميل إنى أكل بين الغدا والعشا
[ شوكلآتآت وَ لآ شيبسآت وَ لآ فوآكه ] !
لا ده ولا ده.. باكل تانى , يعنى أتسحب على المطبخ و اكل لى معلقتين تلاته من أكل الغدا
س/إذآ كآنت شهيتك مسدوده عن الأكل من تختآر من الأعضآء يآكل معك عشآن تنفتح شهيتك؟؟
إذا سمحت الظروف أحب أكل مع قيصر و اليكس وصعب المنال ومنينو ومحمد كمال و أيوب
وعمرو ود.لونلى ومتيم و نحلى بدكتور .حمود على شرط إن ضحى و نسرين و رُقيه وميسم هما اللى يطبخوا
س/ ماهي الطبخه آللي تضبطهآ و نفسك تعزمنآ عليهآ؟؟
كتيييييييييير . بطبخ كل حاجه إلا الحلويات .
أعزمكم على
مكرونه اسباحيتى بصوص الجمبرى
مع سمك فيليه مشوى
مولان تسلمى على الدعوه ويارب أكون وفقت فى الإجابه
مواضيع مشابهة 
النمط الخطي
