وجدتها وجدتها يا مصريين

[saveegyptfront]

بسم الله الرحمن الرحيم

بعد مشوار كده الى المرور ثم الى البيت وراجع تعبان جدا ولكن شدنى حاجه مش مصدق عينى علطوووول على ام الدش الجزيره العربيه الحره القدس رامتان الحوار الاقصى اعرف الاخبار كده على السريع حد يكون مات ولا حاجه واحنا مش واخدين بالنا


ولكن لقيت كذا حاجه غريبه تفتح الاقصى تلاقى اقصى كلمات الغضب من قياديى القسام على قتل الامن الداخلى فى الضفه لاثنين من قاده القسام فى الضفه وعاملين قلق جامد بتوع حماس وهانوقف الحوار بتاع القاهره وبتاع المهم الواحد اتشحن من ناحيه ابو مازن وبتاع اقلب على الجزيره الاقى عزام الاحمد نائب عن فتح بيقولك ودا كان كلام شريط اخبار الجزيره ان حماس قتلت 3 من الامن الداخلى بعبوه ناسفه ثم بعد كده اتقتل اتنين من حماس وواحد كان ماشى فى الشارع كمان اتقتل بالمره وهاتك زعيق من ممثل حماس وعزام لغايه ما اخواتى بصولى كده وعيونهم تقول الله يحرقك اقلب باه
فاستمعت الى نصيحتهم ورحت الى الوطنيه وحب النيل والكلام الى يخليك عايز تنام ده الى التليفزيون المصرى ولكن لم اصدق عيناى فوجدت على برنامج راجل محترم وهو رئيس قطاع الاخبار مستضيفين واحده محجبه من امريكا بتتكلم عن علاقه امريكا بالمسلمين انا عن نفسى ما يهمنيش الا اخواتى انهم بس الى يلبسوا حجاب وما تفرقش معايا اى حد فى الدنيا لابس ولا مش لابس
تعرف من الى فى الصوره دى
مصريه بس ايام الفراعنه

بس الموضوع شدنى لانه من النادر انك تلاقى ست محجبه (حجاب محترم مش اسبانش ) على التليفزيون المصرى وبعدين الست دى كانت بتتكلم بصراحه بثقه زائده والراجل بيحترمها على غير العاده من الاعلام المصرى الى على كون فيه المحجبات اما مجوزين ناس مسجونه او بيحضروا جنازه بالحجاب
المهم وعايز اكد عليها ان الموضوع ده مش جوهرى بالنسبه لى وباستهجن اى حد يكبر منه ويعمله حكايه على الرغم من ايمانى بفرضيته ولكن هناك حاجات تانيه اهم وصراحه انا اول ما شوفت اسمها اسمها داليه مجاهد الاسم انا سمعته قبل كده وجه فى بالى انها الى عينها اوباما كمستشاره ليه فى البيت الابيض لحقوق المسلمين بس قولت مش معقول يا جدعان ازاى دا لو واحده عايزين يعينوها فى التليفزيون تنسى انها تقدم نشره اذا كانت محجبه وجاءت الصاعقه على نفسى لما اتاكدت من ثنايا الحوار انها فعلا من شكيت عقول بصراحه انا ما بحبش اقول عن اى ست انها عاليه فى تفكيرها مش عادتى يعنى بس بصراحه الست دى بتتكلم باتزان رهيب فعلا ؤهلها لهذا المنصب العالمى وحطيت الناس علطووول على المحك مش موضوع الحجاب دا ده للى نظرته ضيقه عموما ايه الى مخلى امريكا لسه واقفه على رجليها رغم الطعنات التى تتلقاها من داخلها ومن خارجها يوميا انا شايف ان امريكا تحارب من داخلها انحلال اخلاقى غير مسبوق والعالم الخارجى كله كارهه

ولكن الحاجه الى عايشه عليها امريكا هى احترامها لكلمه انسان مجتهد انسان بيتعب مش هنا انسان من عيله انسان بواسطه وسطتك شغلك وسطتك هناك ابداعك وسطتك هناك ايمانك بالبلد انا قريت عنها مقال بدون صور لها كانوا بيسالوها عن انتمائها هل هو لامريكا ام لبلد ابوها قالت بالطبع وبدون دبلوماسيه زويل ولا حياء مجدى يعقوب ولا بتريقه فاروق الباز قالتلوهم انا اتولدت امريكيه وانا امريكيه حتى النخاع المهم طبعا كل ما الواحد بيسمع واحد بيتكلم علطووول بيظهرلوا صوره زهنيه اظنكوا انتم تشاركولى فى الصوره الزهنيه لشابه ترض اصولها العربيه مع احتفاظها باصلها الامريكى وفى لقاء النهارده سالوها عن ابنيها هلى هم يدرسون فى مدارس اسلاميه ام فى مدارس امريكيه طلعت مدخلاهم مدارس اسلاميه

المهم طلعت بعد اللقاء فى حاله عدم اتزان واعاده محاوله للتفكير احنا ليه خيبتنا ناقعه احنا ليه واقعين اوى كده احنا ليه ورااااا اوى احنا ليه ورا الناس دى ب100 سنه واذا بقدره قادر الاقى الاجابه فى وشى بعد ما اخواتى يقوموا بانقلاب على واخويا الى فى رابعه ابتدائى يقول كلمته المشهوره انت كل حاجه اخبار هات بانوراما مسلسلات وهناااك وجدت الحل ورجعلى اتزانى تانى شفت مسلسل بتعرض من نوعيه مسلسلات عادل امام التريقه على المشايخ ولكن هذه المره بطريقه وضيعه جدا فعندما يسؤل الشيخ الكلمه المستفزه لا تجادل يا اخى ولكن زاد الامر الى ان استشهد بايات من القرءان الكريم كقمه الاستخفاف بعقول الناس الى بتتفرج ثم ياتى دور البطل الذى توحى ملامح وشه الى عدم الاقتناع وسؤال بايخ انا رايح اشرب قهوه قاله الوضيع الى بيمثل دور شيخ القهوه حرااام عشان هى بتضر واستشهد بايه (احل لكم الطيبات 9 وقالك القهوه بتضر اذا هى من الخبائث ثم يساله البطل الهمان مع المعرفه ان هذا الذلى يمثل الشيخ يبيع فول هل الفول حرام وهاتك تريقه على ايات الدين الحنيف .............فقولت لاخويا الصغير وجدتها يا محمد وجدتها انا عرفت ليه احنا وراااااااااا خالص يا محمد وجدتها وجدتها وجدتها :crazy :